Leb-ON

راجع عالبيت من بيروت فـ طلعت بالفان عالسفارة
الفان فاضي ما في غير بنت قاعدة بأول مقعد ورا الشوفير وانا قاعد ورا.
بيجي بيوقف الشوفير لشب، ومن بين كل المقاعد الفارغة، بيجي بيقعد حد البنت، والواضح من المظهر الخارجي انها ملتزمة.
البنت صارت تحاول تزيح ومبين مش مرتاحة فـ بقلو للشب يقعد ورا، بيجي بكل وقاحة بيسأل ليش؟.
قلتله من كل الفان الفاضي ما لقيت غير تقعد حد البنت يعني؟
فـ صاحب الفان بقلو للشب إني عم بحكي صح، بعصّب هو وبقلّو يصف ع جنب وبفل.
ف ـقلتله للشوفير أنا بدفعلك محله وبلاها هالأشكال.
البنت بتتشكرني وبتقلي انها كانت مستحية تحكي شي.
بتنزل البنت قبلي بحكم إنه أنا نازل بآخر موقف يلي هو السفارة، وبجي بدي حاسبه للفان، بخبرني إنه البنت حاسبت عني.
قلتلو طيب بدي حاسبك كرمال الشب يلي فل من ورايي، قلي ما أحلاني آخد منك كرمال هيك عالم بلا حيا.
عم نزّل المنشور مش لتوثيق عمل بطولي مني، لأن يلي عملته هو أقل شيء بهيك موقف
بس هو لتعميم هالحالة والحد منها، كل شب ينضب بمجاله ولو حتى ما في محل غير حد بنت قلو للفان يتسهل ولاقي واحد غيره.
(راغب شعيتو)

شارل جبور: سمير جعجع شخصية العام