Knowledge Hub

මැක්සිම් ගෝර්කි

ඇලෙක්ස් මක්සිමෝව් පෙස්කොග් නමින් 1868 මාර්තු 28 වන දින මෙලොව එළිය දුටු ඔහු කවුරුත් හඳුනන නමින් මැක්සිම් ගෝර්කි විය. මොහු සෝවියට් රුසියානු ලේඛකයෙක් මෙන්ම සමාජවාදී යථාර්ථය පිළිඹිබු කෙරෙන සාහිත්‍ය ක්‍රමයේ ප්‍රාරම්භකයා ලෙස ද හැඳින්විය හැකිය. තවද ඔහු දේශපාලන ක්‍රියාකරුවෙකු වශයෙන් ද කටයුතු කොට ඇති අතර ගෝර්කි 1906 සිට 1921 බසිට 1929 දක්වාත් විදෙස් රටවල ජීවත් වුණි. වැඩි වශයෙන් කැප්රි, ඉතාලිය වැනි රටවල හෙතෙම ජීවත් වූ අතර සෝවියට් රුසියාවට නැවත පැමිණීමෙන් පසු නැවත වතාවක් එරටින් පිටව යාමට අවසර නොලැබුවත් මැක්සිම් ගෝර්කි විසින් එවකට එරට පැවති සංස්කෘතික ප්‍රතිපත්ති පිළිගන්නා ලදී.

ඔහු අතින් ලියවුන ග්‍රන්ථ කීපයක්

· මාකර් චෞද්රා - කෙටි කථාව 1892
· චෙල්කාෂ්
· Petit-Bourgeois මෙහි G.K. චෙස්ටර්ටන් විසින් රචිත හඳුන්වාදීමක් අඩංගු වේ.
· මිනිසුන් 26 දෙනා හා ගැහැණු ළමයි
· Foma Gordeyev , novel, 1899
· ඔවුන් තිදෙන, 1900
· A Confession (Исповедь), 1908
· පාපොච්ඡාරණය (1908)
· ඔතුරොව් නඟරය, නව කතාව 1908
· The Life of Matvei Kozhemyakin
· හිරුගේ දරුවෝ (නාට්‍යය 1905)
· හතුරෝ (නාට්‍යය 1907)
· අන්තිමය (නාට්‍යය 1908)
· දරුවෝ (නාට්‍යය 1910)
· The Lower Depths (На дне), 1902
· ළමාවිය (1913-1914)

මහා ගත්කරු මැක්සිම් ගෝර්කි

රුසියානු සාහිත්‍යයයේ පෝෂණය උදෙසා මහගු සේවයක් ඉටු කළ මැක්සිම් ගෝර්කි නමැති මහා ගත්කරුවාගේ ළමා වියට අද අපි එබී බලමු.ඇලෙක්සි මැක්සිමොවිච් පෙෂ්කොව් උපන්නේ 1868 මාර්තු 28 වන දින රුසියාවේ වොල්ගා ගඟ අසල ඇති නිෂ්නි නොව්ගොරොද් නමැති ප‍්‍රදේශයේය. කුඩා කාලයේ සිටම ඇලෙක්සිට දුක් විඳීමට සිදුවූයේ ඔහු දිළිඳු පවුලක උපන් නිසයි.මගේ ළමා කාලය ගැන කීමට තිබෙන්නේ මට ළමා කාලයක් නොතිබුණු බව යැයි ඔහු පසුකලෙක පවසා තිබෙන්නේද ඔහුගේ ළමා විය සුන්දර සහ ප‍්‍රීතිමත් එකක් නොවූ බැවිනි. ඇලෙක්සිට මව් පිය සෙනෙහස ලැබීමට හැකි වූයේ ඉතා ටික කලකි. ඔහුට අවුරුදු පහේ දී පියා මිය ගිය අතර ඉන් ටික කලකට පසු මවද මිය ගියාය. ඉන්පසු කුඩා ඇලෙක්සි ඇති දැඩි වූයේ ආච්චි සහ සීයා සමගිනි. සීයාගේ රැකියාව වූයේ ඇඳුම් වලට සායම් පෙවීමයි. ඉතා දර දඬු පුද්ගලයෙකු වූ සීයා කුඩා ඇලෙක්සිට නපුරු විදියට සැලකුවේය.ඔහු ආදරය කරුණාව ලැබුවේ ආච්චිගෙන් පමණි. ඇලෙක්සිව සැනසීම සඳහා ආච්චි ඔහුට ජනකතා සහ සුරංගනා කතා කියා දුන්නාය. ඇය කියා දුන් ඒ සුරංගනා කතාවල ප‍්‍රධාන කාන්තා චරිතය ලෙස ඇලෙක්සි ඔහුගේ මව ව සිතින් මවා ගත්තේය. ඔහු ඒ තරමට මවට දැඩි ආදරයක් දැක්වූයේය. ආර්ථික දුෂ්කරතා මැද සීයා ටික දිනක් ඇලෙක්සිව පාසල් යැවූ නමුත් ඇලෙක්සිට අවුරුදු අටේදී පාසල් ගමන නතර කරන්නට සිදුවිය. ඉන්පසු ඔහුට රැකියාවක් කර මුදල් සෙවීමට සිදුවිය. පාවහන් වෙළඳ සැලක අත් උදව්කරුවෙකු ලෙස ඔහු මුලින්ම සේවය කළේය. එහිදී කුඩා ඇලෙක්සිට විවිධ ආකාරයේ මිනිසුන් හා ගැටෙන්නට සිදුවිය. ප‍්‍රතිමා පින්තාරු කරන්නෙකු ලෙසද වොල්ගා හි දුම් නැවක පිඟන් සෝදන්නෙකු ලෙසද ඔහු සේවය කළේය.දුම් නැවේ මුළුතැන් ගෙයි සේවය කරද්දී එහි සිටි ‘ස්මූරි’ නමැති කෝකියා කුඩා ඇලෙක්සි පොත් කියවීම කෙරෙහි යොමු කළේය. රසවත් සුරංගනා කතා කියා දුන් ආච්චි ඇලෙක්සිව පොත් කියවීමට යොමු කළ පළමු මාර්ගෝපදේශිකාව වූ අතර ‘ස්මූරි’ එය තව තවත් වර්ධනය කළේය. ඉන්පසු ඔහුගේ එකම පරමාර්ථය වූයේ පොතපත කියවීමයි."මෝඩයාට නුවණ ලබාගන්න ඕනෙ නම් සුදුසු පොත් කියවන්න ඕනෑ. සියලු පොත් කියවන්න ඕනෑ.නුඹ පොත් කියවාපන්. තේරුම් ගන්න බැරිනම් හත්පාරක් කියවාපන්. ඒත් තේරුම් ගන්න බැරිනම් දොළොස් පාරක් කියවාපන්...පොත් වල ගතයුතු දේ තිබෙනවා. පොත් කියන්නේ බොරු පුහු දේවල්වලට නොවෙයි."ස්මූරි එසේ ඇලෙක්සිට අවවාද කරමින් ඔහුගේ උනන්දුව තව තවත් වැඩි කළේය.“මටම නොදැනීම මම කියැවීමට පුරුදු වීමි. "මා පොතක් අතට ගත්තේ ඉමහත් සතුටකිනි."ඇලෙක්සි පසු කලෙක ලියූ ඔහුගේ චරිතාපදානයේ පවසා තිබේ. දුම් නැව තිෂ්නි නගරයට පැමිණි පසු ඇලෙක්සි නැවේ සේවයෙන් සමුගෙන ඒ නගරයේ නිවසක මෙහෙකරුවකු ලෙස සේවය කරන්නට විය. එහිදී ද ඇලෙක්සිගේ පොත් උමතුව අඩුවූයේ නැත.එහිදී ඔහුට හමු වූ ඇඳුම් මහන්නෙකුගේ බිරිඳකගෙන් ඔහු කියවීමට පොත් ඉල්ලා සිටියේය. "නුඹ අකුරු දන්නවද? පොත් කියවන්න ආසද!"ඇය ඇසුවාය."මට පොත් කියවන්න වෙලාවක් නැහැ" ඇලෙක්සි පිළිතුරු දුන්නේය."නුඹට පොත් කියවන්න ආසානම් නුඹට වෙලාවක් සොයාගන්නට පුළුවන්" ඇය දුන්නේ ඉතා වටිනා උපදේශයකි. ඉන්පසු ඇයගෙන් ඉල්ලාගත් පොත් කියවීමට කාලය සොයා ගැනීමට ඇලෙක්සි උත්සාහ කළේය.දර පැළීමට ගිය අවස්ථාවේදී දරමඩුවේ හිඳ ඔහු පොත් කියවූයේය. නැතිනම් අටුවට නැග පොත් කියවූයේය. ඔහුගේ ස්වාමි දුව ඔහු රාතී‍්‍ර කාලයේදී ඉටිපන්දම් දවමින් පොත් කියවනවාට කොහෙත්ම කැමති වූයේ නැත. මේනිසා ඔහුට හොරෙන් හොරෙන් පොත් කියවීමටද සිදුවිය.බෙහෙත් සාප්පුවේ සිටි බෙහෙත් කලවම් කරන්නා වූ ගෝල්බර්ග් ද ඇලෙක්සිට පොත් කියවීම කෙරෙහි අගනා උපදෙස් දුන්නේය."ළමයා වචන හරියට ගසක තිබෙන කොළ වගෙයි. ගසක කොළ වෙන වෙනම හැඩ නොගෙන එක ම හැඩයට වැඩෙන්නේ මොන හේතුවක් නිසාද කියා දැන ගන්න ඕනෑනම් ගස වැඩෙන හැටි දැන ගත යුතුයි.

ඒකට ළමයා පොත් කියවන්න ඕනෑ. මිනිස් මොළය බොහොම ප‍්‍රයෝජනවත්. හැම දෙයක්ම වැවෙන පොහොර පස් සහිත හොඳ වත්තක් වගෙයි"ගෝල්බර්ග් පැවසූ සියල්ල කුඩා ඇලෙක්සිගේ සිතට හොඳින් කා වැදුණි."මා පළමු වරට බුද්ධිමත්ව පොත්පත් කියවීමට උගත්තේ වයස අවුරුදු දහ හතරේදී පමණය" ඔහු චරිතාපදානයේ දක්වා තිබේ. ඔහුට ඔහු කියවූ සෑම පොතක්ම අලුත් නුපුරුදු ලෝකයකට විවෘත කරන ලද කවුළුවකට සමාන විය. ඔහු හිඟාකන සිඟන්නෙකු මෙන් පොත් සොයමින් ඇවිද ගියේය.නොයෙක් වද වේදනා නින්දා අපහාස විඳිමින් අමිහිරි ළමා වියක් ගෙවූ ඇලෙක්සිට සිටි එකම සහ වටිනාම මිතුරා වූයේ පොත්ය. ළමා වියේදීම ලැබූ විවිධ සමාජ අත්දැකීම් වලින් ලැබූ පන්නරය සහ පොත පත කියවා ලැබූූ ඥානය ඉවහල් කරගෙන ඔහු තරුණ වියේදී පොත පත ලිවීමට පටන් ගත්තේය. ඒ අප අද ඔහුව හඳුන්වන මැක්සිම් ගෝර්කි යන අන්වර්ථ නාමයෙනි. ‘අම්මා’ වැනි ශ්‍රේෂ්ඨ නවකතා ලියූ අතරම ඔහු ළමයින් සඳහාද කතා රචනා කළේය. ඔහුගේ ළමා විය හා තරුණ විය ඇසුරින් ඔහු ලියූ “ළමා විය”, “මිනිසුන් අතර”, “මගේ සරසවි” නමැති ග‍්‍රන්ථ ලොව පුරා ඉතා ජනප‍්‍රිය විය. ඔහුගේ ළමා විය ඇසුරින් රුසියානු චිත‍්‍රපටයක්ද නිපදවුණි. පොත් කියවීමෙන් ජීවිතය ජයගත් මැක්සිම් ගෝර්කි චරිතයෙන් අප හැමෝටම ගතහැකි ආදර්ශ බොහෝ වේ.

SNC හි මූලාකෘතියක් වූ Dream Chaser අභ්‍යවකාශ යානයේ 2017 නිදහස් පියාසැරි පරීක්‍ෂණයේ ඡායාරූප.

ජාත්‍යන්තර අභ්‍යවකාශ මධ්‍යස්ථානය වෙත පියාසර කිරීමේ හැකියාව ඇති Dream Chaser භාණ්ඩ හා කාර්ය මණ්ඩල සදහා වන දෙකෙන්ම නිෂ්පාදනය කෙරේ. මෙම අභ්‍යවකාශ යානය ULA's Vulcan Centaur රොකට්ටුවට ඉහළින් දියත් කෙරෙන අතර එහි අවසාන ප්‍රතිරූපය රොකට් යාත්‍රාවේ Dream Chaser නිරූපනයයි.

Dream Chaser යනු මුලින් නාසා ආයතනයේ වාණිජ කාර්ය මණ්ඩල වැඩසටහන සඳහා යෝජනා කරන ලද අභ්‍යවකාශ යානා වලින් එකකි, නමුත් SpaceX's Crew Dragon සහ Boeing's Starliner වෙතින් පරාජය විය.

Photos: NASA • Render: Sierra Nevada Corp.

අපේ ලෝකය බොහෝ දුරට ස්ථායි බව එදිනෙදා අත්දැකීමෙන් කියවුණත්, අපේ පෘථිවියේ අභ්‍යන්තරය ප්‍රචණ්ඩකාරී හා විනාශකාරී බලවේගයන්ගෙන් සමන්විත බව ගිනිකඳු පිපිරීමක් හෝ භූමිකම්පාවක් දුටු ඕනෑම අයෙකු දනී.

අපෙන් බොහෝ දෙනෙක් පෘථිවිය දෙස බලන්නේ ඝන ගල් බෝලයක් ලෙස ය. කෙසේ වෙතත්, අපේ පෘථිවිය හරියට බිත්තරයක් බඳු ය. තුනී පිටත කවචය කබොල වන අතර, ඊට ආසන්නව ක්‍ෂණිකව තාපය සූර්යයාගේ මතුපිටට ළඟා වන බැවින් හරයේ බාහිර කොටස් උණු කළ ලෝහ වේ. කෙසේ වෙතත් පෘථිවියේ කේන්ද්‍රයේ ඇති අති විශාල පීඩනය අභ්‍යන්තර හරය ඝන ලෙස තබා ගනී.

පෘථිවියේ හරය තුළ තිබෙන බොහෝ දේ අප නොදැක සිටි නිසා නොදන්නා කරුණක් ලෙස පවතී. ඒ වෙනුවට විද්‍යාඥයන්ට වක්‍ර සාක්‍ෂි මත විශ්වාසය තැබීමට සිදු වේ. අපේ සෞරග්‍රහ මණ්ඩලයේ ඇති අන්තර් ග්‍රහලෝක සුන්බුන් වලින් වැඩි ප්‍රමාණයක් සෑදී ඇත්තේ පෘථිවිය මෙන් එකම ද්‍රව්‍යයෙන් ය. ඉතින් මේ සුන්බුන් වලින් සමහරක් උල්කාපාත ස්වරූපයෙන් පෘථිවියට වැටෙන විට එය පෘථිවියේ හරයෙහි සංයුතිය පිළිබඳ වැදගත් හෝඩුවාවන් ලබා දේ.

පළමුවැන්න නම් පෘථිවි පෘෂ්ඨය වන අතර එය සැතපුම් 30 ක් පමණ ඝන පාෂාණ තුනී ස්ථරයකි. මෙයට පහළින් ඉහළ මැන්ටලය ඇත, එය සැතපුම් 400 ක් ඝන තට්ටුවක් වන අතර එය මූලික වශයෙන් යකඩ සහ මැග්නීසියම් වැනි සිලිකේට් වලින් සමන්විත වේ. ඉහළ මැන්ටලයට පහළින් ඉහළ මැන්ටලයට සමාන සංයුතියක් ඇති පහළ මැන්ටලය ඇත. කෙසේ වෙතත්, පහළ ආවරණ පෘථිවියේ ස්කන්ධයෙන් අඩක් පමණ ගනී. පහළ මැන්ටලයට පහළින් D ස්ථරය වන අතර එය සැතපුම් 120 ක් ඝන තට්ටුවක් වන අතර එය නාටකාකාර ලෙස වෙනස් වන ඝනත්වයකින් යුක්ත වේ. D ස්ථරයට පහළින් සැතපුම් 1,400 ක් ඝනැති යකඩ හා නිකල් ස්ථරයක් ඇති අතර එය සැම විටම දියවී පවතින තත්වයක පවතී. පිටත හරයට පහළින් සැතපුම් 1500 ක් වූ අභ්‍යන්තර හරයක් ඇත. අභ්‍යන්තර හරය සුපිරි උණුසුම් ලෝහ බෝලයක් වන අතර පීඩනය පෘථිවි මතුපිටට වඩා 6,000 ගුණයකින් වැඩි වේ.

නාගසාකි සිට සැතපුම් 9 ක් පමණ ඈතින් පිහිටි හෂිමා දූපත.දැන් අතහැර දමා ඇති දූපත 1940 ගණන් වල ජපානයට ගල් අඟුරු සපයන ප්‍රධාන තැනක් විය.කොරියානු සහ චීන වහලුන් මෙහි සේවයේ යොදවා ඇති බව පැවසේ.

පිටරටකට පදිංචි වෙන්න යන්න කලින් හිතන්න ඕන දේවල් 10ක්

වෙනත් රටකට සංක්‍රමණය වීමටද සූදානම?මේ වන විට ලංකාවේ බොහෝ පිරිස් වෙනත් රටකට යෑමේ ප්‍රවනතාවක් තියෙනවා. නිසැකවම ඔබ මෙම තීරණයට පැමිණෙන්නේ වඩා යහපත් අනාගතයක්, වඩා යහපත් ජීවන තත්ත්වයක් බලාපොරොත්තුවෙන් විය යුතුයි. ඔබ සංක්‍රමණය වන රටෙන් ඔබට ඒ දේවල් අනිවාර්යයෙන් හිමිවේවිද? ඔබ ඒ ගැන හිතුවාද? එහෙනම් හැමදේටම කලින් ඔබ යන්නට පෙර දැනගත යුතුම දේවල් ටිකක් පිළිබඳව සාකච්ඡා කරමු.



1. ආදායම් මාර්ගයක් තියෙනවාද?

වෙනත් රටකට යන්න අවස්ථාව ලැබුන නිසාම නොගිහින්, එහි යාමට පෙර එම රටේ ජීවන වියදමට ගැලපෙන පරිදි ඔබට රැකියාවක්, ආදායම් මාර්ගයක් සකසා ගන්න හැකියාවක් තියෙනවාද කියන දේ විමසා බැලිය යුතුයි. යන්න කලින්ම එවන් ආදායම් මාර්ගයක් සැලසුම් කරගෙන යා යුතුයි. එහෙම නැති වුනොත් ඔබ වෙනත් රටක අසරණ වෙන්න පුළුවන්.



2. එම රටේ හෝ ප්‍රදේශයේ සංක්‍රමණිකයන් පිළිබඳව දක්වන ආකල්ප මොන විදිහද?

ඉපදුණු රටෙන් පිටත පදිංචියේදි ඔබ සැලකිලිමත් විය යුතුයි එම රටවල් සංක්‍රමණිකයන්ට සළකන ආකාරය සහ සංක්‍රමණිකයන් පිළිබඳව දක්වන ආකල්ප මොනවගේද කියන එක ගැන. මොකද ජීවිතයේ ඉතිරි කාලය ගෙවන්න ඔබ තෝරා ගන්නා වටපිටාව ඔබට හිතවත් නොවුනහොත් එය එදිනෙදා ජීවිතයේ ගතවෙන හැම තත්පරයකටම අදාළ වෙන නිසා, පිටත් වීමට තීරණය කිරීමට පෙර ඒ පිළිබඳව හොඳින් අධ්‍යයනය කරන්න.



3. රටේ නීතිරීති ගැන දැනුවත් වෙන්න

සමහර රටවල් සරල ආගමන ප්‍රතිපත්ති තමයි ඉදිරිපත් කරන්නේ. සමහර රටවල ආගමන ප්‍රතිපත්ති හරීම සංකීර්ණයි. ඔබ ජීවත් වීමට අපේක්ෂා කරන රට තුළ ක්‍රියාත්මක වෙන නීතියට ඔබට අනිවාර්‍යයෙන් අවනත වෙන්න සිදු වෙනවා. ඔබේ නොදැනුවත්කම සමාවට හේතුවක් නම් නොවේව්. ඒ නිසා ඒ ගැන මනා වැටහීමක් ලබාගෙනම යන එකයි සුදුසු.



4. ආරක්ෂාව

සංක්‍රමණය වෙන රට තුළදී ඔබේ ආරක්ෂාව තහවුරු වෙනවාද? එම රටේ පවතින යුධ වාතාවරණ, ජනවාර්ගික අර්බුද, ඔබ අදහන ආගම දහමට පවතින පක්ෂපාතීත්වය හෝ විරුද්ධත්වය ආදියද අනිවාර්යයෙන් විමසා බලන්න.



5. ශ්‍රී ලාංකිකයන්ගේ සංවිධානයක් තියෙනවාද?

ගොඩාක් නුපුරුදු පරිසරයක වුනත් අපේ කියලා දෙයක් ඇහැ ගැටුනාම දැනෙන සුවය කොච්චරද කියලා කියන්න ඕන නැහැනේ. වෙනත් රටක් කියන්නේ අපේ අයගෙන් දුරස් වීමක්. ඉතින් යන්න කලින් හොයලා බලන්න අපේ කට්ටිය ඒ රටවල් වල ඔබ යන ප්‍රදේශය කිට්ටුව තවත් ජීවත් වෙනවාද කියන කාරණය. ඒ රටේදී ගෙවන්න යන ජීවිතය ගැන ඔයාට යම් කිසි විශ්වාසයක් ඇති කරවන්න, ඔයාට අවශ්‍ය තොරතුරු ලබා ගන්න හොඳම හා විනිවිද ක්‍රමයක් විදිහට අපේ අය ඒ රටවල ඉන්නවාද කියලා හොයලා බලන එක ගොඩාක් වැදගත් වේවි.



6. එම රටේ මිනිස්සුන්ගේ ජීවන තත්ත්වය මොන වගේද?

අපි ඇත්තටම තවත් රටක පදිංචියට යන්නේ ජීවත් වෙන රටට වඩා අලුත් රටේදී උසස් ජීවන තත්ත්වයක් බලාපොරොත්තුවෙන්. යන්න කලින් මේ ගැනත් හොයලා බලන එක තමා හොඳ. ඔබ පදිංචි වීමට බලාපොරොත්තු වෙන ප්‍රදේශයේ විවිධ ජාතීන් අතර පවතින සහයෝගය, අර්බුද, සනීපාරක්ෂාව පිළිබඳ පහසුකම්, සොර සතුරු බිය ආදිය ගැන පුළු පුළුවන් ක්‍රම වලින් හොයා බලන එක තමා වඩා සුදුසු.



7. භාෂාව හා සන්නිවේදනය

භාෂාව තමයි ඔබ සතුව ඇති ප්‍රධානම මෙවළම. ඔබ එම රටේදී දේශීය පුද්ගලයන් හා ඔබේ අදහස් හුවමාරු කර ගැනීමට අපොහොසත් වුවහොත් ඔබ විශාල අසීරුතාවයකටයි පත්වෙන්නේ. ඉංග්‍රීසි භාෂාව සාමාන්‍යයෙන් විදේශිකයන් දෙදෙනෙක් අදහස් හුවමාරු කරන්න භාවිතා කළත්, දේශීය භාෂාව පමණක් භාවිතාවෙන සමහර රටවල් තියෙනවා. ඉතින් ඒ වගේ රටකදි ඔයාට සිදුවෙනවා ඔවුන්ගේ භාෂාව හදාරලා, ඒ රටේ පදිංචියට යන්න.

තාක්ෂණික භාවිතය, අන්තර්ජාල හැකියාව වගේ ඔබට සන්නිවේදනය සඳහා ඇති පහසුකම් හා ඒ සඳහා යන පිරිවැය පිළිබඳවත් පූර්ව අවබෝධයකින් යුතු වීම ඉතා වැදගත්.



8. ජීවත්වෙන්න යන රටේ සිරිත් විරිත් පුරුදු ඔයාට ගැලපෙනවද ?

ඔයා පදිංචි වෙන්න යන රටේ සිරිත් විරිත් ගැනත් හොඳින් අධ්‍යයනය කරලා යන එක හරිම වැදගත්. උදාහරණයකට සමහර රටවල ලාංකිකයන් කිසිසේත්ම අනුභව නොකරන කැරපොත්තන්, මීයන්, සර්පයන් වැනි සහ තවත් බොහෝ දෑ අනුභව කරනු ලබනවා. මෙවන් වටපිටාවක ඔබට ජීවත් විය හැකිද? වැනි දෑ හොඳින් අවබෝධ කරගෙන සිටීම වැදගත්.



9. ස්ථාවරත්වය, පෞද්ගලික නිදහස

වෙනත් රටකට සංක්‍රමණය වීමට පෙර නවාතැන්, වෙළඳපොල, ප්‍රවාහන පහසුකම් මෙන්ම කුලී ගාස්තු, හිමිකම පිරිවැය, ලබා ගත හැකි පිරිවැය ආදිය ගැන අවධානය යොමු කිරීම වැදගත්. සමහර රටවල වාහන ඇතුළු සියලු දේපොළ බදු රහිතව ගෙන ඒමට ඉඩ සැලසෙනවා. ආනයන මත බදු පැනවීමෙන් ගෙන යා හැකි දේ සීමා කරන රටවල්ද තිබෙනව. ඔබේ ස්ථාවරත්වය පිළිබඳව දැනුවත් වී යාම ඉතා වැදගත්.

ඔබ කුමන රටක ජීවත් වුනත් ඔබේ පුද්ගලිකත්වය ඔබට ඉතාම වැදගත්. ඔබ ජීවත් වීමට අපේක්ෂා කරන රට තුළදී ඔබේ පුද්ගලික නිදහස රැකෙනවාද යන්න ගැන තොරතුරු සොයා බලන්න. උදාහරණයක් ලෙස ඔබේ ආගම දහම ඇදහීමට ඔබට තහනමක් තියෙනවාද? වැනි.



10. සෞඛ්ය ආරක්ෂණය සහ සෞඛ්ය අවදානම්

ඔබට යාමට අවශ්‍ය රට තුළ සෞඛ්ය සේවාවේ තත්ත්වය කුමක්ද? සෞඛ්ය සේවාව ලබා ගැනීමට ඇති ඉඩකඩ මොනවගේද?, පිරිවැය කොහොමද? රට තුළ තියෙන වැළඳෙන රෝග මොනවාද? ඔබ එම රටට ඇතුළු වීමට පෙර සෞඛ්ය ආරක්ෂාව සලසා ගත යුත්තේ මොන විදිහටද? මේ ආදී ලෙස සෞඛ්ය තත්ත්වය පිළිබඳව පූර්ව හොඳ විමසිල්ලක් කිරීම වඩාත් සුදුසුයි.

නව තාක්ෂණයේ පිහිටෙන් දැන් මුළු විශ්වයම ඔබේ ඇඟිලි තුඩු අතරට ගෙනවිත් තියෙන නිසා වෙනත් රටකට සංක්‍රමණය වෙන්න හිතනවා නම් අන්තර්ජාලය හරහා හෝ ඒ රට ගැන හොඳින් පර්යේෂණ කර නිසි ලෙස පෙර සූදානමකින් සිටින්න. ඔබේ සෞඛ්යය, සන්තෝෂය සහ පෞද්ගලික තෘප්තිය වඩා යහපත්ව සලසා ගත හැකි රටක ජීවිතය ඔබට පහසු වෙනු ඇත. නිසැකවම, ඔබ කොතැනක සිටියත් නිවැරදි සැලසුම්කරණයක් සමඟ, අභියෝගවලට මුහුණදීමටත් අභියෝග ජය ගැනීමටත් ඔබට හැකි වනු ඇත.

සූර්ය කුණාටුව මේ වන විට පෘථිවියට පහර දෙමින් ඇත.

පෘථිවිය වඩාත් නිරාවරණය වන ඉහළ අක්ෂාංශ වල වෝල්ටීයතා අනතුරු ඇඟවීම් සමඟ විදුලි ජාලයේ උච්චාවචනයන් සිදු විය හැකි යැයි කියා සිටි භූ චුම්භක කුණාටුව හේතුවෙන් අනතුරු ඇඟවීමක් කළ එක්සත් ජනපද ජාතික සාගර හා වායුගෝලීය පරිපාලනය අනතුරු ඇඟවීමක් ප්‍රකාශයට පත් කළේය.

දැවැන්ත සූර්ය කුණාටුවක් අද පෘථිවියට පහර දෙමින් සිටි. විදුලිබල පද්ධතියට බාධා ඇති විය හැකි අතර මේ වන විට කලින් අවුරෝරා ඇති නොවු ප්‍රදේශ වල පවා මේ වන විට විශාල අවුරෝරා ආලෝක දැක ගත හැක.ඒවා නිව්යෝර්ක් දක්වා දකුණට පැමිණ ඇත.

අප පමිණ තිබෙන්නේ සූර්‍ය ක්‍රියාකාරකම් වැඩි වන කාල පරිච්ඡේදයකට ය.එහෙයින් උත්තරධැවය අවට ඉතාම අධික උෂ්ණත්වයක් මේ වන විට ඇතිව තිබේ.ගිණි ගැනීම්ද සිදු වෙමින් පවතී.

පෘථිවිය වඩාත් නිරාවරණය වන ඉහළ අක්ෂාංශ වල වෝල්ටීයතා අනතුරු ඇඟවීම් සමඟ විදුලි ජාලයේ උච්චාවචනයන් සිදු විය හැකි යැයි කියන භූ චුම්භක කුණාටුව හේතුවෙන් අනතුරු ඇඟවීමක් කළ එක්සත් ජනපද ජාතික සාගර හා වායුගෝලීය පරිපාලනය (එන්ඕඒඒ) අනතුරු ඇඟවීමක් ප්‍රකාශයට පත් කළේය.

භූ චුම්භක කුණාටුව G2 කාණ්ඩයට ළඟාවිය හැකි අතර ඒජන්සියට අනුව එය තරමක් ප්‍රබලයි.

Credits - News Sky / Space .com

පෘථිවිය සූර්යයාට සැතපුම් මිලියන 93 ක් ඈතින් පිහිටි කුඩා පාෂාණමය ලෝකයකි. පෘථිවිය ඉතා අද්විතීය ලෝකයක් වන අතර ජීවය ඇති වී විකාශනය වූ තැන අප දන්නා එකම ලෝකය එයයි. ජලය එහි මතුපිට දියර ස්වරූපයෙන් පවතින බව අප දන්නා එකම ලෝකය ද එයයි.

කෙසේ වෙතත්, අපේ ලෝකය අද්විතීය වන එකම දෙය ජීවිතය සහ දියර ජලය පමණක් නොවේ. පෘථිවිය සෞරග්‍රහ මණ්ඩලයේ ඝනම ග්‍රහලෝකය වන අතර පාෂාණමය ලෝක හතරෙන් විශාලතම ග්‍රහලෝකයයි.භූමිෂ්ඨ ග්‍රහලෝක හතරෙන් දන්නා එකම භූගෝලීය ක්‍රියාකාරී ලෝකය පෘථිවිය ද වේ.අපේ චන්ද්‍රයා ද සුවිශේෂී ය, ඇත්තෙන්ම චන්ද්‍රයා එය වටා කක්ෂගත වන ග්‍රහලෝකයට සාපේක්ෂව සෞරග්‍රහ මණ්ඩලයේ විශාලතම චන්ද්‍රයා ය.

පෘථිවිය සෑදුනේ මීට වසර බිලියන 4-5 කට පමණ පෙර වන අතර ජීවය හටගෙන ඇත්තේ මුල් වසර බිලියනය තුළදී බව දන්නා කරුණකි. පළමු ක්ෂුද්‍ර ජීවීන් වසර බිලියන 3.5 කට පමණ පෙර දර්ශනය විය.අපේ වායුගෝලයේ ඔක්සිජන් ප්‍රමාණය වැඩි වීමට ජීවීන් වගකිව යුතුයි.

සී.ඩබ්.ඩබ්. කන්නන්ගර

අද ඔක්තෝබර් 13 කන්නග්ගර සමරැ දිනයයි.

ආචාර්ය ක්‍රිස්ටෝෆර් විලියම් විජේකෝන් කන්නග්ගර බ්‍රිතාන්‍ය ලංකාවේ පලමු අධ්‍යාපන අමාත්‍යයවරයා විය. ''නිදහස් අධ්‍යාපනයේ පියා'' ලෙස විරුදාවලිය ලබා ඇත. රැකියාවෙන් නීතිඥවරයෙකු විය. අධ්‍යාපන ඇමතිවරයා ලෙස ඔහුට යටත් විජිත ලංකාවේ අධ්‍යාපන පද්ධතිය විශාල ලෙස ප්‍රතිසංස්කරණය කිරීමට හැකිවිය.

ක්‍රිස්ටෝෆර් විලියම් විජේකෝන් කන්නන්ගර, දකුණු ශ්‍රී ලංකාවේ බලපිටිය සහ අම්බලන්ගොඩ අතර පිහිටි ගම්මානයක් වූ රන්දොඹේහි උපත ලද්දේ 1884, ඔක්තොම්බර් 13 වන දිනදීය .බලපිටිය උසාවියෙහි නියෝජ්‍ය පිස්කල් නිලධාරිවූ ජෝන් ඩැනියෙල් විජේකෝන් කන්නන්ගර සහ එමිලි විජේසිංහගේ පුත්‍රයා වූ හෙතෙම, ඔහුගේ ප්‍රාථමික අධ්‍යාපනය ලද්දේ රන්දොඹේහී වෙස්ලියානු මිෂනාරි පාසැලෙහිදීය.

තරුණ කන්නන්ගර පසුව අධ්‍යාපනය ලැබූයේ ශ්‍රී ලංකාවේ, ගාල්ලේ, රිච්මන්ඩ් විද්‍යාලයෙහිය.

ලමා වියෙහිදී කන්නන්ගර විසින් මහත්වූ අධ්‍යාපන හැකියාවක් ප්‍රදර්ශනය කල අතර, වෙස්ලියානු මිෂනාරි පාසැලෙහි ත්‍යාග ප්‍රදානෝත්සවයකට ප්‍රධාන ආරාධිත අමුත්තා ලෙස සහභාගිවූ ගාල්ලේ රිච්මන්ඩ් විදුහලෙහි විදුහල්පති දේවගැති ජේ.එච්.ඩැරල් මහතා මොහුගේ දක්ෂතා මැනැවින් නිරික්ෂණය කල බව කියැවේ. ප්‍රදානය කල ත්‍යාග වලින් බොහෝමයක් කන්නන්ගර විසින් දිනාගත් බව දුටු හෙතෙම, “පුතා, මෙම තෑගි බෙදා දීමෙහි ඔබ ලද තෑගි ගෙදර රැගෙන යෑමට ඔබට ගොන් කරත්තයක් කුලියට ගැනීමට සිදුවේවි ”යැයි පැවසුවේලු. රිච්මන්ඩ් විද්‍යාල මූලාරම්භ විභාගයට පෙනීසිටීමේ වරමද ඩැරල් විසින් කන්නන්ගර වෙත ලබා දුනි. විභාගයෙහිදී ගණිතයෙන් මහත් කුසලතා පෙන්වමින්, හෙතෙම ශිෂ්‍යත්වය දිනාගත්තේ, රිච්මන්ඩ් විද්‍යාලයට නොමිලේ ඇතුළුවීම හා නවාතැන සඳහාද ප්‍රධානයක් ලබමිනි. ඔහුගේ ගමේ පාසැලෙහි ලබා දුන් අධ්‍යාපනයට වඩා ඉමහත් ඉහළ මට්ටමක පැවැති උගැන්වීමක්, එකල විශිෂ්ට ලෙස සැලකුනු පාසැලක ලැබීමට හේ එහිදී වරම් ලදි.

ඩබ්ලිව් කන්නන්ගර මැතිතුමාගේ අධ්‍යාපන ප්‍රතිසංස්කරණ

C.W.W. කන්නන්ගර ලංකාවේ පලමු අධ්‍යාපනික අමාත්‍යය වරයාවේ. නිදහස් අධ්‍යාපනයේ පියා ද නමින් විරුදාවලිය ලබා ඇත. ආචාර්ය C.W.W. කන්නන්ගර (1884 ඔක්තොම්බර් 13 සිට 1956 සැප්තැම්බර් 23 දක්වා) ලාංකික නීතිඥ්ඥවරයකු හා දේශපාලකයකුද වුයේය. අධ්‍යාපනික ඇමතිවරයා ලෙස ඔහුට රටේ දේශපාලන පද්ධතිය විශාල ලෙස ප්‍රතිසංස්කරණය කිරීමට හැකිවිය.

පලමු කාලයේදී නිතිඥ්ඥවරයකු ලෙස කටයුතු කල ඔහු පසුව ක්‍රියාකාරී දේශපාලනයට පිවිසියේය. 1923 දී ලංකාවේ ව්‍යවස්ථාදායක සභාවට තේරි පත්වූ ඔහු පසුව රාජ්‍යය කවුන්සිලයටද තේරුණේය. ලංකා ජාතික කොංග්‍රසයේ සභාපති ලෙසද ඔහු කටයුතු කලේය.අධ්‍යාපන ඇමතිවරයා ලෙස වරප්‍රසාද අඩු ළමයින්ට නොමිලේ අධ්‍යාපනය දීමට පනත් සංශෝධනය කිරිමට ඔහුට හැකිවිය. තවද කේන්ද්‍ර පාසල් ක්‍රමයක් ස්ථාපිත කල ඔහු දුෂ්කර පළාත්වල ද්විතියික පාසල්වල තත්වය වර්ධනය කිරීමටත් කටයුතු කලේය.

එසේම ඔහු රටපුරා මධ්‍ය මහා විද්‍යාල රාශියක් ඇතිකිරීමට සමත්විය. ඔහුගේ අවශ්‍යතාවය වුයේ මධ්‍ය මහා විද්‍යාලයක් සෑම ප්‍රාදේශීය කොට්ඨාශයකම ඇති කිරීමයි. මධ්‍ය මහා විද්‍යාලවල නේවාසිකාගාර ගාස්තු පියවීමට ශිෂ්‍යත්ව ක්‍රමයක් ශිෂ්‍යයන් වෙනුවෙන් 1943 දී කන්නන්ගර විසින් ඇති කලේය.ඔහුගේ වසර 16 ක අධ්‍යාපන ඇමතිවරයා ලෙස කල සේවා කාලයේදී කොළඹ විශ්වවිද්‍යාලය ස්ථාපිත කිරීමටත් පුරාතණ පිරිවෙන් වැඩිදියුණු කිරීමටත් ඔහුට හැකිවිය. මව් භාෂාව ඉගෙනීමට ශිෂ්‍යයන්ට අවධාරණය කරන අතරම ඉංග්‍රීසි භාෂාව ඉගෙන ගැනීමටත් ඔහු අවවාද කර සිටියේය.

ගුණසමරු පදනම

සී.ඩබ්ලිව්.ඩබ්ලිව්. කන්නන්ගරයන්ගේ ගුණ සිහි කිරීමත් ඔහු පිලිබදව වත්මන් හා අනාගත ප්‍රජාව දැනුවත් කිරීමත් පිණිස 2012 වසරේදී ආචාර්ය සී.ඩබ්ලිව්.ඩබ්ලිව්. කන්නන්ගර ගුණසමරු පදනම පිහිටුවා ඇත.කොට්ටේ ශ්‍රි කල්‍යණි සමාග්‍රී ධර්ම මහා සංඝ සභාවේ වැඩබලන මහා නායක ආචාර්ය ඉත්තෑපාන ධම්මාලංකාර අනු නායක හිමියන්ගේ අනු ශාසකත්වයෙන් එම පදනම ක්‍රියාත්මයි.

ලංකා ඩොමීනියන් රාජ්‍යය

වර්තමානයෙහි ශ්‍රී ලංකාව ලෙසින් හැඳින්වෙන, ලංකාව (එහි නිල නාමය සරල ලෙසින් ලංකාව වුවද සමහරවිටෙක ලංකා ඩොමීනියන් රාජ්‍යය ලෙසින්ද හැඳින්වුනි) යනු පොදු රාජ්‍ය මණ්ඩලය තුල 1948 සිට 1972 දක්වා පැවැති ඩොමීනියන් රාජ්‍යයකි. 1948දී, බ්‍රිතාන්‍ය ලංකාවට නිදහස ප්‍රදානය කෙරුනේ ලංකාව ලෙසිනි. 1972දී, පොදු රාජ්‍ය මණ්ඩලය තුල ජනරජයක් බවට ලංකාව පත්වූ අතර, එහි නම "ශ්‍රී ලංකාව" බවට වෙනස් කෙරිනි. ලංකාව, ඉන්දියාවේ දකුණු දිග වෙරළෙන් කිමී 31 පමණ දුරකින් පිහිටි දකුණු ආසියාවේ, දිවයින් රාජ්‍යයක්ව පැවතුණි.

දෙවන ලෝක යුද්ධයෙන් පසුව, නිදහස සඳහා මහජන පීඩනය වැඩි විය.1948 පෙබරවාරි 4 වන දින බ්‍රිතාන්‍ය පාලනය කළ ලංකාවේ යටත් විජිතය නිදහස ලබා ගත් අතර එම දිනයේම සංශෝධිත ව්‍යවස්ථාවක් ක්‍රියාත්මක විය.1947 ලංකාවේ නිදහස් පනත යටතේ නිදහස ලබා දෙන ලදී. එක්සත් රාජධානිය සමඟ ඇති කරගත් හමුදා ගිවිසුම් මගින් බ්‍රිතාන්‍යයේ ගුවන් හා මුහුදු කඳවුරු නොනවත්වා ආරක්ෂා විය. බ්‍රිතාන්‍ය නිලධාරීන් ද ලංකා හමුදාවේ ඉහළ පෙළේ බොහෝ දෙනා පුරවා ගත්හ.ලංකාවේ පළමු අග්‍රාමාත්‍යවරයා බවට දොන් සේනානායක පත්විය. පසුව 1948 දී ලංකාව එක්සත් ජාතීන්ගේ සාමාජිකත්වය සඳහා ඉල්ලුම් කළ විට සෝවියට් සංගමය අයදුම්පත නිෂේධ කළේය.මෙයට එක් හේතුවක් වූයේ ලංකාව නාමිකව ස්වාධීන යැයි සෝවියට් සංගමය විශ්වාස කළ අතර බ්‍රිතාන්‍යයන් තවමත් එහි පාලනය ක්‍රියාත්මක කළේ සුදු, උගත් ප්‍රභූ පැලැන්තියට ආණ්ඩුවේ පාලනය තිබූ බැවිනි. 1949 දී ශ්‍රී ලංකා දෙමළ නායකයින්ගේ එකඟතාවය ඇතිව එක්සත් ජාතික පක්ෂ ආණ්ඩුව ඉන්දියානු දෙමළ වතු කම්කරුවන්⁣ගේ පුරවැසි භාවය අහෝසි කරන ලදී.1950 දී ලංකාව කොළඹ සැලැස්මේ මුල් සාමාජිකයන්ගෙන් කෙනෙකු වූ අතර ශ්‍රී ලංකාව සාමාජිකයෙකු ලෙස කටයුතු කරයි.

දොන් සේනානායක 1952 දී මිය ගිය අතර ඔහුගෙන් පසු ඔහුගේ පුත් ඩඩ්ලි සේනානායක පත්විය.කෙසේ වෙතත්, 1953 දී - එක්සත් ජාතික පක්ෂයට එරෙහිව වාමාංශික පක්ෂ විසින් කරන ලද දැවැන්ත මහා "හර්තාල්" වැඩ වර්ජනයකින් - ඩඩ්ලි සේනානායක ඉල්ලා අස්විය.ඔහුගෙන් පසු ජෙනරාල් ශ්‍රීමත් ජෝන් එල්. කොතලාවල එම තනතුරට පත්විය. ඩී.එස්. සේනානායකගේ පෞද්ගලික කීර්තිය හෝ දේශපාලන බුද්ධිය ඩග්ලිට නොතිබුනි. ඩී. එස්. සේනානායක විසින් අත්හිටවූ ජාතික භාෂා ප්‍රශ්නය ඔහු විසින් ගෙන එන ලදී. ලංකාවේ රැජින වන දෙවන එලිසබෙත් 1954 දී අප්‍රේල් 10 සිට 21 දක්වා දිවයිනේ සංචාරය කළාය. (ඇය ජනරජයක් බවට පත්වීමෙන් පසු 1981 දී ඔක්තෝබර් 21 සිට 25 දක්වා සංචාරය කළාය).

1956 දී එක්සත් ජාතික පක්ෂය, මහජන එක්සත් පෙරමුන විසින් පරාජයට පත් කරන ලද අතර එයට සොලමන් බණ්ඩාරනායකගේ නායකත්වයෙන් යුත් ශ්‍රී ලංකා නිදහස් පක්ෂය (එස්එල්එෆ්පී) සහ පිලිප් ගුණවර්ධනගේ විප්ලවකරි ලංකා සම සමාජ පක්ෂය ඇතුළත් විය. බණ්ඩාරනායක 1930 ගණන්වල සිට සිංහල ජාතිකවාදී ලොබිය පෝෂණය කළ දේශපාලඥයෙකි.ඔහු ඉංග්‍රීසි වෙනුවට සිංහල පමණක් රාජ්‍ය භාෂාව ලෙස ආදේශ කළේය. ජී. ජී. පොන්නම්බලම් විසින් මුදා හරින ලද වාර්ගික දේශපාලනයට එරෙහි වීමට උත්සාහ කළ ප්‍රධාන සිංහල ප්‍රකාශකයා ඔහු විය.මෙම පනත සිංහල පමණක් පනත් කෙටුම්පත ලෙස හැඳින්වූ අතර සිංහල පාසල් හා විශ්ව විද්‍යාලවල උගන්වන භාෂාව බවට පත් කළේය.මෙය දෙමළ කෝලාහල ඇති කළේ ඔවුන් දෙමළ භාෂාව කතා කළ නිසාත් එය නිල භාෂාවක් ලෙස පිළිගැනීමට ලක් නොවූ නිසාත් ය.මෙම කෝලාහල අවසන් වූයේ අගමැති බණ්ඩාරනායකගේ ඝාතනයෙනි. ඔහුගේ වැන්දඹුව වන සිරිමාවෝ සිය සැමියාගෙන් පසු ශ්‍රී ලංකා නිදහස් පක්ෂයේ නායිකාව ලෙස පත් වූ අතර ලොව ප්‍රථම කාන්තා අගමැතිනිය ලෙස තේරී පත් විය. 1957 දී බ්‍රිතාන්‍ය කඳවුරු ඉවත් කරන ලද අතර ලංකාව නිල වශයෙන් “නොබැඳි” රටක් බවට පත්විය. පිලිප් ගුණවර්ධනගේ සංකල්පයක් වූ වී ඉඩම් පනත සම්මත වූ අතර, ඉඩම් හිමියන්ට නොපැමිණි ඉඩම් හිමියන්ට වැඩි අයිතිවාසිකම් ලබා දෙමින්.

ප්‍රතිසංස්කරණය

ජුලි මාසයේ පැවති මැතිවරණයෙන් සිරිමාවෝ බණ්ඩාරනායක ලොව ප්‍රථම වරට තේරී පත් වූ රාජ්‍ය නායිකාව බවට පත්විය. ඇගේ රජය දෙමළ ජනයා සමඟ තවදුරටත් ගැටුම් වළක්වා ගත් නමුත් එක්සත් ජනපද රජයේ කොමියුනිස්ට් විරෝධී ප්‍රතිපත්ති එක්සත් ජනපද ආධාර කපා හැරීමට හා වර්ධනය වන ආර්ථික අර්බුදයකට තුඩු දුන්නේය. එක්සත් ජාතික පක්ෂය නැවත බලයට ගෙන ඒමට අදහස් කරන බෞද්ධ නොවන දක්ෂිනාංශික හමුදාව සහ පොලිස් නිලධාරීන්ගේ කුමන්ත්‍රණයකින් පසුව, බණ්ඩාරනායක මහතා තෙල් සමාගම් ජනසතු කළේය. මෙය කැන්සාස් තෙල් නිෂ්පාදකයින්ගේ සමුපකාරයේ ආධාරයෙන් කැඩී ගිය තෙල් කාටල් විසින් රට වර්ජනය කිරීමට හේතු විය.

1962 දී ශ්‍රී ලංකා නිදහස් පක්ෂයේ රැඩිකල් ප්‍රතිපත්ති යටතේ බොහෝ බටහිර ව්‍යාපාරික වත්කම් ජනසතු කරන ලදී.අත්පත් කරගත් වත්කම් සඳහා වන්දි ගෙවීම සම්බන්ධයෙන් එක්සත් ජනපදය හා එක්සත් රාජධානිය සමඟ ආරවුල් ඇති විය.එවැනි ප්‍රතිපත්ති ශ්‍රී ලංකා නිදහස් පක්ෂයේ බලය තාවකාලිකව පහත වැටීමට තුඩු දුන් අතර එක්සත් ජාතික පක්ෂය කොන්ග්‍රසයේ ආසන ලබා ගත්තේය.කෙසේ වෙතත්, 1970 වන විට, ශ්‍රී ලංකා නිදහස් පක්ෂය යළිත් වරක් ප්‍රමුඛ බලවේගය විය.

1964 දී බණ්ඩාරනායක මහත්මිය LSSP සමඟ ට්‍රොට්ස්කිවාදී පක්ෂයක් සමඟ ආචාර්ය එන්. එම්. පෙරේරා සමඟ මුදල් ඇමති ලෙස සන්ධාන රජයක් පිහිටුවීය. එසේ වුවද, සිරිමාවෝ අන්ත වාමාංශය තෘප්තිමත් කිරීමට අසමත් වීමෙන් පසුව, මාක්ස්වාදී මහජන විමුක්ති පෙරමුණ 1971 දී ආණ්ඩුව පෙරළා දැමීමට උත්සාහ කළේය.

1972 දී බ්‍රිතාන්‍ය, සෝවියට් හා ඉන්දියානු ආධාර ඇතිව කැරැල්ල මැඩපවත්වන ලද අතර පසුව 1972 දී වත්මන් ව්‍යවස්ථාව සම්මත කර ගත් අතර රටේ නම ශ්‍රී ලංකාව ලෙස වෙනස් කරන ලදී.1972 දී රට නිල වශයෙන් පොදුරාජ්‍ය මණ්ඩලය තුළ ජනරජයක් බවට පත් වූ අතර විලියම් ගෝපාලව ශ්‍රී ලංකාවේ පළමු ජනාධිපතිවරයා බවට පත්විය.

1969 දී Saturn V රොකට්ටුව ඉදිරිපිට Apollo 10 කාර්ය මණ්ඩලය. මැද ජෝන් ඩබ්ලිව් යංග් ජේබී චැම්පියන් බ්‍රේස්ලට් සමඟ ස්පීඩ් මාස්ටර් සිටී.

න්‍යෂ්ටික තාක්ෂණයෙන් සවිමත් නවීන ඉන්දියාවට පාර කියූ අතල් ජී නොහොත් අතල් බිහාරි වජ්පායි


අතල් ජී යනුවෙන් ඉන්දියාවේදී හැඳින්වෙන අතල් බිහාරි වජ්පායි, ඉන්දීය අග්‍රාමාත්‍යවරුන් අතර මුල් පෙළේ කි‍යවෙන නමකි. භාරතීය ජනතා පක්ෂය හරහා තරමක් හින්දු ආගම්වාදී මූලයකින් පැමිණියද අතල් ජී ආගම්වාදියෙකු වූයේ නැත. අනූව දශකයේදී නරසිංහ රාඕ කොන්ග්‍රසය හරහා දියත්කළ වෙනස්කම් ඉදිරියට ගෙනගොස් නවීන ලෝකය හා පෑහෙන නව ඉන්දියාවකට නායකත්වය දීමට අතල් බිහාරි වජ්පායිට හැකි වුණි.



1. අතල් ගේ දේශපාලන ආගමනය

1957 දී කොංග්‍රසයට විරුද්ධ භාරතීය ජන සේනා හරහා පාර්ලිමේන්තුවට තේරීපත්වුන වජ්පායි, සහශ්‍රයේ මුල් දශකය දක්වාම නොකඩවා ඉන්දීය පාර්ලිමේන්තුව නියෝජනය කළේය. “වරක් නේරු මහත්මයා රජයෙන් හෝටල් හදමු කිව්වාම මම ඒකට විරුද්ධ වෙලා අපි රෝහල් හදමු කිව්වා. එතකොට නේරු මහත්තයා මගේ දිහා මේ කවුද මේ නවක මන්ත්‍රී කියල වගේ බලලා, අපි හෝටල් හදලා ඒ එන සල්ලි වලින් රෝහල් හදමු කිව්වා. ඒත් අදටත් ඒ හදපු හෝටල් රජයට පාඩුයි. ඒත් මම කිව්ව විදියට එදා රෝහල් හැදුව නම් අද දහස් ගාණකට සහනය ලැබිලා.” අතල් ජී නේරු සමග කළ කුඩා විවාදයක් ගැන මාධ්‍යයට පසුව අදහස් දක්වා තිබුණේ එසේය. නිදහස් ඉන්දියාවේ කොන්ග්‍රසයෙන් බැහැරව පත්වූ, ධූර කාලයක් සම්පූර්ණ කළ මුල්ම අගමැතිවරයා බවට පත්වූයේ භාරතීය ජනතා පක්ෂයේ අතල් බිහාරි වජ්පායිය. ඔහුගේ සහ අද්වානිගේ භාරතීය ජනතා පක්ෂය 1990 දශකයේදී කොංග්‍රසයට තිබූ බලය සොලවන අයෝමය බලයක් විය.



2. යෞවන කාලයේදී දේශපාලනයට අත් පොත් තැබීම

අතල් බිහාරි වජ්පායි උපතින්ම බ්‍රාහ්මණ කුලයේ අයෙකි. බ්‍රාහ්මණයෝ මස් කෑම සහ මත්පැන් ප්‍රතික්ෂේප කළත්, වජ්පායි ගේ සමීපතමයින් කියන පරිදි ඔහු කෙබාබ් කමින් විස්කි බොන්නට ආශා කළ හොඳ කන බොන මිනිහෙක් විය. දේශපාලනය, හින්දි සහ සංස්කෘත භාෂාවන් විශ්ව විද්‍යාල මට්ටම දක්වා හැදෑරූ වජ්පායි, කාන්පූර් හි ඩී. ඒ. වී කොලේජ් මගින් දර්ශනපති පළමු පෙළ උපාධියක් ලබාගත්තේය. ඔහු ග්වේලියර් නැමැති බිහාරයේ ආර්ය සමාජය නැමැති සංගමයේ 1940 ගණන්වලදී ක්‍රියාකාරී සාමාජිකයෙකු විය. වජ්පායි පසුකලෙක කියන පරිදි ඔහු දක්ෂ කවියෙකු වීමට සිහින දුටු අයෙකි. ඔහුගේ කතාවන් තුළදීද ඔහු කවියෙන් අදහස් ප්‍රකාශ කිරීමට දක්ෂයෙක් විය. මුල් තරුණ අවදියේම පාර්ලිමේන්තුවේ දැක්වූ අදහස් හේතුවෙන් මොහු කවදා හෝ ඉන්දියාව පාලනය කරන්නේ යැයි ජවහල්ලාල් නේරු ද වජ්පායි ගැන උදාන වාක්‍ය කියා තිබුණි.



3. විදේශ කටයුතු

චීනය සහ පාකිස්ථානය කෙරෙන් බොහෝ කාලයක් වෙන් වී සිටි ඉන්දියාව නැවත ඒ රටවල් සමග හිතමිතුරු වන්නට වජ්පායි ගේ විදේශ ප්‍රතිපත්තිය හේතු විය. එසේම නිදහසින් පසු මහා යුද්ධ 4කට තුඩුදුන් කාශ්මීර ප්‍රශ්නයට වජ්පායි දුන් විසඳුම පාකිස්ථානය හා සම්මුතිවාදීව කළ ප්‍රවේශයක් විය. එහෙත් දේශපාලන දිවි මගේ බොහෝ කලක් හිතමිත්‍රයාව සිටි, තරමක් දැඩි හින්දු මතධාරී එල් කේ අද්වානිගෙන් පවා කාශ්මීර ප්‍රශ්නයට සාධාරණ විසඳුමක් දීම කෙරෙහි වූයේ විරෝධයකි. කෙසේ වෙතත් වජ්පායි ධූර කාලය තුළ පාකිස්ථානයේ හමුදා පාලනයක් තිබුනද එහි නායක වූ පර්වේස් මුෂාරෆ් අග්‍රා වලට රැගෙන විත් සාකච්ඡා කරන්නට වජ්පායි රජයට හැකි විය.



4. විද්‍යාව සහ තාක්ෂණයෙන් මුලට ගැනීමට කළ මැදිහත් වීම

ලංකාව සංවර්ධනය නොවූ රටක් ලෙස සැලකූ විට අධ්‍යාපනයට යම් වැඩිමිලක් රටේ ජාතික ආදායමින් වෙන්කරනු ලබයි. එහෙත් අප රටේ දළ ජාතික නිෂ්පාදිතයෙන් විද්‍යාව තාක්ෂණය සහ නව සොයාගැනීම් වෙනුවෙන් වෙන් කරන්නේ මුළු ජාතික ආදායමෙන් 0.14%ක් තරම් සුළු අගයකි. අතල් බිහාරි වජ්පායිගේ සමයේදී ඉන්දියාවේ පර්යේෂණ සහ තාක්ෂණය සඳහා රජයෙන් වියදම් කරන මුදල ජාතික ආදායමෙන් 1.6% දක්වා වැඩි කර, තාක්ෂණය සහ අලුත් නිමැවුම් වෙනුවෙන් වැඩි ඉඩක් වෙන් කරන්නට ඔහු ක්‍රියාකළේය. එසේම ඔහුගේ ධූර කාලයකදී ඉන්දියාවේ රොකට් මිනිහා ලෙස ප්‍රචලිත ආචාර්ය අබ්දුල් කලාම් ජනාධිපති ලෙස පත් කරගත්තේය. ඉන්දියාව පෙර නොවූ විරූ ලෙස රොකට් තාක්ෂණයෙන් සහ පරමාණුක බලයෙන් සවිමත් වූයේ අතල් බිහාරි වජ්පායි ගේ සමයේදීය.



5. වජ්පායිගේ තාක්ෂණික දායකත්වය

ජාතික ටෙලිකොම් සම්මුතියක් 1999 දී ගෙන ආ වජ්පායි රජය, ටෙලිකොම් ක්ෂේත්‍රය තුළ වර්තමාන ඉන්දියාවේ ඇති වී ඇති ප්‍රගතියට දායක විය. මෙම ක්ෂේත්‍රයේ දැනට ඉන්දියාවේ ටෙලිකොම් ප්‍රමුඛයා වන භාරතීය එයාටෙල් හි අධිපතිතුමාම පවසන පරිදි වජ්පායිගේ ටෙලිකොම් සම්මුතීන් පසුකලෙක ඉන්දියානු ටෙලිකොම් ක්ෂේත්‍රයේ දියුණුවට හේතු වී තිබේ.

ඔහුගේ ධූර කාලය රොකට් තාක්ෂණය සහ පරමාණුක තාක්ෂණය යන අංශ දෙකෙන්ම පර්යේෂණ වලට දිරි ලැබුණු කාලයකි. ලොව සයවැනි න්‍යෂ්ටික බලවතා ලෙස ඉන්දියාවට කිරුළු පළඳමින් පොක්රාන් 2 රොකට්ටුව 1998 දී ගුවන් ගත කිරීමට වජ්පායි සමයේදී අවස්ථාව ලැබුණි. එකල පාකිස්ථානය සමග තිබූ විරසක තත්ත්වයන් සමනයට දේශපාලනික අතින් සාකච්ඡා ආදිය පැවැත්වීම එක් පසෙකිනුත්, සීතල යුද්ධයක් ලෙස අනෙක් පසින් න්‍යෂ්ටික පරීක්ෂණ ආදියත් රටවල් දෙකේම පැවැත්වුණි. එහෙත් කෙසේ හෝ ඉන්දියාවේ රොකට්ටුව කලින් යැවීමට වජ්පායි ඇතුළු එවකට ඉන්දියානු රජය සමත් විය.



6. චන්ද්‍රයාන් ව්‍යාපෘතිය

සැබැවින්ම වජ්පායි යනු දක්ෂ කථිකයෙකි, කවියෙකි. ඔහු උපාධියට හැදෑරූ විද්‍යාවක් වී නම් ඒ සංස්කෘත සහ හින්දු දහම විය. එහෙත් වජ්පායිගේ තාක්ෂණික දැක්ම සඳ තරණය දක්වා දිව ගියේය. 2008දී ඉන්දියාව චන්ද්‍රයා ගවේෂණයට යැවූ චන්ද්‍රයාන් 1 යානාව දකුණු ආසියාතික රටක් ලෙස අපිටද ආඩම්බරයක් එක් කළ මෙහෙයුමකි. එනම් අපට අසල්වැසි ඉන්දියාව ලෝකයේ චන්ද්‍ර ගවේෂණයට යානාවක් යවා පර්යේෂණ කිරීමට තරම් දියුණු රටක් විය. එම ව්‍යාපෘතියද අතල් බිහාරි වජ්පායි සමයේ ආරම්භ කළ ව්‍යාපෘතියකි.



7. ආර්ථික දායකත්වය

වජ්පායි දැඩි ආගමික පදනමක් ඇති පාර්ශවයකින් බලයට පැමිණියද ඔහුගේ ආර්ථික දැක්ම සවිමත් එකක් විය. කොංග්‍රසයේ නරසිංහ රාඕ විසින් සිදුකළ ඉන්දියානු වෙළඳපොල සවිමත් කිරීමේ ක්‍රියාවලියට වජ්පායිද පසුකලෙක නිසි පරිදි නායකත්වය සැපයීය. ඔහුගේ කාලය තුළ 1999 කාර්ගිල් යුද්ධය, 1999-2000 ඇති වූ සුළි සුළං, 2001 බිහාර් භූමිකම්පාව, 2003 දරුණු නියංසාය සහ 2003 දී තෙල් මිල ඉහළයෑමට මුහුණ දීමට සිදුවිය. එහෙත් ඒ සියලු කඩාවැටීම් ඇදවැටීම් මධ්‍යයේද ඉන්දියානු ආර්ථිකයේ සැබෑ 8%ක වර්ධනයක් පවත්වාගන්නට වජ්පායි ගේ නායකත්වය සහිත රජයට හැකි විය.

වජ්පායි ප්‍රබල කථිකයෙක් කවියෙක් වුවද ඔහු සාපේක්ෂව විරුද්ධ පක්ෂයට, විරුද්ධවාදීන්ට වාචාල ලෙස බැනවදින්නෙක් නොවීය. ඔහුගේ කතාවන් සෑමවිටම ගරු කළ යුතු අයට ගරු කරන කතාවන් විය. අතල් බිහාරි වජ්පායි 2018 අගෝස්තු 16 වෙනිදා සදහටම ලොවෙන් සමුගත් අතර, එ් මරණය වර්තමාන ඉන්දීය අග්‍රාමාත්‍ය නරේන්ද්‍ර මෝදි ගේද හද සසල කරවන්නක් විය. වජ්පායිගේ දේශපාලන දිවි මගෙහි නිරන්තර සගයා වූ එල්. කේ. අද්වානි අවමංගල පණිවුඩයේ කියා සිටියේ “මගේ උත්තරීතර මිතුරාගේ අවමංගල කතාව කරන්නට මට අවස්ථාවක් ලැබේ යැයි මා කිසිවිටෙක සිතුවේ නැහැ” යනුවෙනි. වජ්පායි යනු ඉන්දියාවට අගමැතිවරයෙක් නොවේ. ඔහු වර්තමාන ලෝක බලවතකු ලෙස නැගිටින ඉන්දියාවට මේ සහශ්‍රය මුලදී බලය සැපයූ යෝධයෙකි.

Credits - Lifie

KEPLER 186F

මෙය පෘථිවියට සමාන ග්‍රහලෝකයක් විය හැකිය. කෙප්ලර් 186F එහි තාරකා වාසය කළ හැකි කලාපයේ කක්ෂ ගත කරනවා පමණක් නොව, පෘථිවියට සමාන ප්‍රමාණයේ අරය ද ඇත. ජනාවාස කළ හැකි කලාපයක මෙතෙක් හමු වූ පෘථිවියේ විශාලත්වයට සමාන ග්‍රහලෝකය බවට එය පත්ව ඇත.

කෙප්ලර් 186F ආලෝක වර්ෂ 490 ක් ඈතින් රතු වාමන තරුවක් වටා කෙප්ලර් 186F කක්ෂගත වේ. එය කෙප්ලර් අභ්‍යවකාශ දුරේක්ෂය මඟින් සංක්‍රාන්ති ක්‍රමය මඟින් සොයා ගන්නා ලදී.වසර තුනකටත් වැඩි කාලයක් දත්ත විශ්ලේෂණය කරන ලද අතර ග්‍රහලෝකය නිල වශයෙන් තහවුරු වූයේ 2014 මාර්තු 19 දා ය. කෙප්ලර් 186F පෘථිවියට වඩා 11% විශාල ය. එහි විශාලත්වය නිසා කෙප්ලර් 186F පෘථිවිය මෙන් පාෂාණමය ලෝකයක් යැයි විශ්වාස කෙරේ.

කෙප්ලර් 186F හි ජීවය පැවතිය හැකිද? මෙය ආලෝක වර්ෂ 490 ක් ඈතින් තිබෙන හෙයින් අපි එය කිසි විටෙකත් ගවේෂණය නොකරමු.

කෙසේ වෙතත්, එහි තාරකාවේ නිවැරදි ප්‍රමාණය, සංයුතිය සහ දුරස්ථභාවය නිසා එහි මතුපිට දියර ජලය පැවතීමට ඉඩ නිසා එහි ජීවය පැවතුනා යැයි අනුමාන කිරීමට හැකිද? අපි විශ්වයේ තනිවෙලාද? කෙප්ලර් 186F මෙම ප්‍රශ්නයට පිළිතුරු දීමට ඉඩ ඇත. අනාගතයේ කරන ගවේශනයන්ගෙන් අපි ඒ පිළිබඳව බලාපොරොත්තු වෙමු.

Image credit: NASA/JPL
Dushmantha Uduwaka