News Plus

අද(24), හෙට (25) අනිද්දා 26 කාලගුණය නරක අතටඅද(24), හෙට (25) අනිද්දා 26 කාලගුණය නරක අතට. බොහෝ ප්‍රදේශවල වැසි සහ සුළං තත්ත්වයේ වැඩිවීමක් ඇති විය හැකි බව කාලගුණ විද්‍යා දෙපාර්තමේන්තුව නිවේදනය කරයි.
--2022.12.24

නියෝජ්‍ය පොලිස්පතිවරයෙකුගේ සාදයකට ගොස් බීමත්ව ඉන්පසුව බම්බලපිටියේ රාත්‍රී සමාජ ශාලාවකට වැදී එහිදීද මත්පැන් පානය කර පොලිස් පාට් දැමීමට ගිය කොළඹ අපරාධ කොට්ඨසයේ නිලධාරින් 08 දෙනෙකු සමාජ ශාලාවේ ආරක්ෂකයින්ගෙන් දැඩි පහර කෑමට ලක්ව තිබේ.
පොලිස් පරීක්ෂකවරුන්, සහකාර පොලිස් පරීක්ෂකවරුන් සහිත මෙම පොලිස් කණ්ඩායම පහරකෑමෙන් පසුව එහි නිලධාරින් දෙදෙනෙකු යතුරුපැදි අනතුරක් බව පවසා කැලණියේදී රෝහල්ගතවද තිබේ.
කෙසේවෙතත් සිද්ධිය ගොඩින් බේරාගැනීමට පාර්ශව කිහිපයක් දැඩි උත්සාහයක යෙදෙන බව වාර්තා වේ.

“කඳුරට දෙමළ ජනයා මේ රටට අරගෙන ඇවිත් ලබන අවුරුද්දට අවුරුදු දෙසීයක් වෙනවා.මේ රටේ ජාතික ආර්ථිකය ශක්තිමත් කරන්න අපේ අම්මලා අප්පලා, සහෝදර සහෝදරියෝ තේ වතු වල අනෙක විද දුක් වින්දද. අදත් දුක් විඳිනවා.
හැම දේශපාලන පරම්පරාවම අපේ ජනතාව රැවට්ටුවා. අපේ ඡන්දයෙන් හවුල් ආණ්ඩු හදාගෙන වරදාන වරප්‍රසාද ලබා ගත්තා. අඩුම ගානේ දෙන්නං කියලා පොරොන්දු වෙන කිසිම දෙයක් අපිට ලබා දුන්නේ නැහැ. මේ මෑතකම පොරොන්දු වුණු සොච්චම් රුපියල් දාහවත් හරියටම අපිට දෙන්නේ නැහැ.
එහෙම තත්වයක් තියෙද්දී තමයි මේ ආයෙත් පාරක් අපිට උපහාර තියන්න ආණ්ඩුවට පපුව උණු වෙලා තියෙන්නේ. අපි දන්නවා ආණ්ඩුවල උපහාර ගැන. මල් මාලා දායි. ටකරං බෙදයි. කක්කුස්සි පෝච්චි දෙයි. දොස්තරලා නර්ස්ලා ගෙනත් බොරුවට වෛද්‍ය සායන තියයි. අපේ ළමයින්ගේ ඔළුව අතගායි. සතපහකට වැඩක් නැති කඩදාසි සහතිකයක් දෙයි.
අපිට මේවා එපා. අපි කව්රුවත් මේවා ඉල්ලුවේ නැහැ. මුළු රටක්ම බඩගින්න වෙනුවෙන් ඒකට එරෙහිව සටන් කරද්දී කෝටි ගාණක් මේ වගේ බොරු උපහාර වෙනුවෙන් වියදම් කරන්න ආණ්ඩුවකට කොහෙන්ද සල්ලි. මොකෝ නරේන්ද්‍ර මෝදි දෙනවද.
ඒ නිසා අපි ආණ්ඩුවට කියන්නේ දැන්වත් මේ බොරු ෂෝ එක නවත්තන්න. ණයට අරං මඟුල් කන්න ලෑස්ති වෙන්න එපා. කානිවල් එපා. රටේ හැමෝටම තුන්වේල කාලා, ලෙඩකට දුකකට බෙහෙත් ටික අරගෙන, දරුවන්ට උගන්නගෙන, නිදහසේ ජීවත් වෙන්න පුළුවන් රටක් දෙන්න.”
---සමස්ත ලංකා වතු කම්කරු සංගමයේ සභාපති කිට්නන් සෙල්වරාජ්

2023 IPL තරගාවලියේ ක්‍රීඩක වෙන්දේසිය ඊයේ (23)පැවැත්විණි.
මෙවර වෙන්දේසියේදී තුන් ඉරියව් ක්‍රීඩකයන්ට වැඩි ඉල්ලුමක් හිමිවී තිබේ.
නවක එංගලන්ත ක්‍රීඩක සෑම් කරන් ඉන්දීය රුපියල් කෝටි 18.5 වූ IPL ඉතිහාසයේ වැඩිම මිලක් හිමිවූ ක්‍රීඩකයා ලෙස වෙන්දේසි වෙද්දී එංගලන්ත සුපිරි ජ්‍යෙෂ්ඨ ක්‍රීඩක බෙන් ස්ටොක්ස් තෙවන වැඩිම මිල වූ ඉන්දීය රුපියල් කෝටි 16.25 කට වෙන්දේසි වී තිබේ.
දෙවන වැඩිම වෙන්දේසිය (ඉන්දීය රුපියල් කෝටි17.5) හිමිවුයේ ඕස්ට්‍රේලියානු නවක ක්‍රීඩක කැමරන් ග්‍රීන් ටයි.
මෙවර ක්‍රීඩක වෙන්දේසිය සඳහා ඉන්දීය රුපියල් කෝටි 167 ක් වැයකර තිබේ.
--2022.12.24

උතුරු, නැගෙනහිර මුහුදේ ධීවර කටයුතුවලින් වළකින්නැයි කාලගුණ විද්‍යා දෙපාර්තමේන්තුව ජනතාවගෙන් ඉල්ලීමක් කරනවා.
තවද මධ්‍යම කඳුකරයේ බටහිර බැවුම් වල අධික මිදුම පවතින නිසා මාර්ග භාවිතයේදී සැළකිලිමත් වන්නැයි වැඩිදුරටත් දැනුම්දෙනවා.
--2022.12.24

දිවයින පුරා සුරාසැල් හෙට (25) වසා තැබෙන බව, සුරාබදු දෙපාර්තමේන්තුව පවසයි.
සංචාරකයින් සඳහා සේවා සපයන හෝටල, ආපන ශාලා සහ තානායම්වල පමණක් මත්පැන් අලෙවි කරන ස්ථාන හෙට විවෘතව තැබෙන බව සුරාබදු දෙපාර්තමේන්තුව වැඩිදුරටත් පවසයි.
--2022.12.24