Api Hadi Rata Hadamu

අපි හැදී රට හදමු

දිනෙන් දින දියුණුවන තාක්ෂණික ලෝකයක අතිශයින් කාර්යබහුල ජීවිත ගෙවන පුරවැසියන් ලෙස අපට පාරිසරික ආරක්ෂාව පිළිබඳ වෙනම සිතන්නට කාලයක් නොමැති තරම්. නමුත් අපි කරන සුළු නිවැරදි ක්‍රියාවන් මගින් පරිසරය රැකගැනීමට අපිට සහයවන්නට හැකියාව තිබෙනවා. අවශ්‍ය වන්නේ ආකල්පමය තල්ලුවක් පමණයි. සමාජයීය ආකල්ප වෙනස් කිරීමට නම් පවුල නමැති කුඩාම ඒකකයේ සිට ඒ කටයුත්ත ආරම්භ කිරීම අත්‍යාවශ්‍ය වෙනවා. පවුලක වැඩිහිටියන්ට ලොකුම බලපෑමක් එල්ල කරන්න හැකිවෙන්නේ කුඩා දරුවන් හරහායි. මේ ව්‍යාපෘතියේ හරහා පොඩිහිටියන් එසේ නැති නම් කුඩා දරුවන් යහමගට ගනිමින් අනාගත ප්‍රජාව වෙත පරිසරයේ වැදගත්කම සහ වටිනාකම පිළිබඳව පණිවුඩය ප්‍රචාරණය කිරීම සිදුවෙනවා. එසේම අනාගත ප්‍රජාවගේ ආකල්පීය වෙනස්කම් සිදු කරන අතරවාරයේ ඔවුන් හරහා වැඩිහිටි ප්‍රජාව වෙත පාරිසරික සුන්දරත්වය රැකගැනීමට, මනාව කැළිකසළ බැහැර කිරීමට යොමු කරවීම සහ පරිසරය ආරක්ෂා කරගැනීමට පෙළඹවීම මේ ව්‍යාපෘතිය හරහා අපේක්ෂා වෙනවා. පරිසරය රැකගැනීමේ අරමුණ පෙරදැරිව අරඹන මේ ව්‍යාපෘතිය යහපත් සමාජයක් බිහිකරනු වස් තබන මනෝවිද්‍යාත්මක අත්පොත් තැබීමක් ලෙසින් හඳුවන්නට හැකියාව තිබෙනවා.