CafeZone

ලංකාවේ ක්‍රිකට් ක්‍රීඩාවේ වැටීමට සනත් ජයසූරියට තියෙන්නේ කර අරින්න බැරි දෝෂාරෝපණ..

2015දි සංගලා ටීම් එකෙන් අයින් උනාම අපි හැමෝම දන්නවා රික්තයක් හැදෙනවා කියලා. ඒ නිසා වැටෙන ක්‍රිකට් ගොඩ දාන්න ආදේශක හදන එක දිගු කාලීන වැඩක්. අන්න ඒ කාලේ ඉතාම ලොකු වගකීමක් තිබුන තේරිම් කමිටුවේ ලොක්කා තමා සනත් ජයසූරිය.

සනත් තේරිම් කමිටුව අරන් ඒකේ ඉඳලා කලේ දිගු කාලීන් සැලසුම් නෙමේ. සෝඩා බෝතලේ ඇරියා වගේ දවස ගානේ ප්ලේයර්ස්ලා ඉන්ටර්නැෂනල් අත ඇරලා දැම්මා. debute දුන්නා දුසිම් දෙකක් විතර. එක පාරක් එංගලන්තයේදි වමත් පේසි කෙනෙක්ට debute එක දුන්නා ඌ ආයෙම දැක්කෙත් නෑ. සනත්ගේ ඔය කෙලිය ඉවර උනේ මැච් ෆික්සින් පරීක්ෂණයක් ආරම්භ කරලා.

සනත් ICC පරීක්ෂණයට සහය නොදීම නිසා වසර දෙකක් බෑන් වෙනවා. ඊට පස්සේ සනත් ආයෙත් ක්‍රිකට්වලට රිංගන්න ගේමක් ගහනවා. මාධ්‍යවේදින් අල්ලගෙන ආසම්, රසල්ලා එක්ක ඉන්ටර්වීව් දිදි ඔන්ලයින් කෝච් කරන්න ගත්තා. 2023 වර්ල්ඩ්කප් එකේ exit එකත් එක්ක සනත්ට හම්බුනා කෝච්කම.

සනත්ගේ මූලිකත්වයෙන් ඊලඟට ක්‍රිකට්වල දියුණුවක් වෙනුවට කලේ කුඹුරු පිච්වල තරඟ දිනවලා ඒ ඒ දවසේ ආතල් දෙන එක. 2023 වර්ල්ඩ් කප් එකෙන් කාලා ඇවිත් කිව්වේ අපේ පිච්වල ගහලා ගිහින් ඉන්දියාවේ පිච්වල දිනන්න බෑ කියලා. එහෙම කිව්ව සෙට් එකම ආයේ කුඹුරේ සෙල්ලම් දැම්මා. තමන්ගේ සුච්ච කීකරු ගෝලයන්ට චාන්ස් දුන්නා. බෝඩ් එකට ඕනි පදයට නැටුවා. අනික් පැත්තට මිලියන ගාණක පඩියක් ගත්තා.

දැන් මූඩ් ගහලා ඉන්නවා දැකලා දුක හිතුනලු. මට නම් දුකක් නෑ.

සනත් කියන්නේ මාව ක්‍රිකට් බලන්න ආස කරපු ක්‍රීඩකයා. සනත් බැට් කරනවා බැලුවේ දොර රෙද්දෙන් එබිලා සනත් අවුට් වෙනවා දකින්න බය නිසා. ආදරේම ක්‍රීඩකයෙක් ඒත් තේරිම් කමිටු සභාපති හා කෝච් කෙනෙක් විදියට ලංකාවේ ක්‍රිකට්වලට කලේ negative දෙයක් මිසක් යහපත් දෙයක් නෙමේ

✒️ Vinod bhanuka

දැන් කණගාටුයි කියන්නේ

වැඩේ ලස්සනට යටින් යනවා..

ඒකනේ.... හැමදේම තේරුමක් තියෙනව... 🤌😁🤭

😂

සමුගැනීමේ මාධ්‍ය හමුවේදී කතා කරගෙන යද්දි එකපාරටම ට්‍රොට්ගේ කටහඬ වෙව්ලන්න ගත්තා. ඇස් දෙක කඳුළින් පිරුණා. වචන හිර වුණා. ඒ වෙලාවේ එතන හිටපු මාධ්‍යවේදීන් පවා තත්පර ගාණකට සම්පූර්ණයෙන්ම නිහඬ වුණා.

තමන් උපන් රට, තමන්ගේ ජාතිය නොවුණත්, මේ ඇෆ්ගන් කොල්ලො ටිකත් එක්ක එයා කොච්චර ගැඹුරු ආත්මීය බැඳීමක් ඇතිකරගෙන තිබුණාද කියන්න ඒ කඳුළු හොඳටම ප්‍රමාණවත්.

ක්‍රීඩාව කියන්නේ නිකම්ම සල්ලි වලට ගහන සෙල්ලමක් විතරක් නෙවෙයි. ඒක ඇතුළේ ජාති, ආගම්, දේශසීමා පරයා යන මහ පුදුම මනුස්සකමක් හැංගිලා තියෙනවා. ඉංග්‍රීසි ජාතිකයෙක් වෙච්ච ට්‍රොට්, ඇෆ්ගන් කොල්ලො වෙනුවෙන් කැමරා ඉස්සරහා හෙලපු ඒ කඳුළු බිංදු වලින් මුළු ලෝකෙටම දුන්නේ ඒ පණිවුඩයයි.

ඊයේ කැනඩාවත් එක්ක ගහපු මැච් එකෙන් පස්සේ ඇෆ්ගනිස්ථාන ඩ්‍රෙසිං රූම් එකේ තිබුණේ අමුතුම හැඟීමක්. ඉබ්‍රාහිම් සද්‍රාන් තමන්ට හම්බෙච්ච 'Player of the Match' සම්මානය කෙළින්ම අරගෙන ගිහින් එක මනුස්සයෙක්ගේ අතින් තිබ්බා.ඒ වෙන කවුරුවත් නෙවෙයි, අවුරුදු තුනහමාරක් තිස්සේ ඇෆ්ගනිස්ථාන ක්‍රිකට් ඉතිහාසය රත්තරනින් ලියපු එයාලගේ හෙඩ් කෝච් ජොනතන් ට්‍රොට්. ට්‍රොට් මේ යන්නේ සදහටම මතක හිටින ලොකු වැඩ කොටසක් කරලයි.

2023 එක්දින ලෝක කුසලානේ 6 වෙනි තැන, කිසිම කෙනෙක් නොහිතපු විදිහට 2024 T20 ලෝක කුසලානේ සෙමි ෆයිනල් එක... මේ හැමදේම පිටිපස්සේ හිටියේ මේ මාස්ටර් මයින්ඩ් එක. මේ සමුගැනීම අස්සේ ට්‍රොට් ලොකු කතාවක් මාධ්‍යයට කිව්වා. ඒක නිකම්ම සමුගැනීමක් නෙවෙයි, එයාගේ හිත පතුලේ අවුරුදු ගාණක් තිස්සේ හැංගිලා තිබුණු ලොකුම හීනයක් එළියට දැමීමක්.

ජොනතන් ට්‍රොට් කියන්නේ දකුණු අප්‍රිකාවේ ඉපදිලා එංගලන්තය වෙනුවෙන් ලේ දහඩිය හලපු කෙනෙක්. එංගලන්තය පිට පිට අළුබඳුන කුසලාන තුනක් උස්සද්දි, ලෝකයේ අංක එකේ ටෙස්ට් කණ්ඩායම වෙද්දි ඒකේ ප්‍රධානම කුලුනක් වුණේ ටෙස්ට් මැච් 52කදි සාමාන්‍යය 44ක් තියාගෙන හිටපු මේ ට්‍රොට් තමයි.

"මට ඊළඟට මොනවා වෙයිද කියලා මම දන්නේ නෑ. දවස් දෙක තුනක් නිදහසේ ඉඳලා, ඉතුරු මැච් ටික බලලා ඉන්නවා. හැබැයි කවදාහරි දවසක මගේ හදවතට ගොඩක්ම සමීප, මම ආදරය කරන කණ්ඩායමේ පුහුණුකරුවා වෙන්න මම මාරම ආසයි." ට්‍රොට් මාධ්‍ය ඉස්සරහා එහෙම කිව්වා.

මේ කියන්නේ වෙන කා ගැනවත් නෙවෙයි, එංගලන්තය ගැන. මේ වෙද්දි එංගලන්ත කෝච් බ්‍රෙන්ඩන් මැකලම් ඉන්නේ ලොකු පීඩනයක. මෑතකදි ලැබුණු අළුබඳුන පරාජයත් එක්ක මැකලම්ගේ පුටුව ටිකක් හෙලවෙමිනුයි තියෙන්නේ. ඉතින් ට්‍රොට් මේ ඉඟි කරන්නේ ඒ පුටුවටද?

කොහොම වුණත් යන ගමන් ට්‍රොට් ඇෆ්ගන් කොල්ලොන්ට වටිනා උපදෙසකුත් දුන්නා. "මම කොල්ලොන්ට නිතරම කියනවා, කෙළින්ම මැච් එකක් දිනන්න බැරි නම්, වෙනස් විදිහකට හරි, ඕනෑම විදිහකට හරි' දිනන්න පුරුදු වෙන්න කියලා. ඒ වගේම 2027 දකුණු අප්‍රිකාවේ තියෙන ලෝක කුසලානෙට යන්න කලින් පේස් එකට සපෝට් කරන පිච් වල ගහන්න හොඳ ෆාස්ට් බෝලර්ස්ලා ටිකක් හදාගන්නම වෙනවා."

සමහර වෙලාවට අපි කොච්චර සාර්ථක වුණත්, අපි අනුන්ගේ තැන් කොච්චර ලස්සන කළත්, අපේ හදවත ඉල්ලන්නේ වෙනම තැනක්. ට්‍රොට් අවුරුදු තුනහමාරක් ඇෆ්ගන් ක්‍රිකට් ලස්සන කළා. හැබැයි එයාගේ හදවත තාමත් තියෙන්නේ එංගලන්ත ඩ්‍රෙසිං රූම් එක ඇතුළේ. කවුද දන්නේ, ළඟදීම දවසක එයා ඒ හීනය හැබෑ කරගනීවිද කියලා.

ඔබේ අදහස කුමක්ද? 👇
කමෙන්ට් කරගෙන යන්න! 💬
🔅ක්‍රිකට් ගැන උනන්දු කෙනෙක් ෆලෝ කරන්නම ඕනි පේජ් එකක් මේක 👇
- අපේ දේ✅

මනුවර්ණව වඩා ගත්තා 😂😂