Zeina

بمدرسة الدّني يا فلان
ما بتتعلّم بالمجّان
وكل ما نجِحْت بإمتحان

بتدفَع من عمرك قُسطو

كل صفّ بقلبو إنسان
بتاخد درسَك من قُصتو

كم كنت امرأة عاديّة..
أعاشرُ أشيائي بسطحيّة
أتأبّط ُ عمراً بذراعي
لم يعرفْ إلاّ الحريّة

امرأة لا شيء أغواها
كي تفتح مصراع صباها
لِغُرَف أنوثتها السرية

وفساتيني في منفاها
كانت مهملةً..منسية..
تتدلّى على حبل غبارٍ
أعدَم قامتَها الورديّة

لكن حين مررت بعمري..
صارت للأشياءِ هويّة
صرت ألاحظُ شكلَ شفاهي
وأنظرُ في المرآة مَلِيّا

أتخيّل موعدنا الآتي
وأجوب عوالم سحريّة
وأُميلُ بغنجٍ خطَواتي
تمايُل أزهارٍ برّية

وأذكر كيف تنام يديّا
بين أناملك العاجيّة
بسلامٍ يختصر حياتي
بسلامٍ يجعلُني حيّة..

في وطني سماءٌ قد مُدّت
بنجومٍ تقصفُ لا تلمعْ
أطماعُ كبارٍ قد سُدَّت
بضرائب من دمِنا تُدفَعْ

تسمعُ لكواكبِنا صوتاً
ونجوماً تحفظُ ما تسمعْ
وإذا منها شهبٌ تهوي
حتماً بعدَها نعشٌ يُرفَعْ

نحيا في وطني بأعجوبة
من ذا يقوى في أن يُقنِعْ
طفلاً أنّ الشرف عروبة
وأشلاءَه في كيسٍ تُجمَعْ

وأنّ الوطن ليس عقوبة
وأنّ الحقّ يَهزم مدفعْ؟!
#زينا

فيّي مرا
ما تعوّدت عقيود
فيّي فرس
ما لانت لخيّال

فيّي أنوثة
مغلّفة بحدود
ما كان يلغيها
ولا رجّال

انت
الّي خلّى
كل جسمي عودْ
يعزف نغم
كل ما مرق بالبالْ..

انت الوحيد
اللي اذا موجود
بتلغي شو فيها
هالدّني من رجال..

بداخلي
امرأةٌ لا تصلح للحب..
مسكونة بالخوف والضياع،
معقدة،مندفعة،قلِقة
حادّة الطّباع!

قل ما شئت ،وسَمّها
اسخر من حقدها وسُمّها..

بداخلي امرأة لا تصلح للحب
لكنّني أحبّها..

سلّم علييّ..
اذا بشي صدفة
بتتلاقى فييّ..
ووشوِش عينييّ..
وان كنت نسيت
ذكّرني فيك
تعرّف عليّي..

سلّم عَ إيّامي وأحلامي
وصّللي منّي سلامي..
وما تترك إيديّي..

شو هيّن كان النّسيان
لو كنتلّلي شي فِكرة

بس وجّك بِعمري كان
ذاكرتي وكلّ الذكرى

يوم ال رِحت ظلّي انكسر فيّي
واللّيل مَلّى بيوت عينيّي
بتذكّرك عَا دَيْك نَبعِة مَي
تلفّي طيور الضّو يا بيّي

السعادة عندي بلاقيها
موجودة بأشيا عادية
بقعدِة بيشبَهني اللي فيها
بفنجان القهوة يوميّة

ولو حتى شربتو لوحدي
ما بعمري حسّيت بوِحدة
أنا حالي كَون وبشرية

في عالم بخيالي رْسمتو
ما بيشبه واقعنا الحالي
طبع الناس بوَجَع فهمتو
خلاّني اكتفيت بحالي

كَون وغرقان بسطحية
ونسَخ بتشبَه بعضا زيادة
فرَدت جناحي عالحريّة
تَ حتّى لقيت السعادة

والحريّة يا إنسان
لا بأشكال ولا بألوان
ولا تطلَع من ثوب العادِة

الحريّة تبقى رضيان
وعايش بسيط وعادي..

نحنا أمّة ما بتقرا
لا مطلع ولا قفلِة
إلا إذا كانت شقرا
القصيدة،وعندا زأرة
وغنّوجة متل الطفلِة!

(فيها كمان القصيدة تكون سمرا المهم أنثى )😏😏

بكرا سكيّنو بتغزّ
بترسم جرحي عروحك
كل ما غَدرو فيك يحزّ
تنِزّ جروحي بجروحك

تفرش درب غيابو بوَرد
وأمَلك من بعد الغَيبِة
يتخزّأ عَ كتر الجَلد
وتتعرّى بثَوب الخيبِة

وكل شي قدّمتو بإيمان
وأشيا شفتا عظيمة
يرميها قبالَك شمتان
يشلّحها كل القيمة

ترجع مكسور وندمان
خيالك بصعوبة تجرّو
وبغصون عيونك علقان
أحلامك ياللي هرّوا

وتشفَق عحالك وتعِد
جياب سنينك لي تفضّوا
ما تلاقي عإيدك جِلد.كِتْر النّدم اللي عَضّو

هيّي بتاخدني مشاوير
صوب احْبابي اللي فلّوا
بسمعها،عالماضي بطير
عالعمر الْ بَعدو بكّير
وبقشَع احْبابي طلّوا..


#فيروز