Fast News

ශ්‍රී ලංකා ප්‍රජාතාන්ත්‍රික සමාජවාදී ජනරජයේ නව අග්‍රාමාත්‍යවරයා ලෙස දිනේෂ් ගුණවර්ධන මහතා මීට සුළු මොහොතකට පෙර දිවුරුම් දුන්නා.

නව ජනපති ලෙස තේරී පත් වූ රනිල් වික්‍රමසිංහ මහතාට සුබ පැතුම් එක් කරන බව හිටපු අමාත්‍ය නාමල් රාජපක්ෂ මහතා පවසනවා.

ඒ ට්විටර් පණිවිඩයක් නිකුත් කරමින්.

එසේම රට තුළ ආර්ථිකයේ ස්ථාවරත්වය සමග නීතිය හා සාමය ස්ථාපිත කිරීමේ කර්තව්‍ය නව ජනපති රනිල් වික්‍රමසිංහ මහතා සතු බව ද එම ට්විටර් පණිවිඩයේ සඳහන්.

ඊට අමතරව රටේ ඉදිරි කටයුතු සාර්ථවක සිදු කිරීමට ත්‍රිවිධ රත්නයේ ආශීර්වාදය සහ මගපෙන්වීම ලැබේවා ලෙසද එහි දක්වා තිබෙනවා. මෙවැනි පුවත් මුලින්ම දැනගන්න අපිව ලයික් 👍 කරන්න

Fm & Tv update sri lanka මේ පේජ් එකට හැමෝම ලයික් කරන්න 👍

😪😪

ලංකාවේ රූපවාහිනි විකාශය ඩිජිටල්කරණය වෙන හැටි
========================>>

ශ්‍රී ලංකාවේ රූපවාහිනි විකාශන ඩිජිටල්කරණ ව්‍යාපෘතිය නිල වශයෙන් ආරම්භ කිරීමේ අවස්ථාව ඊයේ කොළඹදී පැවැත්වුණි. ජපානයේ ජයිකා (JICA) මූල්‍ය හා තාක්ෂණික ආධාර යටතේ ජනමාධ්‍ය අමාත්‍යංශය විසින් සැලසුම් කොට මෙම ව්‍යාපෘතිය ක්‍රියාත්මක කරන බව සඳහන් වෙයි.

මෙම නව ඩිජිටල්කරණය ඔස්සේ රූපවාහිනි සංඥා දුර්වලතා ඉවත් කරමින් ප්‍රේක්ෂකයාට එක් තනි ඇන්ටෙනාවක් ටොදා ගනිමින් සුපැහැදිලි දසුන් සහිත වැඩසටහන් නැරඹීමේ අවස්ථාව ලැබේ.

තව ද රූපවාහිනි ආයතන වෙත අඩු පිරිවැයකින් සිය විකාශන කටයුතු සිදු කිරීම අවස්ථාව හිමිවේ.

එසේම මේ ක්‍රමවේදය ඔස්සේ දැනට භාවිත සංඛ්‍යාත බොහෝමයක් නිදහස් වන අතර, ඒවා නව නාලිකා ඇරඹීමට හෝ වෙනත් සන්නිවේදන කටයුතු පුළුල් කිරීම සඳහා යොදා ගත හැකිය.

DTTB හෙවත් Digitel Teresstrial Television Broadcasting ලෙස මෙම තාක්ෂණය හඳුන්වා දී තිබේ. මේ හරහා රටෙහි සෑම තැනකම වෙසෙන ජනතාවට HD මට්ටමේ රූපවාහිනි නාලිකා කිසිදු අපහසුතාවකින් තොරව නැරඹීමේ අවස්ථාව හිමි වන බව ජනමාධ්‍ය අමාත්‍යංශය පවසයි. “පැහැදිලිවම, පැහැදිලියි” යන තේමාව යටතේ මෙම ව්‍යාපෘතිය ක්‍රියාත්මක වෙයි.

ශ්‍රී ලංකාවේ රූපවාහිනි විකාශනය ඩිජිටල්කරණය පිළිබඳ අදහස් දැක්වූ එම ව්‍යාපෘතියේ අධ්‍යක්ෂක ප්‍රසන්න රාජපක්ෂ මහතා, මෙය වසර 40ක් පුරා මෙරට පැවැති ඇනලොග් රූපවාහිනි විකාශනයේ දැවැන්ත හැරවුම් ලක්ෂයක් බව පවසා සිටියේය.

“අද වන විට රට පුරා ඇති රූපවාහිනි ග්‍රාහකයන් අතරින් 55%ක්ම ඉන්නේ මේ ඇනලොග් තාක්ෂණය හරහා සිදුකරන විකාශන කටයුතු නරඹන පිරිස. එය රට පුරා ලක්ෂ 30කට ආසන්න නිවාස ප්රයමාණයක්. ඒ වගේම 27%ක ප්‍රතිශතයක් චන්ද්‍රිකා රූපාවාහිනි විකාශයන්, 9%ක් IPTV විකාශයන් සහ 9%ක් කේබල් රූපවාහිනි විකාශයන් නරඹනවා. මෙතැනදී පැහැදිලි රූපරාමු නැරඹීම පිළිබඳ වැඩිම බලපෑම තියෙන්නේ 55%ක්වන ඇනලොග් ප්‍රේක්ෂකයාට. ඔවුන්ගේ එම ගැටලුවට විසඳුමක් විදියට තමයි මේ රූපවාහිනි විකාශන ඩිජිටල්කරණය හඳන්වා දෙන්නේ.” යනුවෙන් ඒ මහතා පැවසීය.

මෙම DTTB තාක්ෂණය ඔස්සේ දැනට එක් ඇනලොග් රූපවාහිනි නාලිකාවක් විකාශය කරන සංඛ්‍යාතයක් ඔස්සේ HD මාදිලියේ ඩිජිටල් නාලිකා 6ක් විකාශය කිරීමේ හැකියාව ඇත. ඒ අනුව මේ ක්‍රමවේදය ඔස්සේ වටිනා සංඛ්‍යාත බොහෝමයක් නිදහස් කරගැනීමේ අවස්ථාව පවතින බවත්, දැනට නව නාලිකා ආරම්භ කිරීමේදී පවතින සංඛ්‍යාත ගැටලුවට ඉන් පිළියමක් ලැබෙන බවත් රාජපක්ෂ මහතා සඳහන් කළේය.

“අද අපේ රටේ රූපවාහිනි නාලිකා සියල්ලක්ම පාහේ නිෂ්පාදන කටයුතු සිදු කරන්නේ ඩිජිටල් තාක්ෂණය හරහා. එහෙත් ගැටලුව වුණේ,එය විකාශනය කිරීමේදී ඩිජිටල් තාක්ෂණය යොදා නොගැනීමයි. ඊට පිළියමක් තමයි මේ හරහා සිදු වන්නේ. අද අපේ රටේ විකාශන කටයුතු සිදුකරන රූපවාහිනි නාලිකා සංඛ්‍යාවට අවශ්‍ය වන්නේ සංඛ්යාත 6ක් පමණයි.”

මෙහිදී එම ඩිජිටල් රූපවාහිනි විකාශන තාක්ෂණය ග්‍රහණය කර ගැනීම සඳහා අවශ්‍ය Set Top Box මිලදී ගැනීමට සියලුම පාරිභෝගිකයන්ට සිදු වෙයි. එම යන්ත්‍ර ජපාන තාක්ෂණය යටතේ මෙරට තුළදී නිෂ්පාදනය කිරීම සඳහා වන රාජ්‍ය පෞද්ගලික හවුල්කාරීත්ව ගිවිසුමක් සම්බන්ධයෙන් දැනටමත් අවධානය යොමු කර ඇතැයිද ව්‍යාපෘති අධ්‍යක්ෂකවරයා මෙහිදී සඳහන් කළේය. එසේ නොමැති නම් වෙනත් වෙළෙඳ පොළකින් පහසු මිලකට එම උපාංගය ආනයනය කිරිමක් සිදු කරන බවත් මෙහිදී අනාවරණය කෙරිණි.

“මෙම ව්‍යාපෘතිය යටතේ 2023 වසරේ සිට 2025 දක්වා කාලය ඩිජිටල්කරණය සඳහා හුවමාරුවීමේ කාලය ලෙස හඳුන්වනවා. එතැනදී 2023 වසරේ සිට කොළඹ නෙළුම් කුළුණ ප්‍රධාන කරගනිමින් මේ විකාශනය ඇරඹීම සැලසුමයි. ඒ වගේම රට පුරා පිහිටුවන අනෙකුත් ප්‍රධාන විකාශන මධ්‍යස්ථාන 16 සම්පූර්ණයෙන්ම ඉදිකර අවසන් කරනවා. ඒ අනුව 2025 වනවිට සම්පූර්ණයෙන්ම රටම මේ ඩිජිටල්කරණයට හුවමාරු කිරීම සැලසුමයි.

එසේම 2025 සිට 2027 කාලය තුළදී ඇනලොග් සේවාව සම්පූර්ණයෙන්ම ක්‍රියාවිරහිත කිරීමේ කටයුතු සිදු වෙනවා. එහිදී 2024 වසරේදී මෙම ඩිජටල් හුවමාරුවේ පළමු අදියර සම්පූර්ණ කිරිමත්, 2026 දී එම හුවමාරුව රටම ආවරණය වන පරිදි සම්පූර්ණ කිරීමත්, 2026 වසර අවසානයේ දී රටෙහි සියලුම රූපවාහිනි ප්‍රේක්ෂකයන් ඩිජිටල් වෙත හුවමාරුවීම සුරක්ෂිත කිරීම මෙහිදී සිදු වෙනවා.

එසේම 2027 වන විට සියලුම ඇනලොග් රූපවාහිනි විකාශයන් සම්පූර්ණයෙන්ම නවත්වා දැමීමත් සැලසුම වී තිබෙනවා.” යනුවෙන්ද රාජපක්ෂ මහතා සඳහන් කළේය.

Digital TV
බලන්න නම්
==========>>

ලංකාවට දැනට හඳුන්වා දීලා තියන ඩිජිටල් tv system එක ජපානයේ ISDB-T ක්‍රමය.

දැනට ලංකාවට අ⁣ළෙවි කරලා තියන බහුතරයක් ඩිජිටල් රූපවාහිනී සහය දක්වන රූපවාහිනී යන්ත්‍ර මේ ක්‍රමයට සහය දක්වන්නේ නැහැ.

කොහොම උනත් 2023 වසරේ දී ඩිජිටල් රූපවාහිනී සේවා ආරම්භ කරන නිසා ඉදිරියේ දී රූපවාහිනී යන්ත්‍ර මෙරටට ගෙන්වන විට ISDB T ක්‍රමයට සහය දක්වන රූපවාහිනී යන්ත්‍ර ආනයනය කිරීම වැදගත් වෙනවා.ඒ සඳහා අපට වසරක කාලයක් තියනවා.

කෙසේ වුවත් රූපවාහිනී ප්‍රේක්ෂකයන්ට ඩිජිටල් රූපවාහිනී ක්‍රමවේදය හඳුන්වා දීමට ඒ සඳහා වන STB (Set Top Box) සහන මිලට ලබා දීම අරමුණ බව ඩිජිටල්කරණය පිළිබඳව හඳුන්වා දුන් මාධ්‍ය සාකච්ඡාවල දී ප්‍රකාශයට පත් කෙරුණා.

වැදගත්ම කාරණය වන්නේ මෙම STB එක මිල දී ගන්නට යම් මුදලක් වැය කළත් ඔබට රූපවාහිනී සේවා නැරඹිමට පසුව කිසිදු මුදලක් වැයකරන්නට වන්නේ නැහැ.

මෙම STB එක මිල දී ගත් පසුව එය අදාල කේබල් භාවිත කොට ඔබේ රූපවාහිනිය සමඟ සම්බන්ධ කළ යුතු වෙනවා.ඔබ දන්නවා දැනටමත් ඩයලොග්,පියෝ tv වැනි සේවා සඳහා මේ වගේ STB භාවිත කරනවා.

ඩයලොග් වගේ සේවාව ලබාගන්න dish එකක් භාවිත කළ යුතු වෙනවා.ඒත් ඩිජිටල් රූපවාහිනී සඳහා අපි පාවිච්චි කරන්නේ සාමාන්‍ය ඩිජිටල් සිග්නල් ලබාගත හැකි ඇන්ටනාවක්.

ඩයලොග් වල නාලීකා ලබා ගැනීමට අදාල ඩිෂ් එක නිසිපරිදි ස්ථාපනය කිරීමට විශාල වෙහෙසක් දරන්නට ඕන.නමුත් ඔබට ඩිජිටල් රූපවාහිනී සංඥා නිසි පිරිදි ලැබෙනවානම් කළ යුතු කාර්යය වන්නේ අදාල ඇන්ටනාව සංඥා තත්ත්වය පරික්ෂා කරමින් නිසි පරිදි ස්ථාපනය කිරීම.මෙය සරල හා පහසු කාර්යයක්.

ඉන් පසුව STB Box එකෙන් අදාල නාලීකා සුසර කරගැනීම කරන්න පුළුවන්.

2023 වස⁣රෙන් පසුව ඔබට මේ අත්දැකීම ලබාගන්නට පුළුවන්.

ඉදිරියේ දී රූපවාහිනී මෙන්ම ගුවන් විදුලි නාලීකාත් මෙලෙස ඔබට ඩිජිටල් ක්‍රමය ඔස්සේ සවන් දිය හැකිවුනු ඇති.

අපිත් තවදුරටත් මේ ක්‍රමවේදය පිළිබඳව ඔබට ඉදිරියේ දී පැහැදිලි කරනවා.

රැදී සිටින්න.

මෙරට රූපවාහිනී විකාශය ඇනලොග් ඩිජිටල් වෙයි අලුතින් චැනල් 200ක්
============================>>>

මෙරට යල්පිනූ තත්ත්වයෙන් යුතු තාක්ෂණයක් ඔස්සේ දැනට මෙරට පවත්වාගෙන යන රූපවාහිනී විකාශන ක්‍රමවේදය (Analog) ඉන් මුදාගෙන නව ලොව සුපිරිතම තාක්ෂණය වෙත පරිවර්තනය කිරීමේ දැවැන්ත මහා පෙරළිය රූපවාහිනී විකාශ ඩිජිටල්කරණය කිරීමේ ව්‍යාපෘතිය (Digital) හෙට (28) කොළඹදී ආරම්භ කෙරේ.

“සුපැහැදිලි දසුනින් අනාගතය දකින්නට සුවහසක් ශ්‍රී ලාංකේය රූපවාහිනී ප්‍රේක්ෂක ජනතාවට මංපෙත් විවර කරමින්” මෙම ඩිජිටල්කරණ ව්‍යාපෘතිය හෙට ප.ව. 7ට කොළඹ, ටාජ් සමුද්‍රා හෝටලයේදී ආරම්භවේ

ජපාන රජයෙන් ශ්‍රී ලංකාවට දෙන සුවිශේෂ මූල්‍ය පහසුකමක් යටතේ නව ව්‍යාපෘතිය ආරම්භ කෙරෙන අතර, මෙයින් මෙරට රූපවාහිනී නාලිකා විකාශකයන්ට, ප්‍රේක්ෂකයන්ට හා පොදුවේ මුළුමහත් ජනතාවටම සුවිශාල වරප්‍රසාද සහ ප්‍රතිලාභ අත් වෙයි.

මෙම අභිමානවත් අවස්ථාවට ජනමාධ්‍ය ඇමැති ඩලස් අලහප්පෙරුම මහතා ප්‍රධාන ආරාධිතයා වශයෙන් සහභාගි වේ.

දැනට මෙරට ක්‍රියාත්මක විකාශන ක්‍රමවේදය යටතේ එක් එක් නාලිකාවකට තනි තනි සංඛ්‍යාත පරාස භාවිතා කිරීමට සිදුවෙයි. එනමුත් නව ඩිජිටල්කරණ වැඩපිළිවෙළ ඔස්සේ මෙරට සංඛ්‍යාත පරාසය සුවිසල් ධාරිතා වර්ධනයක් සිදුවීමත් සමඟ තනි සංඛ්‍යාතයකට ධාරිතාව අට ගුණයකින් එනම් සියයට 800කින් ඉහළ යාමක් සිදුවේ. මේ නිසාම දැනට මෙරට ක්‍රියාත්මක රූපවාහිනී නාලිකාවලට අමතරව තවත් රූපවාහිනී නාලිකා 200ක්, වැඩසටහන් රාශියක් අලුතින් විකාශය කිරීමට ඉඩ ලැබේ.

එය කොවිඩ් වසංගතය වැනි තත්ත්වයක් තුළ නිවසේ සිටින ශ්‍රී ලාංකික ප්‍රේක්ෂක ජනයාට තම ජනමනස දැනුමින් හා රසාස්වාදයෙන් මුසපත් කර ගැනීමට හොඳ විසඳුමක්ද වනු ඇත.

සංඛ්‍යාත පරාසය භාවිතා කිරීමේදී රූපවාහිනී නාලිකාවලට ලබා දෙන ප්‍රමාණය ඵලදායි හා කාර්යක්ෂමව භාවිතයට ගැනීමට ඉඩ සැලසෙන අතර, අතිරේක සංඛ්‍යාත භාවිතයට ගනිමින් රැහැන් රහිත පුළුල් පරාස (Broadband) සහිත අන්තර්ජාල පහසුකම් ග්‍රාමීය ජනතාවට ලබා දීමට හැකියාව ලැබීම රට ලැබූ විශාල ජයග්‍රහණයකි.

ජපාන ජාත්‍යන්තර සහයෝගිතා ආයතනය (JICA) විසින් ඉතා සරල කොන්දේසි යටතේ වසර දහයක සහන කාලයක් සහිතව වසර හතළිහකින් ගෙවා නිම කළ යුතු මූල්‍ය පහසුකමක් මෙරටට දෙමින් මෙම ව්‍යාපෘතිය බලගැන්වීමට කටයුතු කෙරේ.

ඩිජිටල්කරණ වැඩපිළිවෙළ සඳහා හුරුවීමට අවශ්‍ය විකේතන උපකරණ (STBs) පහසු මිලකට ජනතාවට ලබාදීමට ද ඒවා තරගකාරී වෙළෙඳපොළ තුළ අවශය තරමට නිකුත් කිරීමයි