Mayam.lk

උඹලට ඕනි තරු වෙන්න..

ඒත් මට ඕනි මම වෙන්න..

උඹලා කවුරුත් හරියට නොදැකපු ආදරණීය මනුස්සයා වෙන්න..

උඹලා එකතුවෙලා ම_ර_ලා දාන්න හදන අහිංසක මනුස්සයා වෙන්න..

මට ඕනි දවසක් හරි හිත සතුටින් හුස්ම ගන්න..

නිදහසේ නින්දට යන්න..🥺🤍

"ආ ආවද... අද පරක්කුයිනේ... මට බඩගිනියි හලෝ, ඉක්මනට මොනවා හරි හදන්නකෝ..." මම රෑ 7.30ට ගෙදර ගොඩ වෙද්දිම සෝෆා එකේ වාඩි වෙලා ටීවී බල බල හිටපු මගේ මහත්තයා කිව්වේ එහෙම.

මම උදේ 8 ඉඳන් ඔෆිස් එකේ ෆයිල් කඳු අස්සේ හිර වෙලා, බොස්ගේ බැණුම් අහලා, බස් එකේ තෙරපිලා ගෙදර ආවේ කකුල් දෙකත් ඇදගෙන. මට හිතුනේ බෑග් එක විසි කරලා ඇඳට වැටෙන්න. "මට මහන්සියි අනේ... ඔයාට බැරිද තේ එකක් හදන්න?" කියලා අහන්න මගේ කටට ආවා. ඒත් ගැහැණියක් වුනාම එහෙම අහන්න බෑනේ.

මම මුකුත් නොකියම හෑන්ඩ් බෑග් එක පුටුව උඩින් තියලා, සාරි පොට ඉණේ ගහගෙන කෙලින්ම ගියේ කුස්සියට. මහත්තයාටත් මහන්සියි තමයි. එයා රස්සාවක් කරනවා. හැබැයි එයා ගෙදර ආවම එයාගේ "ඩියුටි" ඉවරයි. ඒත් මට? මට ගෙදර ආවම තමයි මගේ ජීවිතේ අමාරුම "Shift" එක පටන් ගන්නේ. උයන්න, පිඟන් හෝදන්න, ළමයි බලාගන්න, ගේ අස් කරන්න... මේවට මට පඩි ගෙවන්නේ නෑ. මට "OT" නෑ. මට නිවාඩු නෑ.

රෑ 10ට විතර වැඩ ඉවර වෙලා මම ඇඳට එද්දි මහත්තයා නිදි. එයා පහුවදා උදේට කියනවා, "ඔයා දැන් ඉස්සර වගේ ලස්සන නෑ... මූණත් වැහැරිලා... නාකි පාටයි..." කියලා. මම හිනා වෙලා නිකන් ඉන්නවා. එයා දන්නේ නෑ මම වැහැරෙන්නේ මේ දුවන දිවිල්ල නිසා කියලා.

මහත්වරුනි, ඔයාගේ බිරිඳත් රස්සාවක් කරනවා නම්, කරුණාකරලා එයා ගෙදර ආවම එයාට වතුර එකක් දෙන්න. එයා උයද්දි පොල් ටිකක් ගාලා දෙන්න. එයා යකඩ ගැහැණියක් නෙවෙයි. එයාටත් මහන්සියි. ඔයා එයාට උදව් කරනවා කියන්නේ ඔයා "ගැහැණු වැඩ කරනවා" කියන එක නෙවෙයි. ඒ කියන්නේ ඔයා ආදරණීය සැමියෙක් කියන එකයි.

ගෙදර දොරේ වැඩ කියන්නේ බිරිඳගේ තනි රස්සාව නෙවෙයි, ඒක පවුලේ වගකීමක්. අද රෑට වත් එයා කුස්සියට යද්දි ඔයත් පස්සෙන් ගිහින් අහන්න, "මම මොනවද කරන්න ඕන?" කියලා. එයාගේ ඇස් වලට එන සතුටු කඳුළු වල ඔයාට ඒකේ උත්තරේ තියෙයි.

Credits - Chanuka Jeewantha

කාන්තාවන්ට පිරිමින්ට වඩා වැඩිපුර නින්දක් ඕනෑ කියන්නේ ඇත්තද? 😴👩‍🔬

ඔන්න අලුත්ම පර්යේෂණවලින් හෙළි වෙලා තියෙනවා කාන්තාවන්ට පිරිමින්ට වඩා වැඩිපුර නින්දක් අත්‍යවශ්‍යයි කියලා. මේකට ප්‍රධානම හේතුව විදිහට විද්‍යාඥයන් පෙන්වා දෙන්නේ කාන්තාවන්ගේ මොළය පිරිමින්ට වඩා සංකීර්ණ ලෙස ක්‍රියා කිරීමයි. 🧠✨

ඇයි මෙහෙම වෙන්නේ? 🤔

📍 බහුකාර්ය හැකියාව (Multi-tasking): කාන්තාවන් සාමාන්‍යයෙන් එකවර වැඩ කිහිපයක් ගැන හිතනවා, ඒ වගේම කරනවා. මේ නිසා ඔවුන්ගේ මොළයේ සෛල පිරිමින්ට වඩා වැඩියෙන් වෙහෙසට පත් වෙනවා.

📍 විනාඩි 20ක වැඩිපුර නින්දක්: ලොෆ්බරෝ විශ්වවිද්‍යාලයේ පර්යේෂණවලට අනුව, කාන්තාවකගේ මොළය යථා තත්ත්වයට පත්වෙන්න පිරිමියෙකුට වඩා අවම වශයෙන් විනාඩි 20ක්වත් වැඩිපුර නින්දක් අවශ්‍යයි.

📍 නින්ද මදි වුණොත් මොකද වෙන්නේ? කාන්තාවන්ට නින්ද මදි වුණාම මානසික ආතතිය, කේන්තිය සහ කලබලකාරී ස්වභාවය පිරිමින්ට වඩා වැඩිපුර ඇති වෙන්න පුළුවන් කියලා මේ අධ්‍යයනය පෙන්වා දෙනවා.

ඉතින්, ගෙදර දොරේ වැඩ වගේම රැකියාවේ වැඩත් එක්ක කාන්තාවන් ගොඩක් වෙහෙසෙන නිසා, ඔවුන්ගේ සෞඛ්‍යය ගැන මීට වඩා හිතන්න කාලය හරි! 💆‍♀️

දවස පුරා වැඩ කරලා මහන්සි වෙලා නිදාගන්න ලැබෙන ඒ පැය කිහිපය ඔයාට කොයි තරම් වටිනවද? ඔයා සාමාන්‍යයෙන් දවසට පැය කීයක් නිදාගන්නවද? 🕒💤

කෙනෙක් ඔබ සමඟ ඉරිසියාවෙන් (Jealousy) පෙළෙනවා නම්, කවදාවත් ඔවුන් ඒ බව අපිට කෙලින්ම කියන්නේ නැහැනේ. හැබැයි අප ඒ තත්වය හදුනාගෙන සිටීම වැදගත් වෙනවා. කෙනෙකු ඔබ සමග ඉරිසියාවෙන් පෙලෙනවාද යන්න , ඉතා පහසුවෙන්ම ඔවුන්ගේ හැසිරීම් සහ කතාබහෙන් අපිට හදුනාගැනීමට පුළුවන්. එහෙනම් විශ්ම ලෝකයේ මේ පොස්ට් එක වෙන් වන්නේ , මනෝවිද්‍යාත්මකව බලද්දී මේ වගේ අය හඳුනාගන්න පුළුවන් ප්‍රධාන ලක්ෂණ 10 පිළිබදව ඔබව දැනුවත් කිරීමටයි.

1. ඔබේ ජයග්‍රහණ "සුළු කොට" තැකීම

ඔයා ලොකු ජයග්‍රහණයක් ලැබුවාම, "ඕක මොකක්ද මමත් ඕක කරන්න හිටියේ" එහෙම නැත්නම් "ඒක එයාට වාසනාවට ලැබුණේ" වගේ දේවල් කියලා ඒකේ වටිනාකම අඩු කරන්න බලනවා.

2. වැරදි හෝ අඩුපාඩු විතරක් සෙවීම

ඔයා මොන තරම් හොඳ දෙයක් කළත්, ඒකේ තියෙන පොඩිම හරි වැරැද්දක් අල්ලගෙන ඒක ලොකු කරලා පෙන්වනවා. ඔවුන්ගේ ඇස යන්නේ ඔයාගේ සාර්ථකත්වයට නෙවෙයි, ඔයා අතින් වෙන වැරදිවලටයි.

3. උපහාසාත්මක ප්‍රශංසා කිරීම (Backhanded Compliments)

පිටතින් ප්‍රශංසා කරනවා වගේ පෙනුණත් ඒ ඇතුළේ ලොකු කුහකකමක් තියෙනවා. උදාහරණයක්: "ඔයාට මේ පාර ප්‍රමෝෂන් එක ලැබුණා නේද? පුදුමයි ඉතින්, ඔයාටත් වඩා දක්ෂ අය ඉන්න එකේ ඔයාට ඒක ලැබුණු එක!"

4. ඔයාව අනුකරණය කිරීම (Copying You)

හිතාගන්න බැරි විදිහට ඔයා අඳින පළඳින විදිහ, ඔයා කතා කරන විදිහ හෝ ඔයා කරන දේවල් ඒ විදිහටම කරන්න ඔවුන් පෙළඹෙනවා. ඒකේ තේරුම ඔවුන්ටත් ඔයා වගේ වෙන්න ඕන කියන එකයි.

5. ඔබේ අසාර්ථකත්වයේදී සතුටු වීම

ඔයාට මොකක් හරි කරදරයක් හෝ අසාර්ථක වීමක් වුණාම ඔවුන් "අනේ පව්" කියලා මූණට කිව්වත්, ඔවුන්ගේ ඇස්වලින් හෝ කතාවෙන් ඒ ගැන පොඩි සතුටක් (Schadenfreude) පේන්න තියෙනවා.

6. ඔබේ ඇස් මඟහැරීම

ඉරිසියා කරන කෙනෙකුට ඔයාගේ දෑස් දෙස කෙලින් බලාගෙන අවංකව කතා කරන්න අමාරුයි. විශේෂයෙන්ම ඔයාගේ සාර්ථකත්වයක් ගැන කතා කරද්දී ඔවුන් ඇස් මඟහරිනවා.

7. අනවශ්‍ය තරගකාරීත්වය

හැම වෙලාවකම ඔයාට වඩා වැඩ්ඩෙක් වෙන්න ඔවුන් උත්සාහ කරනවා. ඔයා අලුත් ෆෝන් එකක් ගත්තොත්, ඊට වඩා මිල අධික එකක් අරන් පෙන්වන්න ඔවුන් පෙළඹෙනවා.

8. පිටුපසින් කේලාම් කීම

ඔයා නැති තැන ඔයාගේ ප්‍රතිරූපය විනාශ කරන්න බොරු කතා හෝ ඔයාගේ පෞද්ගලික දේවල් අනිත් අයට කියමින් සතුටු වෙනවා.

9. වැරදි උපදෙස් දීම

ඔයා යම් තීරණයක් ගන්න යනකොට, හිතාමතාම ඔයා අමාරුවේ වැටෙන විදිහේ උපදෙස් ඔවුන් දෙන්න පුළුවන්. ඒ ඔයා සාර්ථක වෙනවා දකින්න ඔවුන් අකමැති නිසයි.

10. ඔබව මඟහැරීම

ඔයා ලොකු දියුණුවක් ලබන කොට, ඔවුන්ට ඒක දරාගන්න බැරි නිසා ඔයාගෙන් ටික ටික ඈත් වෙන්න හෝ ඔයාව මඟහරින්න ඔවුන් කටයුතු කරනවා.

ඉරිසියාව කියන්නේ ඇත්තටම අසන්තෘප්ත මනසක (Insecurity) ලක්ෂණයක්. කෙනෙක් තමන් ඉන්න තැන ගැන සෑහීමකට පත් වෙන්නේ නැති වුණාම, තව කෙනෙක් ඉහළට යන එක ඔවුන් තමන්ට කරන තර්ජනයක් විදිහට දකිනවා. හිතන්න එකම පන්තියේ ඉන්න ළමයි දෙන්නෙක් ගැන. එක්කෙනෙක් ගාව ලස්සන පාට පෙට්ටියක් තියෙනවා. අනිත් ළමයා ගාව ඒක නෑ.

දැන් ඒ ළමයාට පුළුවන් "මමත් ලස්සන පාට පෙට්ටියක් ගන්න මහන්සි වෙනවා" කියලා හිතන්න. හැබැයි එයා ඉරිසියා කරනවා නම් කරන්නේ, අර ළමයාගේ පාට පැන්සල් ටික කඩලා දාන එකයි. මොකද තමන්ට නැති දේ තව කෙනෙක් ලඟ තියෙනවා බලන්න එයාට බෑ.

හරි එහෙනම් ඒ කතාව ගැන දැන් ඔයාලා හොදට දැනුවත් වුනා කියල අපි හිතනවා. දැන් තමයි වැදගත්ම දේ අපි කියලා දෙන්න යන්නේ. ඒ තමයි කොහොමද මේ ඉරිසියාකාරයොන්ගෙන් බේරිලා ජීවිතය පවත්වාගෙන යන්නේ කියන එක.

ඉරිසියා කරන අයගෙන් බේරිලා, ඔයාගේ මානසික නිදහස රැකගන්න කරන්න පුළුවන් දේවල් කිහිපයක් තියෙනවා. මේවා හරිම සන්සුන්ව සහ බුද්ධිමත්ව කරන්න ඕන දේවල්.

1. ඔබේ ජයග්‍රහණ රහසක්ව තබාගන්න (Low Profile)

සමහර අය ඉන්නවා හැම පොඩි දේම සමාජ මාධ්‍යවල (Facebook/WhatsApp) දානවා. ඉරිසියා කරන අය ඉන්නේ ඔයාගේ වැරදි හොයන්න බලාගෙනයි. ඒ නිසා ඔයාගේ අනාගත බලාපොරොත්තු සහ ලොකු ජයග්‍රහණ ලැබෙනකම්ම රහසක් විදිහට තියාගන්න. ඇස්වහ වැදීම (Evil Eye) කියන්නේ ඇත්තටම අනුන්ගේ සෘණාත්මක ශක්තිය (Negative energy) අපේ මනසට බලපෑම් කරන එකයි.

2. ඔවුන් සමඟ වාද කරන්න යන්න එපා

කෙනෙක් ඔයාට උපහාස කළොත් හෝ ඔයාව පහත් කළොත්, ඒකට කේන්තියෙන් උත්තර දෙන්න එපා. ඒ වෙනුවට හිනාවෙලා "ඔව් ඒක ඔයාගේ අදහස වෙන්න ඇති" කියලා එතනින් අයින් වෙන්න. ඔයා කේන්ති ගත්තොත් වෙන්නේ ඔවුන් බලාපොරොත්තු වුණු දේ සාර්ථක වීමයි.

3. "ප්‍රශංසා අවියක්" කරගන්න (Kill them with kindness)

ඔයාට ඉරිසියා කරන කෙනාගේ මොකක් හරි හොඳ දෙයක් දැක්කම ඒකට අවංකවම ප්‍රශංසා කරන්න. එතකොට ඔවුන් ලොකු ලැජ්ජාවකට පත් වෙනවා. ඔවුන්ට හිතාගන්න බැරි වෙනවා ඔයා මෙච්චර හොඳ වෙද්දී ඔවුන් ඇයි ඔයාට වෛර කරන්නේ කියලා.

4. සීමාවන් පනවා ගන්න (Set Boundaries)

ඔයා දන්නවා නම් මේ කෙනා ඔයාගේ දියුණුවට බාධාවක් කියලා, ඔවුන්ට ඔයාගේ පෞද්ගලික තොරතුරු දෙන එක නතර කරන්න. ඔවුන් සමඟ ගත කරන කාලය ටික ටික අඩු කරන්න.

5. අනුකම්පා කරන්න (Empathy)

ඇත්තටම ඉරිසියා කරන කෙනෙක් කියන්නේ තමන්ගේ ජීවිතය ගැන කලකිරුණු, අසතුටින් ඉන්න කෙනෙක්. ඒ නිසා ඔවුන් ගැන තරහක් ඇති කරගන්නේ නැතුව "අනේ පව්, මෙයාට තවම තමන්ගේ වටිනාකම තේරෙන්නේ නෑනේ" කියලා අනුකම්පා කරන්න. ඒකෙන් ඔයාගේ හිතට ලොකු සහනයක් ලැබෙනවා.

මෙන්න මේ අවවාදය හැමදාම මතක තබාගන්න

හිතන්න ඔයා ලස්සන සුදු ඇඳුමක් ඇඳගෙන පාරේ යනවා කියලා. පාරේ අයිනේ මඩ වළක් තියෙනවා. ඒ මඩ වළේ ඉන්න මැඩියෙක් මඩ විසි කරලා ඔයාගේ ඇඳුම කිළුටු කරන්න බලනවා.

දැන් ඔයාට කරන්න පුළුවන් දේවල් දෙකක් තියෙනවා:

ඔයාත් ඒ මඩ වළට බැහැලා මැඩියා එක්ක රණ්ඩු වෙන්න පුළුවන්. එතකොට ඔයාගේ ඇඳුම තවත් කිළුටු වෙනවා. නැත්නම් මැඩියා ඉන්න තැනින් ඈතට වෙලා, ඔයාගේ ලස්සන ඇඳුම රැකගෙන ඉස්සරහටම යන්න පුළුවන්. බුද්ධිමත් කෙනා හැම වෙලාවෙම කරන්නේ දෙවැනි දේ.

අවසාන වශයෙන් මතක තබාගන්න

කවුරුහරි ඔයාට ඉරිසියා කරනවා කියන්නේ, ඔයා ඔවුන්ට වඩා ගොඩක් ඉස්සරහින් ඉන්නවා කියන එකයි. ඒක ඔයාගේ සාර්ථකත්වයේ සහතිකයයි. ඒ නිසා ඒ ගැන කරදර වෙන්න එපා.

විවාහය අත්‍යවශ්‍යම දෙයක් නෙවෙයි...

🚫ඉතින් ඔයාට එක්කෙනෙක්ට තුන් හිතින්ම ආදරේ කරගෙන එයා එක්කම ජීවිතේ බෙදා ගන්න බැරි නම් විවාහ වෙන්න එපා.

🚫එක ගැහැණියකහෙන් හෝ එක පිරිමියෙක්ගෙන් සෑහීමකට පත් වෙන්න බැරි නම් විවාහ වෙන්න එපා

🚫ඔබේ ලිංගික දිශානතිය (sexual orientation) එක විවාහ සංස්ථාවට නොගැලපෙනවනම් විවාග වෙන්න එපා

🚫විවාහය ඔයා දකින්නෙ කරදරයක් නැත්නම් වැඩකට නැති දෙයක් වගෙ නම් විවාහ වෙන්න එපා

🚫තව කෙනෙක් එක්ක ජීවිතේ ආදරෙන් විශ්වාසයෙන් බෙදා ගන්න බැරි නම් විවාහ වෙන්න එපා

🚫දකින දකින කෙනාට ලිංගික ආකර්ෂණයක් ඇති වෙනවා ඒ නිසා එක්කෙනෙක් එක්ක ඉන්න එක අමාරුයි කියල දැනෙනව නම් විවාහ වෙන්න එපා

🚫ප්‍රේමය සහ හුදු ලිංගික ආශාව වෙන් කර හදුනා ගන්න බැරි නම් ඒක දැනගන්නකං විවාග වෙන්න එපා

🚫තනියෙන් ඉන්න ඉතාම කැමති කෙනෙක් නම්, දෙදෙනෙක් එකට වගකීම් බෙදාගෙම ගෙවන ජීවිතය පිළිබදව තේරුම් නොගෙන විවාහ වෙන්න එපා

🚫තමන්ගේ තනිකම වහගන්න ඕන නිසා පමණක් නං විවාහ වෙන්න යන්නෙ විවාහ වෙන්න එපා

🚫තමන්ගේ ජීවිතේ වගකීමක් තනියම ගන්න බැරි නම් විවාහ වෙන්න එපා

🚫Basic adult skills, ඒ කියන්නෙ මුදල් භාවිතය, තව කෙනෙක්ගේ චිත්තවේග තේරුම් ගැනීම, නිරෝගී සන්නිවේදනය, මනා සෞඛ්‍ය පුරුදු, තමන්ගේ ආතතිය කලමණාකරනය, කොහෙත්ම බැරි නං විවාහ වෙන්න එපා

🚫විවාහයට සහ ආර්ථිකයට බලපාන ඇබ්බැහියක් තියනවනම් විවාහ වෙන්න එපා

🚫ලෝකෙට පේන්න නං විවාහයක් කරගන්න වෙලා තියෙන්නෙ කොහෙත්ම විවාහ වෙන්න එපා

🚫ඔයාගේ සහකරු හෝ සහකාරියට අවංකවම මුලු හදවතින්ම කැමැත්තක්, ප්‍රේමයක් නැත්නම් ( සල්ලි වලට ලස්සනට හෝ වත්කම් වලට නෙවෙයි) විවාහ වෙන්න එපා

🚫අම්ම තාත්ත කියනම නිසානං විවාහ වෙන්න වෙලා තියෙන්නෙ විවාහ වෙන්න එපා

👉විවාහය කියන්නෙ කරගන්නම ඕන දෙයක් නෙවෙයි, ඒක දෙන්නෙක්ගේ ගොඩනැගිලා තියන ගැඹුරු ලස්සන සම්බන්ධතාවයක් තවත් අර්ථවත් කරගන්න කැපවෙන්න පුළුවන් අය පමණක් ගන්න ඕන තීරණයක්.

👉ඒක ඔයාට විතරක් නෙවෙයි, හම්බෙන්න ඉන්න දරුවන්ටත් ඒ දරුවන් හදන පරම්පරා ගාණකටත් කරන ලොකු සේවයක්.

❌ඉතින් විවාහවෙන්නංවාලේ විවාහ වෙලා traumatize වුණු දරු පරම්පරාවක් හදනවට වඩා සතුටින් තනියම ඉන්න. නැත්නං මනෝ උපදේශනයට යොමු වෙලා ඔබේ ජීවිතය සුවපත් කරගෙන ඉන්න.

Credits - නදීපා රණසිංහ
මනෝවිද්‍යා උපදේශිකා

ෆ්‍රෑන්ක්ලීන් කාටූනය🐢

🐢 මතකයේ සිතුවම් ඇඳි "පුංචි ඉබි පැටියා"

ළමා ලෝකයේ අවිහිංසාවත්, කුතුහලයත් එකට යා කළ අපූරු නවාතැනක් තිබුණා නම් ඒ ෆ්‍රෑන්ක්ලීන්ගේ ලෝකයයි. දිය සායම්වලින් ඇඳි සිතුවමක් වගේ හරිම සන්සුන් පරිසරයක, තණකොළ නිල්ල උඩින් ඇවිදගෙන යන ඒ පුංචි ඉබි පැටියා අපේ ළමා කාලයට අරන් ආවේ පුදුමාකාර සතුටක්.

🍃 සොබාදහමේ අසිරිය සහ සරල බව

ෆ්‍රෑන්ක්ලීන් ජීවත් වුණේ හැමෝම එකිනෙකාට ආදරය කරන, ගහකොළ සතා සීපාවා හරිම සමීපව ඇසුරු කරන පරිසරයක. ඒ කතාව බලනකොට අපිට දැනුණේ අපිත් ඒ වනාන්තරයේම කොටස්කාරයෝ වගෙයි. ගස් බෙන ඇතුළේ තියෙන නිවෙස්, සොබාදහමේ සුවඳ සහ ඒ හැම දෙයකම තිබුණු සරල බව අපේ හිත් නිවා දැමුවා.

❤️ හදවතට කතා කරන පාඩම්

ෆ්‍රෑන්ක්ලීන් කියන්නේ වීරයෙක් නෙවෙයි...ඔහු හරියට ඔබ සහ මම වගේම සාමාන්‍ය දරුවෙක්.

ඔහු සමහර වෙලාවට අඳුරට බය වුණා.

සමහර වෙලාවට වැරදි කළා.

ඒත් ඒ හැම වෙලාවකම වැරැද්ද හදාගෙන, බය ජයගෙන, "හොඳ දරුවෙක් වෙන්නේ කොහොමද" කියන වටිනා පාඩම ඔහු අපිට කියලා දුන්නා.

🤝 බැඳීම්වල සුන්දරත්වය

වලස් පැටියා එක්ක තිබුණු නොබිඳෙන මිත්‍රත්වය, බෙලෙක්ක කටුවක් උඩ ඉඳගෙන ආපු ගොළුබෙල්ලා ,බීවර්,හා පුංචා,නරි හාමි සහ "පුතේ ෆ්‍රෑන්ක්ලීන්" කියලා ආදරෙන් අමතපු ඔහුගේ දෙමාපියන්... මේ හැම චරිතයක්ම අපිට ඉගැන්නුවේ ආදරය සහ එකිනෙකාට ගරු කිරීම තරම් වටිනා දෙයක් තවත් ලෝකයේ නැති බවයි.

📺 රූපවාහිනී තිරයෙන් ජීවිතයට

රූපවාහිනිය ඉදිරියේ වාඩි වෙලා, ඒ මිහිරි තේමා ගීතය ඇහෙනකොට අපිට දැනුණේ ලෝකයේ තියෙන පීඩනයෙන් මිදිලා නිදහස් වුණා වගෙයි. අදටත් අපේ මතකයේ තියෙන ඒ නිස්කලංක ළමා කාලයේ සුවඳ ෆ්‍රෑන්ක්ලීන් කාටූනය තුළ තවමත් ඉතිරි වෙලා තියෙනවා.

"ජීවිතය කියන්නේ ලොකු තරඟයක් නෙවෙයි, ආදරයෙන් සහ කරුණාවෙන් පියවරෙන් පියවර ඉස්සරහට යන ලස්සන ගමනක් කියලා ෆ්‍රෑන්ක්ලීන් අපිට නිහඬවම කියා දුන්නා."

අහු වෙන්න කලින් බේරෙන්න කියා දෙන්නද .. මිනිස්සු පෙන්නන රෙඩ්ෆ්ලැග්ස්....

* සමහර මිනිස්සුත් එක්ක පුංචි වෙලාවක් හිටියත් අපිට ලොකු මහන්සියක් දැනෙනවා. ඒ කියන්නේ හිත නිවෙනවා වෙනුවට , අපිට ලොකු මහන්සියක් දැනෙනවා. අපේ ශක්තිය නැතිවෙලා වගේ දැනෙනවා. ඒත් එක්කම තවත් මිනිස්සු එක්ක අපි පුංචි වෙලාවක් හිටියත් අපිට දැනෙනවා අපි හරි ප්‍රබෝධමත් කියලා. මෙන්න මේ වෙනස හඳුනාගන්න. ඔයාගේ ජීවිතේට ප්‍රබෝධයක් අරගෙන එන මිනිස්සුන්ව ළං කර ගන්න. ඔයාගේ ආත්මයම වෙහෙසට පත් කරන මිනිස්සුන්ගෙන් ඈත් වෙන්න.

* සාමාන්‍යයෙන් පුංචි පුංචි රණ්ඩු ඇතිවීම බොහෝම සාමාන්‍යයි. එකඟ නොවීම් මේ දේවල් හරිම සාමාන්‍යයි. ඉතින් ඒක ඇත්තටම තනිකර රෙඩ්ෆ්ලෑග් එකක් කියලා ගන්න බැහැ. මොකද මිනිස්සු රණ්ඩු වෙනවා යාළුවෙනවා ඒක සාමාන්‍යයක්.
ඒත්
ඔහොම රණ්ඩුවක් වුනාම.....

- එයාලගේ අතේ වැරැද්දක් තියෙනවනම් එයාලා සමාව ඉල්ලනවද ?
- ඔයා පෙන්නන දේ ගැනත් එයාලා ඇහුම්කන් දෙනවද ?
- ඔයාට පැහැදිලි කරන්නට ඉඩ ලබා දෙනවද ?
- ප්‍රශ්නය නිරාකරණය කර ගන්නට එයාලා ඔයාට උදව් කරනවද ?
- වැරදිච්ච තැන හදාගන්නට එයාල උත්සාහවන්තයිද ?

එහෙම නැත්නම්...

- හැමදේටම ඔයාට බනිනවද ..
- හැමදේම ඔයාගේ වැරැද්ද කියලා ඔයාටම දෝෂාරෝපණය කරනවද..
- තමන්ගේ වැරැද්ද පිළිගන්නේ නැතිද...
- පැහැදිලිව අදහස් හුවමාරු කර ගන්නේ නැතුව ඔයාව මඟ හරිනවද
- ඔයා වැරැද්දක් කළා වගේ ඔයාට ඒ වැරැද්ද පාස් කරනවද..
- හැමදේම සිද්ධ වුණේ ඔයාගේ මොකක් හරි දෙයක් නිසා නිතරම ඔයාව අගතියට පත් කරනවද..
- එයාට සමාව ගන්න වෙන නිසා එයා වෙන වෙන අතීතයේ දේවල් ඇදලා ගන්නවද...

මෙන්න මේක ගැන ඔයා හිතන්න ඕනේ. මේ තත්ත්වය ලොකුම ලොකු red flag එකක් !

* අනිත් අයට එයාලා කොහොමද සලකන්නේ කියල බලන්න.
වේටර් කෙනෙක්ට කතා කරන්නේ කොහොමද...
පාරේ ඉන්න අමුත්තන්ට හදිස්සියකදී එයාලා කොහොමද කතා කරන්නේ..
මෙන්න මේ දේවල් ගැන අධ්‍යයනය කරන්න..
කිසිම මනුස්සයෙක්ට එයා කිසිම ගෞරවයක් නැත්නම් ඒක ගැන ඔයාට හිතන්න වෙනවා...

* Manipulative Language : ඔයාව අතරමං කරන සහ ඔයාගේ පැත්තෙන් වැරැද්දක් වුනා කියල පෙන්වන එහෙමත් නැත්නම් ඔයාට ගිල්ටි එක නිතරම දැනෙන්නට ඉඩ හරින මෙන්න මේ වගේ දේවල් කියනවද...

ඒ කියන්නේ ඔයාට ලොකු වැරැද්දක් කරලා ඔයාගේ හිත රිද්දලා ඔයාව මානසිකව වට්ටලා එයා මෙහෙම දෙයක් කියනවනම් ඒ ගැන අවධානය දෙන්න...

" ඔයා ඕනවට වඩා වැඩියි..."
" මම විහිළුවක් කලේ "
" අනේ මේ ඔයා ඕනවට වඩා ඔහොම හිතන්න යන්න එපා "
" මටත් එපා වෙනවා නේ ඔයා ඔහොම දුක් වෙද්දි.. විහිළුවක්වත් කරන්න බෑනේ "
" මං ඔයාට ආයෙත් කවදාවත් විහිළු කරන්නේ නැහැ.."
" ඔයා ඇත්තටම ටූ මච් "

ඒ කියන්නේ එයා එයාගේ වැරැද්ද වහගන්න තමයි නිතරම උත්සාහ කරන්නේ. ඔයාගෙන් සමාව ඉල්ලන්න උත්සාහ කරන්නේ නැහැ. ඔයාට වැරැද්ද එයා දෙනවා හැමතිස්සේම. මේක ගැන ටිකක් නෝට් කරගන්න.

මොකද මෙහෙම දේවල් වලින් ඔයා ඔයාවම ප්‍රශ්නයක් කරගන්නවා. ඔයාට ඔයා වැරැද්දක් කරා වගේ හැඟීමක් දැනෙනවා.

* ඔයාට කතා කරන්න ඉඩ දෙන්නේ නැහැ. නිතරම එයා මැද්දෙන් පනිනවා. එයා ඇහුම්කන් දෙන්නේ නැහැ. ඔයා කතා කරද්දි එයා ඉන්නේ වෙනම වැඩක් කර කර. ඔයාට අවධානය දෙන්නේ නැහැ.

*එයා ඔයාගෙන් අහන්නේ නැහැ ඔයාගේ දවස කොහොමද කියල. කලාතුරකින් තමයි එයා ඔයාගෙන් අහන්නේ ඔයාගේ දවස ගෙවුණ ආකාරය ගැන. ඔයා හොඳින්ද කියලා අහන්නේ නැහැ

* ඔයාව තවත් අයත් එක්ක සංසන්දනය කරනවා. මෙයා මෙහෙමයි. අරයා මෙහෙමයි ඇයි ඔයාට බැරි එයා වගේ වෙන්න කිය කියා ඔයාව සංසන්දනය කරනවා. මේක ලොකුම ලොකු red flag එකක්.

* ඔයා ගැන අනිත් අයට නිතරම නරක කියනවා. ඔයාගේ වැරදි ඔයාගේ අඩුපාඩු ඔයාගේ පෞද්ගලික දේවල් පවා ලේසියෙන් අනිත් අයට කියමින් ඔයාට බනිනවා හෝ දොස් පවරනවා. නිතරම ඔයාගේ වැරදි ප්‍රචාරය කරනවා. කවුරු ඉන්නවද නැද්ද කියල බලන්නේ නැතුව ප්‍රසිද්ධියේ ඔයාව විවේචනය කරනවා.

* ' මාව විශ්වාස කරන්න..' කියමින් එයා ඔයාට කියනවා ඒත් එයාගේ ක්‍රියාව සම්පූර්ණයෙන්ම විරුද්ධයි ඒ දේට. එයා නිතරම කියනවා විශ්වාස කරන්න කියලා ඒත් එයා ඒ වෙනුවෙන් ඇත්තටම කැප වෙන්නේ නැහැ .
උදාහරණයක් කියන්නම් :

ඔයා දකිනවා එයාගේ ෆෝන් එකට වෙන කෙනෙක්ගෙන් අනවශ්‍ය මැසේජ් එකක් එනවා.. ඔයා ඒක හොඳටම දකිනවා. ඔයා එයාට කියනවා කවුද ඒ ඔයාට පෙන්නන්න කියලා. ඒත් එයා ඔයාට පෙන්නන්නෙ නැතුව එවේලේ ලොකු රණ්ඩුවක් කරනවා. ' ඔයාට මාව විශ්වාස කරන්න බැරිද කියලා අහලා ' එහෙම නැතුව එයා ඔයාගේ විශ්වාසය දිනාගන්න එතන වෙන දේ ඔයාට පැහැදිලි කරන්න බයයි. මේක ලොකුම ලොකු රෙඩ්ෆ්ලෑග් එකක්. ඒත් ඔයා වැරැද්දක් කලොත් මේකේ අනිත් පැත්ත. ඇත්ත දැනගන්න කල් එයා රණ්ඩු වෙනවා.

* විවිධ පොරොන්දු එයා දෙනවා. ඒත් ඒ එක පොරොන්දුවක්වත් එයා ඉෂ්ට කරන්නේ නැහැ. මේ කියන්නේ ලොකු ලොකු පොරොන්දු ගැන නෙමෙයි. නිතරම ඔයාට පොරොන්දු වීම් වෙලා පුංචි දෙයක්වත් එයා ඔයා වෙනුවෙන් කරන්නේ නැහැ. ඔයාට රිදෙනවා කියලා දැන දැනත් ඒවා මගහරිනවා.

* එයා සමාව ඉල්ලනවා ඒත් එයා වෙනස් වෙන්නෙ නැහැ. දිගටම මේක චක්කරයක් වගේ දිගටම වෙනවා. එයා වැරදි කරනවා සමාව ඉල්ලනවා ඔයා සමාව දෙනවා. ආයෙත් එයා වැරදි කරනවා ඔයා සමාව දෙනවා. මේක ලොකුම ලොකු රතු කොඩියක් !!

මේ කිව්වේ අපි සමාජයේ ජීවත් වෙද්දි අපි දැනගෙන ඉන්න ඕනේ දේවල් කිහිපයක් !

Credits - Gumiho's Diary

ඊයෙ The girlfriend බැලුවට පස්සෙ මට මතක් වුණේ පහුගිය දවස්වල tiktok එකේ ගෑනු ළමයි කරපු boyfriend's rules කියන trend එක. ඒ trend එක කරපු ගෑනු ළමයි ටිකව ළඟට අරගෙන ටොකු ඇන ඇන පෙන්නන්න ඕනෙ film එකක් මේක 😎. Trend එක ගැන ඒ දවස්වල ලියපු හෑල්ලක් මේකට අමුණනව. Trend එකට video කරපු ගෑනු ළමයින්ට මේ film එක බලන්න මං ආරාධනා කරනවා.

මේ දවස්වල tiktok එකේ trend එකක් යනවනෙ boyfriend's rules කියලා. නිකමට ඒ videos වල ඒ ගෑනු ළමයින්ගෙ boyfriends ලා එයාලට දාලා තියෙන rules මොනවගේ ඒවද කියලා බලන්න. බලලා ඒවගෙන් කීයක් ඔයාගෙ relationship එක ඇතුළෙ තියෙනවද කියල බලන්න. උදාහරණ විදියට‍,

* යාලුවො එක්ක එලියට යන එක ❌
* පිරිමි යාලුවො ඉන්න එක ❌
* එයාලත් එක්ක කතා කරන එක ❌
* තනියම එලියට යන එක ❌
* කොන්ඩෙට styles කරන එක ❌
* කොටට අඳින එක ❌
* මේකප් කරන එක❌
* Crop tops අඳින එක ❌
* ටැටූ කරන එක❌
* එයා කියන වෙලාවට විතරක් නින්දට යන එක ✅
* එයා එක්ක විතරක් ඇවිදින්න යන එක ✅
* කොහෙහරි ගියාට පස්සෙ වීඩියෝ කෝල්ස් අරගෙන කියපු තැනටමයි ගියේ කියල ඔප්පු කරන එක ✅
* චැට් ‍, කෝල්ස් හිස්ට්‍රි වල screenshots යවන එක ✅
* Facebook password එක දෙන එක ✅
* ගේ ඇතුළට වෙලා ඉන්න එක ✅

මේ වගේ රූල්ස්වලින් එකක් හරි ඔයාටත් තියෙනවනම් මේ trend එක ගැන අනුදි කරපු වීඩියෝ එක බලන්න. අහන්න. Tiktok නැති අයට මං අනුදිගෙ කතාවෙ සාරාංශයක් කියන්නම්.

ලංකාවෙ විවාහ දූෂණය ගැන පර්යේෂණයක් කරද්දි විවිධාකාරයේ ගෘහස්ථ හිංසනයන්ට ලක් වුණ කාන්තාවන් අනුදිට මුණ ගැහිලා තියෙනවා. ඒ අයගෙන් සමහරු දැන් ඉන්නෙ සිරගත වෙලා. සමහරු තවමත් පීඩා විඳිනව. සමහරු දික්කසාද වෙලා. අනුදි මෙතන කියන වැදගත්ම කාරණාවක් තමයි මේ අය හැමෝම වගේ තමන්ගෙ relationship එක ඇතුළෙ red flag එහෙම නැත්තන් රතු කොඩි දැකපු අය කියලා.

ඒ වගේ රතු කොඩිවලට උදාහරණ කිහිපයක් තමයි මං ඔය උඩ ලිස්ට් එකේ දැම්මෙ. ඉතින් ඔයාට හිතෙනවනම් ඔයාගෙ boyfriend ඒ හැමදේම කරන්නෙ ඔයාට තියෙන්නෙ ආදරේට කියල ‍, සමාවෙන්න මෙහෙම කියනවට ඔයා ඉන්නෙ උගුලකට අහුවෙලා. ඔයා විවාහ වෙලා යන්න බලාපොරොත්තු වෙන්නෙ කූඩුවකට. ඔයාට ඔයාගෙ ජීවිතේ අහිමි වෙලා. අපිට තව කෙනෙක් වෙනුවෙන් දිය කරලා හරින්න ජීවිත ලැබිලා නෑ කියන එක මම ගොඩක් ගෑනු ළමයින්ට කියන කතාවක්.

විශ්වාස කරනවද මගෙ එක මිතුරියක් හිටියා වෙනත් විශ්වවිද්‍යාලයක. අපි එයාට x කියල කියමුකො. එයා university එකට ඇවිත් අවුරුදු තුනකට පස්සෙ තමයි university එක ඇතුළෙ තියෙන event එකකට ගියෙ. අදටත් එයාට ඩෙනිම් trouser එකක් අඳින්න බෑ. ලිප්ස්ටික් ටිකක් ගාන්න බෑ. පිරිමි යාලුවො ඉන්න බෑ. අඩුම ගෑනු යාලුවො එක්කවත් ඇවිදින්න යන්න බෑ. ලෙක්චර්ස් තියෙන ටයිම් ටේබල් එක boyfriend දන්නවා. ලෙක්චර්ස් ඉවර වුණ ගමන් කෝල් එකක් ගන්න ඕනෙ. උදේට යනකොට කෝල් කරන්න ඕනෙ ‍, එනකොට කෝල් කරන්න ඕනෙ. Phone එක busy වුණොත් call හිස්ට්‍රි එක යවන්න ඕනෙ. සමහර දාට ඒක යැව්වත් රණ්ඩු. කඩේට හරි යනවනම් වීඩියෝ කෝල් එකේ යන්න ඕනෙ.

ඔය relationship එකේ තියෙන ඒකාධිපතිකම ගැන කොච්චර තේරුම් කරන්න හැදුවත් වැඩක් වුණේ නෑ. මොකද එයා දන්නෙ නෑ ඒක toxic කියලා. අන්තිමට ඔය හේතුයි තවත් හේතු ගොඩකුයි නිසා අපේ යාලුකම නතර වුණා. දැන් කොහෙහරි යමු කියල හිතුණොත් දඩිබිඩි ගාලා ලෑස්තිවෙලා සෙට් එකත් එක්ක ඇවිදින්න යන යාලුවො ටිකක් මට ඉන්න එක සහ මම තනියම ඉතියෝපියාවට හරි යන කෙනෙක් වුණ එක එයාගෙ boyfriend කොහෙත්ම කැමති වුණ දේවල් නෙවෙයි.

මං තරයේ විශ්වාස කරන දෙයක් තමයි තමන්ට ආදරේ කරන්න බැරි ‍කිසිම කෙනෙක්ට තව කෙනෙක්ට ආදරේ කරන්න බෑ කියන එක. ඔයා ඔයාටවත් ආදරේ නැතුව කොහොමද තව කෙනෙක්ට ආදරේ කරන්නෙ? ඔයාගෙ ජීවිතේ සතුට නැති කරලා දාන දේවල්වලට විරුද්ධව ඇයි ඔයාට නැගී සිටින්න බැරි? තමන් ආස දේ කරන්න තමන්ට හරියි කියල හිතෙන දේ කරන්න තව කෙනෙක් අවසර දෙනකන් ඉන්නෙ ඇයි?

ඔයා ෆලෝවර්ස්ලා දහ පහළොස්දාහක් ඉන්න tiktok/facebook account එකක owner කෙනෙක් නම් ඔයා කැමති වුණත් අකැමති වුණත් ඔයාගෙ උර මත වගකීමක් තියෙනවා. ඔයාට පුළුවන් තප්පර ගානකින් සමාජයට මහා නරක ආදර්ශ දෙන්න. ඔයාට පුලුවන් තප්පර ගානකින් සමාජයක් නොමග යවන්න. ඔයා අප්ලෝඩ් කරන contents ගැන ඔයා හොඳ අවබෝධයකින් ඉන්න ඕන කියන්නෙ ඒකයි. කාලෙන් කාලෙට එන හැම trend එකම follow කරන්න කලින් ඔයා සිය වතාවක් හිතන්න ඕනෙ වෙන්නෙ ඒකයි. ඔයාගෙ boyfriend ඔයාට දාන toxic rules ටික ආඩම්බරෙන් ලෝකෙට පේන්න share කරලා මට ඉන්නෙ මාව ආරක්ෂා කරන ‍, ආදරේ කරන boyfriend කෙනෙක් කියලා හිතාගෙන මුලාවෙ වැටෙන්න එපා. ආදරේ කියන වචනෙට වහල් වෙලා හිරකාරයෙක් වගේ ජීවත් වෙන්න තවත් ගෑනු ළමයින්ව encourage කරන්න එපා. ගේ අස්සට හිර කරනවා කියන්නෙ ආරක්ෂා කරනව කියන එක නෙවෙයි. ඔයා දොර ඇරගෙන එළියට ඇවිත් බලන්න. සමාජය මොනවගේද කියල අත්දකින්න. මිනිස්සුත් එක්ක ඉඳලා මිනිස්සුත් එක්ක ගැටිලා ඔයාව ආරක්ෂා කරගන්න ක්‍රමය ඔයා හොයාගන්න. ඒක අනිත් අයටත් කියල දෙන්න.

ඔයා අහල තියෙනවද මේ සින්දුව..?

" මා සඳට කැමති බව දැනගෙන
ඔබ සඳ අයින් කලා අහසින්
මා මලට කැමති බව දැනගෙන
ඔබ මල අයින් කලා නටුවෙන්

නොයිඳුල් තොල්පෙති අතරෙන්
උදුරාගෙන සිනාව
හදවත නැති මිනිසා ඔබ
නෙත කඳූලැලි ගෙනාව

එක්ටැම්ගෙයි සිරගත කළ
සමනලියක අනාත
ජීවිතයම ඔබ අරගෙන
ඇති දුන් වේදනාව "

තව දුරටත් ඔයාගෙ අහසින් ඔයාගෙ සඳ උදුරගන්න කාටවත් ඉඩ දෙන්න එපා!

ගෑනු ළමයිනේ..! මේ ජීවිතේ ඔයාගෙ.⁣ මේ ගෙවෙන්නෙ ඔයාගෙ ලස්සනම කාලෙ. මේ කාලෙ ඔයා කැමති දෙයක් කරන්න. ලස්සනට අඳින්න. සල්ලි ටිකක් එකතු කරලා ලිප්ස්ටික් එකක්‍, පවුඩර් එකක් ගන්න. ආස තැනක යන්න. යාලුවො එක්ක පිස්සු නටන්න. ඒ ඔක්කොම කරන ගමන් #අනිවාරෙන්_ඉගෙන_ගන්න. ඇයි දන්නවද ? ඔයා ඉගෙනගත්තම ඔයාට ජීවිතේ ගැන දැන් හිතනවට වඩා තාර්කිකව හිතන්න පුළුවන් වෙනවා. ඔයා ජීවිතේ ඉස්සරහ ගැන හිතන්න පුරුදු වෙනවා. ඔයාට සල්ලි හම්බකරන්න පුලුවන් මාර්ග විවර වෙනවා. ඔයා හිතනවනම් ⁣" මට ඉන්නෙ සල්ලි තියෙන boyfriend කෙනෙක් නිසා මම ඉගෙනගන්න ඕන නෑ" කියලා.. හිතන්න! අපි ⁣ඉගෙනගන්න ඕනෙ සල්ලි හම්බකරන්න විතරක්ම නෙවෙයි. අනිත් එක ඒ සල්ලි ඔයාගෙ boyfriend ගේ / Husband ගේ මිසක් ඔයාගෙ නෙවෙයි. ඔයත් සල්ලි හම්බකරොත් පවුලෙ බර හස්බන්ඩ්ගෙ කර උඩම විතරක් පටවන්නැතුව ඔයාටත් එයාට උදවු වෙන්න පුලුවන්. වැදගත්ම දේ තමයි ඔයාට ස්වාධීන වෙන්න පුලුවන්. ඔයාට #ඔයා_වෙන්න පුලුවන්. ඉතින් ඔයා ‍, #ඔයා_වෙන්න! #ජීවත්_වෙන්න !

Credits දමී ✍️