Focus With Abeer

مش كل تلميذ غشّاش هو ضعيف... يمكن يكون ذكي بس مش جاهز!
المشكلة مش بالغش، المشكلة بالتحضير.
علّموا تلاميذكم استراتيجيات دراسة فعّالة قبل ما يكتشفوا
استراتيجيات الغش.

بلّشوا الفاينلز؟ ما تضغطي حالك ولا ابنك.
نظّمو وقتكن، خليه يحافظ عالرياضة، وإذا في مواد صعبة، خليه
يستعين بمدرّس.
الدعم هو المفتاح، والنجاح جاي.

وجود ولد عندو ADHD ممكن يزيد الضغط والتوتر بين الأهل… بس ما يعني نهاية العلاقة.

لما يكون في وعي، تعاون، وطلب للمساعدة، التحديات بتخف والعلاقة بتقوى. 🤍

طفلكن مش المشكلة… أوقات بيكون سبب لتصيروا فريق أقوى

مش كل تغيير بيحتاج وقت طويل…
أوقات، أول خطوة بتعمل فرق كبير.

لما الأهل يفهموا سلوك طفلهم بطريقة أعمق،
بيخف الضغط،
وبتصير ردّات الفعل أهدى،
والعلاقة أوضح.

التغيير ما بيصير صدفة…
بيبلّش بالفهم. 🤍

إذا حابين تعرفوا أكتر عن كيف ممكن أول جلسة تساعد،
احكوا معي واحجزوا استشارتكم

في ناس مفكرين إنو ADHD مرحلة وبتخلص…
بس الحقيقة إنو هو بيتغيّر مع العمر، ما بيختفي.

يمكن ما تعود في حركة زايدة،
بس بيصير في تشتّت، تأجيل، ضغط داخلي، وصعوبة بتنظيم الوقت.

الموضوع مش كسل،
ومش ضعف شخصية.

لما نفهم كيف دماغنا بيشتغل،
منصير نعرف نشتغل معه… مش ضده 🤍

إذا حاسس إنو هيدا الشي بيمثّلك،
خلّينا نبلّش أول خطوة سوا

بتقوموا تعملوا شغلة… وبنص الطريق بتتذكروا 100 شغلة تانية؟
تشربوا مي، تفتحوا التليفون، تردوا رسالة… وبالأخير تنسوا ليه قمتوا أصلاً.

دماغ الـ ADHD مش كسول… هو فاتح Tabs كتير بنفس الوقت 🧠
وأول خطوة بالكوتشينغ؟ نتعلّم كيف نسكّر Tabs، نرتّب أولويات، ونرجّع التركيز خطوة خطوة.

يمكن هيدا وقت البداية 🤍
خبرونا… قديش Tab فاتحين هلّق؟

الأشخاص يلي عندن ADHD غالبًا بيمرّوا بدورة الحماس والتعب: اندفاع قوي بالبداية، وبعدها تعب وفقدان اهتمام.
هيدا مش ضعف، بل نمط معروف بعقل الـ ADHD.

بالتدريب منتعلّم كيف نوزّع الطاقة، نعرف إمتى نوقف، وننظّم الشغل لنحافظ على الاستمرارية ونتجنّب الـ burnout.
الهدف مش نشتغل أكتر، الهدف نكمّل بتوازن