INDRA

ගොඩක් තැන්වල ඇඬූ ස්වරයෙන්
කියන දේවල් තියනවා
අඬන්නැතුවම හිනාවීගෙන ඒවා
අපි තලු මරනවා
ගහෙන් ගහකට පනින රිලවෙක්
වාගේ අපි මෙහෙ දුවනවා
හිතන්නැතුවම වේදනාවන් ඇඟේ
ඇවිදින් වදිනවා

මතක් වෙනකොට කරපු දේවල්
නුඹේ ඇස් අද තෙමෙනවා
උඹත් ඔහොමම කරන් පලයන්
මගේ හිත බොට කියනවා
නොයෙක් දේවල් හදා බැලුවත්
නැවැත්මක් එහි තියනවා
නැවැතුමක් ඇති නොවුන හින්දා
ගැබක් අරහේ වැවෙනවා

කියන්නට පෙර නොකීවත් මම
නොකියා උඹ හට කියනවා
කරන නොකරන හැම දෙයක්
උඹ හොයලා බලලා කරනවා
නොදැන ඉන්නවා වගේ හිටියත්
උඹ ගැනම මම දන්නවා
අල්ලගත් අත අරන් පලයන්
උඹට මම නෑ දන්නවා

🌱 ඉන්ද්‍ර

වෙලාවකට මට හිතෙනවා
ඔන්න ඔහෙට දුවලා එන්න
දුවලා ඇවිත් උඹව බලල
උඹ ගැන කවියක් ලියන්න

නැතත් කියන්නට දෙයකුත්
ඔය හඳවත ඉඹලා යන්න
දකින දකිනවිට ඔය රුව
හරි ආසයි බලන් ඉන්න

අඳුර රැගෙන එන ඇඳිරිය
මැදින් උඹව අරන් යන්න
අරන් ගිහින් ආස ආස
කතා උඹෙන් අසාගන්න

පුංචි පැටියා සේ උන්නත්
හරිම සැරයි උඹෙ ඔය කට
ඊට වඩා හරි ආසයි
කේන්ති යනහැටි බලන්න

මොනවා දකින්නට හිතුනත්
ආසම නෑ මම දකින්න
ඔන්න ඔහේ මෙන්න මෙහේ
කියලා වගේ ඉන්නවාට

තරහා නැතත් පැත්ත ගැහිලා
ඉන්න විදිය මම දැක්කම
අනං මනං කතා කියලා
උඹව යකා ගස්සවන්න

හිතලා හිතලා හති වැටුනම
මටත් ගහලා නිදාගන්න
ආයෙම ඇහැරිලා බලලා
මගේ ලඟින් තුරුල් වෙන්න

හිතට මොනවා දැනුනද මම
ඉන්නවා ඔය රන්කඳ ලඟ
නොහිත හොඳට නිදාගන්න
කන්නකී එන්නකෝ අස්සට

🌱 ඉන්ද්‍ර

Everyone minds their business. It's real. I like it

මිනිස්සු ජීවත් වෙන්නනම් නිදහස් මනසක් තියෙන්නම ඕන. ඒක මිනිස්සු විසින්ම හොයාගන්න ඕන දෙයක්. හොයාගන්නවාටත් වඩා සමහර වෙලාවට ඒක අපිට ඉබේටම හමුවෙනවා.

දන්නවද දෙයක්....

ඔයාට පුලුවන් නිදහස් මනුස්සයෙක් වෙන්න. මේක සමාජ බැඳීම් එක්ක තියන නිදහසක් නෙමෙයි. මම මුලින් කිවුවා වගේ මානසික නිදහසක් තියන මනුස්සයෙක් වෙන එක.

ඉතින් කොහොමද ඒක කරන්නේ?

ලොකු දෙයක් නෑ. තමා තමන්ගේ ගැන වගබලා ගන්න. හරි සිංහලෙන් කිවුවොත් "Mind your own business" කියන දේ. කරලා බලන්න. එක දවසකට අන් අයගේ කුණු ගැන නොහිතා, හොයන්නේ නැතුව, කතා නොකර ඉඳලා බලන්න. ඔයාගෙ ජීවිතේට මොන තරම් සැනසීමක් ලැබෙනවද කියලා. ඇත්තටම කිවුවොත් ඔයාට දැනෙයි පුදුමාකාර සතුටක්.

හැම වෙලාවකම මතක තියාගන්න. ඔයාගෙ වටපිටාවේ ඉන්න කිසිම කෙනෙක් ඔයාගේ නෙමෙයි. අඩුම තරමේ ඔයාගේ පවුලේ අයවත් ඔයාගේ නෙමෙයි. ඒත් ඔයා හැමදාමත් ඔයාගේ.

ඒ වගේම ඔයා ගැන අනිත් අයටත් එහෙම දැනෙයි. සැනසීමක් දැනෙයි. ඔයාව ප්‍රියමනාප කෙනෙක් වෙයි. ඔයා කාගෙවත් ජීවිතේ වීරයෙක්වත් හතුරෙක්වත් වෙන්නෙ නැති වෙයි. ඒත් හැමෝටම ආස හිතෙන මනුස්සයෙක් වෙයි ❤️

ඒ වගේම මතක තියාගන්න. ඔයා ගන්න තීරණ හැම දේකම ප්‍රතිවිපාකය ඔයාම බාරගන්න ඕන. ඒක හොඳ උනත්, නරක උනත්. ඒකත් ඔයාගෙම කරගෙන ඉන්න. මොකද මේ ජීවිතේ ඔයාගේ. ඔයා ඒ රස විඳින්න.

Nontoxic ජිවියෙක් වෙන්න ඔයාට කරන්න පුලුවන් හොඳම දේ "එයාට හොඳනම් මට මොකද?" කියන ප්‍රශ්නය ඔයාගෙන්ම අහන එකයි.

"Everyone minds their business. It's real. I like it." කියලා ජපානය ගැන Monarch එකේ ජීවත් වෙන May කියන්නේ නිකන් නෙමෙයි ❤️🌼

ඉන්ද්‍ර.....

හිත හරිම මුරණ්ඩු වෙලා.
දේවල් ගැන හිතන්නම කියලා කියනවා
කවි පද ලියනවටත් වඩා
දේවල් අහන් ඉන්න කියනවා
හිත හරි මුරණ්ඩු වෙලා.

ඉන්ද්‍ර....

දිනට මොහොතක විඳින හැඟුමක්
දකින මොහොතෙම නැවතෙනම හිතක්
මටත් තියෙනවා දැනෙන මොහොතක්
නුඹ ලඟම හද තියන වරුවක්

නොකීවාට මා වචන දහසක්
සඟව ගත්තද හැඟුම් පොදියක්
හඳක් අහසට ඕන තරමට
මටත් නිතරම දැනෙයි නුඹවත්

නිතර නොදකින දෑස දැනටත්
දැනුත් හිත අග තියෙයි මගෙනම්
නොලැබුනොත් හද බිඳෙයි නුඹනම්
නොහිත ඉන්නට හිතෙයි මටනම්

දැනෙන දේ නොකියමී අද මං
හැඟෙන දේ සඟවමී දැනටත්
නොලැබෙනා බව දනිමි නුඹවත්
හිඳින විදියට සිටිමි මමනම්

ඉන්ද්‍ර..... 💖

ජීවිතේ හරියට මහ මුහුද වගේ.....
කාටවත් නොදැනීම
ඔහේ පාඩුවේ හිඳ
ආදරය ජීවිතය
වේදනා දරාගෙන
හැමදාම එක සේම
වේදනාවක් නොදී
ඔහේ රැළි නගාගෙන
පාඩුවේ බලන් ඉන්නවා...

ඒත් තව කෙනෙක්ගේ
ජීවිතේ සොරාගෙන
වේදනා ගලා දෙන
හෝරාව හෝරාව
කඳුළු කැට දීගෙනම
මහ රළක් දිවියටම
රිද්දවනවා...

ඒ මොක කොහොම උනත්...
තවත් සමහර දාක
ඔහේ කල් ගෙවාගෙන
හීන පොදි කඩාගෙන
එකින් එක මව මවා
අපේ රූපය දිහා බලා ඉන්නවා.....

ඒ නිසා තමයි
අපි හැමෝම අපි හැමෝටම
මුණ ගැහුන නොගැහුන
මහ මුහුද වගේ කිවුවේ......

ඉන්ද්‍ර.... 💖

මතක හෙමිහින් දෙන වේදනා
දවයි හද හෙමි හෙමින් නොදැනිම
නොමද සෙනෙහස දුන් නිසාමද
නිහඬ වූයේ ඔබ මෙදා සඳ....

නැත හිතෙන්නේ කිසි දෙයක් අද
සිසිල් වී නිමුනා මගේ ලය
හෙමින් ගලනා ලේ බිඳක් මත.
නිවයි ගිනිදැල් එකිනෙකට මම....

හිතන්නත් බෑ මමද මේ අද
එදා නුඹ නැතිවම බැහැනෙ මට
තනිකමට පෙම් කරනවා අද
කුමකටද පෙම් දිනක් දැන් මට....

නොහොබිනා හිත හිතයි නුඹ ගැන
එහෙත් මා හද දරඳඩුය අද
දින ගනන් කෙරුවත් එදා මම
නුඹ නොඑයි මා දනිමි මා අද....

ඉන්ද්‍ර... 💔🍂🥀

මොහොතකට දුර බලන්
ලඟ අඳුර දුරු කරන්
හුස්ම පොද තද නොකර
සුලඟ මා වට කරන්

සිසිල හද ලං කරන්
සිහින ලොව තනි කරන්
කවදා එනවාද ඒ දින
ඇඟිලි මත තද කරන්

වචන නැත තව මටත්
හදට අවැසී එයත්
නුඹ සමග ගෙවන දින
එකිනෙකින් ගිලිහියන්

දිනක් එයි මට හෙටත්
ගෙවන්නට කල් ටිකක්
එතෙක් මා නතර වෙමි
රැලි අතරෙ උඹ හොයන්....

ඉන්ද්‍ර.... 💖💔

සමහර නිහඬකම්
හිත් අවුලන්න
හරි හරියට දස්සයි

ඒ නිහඬකම්
ආලයම නොවෙන්නැති
මිතුදමක් වෙන්න ඇති

එහෙම නිහැඩියාවෙන්
හිත් ගිනිගත්තම
හිතාගන්න බැරි

ඇයි එහෙම උනේ
මං මොකද කරේ
ඇයි මටම වෙන්නේ

එහෙම හිත් නිවෙන්න
හරි හරියට
බලාගෙන ඉන්නවා

ඒක මම දන්නවා

ඉන්ද්‍ර... 💔

අහිමි වීම

කාලෙකින් දැනෙන දේ
හෙමි හෙමින් ලැබෙන දේ
කෙලවරක් ඇති නමුත්
කෙලවරට දුර ඇතත්
ගල් ගැසුම් වැදි වැදී
සුනු විසුණු වී

දුර ඈත විසි වෙලා
දුර තියා දැක දැකත්
හෙමි හෙමින් මැකි මැකී
නොපෙනීම ගියා මෙන්

ප්‍රියයෝ ද වෙන් වෙතී
අනෙකුන් ද ලං වෙතී
වෙලාවට කලින් දැං
වෙන් වීම යයි ඉතින්

ඒ තමයි හිත දන්න
ඒ තමයි මට දැනෙන
දරාගත නොහැකි දේ
"අහිමි වීම"

ඉන්ද්‍ර... 💔