Bhathiya Arthanayake

ඉතින් ඔබට සුබ ම සුබ අලුත් අවුරුද්දක් වේවා.

මේ පාර අලුත් අවුරුද්දේ මම ජීවිතයේ පලවෙනි වතාවට අලුත් අවුරුද්දකදී රටෙන් පිට. ඉන්දියාවේ රිෂිකේෂ් හි Yogshri Sound Healing Training and Research Institute හි level 02 එක වෙනුවෙන් අධ්‍යයන කටයුතුවල නිරත වෙලා ඉන්නවා.

අපි හැමෝට ම ජීවිතයේ අරමුණු තියෙනවා. මේ මම ඇවිල්ලා ඉන්නෙත් එහෙම අරමුණකට. ඒක මට පලමුවත්, දෙවනුව මගේ වටේ ඉන්න හැමෝටමත් සුබ ඵල ගෙන දෙන බව මම දන්නවා.

ඔබගේ සියලු යහපත් අරමුණු සාක්ෂාත් කරගන්න හැකියාව, බලය මේ වසරේ දී ලැබේවා. නිරෝගී බව, ධන බලය, දැනුමේ බලය වඩ වඩාත් වැඩිදියුණු වෙන, සිතේ සැනසීම රජයන සිරි සුබ නව වසරක් වේවා මිත්‍රවරුනි ❤️

ජීවිතය ඉතා ඉහල සංඛ්‍යාත සහ කම්පන තරංගවලින් පිරී ඇත්තේය. නමුත් ඒවා ඇසෙන්නට නම්, ඔබ ඊට සරිලන බරකින් ඒ මත ඔබගේ ශක්තිය පතිත කල යුත්තේ ය.

ඉන්දියාවේ රිෂිකේෂ් හි සිට ඈත දුර අතීතයේ අධ්‍යාත්මික ජීවිතය හා බැඳුනු ශබ්ද, කම්පන හා සුවපත් කිරීම් ගැන උගනිමින් සිටිමි.

මේ මගේ ගුරු කුලයයි.

දැන් මා මෙතන අසුන් ගත යුත්තේ ය.

අසුන හිස්ව පවතින තාක් කල්, කම්පන, සංඛ්‍යාත හෝ නාද ශ්‍රවණය නොවෙනු ඇත.

ඉතින් මැතිණිය ඔබට සුබ ම සුබ උපන්දිනක් වේවා.

දේවල් පටන් ගන්න සම්බන්ධතා ආරම්භ වෙන ලෝකයක, මගේ ලොකුම සතුට, දේවල් නිමා කරන්න ඔයත් එක්ක ජීවන ගමනේ යෙදෙන්න ලැබීම. හැම දවසක් ම සතුටින් ආරම්භ කරන්න, හැම දවසක් ම සතුටින් නිමා කරන්න ඔයාගේ මුහුණේ තියෙන ඒ හිනාව මට ලොකු ආශීර්වාදයක් වුණා.

ඉතින් "මැඩම් No complain"

ඇලීමයි ගැටීමයි නතර උනොත් එතන තමයි මේ ලෝකය ඇතුලේ උනත් නිවන හමුවෙන්නේ කියලා මට ආදර්ශයෙන් පෙන්වපු කෙනා ඔබ. හැම දේකදි ම හිනා වෙලා, හැම දේකට ම ධෛර්‍යෙන් මුහුණදෙන්න හේතු කාරණා දුන්නෙත් ඔබ. ගුරුවරු නමින් අපට හමුවෙන අය වගේ ම ජීවිතයේ සබඳතාවකදී අපිට හමුවෙන අය පවා අපූරු ගුරුවරුන් විය හැකි බව තේරුම් කල කෙනාත් ඔබ.

හැම දේටම වඩා කුකුල් කේන්තිකාරයාව - ඉතාමත් නිවුනු මිනිහෙක් කරපු කෙනත් ඔබ.

ඉතින් ඔබගේ මේ උපන්දිනය පමණක් නොවෙයි, මුලු ජිවිතය ම සතුටෙන් පිරේවා, සැපවත් වේවා. දීර්ඝායුෂ සම්පත්තිය ම ලැබේවා. ❤️

පරිවර්ථනයන් සිදුවිය යුත්තේ අදහස් බලගැන්වීමෙන්. ඉගැන්වීමෙන් සහ උගන්වන දෑ පුහුණුවෙන්.

SRI LANKA INSURANCE ආයතනයේ Western 01 Region සිය කණ්ඩායම MDRT මෙහෙයුම වෙනුවෙන් බලගැන්වීම සඳහා පසුගියදා සුවිශේෂි පුහුණු වැඩසටහනක් පවත්වනු ලැබුවා. එය මෙහෙයවූයේ International Coaching Federation හි සාමාජික, Corporate trainer Coach භාතිය අර්ථනායක විසින්.

අලෙවිකරණයේ දී, පාරිභෝගික සත්කාරයේ දී සේ ම, තමන් ව හා සේවාව සන්නාමයක් ලෙස ඔසවා තැබීමේ දී ගත හැකි ක්‍රියාමාර්ග රැසක් මෙහිදී සාකච්ඡාවට බඳුන් වුණා.

අප‍ගේ සේවය ලබාගැනීම සඳහා අපට ආරාධනා කල ප්‍රාදේශිය කළමණාකරු අජිත් කුලසේන මහතා ඇතුලු කළමණාකාරීත්වයට අපගේ ස්තූතිය පල කර සිටිනවා. සියලු ම අලෙවිකරුවන්ගේ සහ ආයතනයේ අලෙවි ඉලක්ක සපුරාගනිමින් ඉදිරියට යාමට හැකියාව ලැබේවායි ප්‍රාර්ථනා කර සිටිනවා.

- TEAM COACH BHATHIYA

බොහෝ කළමණාකරුවන්ට, නායකයින්ට වරදින තැන තමයි මෙතන.

ඒ තමයි ප්‍රතිඵලය ගත්විට පමණක් අගය (Recognition) ලබාදීම. ඒක වැරදි දෙ‍යක් නෙවෙයි. නමුත් ඔබ ඔබගේ සේවකයාට අගය ලබාදිය යුත්තේ ඔහු හෝ ඇය Perform කරපු වෙලාවට විතරක් ම කියලා හිතනවා නම් අන්න ඒක වරදින තැනක්.

ඔබ නායකයෙක් වෙන්නේ සේවා ස්ථානයට, ඔබගේ ව්‍යාපාරයට පමණක් නෙවෙයි. ඔබ පවුලේ අම්මා තාත්තා නම්, වැඩිමහල් සහෝදරයෙක් නම් ඔබටත් මේ කියන ටික අදාලයි. ඒ නිසා, නායකයින් සැබෑ ලෙසින් ම අගයන්නේ කොයි තැන්වලදි ද කියලා මේකෙන් ඉගෙන ගන්න. ඔබ මේ තැන්වලදී අගය කරනවා නම් ඔබ නායකයෙක්. ඒ වගේ ම, ඔබට මේ තැන්වල දී අගැයීම ලැබෙනවා නම් ඔබට ඉන්නෙත් හොද නායකත්ව ලක්ෂණය තිබෙන කෙනෙක්.

🔰 ලබාදුන් වැඩ ඉලක්කය නිමකල විටදී.

මේක අපි බහුතරක් දෙනා කරන දේ. නමුත්, මෙතනදිත් තමන්ගේ සඟයින් ව අගය නොකරන අය ඉන්නවා. ඔවුන් හිතන්නේ අපි එයාලට පඩියක් ගෙවන්නේ වැඩේ කරන්න, ඉතින් වැඩේ කලාට පස්සේ අගැයීම් අවශ්‍ය නෑ කියලා. නමුත් ඒක වැරදියි. ඔබ අගැයීමට ලක්වන හැම වෙලාවක ම ඒක මානසික උත්තේජනයක් බවට පත් වෙනවා. ඒ නිසා අගැයීම කරන්න නි‍ර්ලෝභී වීම වැදගත්.

🔰 ප්‍රතිඵල වෙනුවෙන් වැඩ කරන මොහොතේ දී.

රේස් එකක් නිමාවේ දී විතරක් නෙවෙයි අපි ක්‍රීඩකයෙකුට චියර් කරන්නේ. රේස් එක පටන් ගන්න කලිනුත්, ආරම්භයේදිත් ඒ චියර් එක යනවා. දවසේ වැඩ ඉලක්කය නිමා කරලා නැතත්, තාම වැඩ පටන් අරන් ගතවෙලා තිබෙන්නේ පැයක් දෙකක් උනත්, ඔබ තමන්ගේ සේවකයාට පිටට තට්ටුවක් දාලා “නියමයි. වැඩේ හොදට කරගෙන යන්න” කියන අගය කිරීම ලබාදුන්නොත් ඒකට ඔබට මුදල් වැයවෙන්නේ නෑ.

🔰 වැඩ ඉලක්කය ඉටුවෙමින් පවතින බව පෙනෙන මොහොත.

හොදටම වැඩ කරගෙන යන කෙනෙකුට උනත්, වැඩ වෙහෙස, දවසේ තෙහෙට්ටුව හෝ ව්‍යාපෘතියේ තිබෙන දුෂ්කර බව නිසා අවසානයට ලගා වනවිට දුර්මුඛ වීමක් වෙන්නට පුළුවන්. ඒ මොහොතේ දී ඔබ වැඩේ ගැන අවදියෙන් ඉන්න බව පෙන්වන්න, ඒ වගේ ම ඔබ මේ සේවකයා පිටුපසින් ඉන්න බව හඟවන්න ඔබට එයාව අගයන්න පුළුවන්.

🔰 ඉලක්කය ඉටු නොවූවත් පුද්ගලයා ප්‍රගතියක් පෙන්වූ විටදී.

අපි කිසිවෙක් Perfect අය නෙවෙයි. නායකයෙකුගේ විශිෂ්ට ලක්ෂණය වන්නේ දක්ෂතා දක්වන අයගෙන් වැඩ ගැනීම පමණක් නොවෙයි. වැඩ නොකරන අය වැඩ කරන මට්ටමට ගෙන ඒමයි. වෙනදාට වඩා වැඩ ප්‍රගතියක් පෙන්වා ඇත්නම්, ඔහු ඉලක්කයට ලඟා නොවුනත්, ඒක දිනෙක ඉලක්කයට ලඟා වන බවට සහතිකයක් කරගන්නට පුළුවන්. නමුත් අගැයීම අවශ්‍යයි. එය තමයි ඒ කෙනාට අවශ්‍ය ඉන්ධන බවට පත්වෙන්නේ.

අගැයීම කියන්නේ ඉතාමත් ප්‍රබල ලෙස වැඩ කරන ඉන්ධනයක්. අපි වටා වැඩ කරන හැම කෙනෙක් ම අපි වගේ ම ජීවිතයේ ඉලක්ක වෙනුවෙන් වෙහෙස මහන්සි වෙන අය. මට හමු වූ විශිෂ්ට නායකයින් තුල මෙවැනි ගති ලක්ෂණ සහිත අය හිටියා. එහෙම නොවන අය නොසිටියාමත් නෙවෙයි. නමුත්, අපිව සැබෑ ලෙසින් ම පෝෂණය කලේ සහ, රැකියාවෙන් ඉවත්ව ගියාට පස්සෙත් අපි ගරුත්වය දෙන්නේ මේ කියන කැටගරි එකේ නායකයින්ට.

නායකත්වය කියන්නේ දැනුමක් නෙවෙයි. ඒක පුහුණුවක්.
ඒ නිසා මේ හැම තැනකදී ම අගැයීම ඔබගේ පුහුණුවක් බවට පත් කරගන්න.

පොඩි පොඩි දේවල් කරමින් - ලොකුවට වෙනස් වෙමු.

- Coach Bhathiya Arthanayake
International Coaching Federation Member / Award-Winning Mentor /NLP Business Practitioner / Award-Winning Author / Certified Yoga teacher

“මාස 04 ක් වගේ පොඩි කාලයක් ඇතුලත ඔබ නැවත ආවා එහෙනම්.” මගේ යෝග දර්ශනය ගුරුතුමන් වෙන ශ්‍රී සාධු ශ්‍රී ඊයේ මාව ආදරයෙන් පිළිගනිමින් කිව්වා.

මා හඳුනාගත් පලමු මොහොතේ සිට ම ඔහු මට ඉතා ඉහල පිළිගැනීමක් සහ ගරුත්වයක් ලබාදෙනවා. ඒකට පලමු හේතුව මම ශ්‍රී ලාංකිකයෙකු වීම. දෙවැන්න මම බෞද්ධයෙකු වීම. තුන්වැනි එක මගේ මේ ගමනේ අරමුණ ගැන ඔහුට ඇති පැහැදීම. සාධු ශ්‍රී කියන්නේ බුදු දහම පිළිබඳව Master එකක් තියෙන ඒ වගේ ම ඒ පිළිබඳ ඉතාමත් ගැඹුරු හැදෑරීමක් තිබෙන කෙනෙක්.

“ භාතිය දැන් ඔබට මෙහෙ ඇවිත් ඉගැන්වීම් පටන් ගන්න කාලය හරි. තව තවත් ඉගෙන ගන්න එන්න. නමුත්, දැන් ඉගැන්වීම් පටන්ගන්නත් ඔයාට පුළුවන්. සේවා - ඉගෙන ගත්ත දේ උගන්වන එක අපේ වගකීමක්.”

බිමට බර කරගත්ත හිසින්, දෑත් පිටුපසට තබාගෙන ඉතා ප්‍රතාපවත් විදියට පන්ති කාමරයට නිහඬ ව පිවිසෙන මේ ගුරුතුමා පන්තියේ දී හරිම ප්‍රසන්නව සංවාදශීලි වෙනවා. නික්ම යන්නේ නැවතත් අර නිහඬ සන්සුන් බව අරගෙන.

මම හැමවිට ම මගේ සැසිවලදි සේවාලාභින්ට කියන එක දෙයක් තිබෙනවා. ඒ තමයි, යම් සිදුවිමකට මුහුණ දෙන්න උනොත්, යම් පුද්ගලයෙක් ජීවිතයේ හමුවුණොත් ඒක එහෙම වුණේ ඇයි කියලා හිතන්න කියලා.

මට සාධු ශ්‍රී ජී ව හමුවුණේ ඇයි කියලා සිහිපත් වෙනකොට දැනෙන සතුට වචනවලට හෝ අකුරුවලට පෙරලන්න පුළුවන් එකක් නෙවෙයි.
ඒක ඒ තරමට ම ආනන්දයක්!

ආනන්දෝහම් ❤️🙏

අපි සංවාදයක් අරඹමු. ඒ අපේ දියුණුව වෙනුවෙන්🎙️

අපේ Performance සම්බන්ධයෙන් අපි වැඩ කරන ඉතාමත් ම වැරදි විදියක් තිබෙනවා. ඒ තමයි බාහිර බලපෑමක් එනවිට Perform කරන එක.

වෙලාවට වැඩට යන්නේ කවුරු හරි බනින නිසා. වැඩේ හරියට නොකලොත් තමන්ගේ වැටුපට බලපෑමක් එන නිසා. මේ විදියට බාහිර හේතුවක් හදා ගන්නවා තමන්ගේ Perform කිරීම සඳහා. නමුත් ලෝකයේ දේවල් දිනන නායකයින්ගේ තත්ත්වය ඊට වඩා වෙනස්.

ඔවුන් හැමවිට ම තමන්ගේ ජයග්‍රහණ වෙනුවෙන් සාධාරණ හේතුවක් තමන්ගේ තුලම නිර්මාණය කර ගන්නවා. තමන් වැඩ කරන්නේ ඒ තමන් විසින් නිර්මාණය කරගත් හේතුව නිසා විනා තවකෙකුගේ බලපෑමට නොවෙයි. (මේ ගැන අපි විශේෂ විඩියෝවක් කලා අපේ YouTube Channel එකට. ලින්ක් එක පලමු කමෙන්ටුවේ තිබෙනවා. - විඩියෝව නරඹන්න.)

ආයතනවල රැකියා කරන හැකියාව ඇති ඇතැමෙක් තමන්ගේ ම ව්‍යාපාරයක් ආරම්භ කල විටදී Fail වෙන්න මේ ගුණාංගය තමන් තුල නොමැතිවීම බලපානවා. හේතුව තමන් ආයතනගතව වැඩ කරද්දි තමන්ව අධික්ෂණය කරන්න, තමන්ගේ වැඩ සම්බන්ධයෙන් බලපෑම් කරන්න තමන්ට ඉහළින් කෙනෙක් හිටියා.

හැබැයි තමන්ගේ ම ආයතනයක දී ඒක කරන්න තමන්ට වඩා ඉහළින් කෙනෙක් නෑ. ❌
වෙලාවට වැඩ පටන් නොගත්තතොත් අහන්න කෙනෙක් නෑ. ❌
Performance ඉහළ යාම හෝ පහත වැටීම සම්බන්ධයෙන් ඇයි එහෙම වුණේ කියලා විමසන්න කෙනෙක් නෑ. ❌

ඒ නිසා හැමවිටම තමන්ට වගවෙමින් වැඩ කිරීම, තවත් කෙනෙකුගේ බලපෑම නිසා නෙවෙයි මේ වැඩ කරන්නේ, තමන්ගේ උවමනාව නිසා - එබැවින් මම වැඩ කරනවා කියන Level එකට වැඩ කරන එක කෙනෙකුගේ ජීවිතයේ දියුණුව වේගවත් කරනවා.

Comment කරගෙන යන්න. කෙනෙක් ඔබ දෙස අවධානයෙන් නොසිටියදී පවා වැඩ කරන්නට තරම් ස්වයං මෙහෙයවා ගැනීම කියන නායකත්ව ලක්ෂණය ඔබ තුල තිබෙනවා ද? එය ඔබ තුල නිර්මාණය කර ගැනීම වැදගත් වන්නේ ඇයි?

Comment කරන්න. 👇🏽

Bhathiya Arthanayake
International Coaching Federation Member / Award-Winning Mentor
NLP Business Practitioner / Award-Winning Author