ViralTalk 24x7

🇱🇰 ජංගම දුරකථන වෝකී-ටෝකී ජාලය (internet නොමැතිව)

ස්වභාවික විපත් හෝ අයහපත් කාලගුණික තත්ත්වයන් හේතුවෙන් ශ්‍රී ලංකාවේ ජංගම දුරකථන ජාල (සංඥා) ඇනහිටියහොත්, අන්තර්ජාලය හෝ සිග්නල් නොමැතිව සන්නිවේදනය පවත්වා ගැනීමට ඔබේ ස්මාර්ට් ජංගම දුරකථනය වෝකී-ටෝකී එකක් ලෙස භාවිතා කළ හැකිය.

මෙය සිදු කරන්නේ බ්ලූටූත් (Bluetooth) හෝ Wi-Fi Direct තාක්ෂණය හරහා දුරකථන දෙකක් හෝ වැඩි ගණනක් අතර සෘජු සම්බන්ධතාවක් (Peer-to-Peer) ඇති කිරීමෙනි.

📶 එය ක්‍රියා කරන ආකාරය

* බ්ලූටූත්: කෙටි දුර (මීටර් 10-30) සන්නිවේදනයට වඩාත් සුදුසුය.
* Wi-Fi Direct: බ්ලූටූත් වලට වඩා වැඩි දුර (මීටර් 100+ දක්වා) ආවරණය කළ හැකිය.

📲 අවශ්‍ය ඇප් (App) එක තෝරා ගැනීම
ජාලයක් නොමැතිව ක්‍රියා කරන, සෘජු දුරකථන-සම්බන්ධතා (Peer-to-Peer) පහසුකම් ඇති ඇප් එකක් තෝරාගත යුතුය. ජනප්‍රිය Zello වැනි ඇප් වලට අන්තර්ජාලය අවශ්‍ය වන බැවින් ඒවා මෙහිදී නුසුදුසුය.

ඔබට සුදුසු ඇප් වල නම කිහිපයක්.

Bluetooth Talkie බ්ලූටූත්/Wi-Fi ඔස්සේ සරලව ක්‍රියා කරයි.

| Walkietooth | බ්ලූටූත්/Wi-Fi Direct හරහා කණ්ඩායම් සන්නිවේදනයට ඉඩ දෙයි.

⚙️ සකසා ගන්නා පියවර (කෙටියෙන්)
* ඇප් එක download කරන්න: ජංගම දුරකථන connection තියෙන අවස්ථාවේදී, ඔබට අවශ්‍ය ඇප් එක සියලුම දුරකථන වල download කරගන්න.

* සක්‍රීය කරන්න: සියලුම දුරකථන වල බ්ලූටූත් (සහ Wi-Fi Direct භාවිතා කරන්නේ නම් Wi-Fi ද) සක්‍රීය කරන්න.

* සම්බන්ධ වන්න: ඇප් එක විවෘත කරන්න. එය ස්වයංක්‍රීයව අසල ඇති දුරකථන සොයා සම්බන්ධ විය යුතුය ("Host" සහ "Client" ලෙස).

* කතා කරන්න: කතා කිරීම සඳහා ඇප් එකේ ඇති "Push-to-Talk" (PTT) බොත්තම ඔබාගෙන සිටින්න.
කතා කර අවසන් වූ පසු මුදා හරින්න.

⚠️ ආරක්ෂාව සහ සැලකිලිමත් විය යුතු කරුණු

* බැටරි ආයු කාලය: බ්ලූටූත්/Wi-Fi නිරන්තරයෙන් ක්‍රියාත්මක වන නිසා බැටරිය ඉක්මනින් අවසන් විය හැකිය. එබැවින් Power Banks සූදානම් කර තබා ගන්න.

* දුර සීමාව: සන්නිවේදන දුර සීමිත බව (මීටර් 10-100 අතර) මතක තබාගන්න.

බිත්ති සහ ගොඩනැගිලි නිසා සංඥා දුර්වල විය හැක.

මෙම ක්‍රමය විපතකදී ඔබේ පවුලේ අය හෝ අසල්වැසියන් සමඟ කෙටි දුරක් තුළ සම්බන්ධව සිටීමට ඇති හොඳම සහ පහසුම ක්‍රමයකි.

(උපුටාගැනීමකි)

අලවතුගොඩ 🥹💔💨
පවුල් 800 ජීවත්වුන ගම්මානයක් අතුරුදහන් !
Breaking News ! 🚨

හිතාගන්න පුලුවන් ද ජල කඳේ තරම ⚠️❌

යකා පාලම 👹

සොබාදහමේ රුදුරු අනතුරු ඇඟවීමක්! ආසියාව හරහා එකිනෙක ඈඳුනු ‘සුළි කුණාටු ත්‍රිත්වයක්’ (Triple Cyclone Chain)

බෙංගාල බොක්කේ සිට බටහිර පැසිෆික් සාගරය දක්වා විහිදුණු අතිශය දුර්ලභ සහ බියජනක කාලගුණික සංසිද්ධියක් මේ දිනවල දකුණු ආසියානු කලාපයම කැලඹීමට පත් කරමින් සිටී. නවතම චන්ද්‍රිකා ඡායාරූප මගින් තහවුරු වන පරිදි, සෙන්වර් (Senvar), කෝටෝ (Koto) සහ දිත්වා (Ditwah) යන ප්‍රබල සුළි කුණාටු තුන, තනි දාමයක් ලෙස (Cyclone Chain) ක්‍රියාත්මක වීම කාලගුණ විද්‍යාඥයින් පවා මවිත කරවන සිදුවීමක් වී ඇත.

අභ්‍යවකාශයට පෙනෙන "වලාකුළු මහා මාර්ගය" මෙම සිදුවීම අතිශයින්ම සුවිශේෂී වන්නේ, මෙම කුණාටු පද්ධති තුනම එකිනෙකට ඉතා ආසන්නව පිහිටා තිබීමයි. මේවායේ පිටත වලාකුළු ස්ථර එකිනෙක ස්පර්ශ වෙමින්, ඉන්දියන් සාගරයේ සිට අග්නිදිග ආසියාව හරහා පැසිෆික් සාගරය දක්වා කිලෝමීටර් දහස් ගණනක් දිගු "තනි වලාකුළු පටියක්" නිර්මාණය කර තිබේ. මෙය හරියටම යෝධ සුළං මහා මාර්ගයක් වැනිය.

ශ්‍රී ලංකාවට බලපෑ මාරක "දිත්වා" (Ditwah) මෙම දාමයේ ශ්‍රී ලංකාවට ආසන්නවම පිහිටා ඇත්තේ 'දිත්වා' සුළි කුණාටුවයි. ත්‍රිකුණාමලයට නිරිත දෙසින් හටගත් මෙම කුණාටුව මේ වන විටත් මෙරටට දැඩි බලපෑම් එල්ල කර අවසන්ය. කණගාටුවට කරුණ නම්, මෙම ආපදා තත්ත්වය හේතුවෙන් ජීවිත 40කට අධික ප්‍රමාණයක් රටට අහිමි වී තිබීමයි. මේ වන විට එය උතුරු දිස්ත්‍රික්ක දෙසට ගමන් කරමින් පැවතියද, එහි බලපෑමෙන් ඇති වූ දැඩි වර්ෂාව සහ සුළං තත්ත්වය තවමත් පහව ගොස් නැත.

ඉන්දුනීසියාවට සහ චීන මුහුදට එල්ල වූ බලපෑම කුණාටු දාමයේ තවත් පුරුකක් වන 'සෙන්වර්' (Senvar) සුළි කුණාටුව නොවැම්බර් 26 වනදා උතුරු සුමාත්‍රා වෙරළට කඩා වැදුණි. මෙය ඉතිහාසගත වන්නේ ඉන්දුනීසියාවට නොවැම්බර් මාසයකදී බලපෑ ප්‍රථම සුළි කුණාටුව ලෙසයි. මලක්කා සමුද්‍ර සන්ධිය ආශ්‍රිතව එය තරමක් දුර්වල වී ඇතත්, මැලේසියාව සහ තායිලන්තය හරහා තවමත් පැයට කිලෝමීටර් 75ක වේගවත් සුළං මුදා හරිනු ලබයි.

මේ අතර තුන්වන කුණාටුව වන 'කෝටෝ' (Koto) දකුණු චීන මුහුදේ ස්ප්‍රැට්ලි දූපත් ආශ්‍රිතව තවමත් සක්‍රීයව පවතී.

දේශගුණික විපර්යාසවල රතු එළියක් මෙවැනි දැවැන්ත සුළි කුණාටු දාමයක් නිර්මාණය වීම පිටුපස ඇත්තේ ගෝලීය දේශගුණික රටාවන්ගේ අසාමාන්‍ය වෙනස්වීමයි. සාගර උෂ්ණත්වය ඉහළ යාම සහ කාලගුණ රටා වෙනස් වීම නිසා මෙවැනි අනපේක්ෂිත ආපදා බහුල විය හැකිය.

මෙය හුදෙක් කාලගුණ පුවතක් පමණක් නොව, සොබාදහම අපට නිකුත් කළ රතු නිවේදනයකි. මෙවැනි අවස්ථාවලදී කාලගුණ අංශ නිකුත් කරන උපදෙස් පිළිපදිමින්, අවදානමෙන් ආරක්ෂා වීම අප කාගේත් වගකීමකි.

රටම වැනසූ පනස්හතේ ගංවතුරේ මතක

මහ වැසි වැටෙමින් නැවතත් ගං වතුර ඇවිත්. කැලණි, කළු, ගිං, නිල්වලා ගංගා පිටාර ගලා බොහෝ පෙදෙස් යටවෙලා. බස්නාහිරට නම් තවමත් වැසි ඇද වැටෙනවා. ඒ වගේ අවස්ථාවක අපේ රට වැනසූ අතීත ගංවතුර කිහිපයක් ගැන මතක් කර බැලීමට යි මේ උත්සාහය. ඒ අතරින් 1913, 1940, 1947, 1957, 1969, 1978, 1989, 1992, සහ 2003 යන අවුරුදුවල විශාල විපත් ඇති කළ ගංවතුර හටගත්තා.

සිංහල කවි සඟරාවේ කලින් පැවති මහා ජල ගැල්මක් ගැන මෙසේ විස්තර කෙරෙනවා:

වැසිනෙක් දහස් සත්සිය තිස් සතරකිනේ

උඳුවප් මස පුර සිතදා අවයො ගිනේ

වැසි පුරලා කඳු හෙල් කැඩෙමින් සොඳිනේ

රට හැම පාලු විය මහ වතුර ගලමිනේ

ඉංග්‍රිසින්ට රට යටත් වු පසුව 1818 සිට 1828 වන තුරුම දළදා පෙරහර හෝ දළදා ප්‍රදර්ශනයක් පැවැත්වුණේ නැහැ. මේ අතර රටේ විශාල නියඟයක් හටගෙන තිබුණා. තෙත් කලාපය වගේම වියළි කලාපයේ පළාත් ඉඩෝරයෙන් වේලී විශාල ලෙස හානිවෙමින් පැවතුණා. මේ නියඟයට හෙතුව දළදා ප්‍රදර්ශන නොපැවැත්වීම බවට බෞද්ධයන් තුළ අදහසක් පැතිර ගියා. මේ නිසා දළදා පෙරහර සහ දළදා ප්‍රදර්ශන පැවැත්වීමට ඉංග්‍රීසි ආණ්ඩුවෙන් අවසර ඉල්ලා උද්ඝෝෂණ පැවැත්වුවා. සිංහල බෞද්ධයන්ගේ උද්ඝෝෂණයේ ප්‍රතිඵලයක් ලෙස දළදා ප්‍රදර්ශනයට ද පෙරහරට ද ඉංග්‍රීසි පාලකයෝ ඉඩදුන්නා.

1928 වෙසක් පෝය දින දළදාවහන්සේ මාලිගාවෙන් පිටත මහමළුවට වැඩමවා ප්‍රදර්ශනයකොට පෙරහරක් පැවැත්වුණා. ටික දිනකින් වට මහා වැස්සකින් මුළු රටම වැසි වතුරෙන් තෙත්වී ගං ඇළ දොල පිරී ගොස් තිබෙනවා. මහනුවර නගරයත් ඒ දිනවල මහ වතුරකින් යටවුණු බව පැවසෙනවා. පසුකාලීනව මෙය “දළදා වතුර” නමින් හැඳින්වුණා. 1947 මහ ගංවතුරටත් නුවර වැව උතුරා ජලය ගලාගොස් නගරය යටවූ බව සඳහන් වෙනවා.

1947 මහ ගංවතුරෙන් ද බස්නාහිර පළාත සහ කඳුරට ඇතුළු විශාල පෙදෙසකට හානි සිදුවුණා. කැලණි, කළු ගංගා උතුරා ගොස් ගම්බිම්, නගර යටවුණා. නමුත් 1957 මහ ගංවතුර මුළු රටටටම බලපෑවා. උතුරේ වගේම දකුණෙත් රජරටත් විශාල විනාශයක් සිදුවුණා. අදත් රජරට වැසියන් මේ ගැන කතා කරනවා. සුනාමි ව්‍යසනය සිදුවන තුරුම පනස් හතේ ගංවතුරේ මතකය ලාංකීය ජනතාව සතු භංකාරම ස්වාභාවික ව්‍යසනයේ මතකය බවට පත්ව තිබුණා.

මෙම ලීල් ගුණසේකරයන්ගේ පෙත්සම නවකතාවෙන් ද රජරටට ගංවතුරෙන් සිදුවූ හානිය මෙසේ විස්තර කෙරෙනවා.

වැව් කණ්ඩිය කැඩිලා වැව සිඳුණා

ගොවිතැන් හරකා බාන ද නැසුණා

අප සතු දේ ජල රකුසට ගිලුණා

මේ ගමනත් අපි බාගෙට මැරුණා

ඒ එක්දාස් නවසිය පනස් හතේ දෙසැම්බර් මාසය යි. වැස්ස දෙසැම්බර් මුල පටන්ම තිබුණා. දෙසැම්බරයට කොහොමත් වහින නිසා කවුරුත් මුල දී ගණන් ගත්තේ නැහැ. මෙම කාලගුණ විපර්යාසයට හේතුව බෙංගාල බොක්කේ නිර්මාණය වුණු වාසුළියක් බව කියැවුණා. එය ලංකාවේ නැගෙනහිර වෙරළින් රට තුළට ඇතුළු වී තිබුණා. අද වගේ ආපදා කළමනාකරණ ඇමැතිවරු එදා හිටියේ නැහැ. සන්නිවේදන මාර්ග දියුණුව තිබුණෙත් නැහැ. නැගෙනහිරත් රජරටත් කල්පාන්ත වරුසාවට ගොදුරු වූවා මෙන් ගම්මාන පිටින් යටවී විශාල ජලාශ ලෙස දිස්වන්නට වුණා. ඒ කාලෙ පුවත්පත්වල සඳහන් වුණේ ගෙවුණු අවුරුදු 500කින් මෙපිට ශ්‍රී ලංකාවේ සිදුවූ විශාලතම ස්වාභාවික විපත එය ලෙස යි.

වාර්තාවලට අනුව කුඹුරු අක්‌කර ලක්‍ෂ 8ක් පමණ ගංවතුරට බිලිවී විනාශ වී තිබුණා. පළමු දින කිහිපයේ පමණක් මරණ සංඛ්‍යාව 200කට වඩා වැඩි වූ බව පැවසුණා. උදම් වූ රළ ගෙඩි නැගෙනහිරෙන් මුහුදුබඩ පළාත් ආක්‍රමණය කර තිබුණා. විශාල සුලි සුළං නිසා ගෙවල් පමණක් නොව වසර සිය ගණනක් පැරණි මහා ගස් ද බිමහෙළා රජරට එකම යුද පිටියක් බවට පත්කර තිබුණා. අනුරාධපුර, පොළොන්නරු ප්‍රදේශයේ අලි ඇත්තු පවා ගංවතුරට හසුවූ බව වාර්තාවල කියැවුණා.

අනුරාධපුරය නගරයේ පනස් හතේ ගංවතුර පිළිබඳ මතකය ඉතුරුකර තිබෙන සලකුණු කිහිපයක් අද ද දකින්නට ලැබෙනවා. එදා ඒ ගැලු මහා ගංවතුරේ තරම කියාපාන සලකුණු, අදටත් අනුරාධපුර පොදු වෙළෙඳ සංකීර්ණය (මාර්කට්‌ එක) අසලින් ජය ශ්‍රී මහා බෝධියට පිවිසෙන මාර්ගයේ ගමන් කරන විට, සිංහ කණුව අසල දකුණු අත පැත්තේ පිහිටි දුම්රිය දෙපාර්තමේන්තුවට අයත් දෙමහල් නිල නිවසේ සලකුණු කර ඇති අයුරු දකින්න පුළුවන්.

අනුරාධපුර පූජා නගරය හා නව නගරය ඇතුළු ඒ අවට ප්‍රදේශ ගණනාවක්‌ මහා ජල කඳකින් යට වුණා. නාච්චාදූව වැවේ බැම්ම කෙළවරකින් කැඩී යාමෙන් අනුරාධපුර පුජා භූමිය හා නව නගරය ඇතුළු අවට ප්‍රදේශ ගණනාවක්‌ ජලයෙන් යටවූ බව පැවසෙනවා. මෙම ජලාශය ප්‍රතිසංස්කරණය කර, 1958 දී ඒ වැඩ නිමාවට පත් කළා. ධාරානිපාත වර්ෂාවෙන් කලාවැව, රාජාංගණය, නාච්චාදූව, පදවිය, නුවරවැව, මහකනදරාව, ඒරුවැව, මානන්කට්‌ටිය, තිසාවැව, මහවිලච්චිය හා හුරුළුවැව ඇතුළු මහ වැව් දෙදහසකට අධික වූ සුළු හා මධ්‍ය පරිමාණයේ වැව් මෙන්ම ඉපැරණි යෝධ ඇළ, මල්වතුඔය, කලාඔය හා යාන්ඔය ද උතුරා ගියේ මිනිසුන් මෙන්ම වනසතුන්ට ද මහා විනාශයක් අත්කර දෙමින්.

#හෙළඉතිහාසය

🚨 RED ALERT: දරුණු ගංවතුර අනතුරු ඇඟවීම – ශ් රී ලංකාව

ජලගැලුම් දෙපාර්තමේන්තුව පහත ප් රදේශ වල බරපතල ගංවතුර තත්ත්වය ගැන අනතුරු අඟවයි:

මහවැලි ගඟ
කමෝන්, කමෝන්.
Maha Oya
Kala Oya
Menik Ganga
Malwathu Oya

අඛණ්ඩව පවතින වර්ෂාව හේතුවෙන් ජල මට්ටම ඉහළට. මෙම ගංගා අසල පදිංචිකරුවන්ගෙන් විමසිල්ලෙන් සිටින අතර ආරක්ෂිත ස්ථාන වෙත වහාම ඉවත් වන ලෙස ඉල්ලා සිටී.

⚠️ ⚠️ ⚠️හදිසි ඇමතුම් අංක

ආපදා කළමනාකරණ මධ්‍යස්ථානය (DMC): 117 (හදිසි ආපදා දැනුම් දීම් සහ සහන සේවා සම්බන්ධීකරණය)

පොලිස් හදිසි ඇමතුම්: 119 (ජීවිතාරක්ෂක හා හදිසි ආරක්ෂක අවශ්‍යතා)

සුව සැරිය ගිලන් රථ සේවාව: 1990 (රෝගීන් රෝහල් ගත කිරීම සඳහා)

ගිනි නිවන හමුදාව: 110 (ගිනි ගැනීම් සහ විපතට පත් වූවන් බේරා ගැනීම)

ජාතික ගොඩනැගිලි පර්යේෂණ සංවිධානය (NBRO): 011 258 8946 (නායයෑම් අවදානම් දැනුම් දීමට)

කාලගුණ විද්‍යා දෙපාර්තමේන්තුව: 011 268 6686 (කාලගුණ අනාවැකි දැනගැනීමට)

නාවික හමුදා මූලස්ථානය: 011 244 5368 (ගංවතුරකදී බෝට්ටු සේවා සහ බේරා ගැනීම්)

යුධ හමුදා මූලස්ථානය: 113 (හදිසි ආපදා සහන සහ බේරා ගැනීම්)

ගුවන් හමුදා මූලස්ථානය: 116 (හෙලිකොප්ටර් යානා මගින් සිදුකරන බේරා ගැනීම් සඳහා)
*
පළාත් සහ දිස්ත්‍රික් මට්ටමේ සම්බන්ධීකරණ අංක (Provincial & District Level)

ආපදා කළමනාකරණ මධ්‍යස්ථානයේ දිස්ත්‍රික් ඒකක (District Disaster Management Coordinating Units - DDMCU) හරහා පළාත් මට්ටමින් සහාය ලබා ගන්න.

බස්නාහිර පළාත (Western Province)
ගංවතුර අවදානම වැඩිම ප්‍රදේශ සඳහා:

කොළඹ දිස්ත්‍රික්කය: 011 243 4028 / 077 395 7893
ගම්පහ දිස්ත්‍රික්කය: 033 223 4676 / 077 395 7888
කළුතර දිස්ත්‍රික්කය: 034 222 2344 / 077 395 7887

දකුණු පළාත (Southern Province)

ගාල්ල දිස්ත්‍රික්කය: 091 224 2355 / 077 395 7889
මාතර දිස්ත්‍රික්කය: 041 223 4030 / 077 395 7894
හම්බන්තොට දිස්ත්‍රික්කය: 047 225 8056 / 077 395 7895

සබරගමුව පළාත (Sabaragamuwa Province)

නායයෑම් සහ ගංවතුර බහුල ප්‍රදේශ:

රත්නපුර දිස්ත්‍රික්කය: 045 222 5522 / 077 395 7898
කෑගල්ල දිස්ත්‍රික්කය: 035 222 2843 / 077 395 7891

වයඹ පළාත (North Western Province)

කුරුණෑගල දිස්ත්‍රික්කය: 037 222 0455 / 077 395 7892
පුත්තලම දිස්ත්‍රික්කය: 032 226 5345 / 077 395 7896

මධ්‍යම පළාත (Central Province)

මහනුවර දිස්ත්‍රික්කය: 081 220 2875 / 077 395 7890
නුවරඑළිය දිස්ත්‍රික්කය: 052 222 3448 / 077 395 7897
මාතලේ දිස්ත්‍රික්කය: 066 223 0926 / 077 395 7886

උතුරු මැද පළාත (North Central Province)

අනුරාධපුරය: 025 222 5333 / 077 395 7883
පොළොන්නරුව: 027 222 6676 / 077 395 7884

ඌව පළාත (Uva Province)

බදුල්ල දිස්ත්‍රික්කය: 055 222 4434 / 077 395 7885
මොනරාගල දිස්ත්‍රික්කය: 055 227 6378 / 077 395 7893

මාධ්‍යවේදී ගේ පිටුවෙන්.....