Hasindu Chamod

අපි මොනාහරි දෙයක් කරන්න කලින් ඒ දෙය ගැන විශ්වාස කරන්නේ නැත්නම් ඒක කරනවද ?
උදාහරණයක් විදියට කිව්වොත් ඔයා ගඟක පීනන්න යනවා කියලා හිතන්න ඔයා පීනන්න දන්න කෙනෙක්. ඔයා මොකක්ද මතද විශ්වාස කරන්නේ ඔයා ගිලෙන් නැතිව පීනයි කියලා.

ගඟ ගැන හිතලා ද ළඟ තියන ගහක් ගැන හිතලද? තව කෙනෙක් ගැන හිතලද ?
නෑ නේ
ඔයා ගේ අත් කකුල් මත විශ්වාසෙන් නෙමෙයිද ?
අත් කකුල් විශ්වාස නැත්නම් ඔයා වතුරට බහී ද ?
නෑ කොහෙත්ම වතුර ළඟට වත් යයි කියලා හිතන්න අමාරුයි.
අත් කකුල් නිසා තමයි ඔයා වතුරට බහින්නේ
ඒ ඇදහීම විශ්වාසය ඔයා සම්පූර්ණයෙන්ම ඔයාගේ අත් කකුල් මත නොතිබ්බොත් ඔයා හිතනව ද ඔයා පීනයි කියලා.

ඒක හිතන්න අමාරු දෙයක්
සහ අනිවාර්යයෙන් ඒ මත විශ්වාස නොකළොත් ඔයා ගිලෙනවා.
ඔයා පීනනවා නම් බාගෙට නෙමෙයි සම්පූර්ණයෙන්ම ඔයා විශ්වාස කල යුතුමයි
ඔයා දෑත් දෙපා ගැන.

ඇදහීම විශ්වාසය කියන්නෙ හරි පුදුම දෙයක්.
සමහරුන්ට ඒක තේරුම් ගන්නවත් බෑ.

ඔයා විශ්වාස කරන දෙය අදහන දෙය මත සම්පූර්ණයෙන්ම ඔයා කරන්න යන දේ ඒ මත තැබිය යුතුනයි.
සම්පූර්ණයෙන් ම කියන එක ගොඩක් වැදගත්.
ජීවිත ගමනත් ඒ වගේමයි.
ඔයා අදහන්නේ කාව ද විශ්වාස කරන්නේ මොනාද ඒ මත සම්පූර්ණවම ඔයාගේ ජීවිතය බාර දෙනවානම් ඔයා ඒ ගමන බය නැතුව සම්පූර්ණ කරන්න යනවා.

හරි කෙනෙක් විශ්වාස කරන්න මරණයටවත්
පරාද කරන්න බැරි වුන කෙනාව විශ්වාසකරන්න.
කිසිම දිනක දිරා නොයන නැති නොවන අත් නොහරින දේ ගැන අදහන්න.
එයා මත සම්පූර්ණ ජීවිතය තබන්න
ඔයාට එතකොට බය නැතුව
ගමන් කරන්න පුළුවන් මොකද
ඒ යේසුස් වහන්සේ ජීවමානයි ඒ යේසුස් වහන්සේ සියල්ල ජයගෙන අවසන්.
ඇදහිල්ලෙන් ඇවිදින්න
ආයෙත් කියන්නම් බය වෙන්න අවශ්‍ය නෑ.

කුණාටු මධ්‍යයේ සිට ගන්නයි මට කීවේ .....

📎
මේ ගීතිකාව ඔයාල අහල ඇති අපි හැමෝම ප්‍රීතියෙන් කෑ ගහලා ලස්සනට ගීතිකාව කියලත් ඇති.

හැබැයි ඇත්තටම කුණාටුව මැද්දෙදි අපි ශක්තිමත් ද පල්ලියෙදි කෑ ගහලා කියන තරම් දෙවියන්වහන්සේව විශ්වාස ද ?
ඉවසිලිවන්තව ඉන්න පුළුවන් ද ?
ඇත්තටම ගායනා කරන තරම් ඒක ලේසි නෑ.
අපි හැමෝටම එහෙමයි.

යේසුස්වහන්සේව ඒ වගේම එයාගේ සේවය ඇස් වලින් ම දැකපු ගෝලයන්ගෙත් එකම කෙනයි එදා ඇහුවේ ඒ සැඩ සුළඟ මැද කුණාටුව මැද ජේසු වගේම මුහුද මැද ඇවිදගෙන එයා ළඟට එන්නද කියලා,

පෙනි පෙනී ඉඳලත් හුළං සැර දැකලා ඒ මැද්දෙ ගිලෙන්න ගියා.
ඇදහිල්ල කියන්නෙ හරි පුදුම දෙයක් ඒක කාටවත් ගණන් කරන්න බෑ වෙන් කරලා තියාගන්න බෑ. ඕනම මොහොතක දි කම්පනයක් ඇති කරන්න පුළුවන් බොහෝ දේවල් එදාටත් වඩා අද තියනවා.

ඉතින් ඔයත් මාත් ඉන්නෙ ඒ වගේ මුහුදක් මැද
ගොඩාක් දේවල් ඔයාගේ වටේ දකින්න තිබුනත් ඇහුනත් මරණය පරාජය කරපු ඇදහිල්ල, පණ දුන්නාවූ ප්‍රේමණීය යේසුගේ ආදරය විශ්වාස නම්
ගිලෙන්න ගිය පේදුරුගේ අත අල්ලලා උඩට ඔසවලා අරගෙන එක්කගෙන ගියා වගේ ඔයාවත් මාවත් මරණය පෙනි පෙනී තිබුනත්
මුකුත් නෑ වගේ පෙනුනත් දැනුනේ නැතත්

කිසි වෙනසක් නැතුව ඔයාවත් මාවත් අරගෙන යනවාමයි ගිලෙන්න නොදී.
මේ වෙලාවෙ ඔයා ශක්තිමත් වෙන්නම ඕන.
ඇසීමෙන් ඇදහිල්ල වර්ධනය වෙනවා.
අහන්න ඔයාගේ විශ්වාන්තයගෙ ප්‍රේමණීය හඬ.

❤️✨️

සමහර දවස් පහු කරලා ආවේ කොහොමද කියලා හිතෙන දවස් ඕන තරම් තියනවා.
හැබැයි ළඟ හිටපු අය ඒ ගැන දන්නෙත් නෑ.
ඒත් ඒ හැම තැනකම මාව ශක්තිමත් කලේ
මගේ මනස ගොඩනැගුවේ
ඒවා මැද්දෙන් ආවේ
මේ වගේ අවස්ථා ගොඩකට මුහුණ දුන්න ජේසු තමයි මගේ එකම ශක්තිය.
හැබැයි කට්ටිය බලාපොරොත්තු වෙන විදියේ මැජික් බලයක් ක්ෂණික දේවල් එක පැයෙන් සිද්ධ වෙන දේවල් නෙමෙයි.
ඒ හැම අවස්ථාවක් මැද්දෙම නොසැලී ඉන්න දරාගෙන ඉන්න ඉවසිල්ලෙන් පහු කරන්න එයා මට කියලා දීලා තියෙන නිසා.

"ඔබ ලෝකයෙන් ඔවුන් අහක්කරන පිණිස නොව,නපුරාගෙන් ඔවුන් ආරක්ෂාකරන පිණිස යාච්ඤාකරමි". (යොහන් 17:15)

මගේ ජේසු එහෙම තමයි ඒ ජේසුගෙ හැටි !

හැම දේම කරගන්න මට පුළුවන්.සල්ලි තියනවනම් ඕන දෙයක් කරන්න පුළුවන්.
මේ හැමදේම මම කරගත්ත දේවල්.
👆 ඔය ඔක්කොම දේවල් නැති වෙන්න එක මොහතක් ඇති බවත් මතක තියාගන්න.
අධිතක්සේරුව අවතක්සේරු කරන්න එපා. ඉතා ඉක්මනින් ඊළඟ විනාඩියේදී වෙන විදියකට තත්ත්වෙකට වෙනස් වෙන්නත් පුළුවන්.ඒක දැනගෙන ජීවත් වෙමු.
මම කියලා මගේ කියලා දේවල් නෑ.
එහෙම තිබ්බත් බොහොම පොඩි වෙලාවකට.
හැම වෙලේම ස්තුතිවන්ත සිතක් ඇතුව ඕනෙම දෙයකට ශක්තිමත්ව මුහුණ දෙන්න පුළුවන් විදිහට දිවි ගෙවන්න.
එක දෙයක් කියන්න කැමති මොන දෙයක් නැති වුනත් කිසිම කෙනෙක් නැතත් කිසිදා නොවනස් නැති නොවන ජීවමාන ආදරයක් ඔබට හිමියි.
ඒ තමයි ඔබ වෙනුවෙන් පමණක්ම ඉදිරිපත්ව සිටින ජේසුගේ ආදරය ඒක විතරක්ම බලාපොරොත්තු වෙන්න.
එය පමණක්ම විශ්වාස කරන්න.

Maybe you are somewhere in the world but u know ! there are two eyes that are caring about u !
Yes You are not alone ❤️
-Jesus-

සමූහයන් වලින් ඈත් වීම ඈත් වෙන්න සිදු වීම සමහර විට නොදැනිම වෙනවා.
සමහර විට දැනගෙනම.
විටෙක හේතුවක් නැතුවම !
කොහොම වුනත් ආගාධයක් ඇතුලට තල්ලු කරපු යෝසෙප්ගේ අවසානය එතන නෙමෙයි. දෙවියන්වහන්සේ එතනදිත් ඔහු සමග හිටියා.
සමහර තනි වීම් තනි නෑ, තනි වෙන්නෙ දෙවියන්වහන්සේ සමග පමණක් ම තනි වෙන්න ඕන නිසා, නැගිටින්න ඕන නිසා !

ඉහළට ලැබෙන්ට යුතු ප්‍රශංසාවේ කිසිම කොටසක අයිතිකරුවෙක් වෙන්න කිසිම කෙනෙකුට යෝග්‍ය නැත.
මන්ද සේවකයාගේ මැදිහත් වීම්වල ක්‍රියාවන් වල ප්‍රශංසාව ලැබෙන්නේ එම සේවකයාව සේවයට පත් කල තැන්තාටය.
සේවකයාට ගෞරවය ලැබෙන්නේ ලැබිය යුත්තේ හිමිකරුවාගෙන් පමණි.
මැදිහත්කරුවනි හිතේ කොනකින් වත් ඔබට නොයුතු දේවල් නොලැබිය යුතු දේවල් ගැන බලාපොරොත්තු සහ ප්‍රකාශන
තබා නොගන්න.
මුඛයෙන් නොවේ හදවතින් එලෙස කරන්න වග බලාගන්න !
නැත්නම් ඒ ආත්මාර්ථය ඔබටත් නොදැනීම ඔබව වැරදි පැත්තක රදවනු ඇත.

දෙවියන් වහන්සේට යටහත් වීමත්,දේව හඬට අවනත වීමත්, ක්‍රිස්තුස් වහන්සේගේ මුහුණ දෙස බැලීම පමණක් සෑහේ දෙවියන්වහන්සේ ඔබට දුන්නාවූ පොරොන්දුු ආශිර්වාද ඔබ වෙතට පැමිණීමට.වෙන අමුතු දේවල් ඒ වෙනුවෙන් කරන්න යන්න එපා.දෙවියන් වහන්සේ කිව්වා කියලා තමන්ට ඕන දේවල් කියන මිනිස්සු දිහා බලන්නත් එපා.2025 වෙන්නෙ මොනාද කියලා සාස්තර අහන්න යන්නත් එපා!
මොන දේ වුනත් ඉදිරියේදී දෙවියන්වහන්සේ ඔබ සමග සිටින බව නිසැකවම විශ්වාස කරන්න.දෙවියන් වහන්සේගේ වචනය විතරක්ම විශ්වාස කරන්න එයයි සැබෑ ආශිර්වාදය!

නත්තලේ විශ්මය මත විශ්වාසය තබන්න !
(This is deep☝️)
✨ ️Let the truth of Christ be celebrated !
Happy Christmas !