Dr. Susil Ranasinghe

💧 කළු ගඟ - අඹතලේ
නව ජලසම්පාදන ව්‍යාපෘති දෙකක්..!

64,000ක් හදනවා කීවට හදලා තියෙන්නේ 10,000 යි 🤷

🟢 අර්ධ හානියට පත් නිවාස සඳහා වන්දි ලබා දීම මැයි මස අවසන් වීමට පෙර ගෙවා අවසන් කිරීමට උපදෙස්..!

දිට්වා සුළි කුණාටුවෙන් අර්ධ හානියට සහ පූර්ණ හානියට පත් නිවාසවල පදිංචිකරුවන් වෙත වන්දි ගෙවීමේ සහ නව නිවාස ලබා දීමේ කටයුතු පිළිබඳ ප්‍රගති සමාලෝචන සාකච්ඡාවක් අද (22) පෙරවරුවේ ජනාධිපති ලේකම් කාර්යාලයේදී ජනපති ප්‍රධානත්වයෙන් පැවැත්විණි.

ඒ අනුව, අර්ධ හානියට පත් නිවාස සඳහා රජයෙන් අනුමත කළ රුපියල් ලක්ෂ 05ක වන්දි මුදල ඉතා ගැටලුකාරී අවස්ථාවකදී හැර සෙසු අවස්ථාවල සියලු ප්‍රතිලාභීන්ට මැයි මස අවසන් වීමට පෙර ගෙවා අවසන් කරන ලෙස මෙහිදී ජනපති උපදෙස් දුන් අතර,
පූර්ණ හානි වූ නිවාසවල පදිංචිකරුවන් වෙනුවෙන් නව නිවසක් ලබා දීම හෝ නිවසක් මිලදී ගැනීම සඳහා රුපියල් ලක්ෂ 50ක වන්දි මුදල ලබා දීමේ ප්‍රගතිය පිළිබඳවද මෙහිදි සාකච්ඡා කෙරුණි.

තවමත් කඳවුරුවල ජීවත් වන ජනතාවට නව නිවසක් ලබා දෙන තෙක් තාවකාලික නිවාසවල පදිංචි කිරිම පිළිබඳවද මෙහිදී දීර්ඝ ලෙස සාකච්ඡා වූ අතර, ඊට සුදුසු ස්ථාන පිළිබඳ සොයා බලා එම කටයුතු ඉතා ඉක්මනින් අවසන් කිරීමට ගත යුතු ක්‍රියාමාර්ගද මෙහිදී සාකච්ඡා කෙරිණි.

අධිඅවදානම් කලාපවල ජීවත්වන ජනතාව වෙනත් ස්ථානවල පදිංචි කිරීම පිළිබඳවද මෙහිදී සාකච්ඡා වූ අතර, නව නිවසක් මිලදී ගැනීම සඳහා වන්දි ලබා නොගත් පදිංචිකරුවන් වෙනුවෙන් නිවාස සංකීර්ණ ඉදිකිරිමේ සැලසුම් පිළිබඳවද විමසා බැලිණි.

✅ ජාතික නිවාස ප්‍රතිපත්තිය සංශෝධනය කිරීමට හා එම සංශෝධනය මානව ජනාවාසකරණය සම්බන්ධ විශේෂඥයින්ගෙන් සමන්විත කමිටුවක් මගින් සිදු කිරීමට කැබිනට් අනුමැතිය.

🟢 බස්නාහිර පළාතේ පානීය ජල ගැටලුවට කෙටි කාලීන හා දිගු කාලීන විසඳුම් සඳහා සාකච්ඡා.

මේ වන විට පවතින අයහපත් කාලගුණය හේතුවෙන් බස්නාහිර පළාතේ කොළඹ දිස්ත්‍රික්කයේ ප්‍රදේශ කිහිපයක පසුගියදා ජල සැපයුම සීමා කිරීමට සිදු විය. එයට මූලිකම හේතුව වූයේ ලබුගම හා කලටුවාව ප්‍රධාන ජලාශයන්හි ජල මට්ටම ශ්‍රිඝ්‍රයෙන් පහළ යාමයි.

වත්මන් තත්ත්වයන්ට හා ඉදිරියේදී ඇතිවිය හැකි තත්ත්වයන්ට මුහුණ දීමට කෙටි කාලීන හා දිගු කාලීන සැලසුම් පිළිබඳ තිරසාර වැඩපිළිවලක සාකච්ජාවක් අද දින අමාත්‍යාංශ ශ්‍රවණාගාරයේදී සිදු විය. මෙම අවස්ථාවට බස්නාහිර පළාතේ කොළඹ ගම්පහ කලුතර නියෝජනය කරන පාර්ලිමේන්තු මැති ඇමතිවරුන්, ජාතික ජල සම්පාදන හා ජලාපවහන මණ්ඩලයේ සභාපති ඉංජිනේරු චන්දන බණ්ඩාර, සාමාන්‍යාධිකාරී ඉංජිනේරු ටී.බාරදිදාසන් මහත්වරුන් ඇතුළු අදාළ ආයතනයන්හි නිලධාරී මහත්ම මහත්මීන් සහභාගී විය.

ලැබුවා වූ සිංහල හින්දු අලුත් අවුරුද්ද සාමය සතුට සෞභාග්‍යය සපිරි සුබ අලුත් අවුරුද්දක් වේවා..!

✅ අර්බුදය හමුවේ ඉදිකිරීම් ක්ෂේත්‍රය අඩාල නොවී පවත්වාගෙන යාම සඳහා විශේෂ සාකච්ඡාවක්...!

🟢 මැදපෙරදිග පවත්නා යුද ගැටුම් හේතුවෙන් මෙරට තුල වර්තමානයේදී ඇති වී ඇති අර්බුදකාරී තත්වය සමඟ ඉදිකිරීම් ක්ෂේත්‍රයට අදාල ද්‍රව්‍ය මිල ගණන් වෙනස්වීම ඉදිකිරීම් ක්ෂේත්‍රයට බලපා ඇත්තේ කෙසේද යන්න විමසා බැලීම සඳහා විශේෂ සාකච්ඡාවක් ඊයේ දින (06) නිවාස, ඉදිකිරීම් සහ ජලසම්පාදන අමාත්‍යාංශයේ දී පැවැත්විණි.

අමුද්‍රව්‍ය වල මිල වෙනස් වීමේ බලපෑම අවම කරගනිමින් ඉදිකිරීම් ක්ෂේත්‍රය අඩාල වීමකින් තොරව සාමාන්‍ය පරිදි කරගෙන යාමේ දී සැලකිලිමත් විය යුතු කරුණු පිළිබඳවත්, ඒ සඳහා ගතයුතු ක්‍රියාමාර්ග හා යෝජනා රැසක් පිළිබඳව මෙහි දී දීර්ඝව සාකච්ඡා කෙරුණි.

මෙම අවස්තාවට අමාත්‍යාංශ ලේකම් ඉන්ජිනේරු එල්. කුමුදුලාල් බෝගහවත්ත මහතා, ඉදිකිරීම් කර්මාන්ත සංවර්ධන අධිකාරියේ නිළධාරින්, සිමෙන්ති සමාගම්, වානේ නිෂ්පාදන සමාගම්, තීන්ත සමාගම් ඇතුලු ඉදිකිරීම් ක්ෂේත්‍රයේ ද්‍රව්‍ය නිෂ්පාදන සමාගම් සහ ප්‍රමාණ සමීක්ෂකයින්ගේ සංගමය , වාස්තු විද්‍යාඥයින්ගේ සංගමය මෙන්ම ශ්‍රී ලංකා ඉංජිනේරු ආයතනයද නියෝජනය කරමින් මහත්ම මහත්මීන් පිරිසක් සහභාගි විය.

නිවාස සංවර්ධන අධිකාරියේ
තඹුත්තේගම ප්‍රාදේශීය ලේකම් කොට්ඨාසයේ
තාක්ෂණික නිලධාරී
උදය පලුගස්වැව මහතාගේ හදිසි අභාවය පිළිබඳ අපගේ බලවත් ශෝකය..! ❤️🙏