Smart Credit

ඊද්-උල්-අදා උත්සවය යනු පරිත්‍යාගයේ, ත්‍යාගශීලීත්වයේ සහ බැතිබර බවේ වටිනාකම් අපට මතක් කර දෙන දිනයකි. ලොව පුරා ඉස්ලාම් බැතිමතුන් උත්සවශ්‍රීයෙන් සමරන අද දින ප්‍රජාවන් එක්සත් කරන බැඳීම් ශක්තිමත් කරන දිනයකි.

හජ් උත්සවය සමරන මේ මොහොතේ ස්මාර්ට් ක්‍රෙඩිට් අප අපගේ උණුසුම් සුබ පැතුම් පිරිනමමු. අද දිනය ඔබට සහ ඔබේ ආදරණීයයන්ට ප්‍රීතිය, සමගිය සහ අඛණ්ඩ ආශිර්වාදය ගෙන එනු ඇතැයි අපි ප්රාත්නා කරන්නෙමු.

ලොව මානවයා බිහිවුදා සිට සදාතනිකව රැඳුනු සෙනෙහසක් වේ නම් ඒ සුන්දර මාතෘත්වය සමගින් බැඳුනු සෙනෙහස පමණක්ම වේ. එලෙස කාලයේ අභියෝගයට ලක්ව වෙනස් නොවූ මවකගේ ආදරය සහ සෙනෙහස සැමරෙන ලෝක මවුවරුන්ගේ දිනය අදයි.

ශක්තිමත් දෑ නිමවෙන්නේ සරළ අංග තුලින් සේම අරමුණු කරායන දිගු ගමන ඇරඹෙන්නේද කුඩා පියවර තුලිනි. ඇය මේ නිර්මාණය කරන්නේද සවියෙන් ඉහල සදාතනිකව වැජඹෙන හෙට දිනක පදනමය. ස්ථාවර දෑතින් සහ අධිෂ්ඨානශීලී ඉලක්කයක් සමගින් ඇය අනෙකෙක් නොසලකා හරින යමකට වටිනාකමක් එකතු කරයි. එමගින් ඇය මනාව ගොඩනැගෙන අනාගතයක් සාක්ෂාත් කරගනී.

ස්මාර්ට් ක්‍රෙඩිට් හී අප, උත්සාහය අවස්ථාවක් බවටත්, නොපසුබට කැපකිරීම් ප්‍රගතියක් බවටත් හරවන දිරිය ලියන් සමගින් එක්ව සිටගැනීමට ලැබීම ගෞරවයක් ලෙස සලකන්නෙමු.

වසර 100කට එහා ඉතිහාසයක් තිබෙන ජාත්‍යන්තර කම්කරු දිනය සෑම වසරකම මැයි 1 වැනිදා ලොව පුරා සැමරීමට යෙදෙනවා. ජාත්‍යන්තර කම්කරු දිනය සැමරීමට අවශ්‍ය පසුබිම සැකසුණේ 1886 වසරේ චිකාගෝ නුවර දී සිදුවුණු එක්තරා සිද්ධියක් නිසා යි. ඉන් වසර කිහිපයකට පසුව ලෝකයේ රටවල් රැසක් මැයි 1 වැනිදාට කම්කරු දිනය සමරන්නට පටන්ගත්තා. නමුත් ශ්‍රී ලංකාවේ කම්කරු දිනය සැමරීම ආරම්භ වුණේ ඊට වසර 38කට පමණ පසුව යි.

1886 වසර වන විට කම්කරුවන්ට සිය රාජකාරි කිරීම සඳහා නිශ්චිත පැය ගණනක් වෙන්ව තිබුණේ නැහැ. එනිසා හාම්පුතුන් සේවකයන් වැඩි කාලයක් සේවයේ යොදවනු ලැබුවා. එම අසාධාරණය දිගු කලක් තිස්සේ ඉවසාගෙන සිටි එක්තරා කම්කරුවන් පිරිසක් අරගලයක් කිරීම සඳහා සූදානම් වුණා. ඔවුන් 1886 මැයි 1 වැනිදා ඇමරිකාවේ චිකාගෝ නුවරට එක්රැස් වුණා. එදා ඔවුන් සිය හාම්පුතුන්ගෙන් ඉල්ලා සිටියේ දිනක සේවා මුරය පැය 8ක් දක්වා කෙටි කරන ලෙස යි.

කම්කරුවන් පිරිසක් ආරම්භ කළ වැඩවර්ජනය පිළිබඳව ආරංචිය පැතිරයාමත් සමග තවත් දහස් ගණනින් කම්කරුවන් එම භූමිය වෙත පැමිණෙන්නට වුණා. එහි ප්‍රතිඵලයක් වශයෙන් මැයි 3 වැනිදා වන විට 65000ක පමණ කම්කරුවන් පිරිසක් චිකාගෝ නුවරට ඒකරාශී වී සිටියා. ඔවුන් විවිධ සටන් පාඨ කියමින් තම ඉල්ලීම දිනාගැනීම වෙනුවෙන් අරගලයේ යෙදුණා. කම්කරුවන්ගේ නැගිටීම හාම්පුතුන් දුටුවේ ඔවුන්ට එල්ල වුණු අභියෝගයක් ලෙසයි. එනිසා ඔවුන් පොලිසිය යොදවා විරෝධතාවයේ යෙදුණු කම්කරුවන්ට නින්දිත අයුරින් පහරදුන්නා.

පොලිසිය සහ කම්කරුවන් අතර දරුණු ලෙස සටන් ඇවිලී ගියා. ආයුධ සන්නද්ධව පැමිණි පොලිස් භට පිරිස් නිරායුධ කම්කරුවන්ට පහර පිට පහර එල්ල කළා. අරගලයේ යෙදුණු කම්කරු පිරිසත් නොසැලෙමින් පොලිස් භටයන්ට ප්‍රතිප්‍රහාර එල්ල කළා. නමුත් තත්ත්වය පාලනය කිරීමට අපහසු වීමත් සමග පොලිස් භටයන් කම්කරු පිරිසට වෙඩි තබන්නට පටන් ගත්තා. එයින් ඇතැමුන් මරණයට පත්වෙද්දී තවත් පිරිසක් තුවාල ලැබුවා. එලෙස අරගලය මර්ධනයෙන් අවසන් කිරීමට පොලිසිය උත්සාහ කරද්දී කම්කරුවන්ගේ ජීවිත ආරක්ෂා කරගැනීමට අවශ්‍ය වුණා. එනිසා අකමැත්තෙන් වුව ද එම අරගලය තාවකාලිකව නැවැත්වීමට සිදුවුණා.

කෙසේවුවත් මැයි මස පළමු දින කම්කරු දිනය සැමරීමට අවශ්‍ය පසුබිම සකස් වූයේ 1889 වසරේ මැයි 1 වැනිදා ප්‍රංශයේ පැරිස් නුවරදී ෆ්‍රෙඩ්‍රික් එංගල්ස්ගේ නායකත්වයෙන් යුතුව ජාත්‍යන්තර කම්කරු සංවිධානය රැස්වූ අවස්ථාවේදීයි. ඊට වසර 3කට පෙර ඇමරිකාවේ චිකාගෝ නුවර දී පැය 8ක වැඩ මුරයක් ඉල්ලා කම්කරුවන් රුධිරයෙන් කළ පරිත්‍යාගය සදාකල් සැමරිය යුතු බව එහි දී යෝජනා වුණා. එහි ප්‍රතිඵලයක් වශයෙන් සෑම වසරකම මැයි 1 වැනිදා ජාත්‍යන්තර කම්කරු දිනය සැමරීමට එම සමුළුවේ දී තීරණය වුණා. එදා සිට ලෝකයේ බොහෝ රටවල් සෑම වසරකම මැයි 1 වැනිදාට ලෝක කම්කරු දිනය සැමරීම ආරම්භ කළා.

අප බොහෝ දෙනෙක් International Monetary Fund හෙවත් IMF (අයි.එම්.එෆ්.) යන නාමය අසා තිබුණද, එය නිර්මාණය වූයේ කුමක් සඳහාද? එහි ඉතිහාසය කුමක්ද? එය ක්‍රියාත්මක වන්නේ කෙසේද? යන්න පිළිබඳව සැබෑ අවබෝධයක් තිබෙන පුද්ගලයන් අවමයි. ඉතින් මේ උත්සාහය, IMF කියන්නේ කුමක්ද,එහි කාර්යබාරය කුමක්ද යන්න පිළිබඳව සරලව පැහැදිලි කිරීමක් කරන්නයි.

අන්තර්ජාතික මූල්‍ය අරමුදල හෙවත් IMF යනු ලෝකයේ රටවල් අතර මූල්‍ය ස්ථාවරතාවය වර්ධනය කිරීම සහ ආර්ථික සහයෝගීතාව ප්‍රවර්ධනය කිරීම අරමුණු කරගත් අන්තර්ජාතික සංවිධානයකි. ශ්‍රී ලංකාව ඇතුළු සාමාජික රටවල් 190ක සහයෝගයෙන් මෙම සංවිධානය ක්‍රියාත්මක වන අතර, එහි ප්‍රධාන අරමුණ වන්නේ ලෝක ආර්ථිකය තුළ ස්ථාවරතාව සහ තිරසාර සංවර්ධනය උදෙසා මූල්‍ය සහ උපදේශන සහාය ලබා දීමයි.

IMF ආයතනය රටවල් අතර අන්තර්ජාතික මූල්‍ය සහයෝගීතාව වර්ධනය කිරීම, ජාත්‍යන්තර වෙළෙඳාම සහ ආර්ථික වර්ධනය දිරිගැන්වීම, සහ ලෝක ආර්ථිකයට හානිදායක ප්‍රතිපත්ති අවම කිරීම යන ප්‍රධාන කාර්යයන් තුළ නිරත වෙයි. මෙම අරමුණු සාර්ථක කර ගැනීම සඳහා එහි සාමාජික රටවල් එකිනෙකා සමඟ සහයෝගයෙන් කටයුතු කරන අතර, අනෙකුත් අන්තර්ජාතික සංවිධාන සමඟ ද සමීප සබඳතා පවත්වාගෙන යයි.

අන්තර්ජාතික මූල්‍ය අරමුදල 1945 දෙසැම්බර් 27 වන දින පිහිටුවන ලද අතර, එහි මූලස්ථානය අමෙරිකා එක්සත් ජනපදයේ වොෂිංටන් නුවර පිහිටා ඇත. වර්තමානයේ එහි කළමනාකාර අධ්‍යක්ෂවරිය වන්නේ ක්‍රිස්ටලිනා ජෝර්ජියේවා ය.

කෙසේ වෙතත්, යම් රටක් IMF වෙතින් මූල්‍යාධාරයක් ඉල්ලා සිටින විට එය වහාම ලබා දෙන ණයක් නොවේ. IMF ආයතනයේ ප්‍රධාන අරමුණ හුදෙක් ණය ලබා දීම නොව, අදාළ රටේ ආර්ථිකය ස්ථාවර කරමින් එය නැවතත් තිරසාර ආර්ථික වර්ධනයකට ගෙන යාමට සහාය වීමයි.

ඒ සඳහා IMF ආයතනය අදාළ රටට අවශ්‍ය මූල්‍ය සහය ලබා දෙන අතර, ඒ සමඟම ආර්ථික ප්‍රතිසංස්කරණ ක්‍රියාමාර්ගද හඳුන්වා දීමට උපදෙස් ලබා දෙයි. මෙම මූල්‍යාධාර බොහෝ විට කඩින් කඩ වාරික ලෙස ලබා දෙන අතර, ඒ සඳහා අදාළ රට තම ආර්ථික ප්‍රතිපත්ති සහ මුදල් භාවිතය පිළිබඳ පැහැදිලි වැඩපිළිවෙලක් ඉදිරිපත් කළ යුතුය.

එමෙන්ම, IMF ආධාර ලබා ගැනීමේදී අදාළ රට තමන්ට තිබෙන ණය පිළිබඳව අනෙකුත් ණය දායකයන් සමඟ සාකච්ඡා කරමින් ණය ප්‍රතිව්‍යුහගත කිරීම සිදු කළ යුතුය. එය පොළී අනුපාත අඩු කිරීම, ගෙවීමේ කාලය දිගු කිරීම, හෝ වාරික සංඛ්‍යාව වැඩි කරමින් එක් වාරිකයකට ගෙවිය යුතු මුදල අඩු කර ගැනීම වැනි ක්‍රියාමාර්ග ඇතුළත් විය හැකිය.

ඒ සමඟම ලබා දෙන මූල්‍යාධාර දූෂණයෙන් හා අපහරණයෙන් තොරව රටේ ආර්ථිකය ගොඩනැගීම සහ ජනතාවගේ සුබසිද්ධිය සඳහා යොදා ගන්නා බවට විශ්වාසනීය සහතිකයක් ද ලබා දිය යුතුය. මෙම ක්‍රියාවලිය හේතුවෙන් IMF ආධාර ලබා ගැනීම සඳහා යම් කාලයක් ගත වීම සාමාන්‍ය දෙයකි.

ශ්‍රී ලංකාවද මීට පෙර කිහිප වතාවක්ම ආර්ථික අභියෝගවලට මුහුණ දුන් අවස්ථාවන්හිදී IMF ආයතනයේ සහාය ලබාගෙන තිබේ. 1950 වසරේ IMF සාමාජිකත්වය ලබා ගැනීමෙන් පසු, ශ්‍රී ලංකාව IMF සමඟ වැඩසටහන් 17කට සම්බන්ධ වී ඇති අතර, එම අවස්ථාවලදී ලබාගත් මූල්‍යාධාර සහ ප්‍රතිපත්ති සහය මඟින් ආර්ථික අභියෝග කළමනාකරණය කිරීමට උත්සාහ කර ඇත.

ලැබුවා වූ මේ සිංහල සහ හින්දු අලුත් අවුරුද්ද, ඔබටත් ඔබගේ පවුලේ සැමටත් වාසනාව, සෞභාග්‍යය කැන්දන, ජයෙන් ජය ගෙනෙන අවුරුද්දක ඇරඹුම් දිනය වේවා.

හදවතට දැනෙන මනුසෙනෙහසේ නාමයෙන් ස්මාර්ට් සෙනෙහස විසින් පසුගිය කාලසීමාව තුල සංවිධානය කර, මනුෂ්‍යත්වය වෙනුවෙන් තිලිණ කල වැඩසටහන් මාලාවේ නිට්ටබුව ශාඛාව මගින් සංවිධානය කරන ලද වැඩසටහනේ විශේෂ අවස්ථා.

හදවතට දැනෙන මනුසෙනෙහසේ නාමයෙන් ස්මාර්ට් සෙනෙහස විසින් පසුගිය කාලසීමාව තුල සංවිධානය කර, මනුෂ්‍යත්වය වෙනුවෙන් තිලිණ කල වැඩසටහන් මාලාවේ නිකවැරටිය ශාඛාව මගින් සංවිධානය කරන ලද වැඩසටහනේ විශේෂ අවස්ථා.