Termincom.KZ

БАЙҚАУ! БАЙҚАУ! БАЙҚАУ!

Қазақстан Республикасы Ғылым және жоғары білім министрлігінің Тіл саясаты комитеті және Шайсұлтан Шаяхметов атындағы «Тіл-Қазына» ұлттық ғылыми-практикалық орталығы мемлекеттік тілдегі құқықтық терминологияны дамыту мақсатында «Заң терминдері» республикалық байқауын өткізетінін хабарлайды.

Байқау заң саласы терминдерінің мемлекеттік тілдегі қолданысын жүйелендіруге, қазақ тілінде жаңа термин қалыптастырудың ұтымды механизмдерін анықтауға және кәсіби терминшілер легін қалыптастыруға бағытталған.

Байқауға 18 жастан асқан заң саласының мамандары, терминтанушылар, жоғары оқу орындарының оқытушылары, магистранттар, докторанттар, студенттер және тіл жанашырлары қатыса алады. Бұған дейін осы тақырыптағы байқауларда жеңімпаз немесе жүлдегер атанған тұлғалардың өтінімдері қабылданбайды.

Өтінімдер қабылдау: 2025 жылдың 15 мамырына дейін.

Өтінімдер [email protected] электрондық поштасы арқылы қабылданады.

Байқаудың ережесі және өтінім беру формасы:
https://qor.tilqazyna.kz/index.php/s/cyRpdt2m9CKMK6L

⚜️ Бүгін ғылымдағы әйелдер мен қыздардың халықаралық ресми мерекесі.

⚜️ Ғылым жолында жүрген, жаңалық ашуға ұмтылған нәзікжанды ғалымдарды атаулы күнмен құттықтаймыз!

⚜️ Бүгінде ұлт тілінің тірегіне айналған «Тіл-Қазына» ұлттық ғылыми-практикалық орталығында 7 ғалым мен ғылым жолына бет бұрған 15 қыз-келіншек қызмет етеді.

⚜️ Сіздерге сара жолда сарқылмайтын төзім мен білімге деген құштарлық тілейміз. Қазақ тілінің заман ағымына сай дамуы мен әлеуеттенуі үшін аянбай еңбек ететіндіктеріңізге сенеміз! 💐💐💐