Adithya

යකඩ යකා පිට යයි !🚄🚂

පොල්ගහවෙල සිට දකුණු කළුතර බලා ධාවනය වෙමින් තිබු මන්දගාමී දුම්රිය වනවාසල සහ කැළණිය අතර ප්‍රදේශයේදී අද(16) උදෑසන පීලිපැනීමකට ලක්වී ඇත.

මේ වසරේදී පළාත් සභා ඡන්දය පවත්වනවා !

මේ වසර ඇතුළත පළාත් සභා මැතිවරණය අනිවාර්යයෙන්ම පවත්වන බව විද්‍යා හා තාක්ෂණ අමාත්‍ය මහචාර්ය ක්‍රිෂාන්ත අබේසේන මහතා පවසනවා.

අමාත්‍යවරයා මේ බව ප්‍රකාශ කළේ, මහනුවර ප්‍රදේශයේදී අද (15) මාධ්‍ය වෙත අදහස් පළ කරමින්.

කෙසේ වෙතත් පළාත් සභා මැතිවරණය පවත්වනු ලබන්නේ මෙම වසරේ කුමන කාලසීමාවක ද යන්න සම්බන්ධයෙන් ප්‍රකාශ කළ නොහැකි බව අවධාරණය කළා.

එහිදී වැඩිදුරටත් අදහස් දක්වමින් ඔහු කියා සිටියේ,

“පළාත් සභා ඡන්දය තියෙනවා. කවුද කියන්නේ ප්‍රමාද කරනවා කියලා. අපිට දිට්වා තිබ්බා. මේ අවුරුද්ද ඇතුළත පළාත් සභා ඡන්දය තියෙනවා. බය වෙන්න එපා. කොයි කාලයේද කියලා කියන්න බෑ. අමාත්‍යාංශයනේ කරන්නේ. මේ අවුරුද්ද ඇතුළත තියෙනවා කියන අදහසේ තමයි අපි ඉන්නේ.”

පුවත් මූලාශ්‍රය - news19.lk

ප්‍රධාන ජලාශ 21ක් වාන් දමයි !

වාරිමාර්ග දෙපාර්තමේන්තුව විසින් පාලනය කරනු ලබන ප්‍රධාන ජලාශ 21ක් සහ මධ්‍ය පරිමාණ ජලාශ 19කට අධික ප්‍රමාණයක් මේ වනවිට වාන් දමමින් පවතින බව එම දෙපාර්තමේන්තුව සඳහන් කරනවා.

වාරිමාර්ග අධ්‍යක්ෂක ජල කළමණාකරණ ඉංජිනේරු එච්.එම්.පී.එස්.ඩී හේරත් මහතා සඳහන් කළේ, අද (15) පෙරවරු 6.00 වනවිට මෙම තත්ත්වය වාර්තා වූ බවයි.

අනුරාධපුර දිස්ත්‍රික්කයේ රාජාංගන, නාච්චිදූව සහ යාන්ඔය ජලාශය, බදුල්ල දිස්ත්‍රික්කයේ අඹෙවෙල ජලාශය, හම්බන්තොට දිස්ත්‍රික්කයේ ලුණුගම්වෙහෙර, තිස්ස වැව, වීරවිල යෝධ වැව සහ වෙහෙරගල ජලාශ මෙලෙස වාන් දමන ප්‍රධාන ජලාශ වනවා.

එසේම කුරුණෑගල දිස්ත්‍රික්කයේ අඹකොළ වැව, උස්ගල සියඹලන්ගමුව, මැදිායය, මාගල්ල සහ දැදුරුඔය ජලාශද, මහනුවර දිස්ත්‍රික්කයේ නාලන්ද සහ වෑමැඩිල්ල ජලාශද, මොනරාගල දිස්ත්‍රික්කයේ හදපානගල සහ අලිකොටආර ජලාශ, පුත්තලම දිස්ත්‍රික්කයේ ඉගිණිමිටිය සහ තබ්බෝව ජලාශ සහ මන්නාරම දිස්ත්‍රික්කයේ යෝධ වැවද වාන් දමමින් පවතින බවයි වාර්තා වන්නේ.

අද උදෑසන 6.00 වනවිට රාජාංගන ජලාශයේ වාන් දොරටු 2ක් අඩි 3 බැගින් විවෘත කර තත්පරයට ඝන අඩි 1,600කට අධික ජල ප්‍රමාණයක් කලා ඔයට නිකුත් කෙරෙමින් පවතින බව සඳහන්.

ලුණුගම්වෙහෙර ජලාශයේ ද වාන් දොරටු 6ක් අඟල් 4බැගින් විවෘත කර තත්පරයට ඝන අඩි 1,740කට අධික ජල ප්‍රමාණයක් කිරිඳි ඔයට නිකුත් කෙරෙන අතර, වෙහෙරගල ජලාශයේ වාන් දොරටු 6ක් අඟල් 3බැගින් විවෘත කර තත්පරයට ඝන අඩි 700කට අධික ජල ප්‍රමාණයක් මැණික් ගඟ වෙත මුදාහැරෙමින් පවතිනවා.

අලිකොටආර ජලාශයේ වාන් දොරටු 3ක් අඩි 3බැගින් විවෘත කර තත්පරයට ඝන අඩි 680කට අධික ජල ප්‍රමාණයක් කිරිඳ ඔය වෙත මුදාහැරෙමින් පවතින අතර යාන් ඔය ජලාශයේ වාන් දොරටු 3ක් විවෘත් කර ඇති අතර එක් වාන් දොරටුවක් අඟල් 6 බැගින් විවෘත කර ඇති අතර අනෙක් වාන්දොරටු දෙක අඟල් 4 බැගින් විවෘත කර ඇති බව සදහන්.

අද පෙරවරු 6.15ට වන විට තබ්බෝව ජලාශයේ වාන් දොරටු 12ක් විවෘත කර ඇති අතර, ඉන් දොරටු 8ක් අඩි 3 බැගින්ද, දොරටු 2ක් අඩි 2 බැගින්ද, තවත් දොරටු 2ක් අඩිය බැගින්ද විවෘත කර තිබෙන අතර ඉන් තත්පරයට ඝන අඩි 5,480ක ජල ප්‍රමාණයක් මීඔය වෙත මුදාහැරෙමින් පවතින බව වාර්තා වනවා.

මේ අතර අද පෙරවරු 7.00ට වන විට ඉගිණිමිටිය ජලාශයේ වාන් දොරටු 6ක් විවෘත කර ඇති අතර, ඉන් දොරටු 2ක් අඩි 3 බැගින්ද, දොරටු 2ක් අඩි 2 බැගින්ද, තවත් දොරටු 2ක් අඩි 1 බැගින්ද විවෘත කර තිබෙන අතරමෙමඟින් තත්පරයට ඝන අඩි 6,000ක ජල ප්‍රමාණයක් මීඔය වෙත මුදාහැරෙමින් පවතින බව වාර්තා වනවා.

මේ අතර දැදුරුඔය ජලාශයේ වාන් දොරටු 2 ක් අඩිය බැගින් විවෘත කර ඇති අතර ඉන් තත්පරයට ඝන අඩි 1400 බැගින් දැදුරුඔයට නිකුත් කෙරේ.

මේ හේතුවෙන් පහත්බිම් ප්‍රදේශවල ජනතාව සහ ගංඟා ආශ්‍රිතව ජීවත්වන පිරිස් විමසිල්ලෙන් කටයුතු කරන ලෙසයි වාරිමාර්ග දෙපාර්තමේන්තුව දැනුම් දෙන්නේ.

හීන පෝලිමක් 😍📸📸

කොත්මලේ – ගම්පොළ ප්‍රධාන මාර්ගය තාවකාලිකව වැසේ !

කොත්මලේ ප්‍රදේශයට ඇද හැලෙන අධික වර්ෂාව හේතුවෙන් කොත්මලේ – ගම්පොළ (B431) ප්‍රධාන මාර්ගය අද (14) පෙරවරුවේ සිට තාවකාලිකව වසා දැමීමට පියවර ගෙන තිබෙනවා.

ඒ මීට පෙර නායයෑමට ලක්වූ පරගම්මන ප්‍රදේශයේ මාර්ගය යළිත් ඉරිතලා නායයෑමේ අවදානමක් මතුවීම හේතුවෙන් එ බවයි වාර්තා වන්නේ.

ඒ අනුව මේ සඳහා විකල්ප මාර්ග භාවිත කරන ලෙස පොලිසිය රියදුරන්ගෙන් ඉල්ලා සිටිනවා.

අත්තනගලු ඔයේ සහ මහ ඔයේ ජල මට්ටම ඉහළට !

පවතින අයහපත් කාලගුණික තත්ත්වය හමුවේ අත්තනගලු ඔයේ සහ මහ ඔයේ ජල මට්ටම ඉහළ ගොස් තිබෙනවා.

ඒ අනුව දෙපස පහත්බිම්වල ජනතාවට අවධානයෙන් පසුවන ලෙසයි වාරිමාර්ග දෙපාර්තමේන්තුව පවසන්නේ.

සැර වැඩිද මංදා 😃😃