46school_semey

№46 жалпы орта білім беретін мектебі КММ-нің «Балдәурен» жазғы сауықтыру орталығында балалар табиғат аясына саяхат жасады.

Саяхат барысында балалар таза ауада серуендеп, түрлі қызықты ойындар ойнады, табиғаттың әсем көріністерін тамашалады. Табиғат аясындағы демалыс балалардың көңіл-күйін көтеріп, бір-бірімен достық қарым-қатынастарын нығайтуға мүмкіндік берді.

Сонымен қатар, балалар қоршаған ортаны қорғау, табиғатты аялау туралы түсініктерін кеңейтіп, экологиялық тәрбие алды. Көңілді әрі танымдық іс-шара балаларға ерекше әсер сыйлап, жазғы демалыстың жарқын сәттерінің біріне айналды.

Табиғат аясына жасалған саяхат өте қызықты, көңілді және мазмұнды өтті. 🌿☀️🏕️

"N46 жалпы орта білім беретін мектебі" КММ 1маусым халықаралық балаларды қорғау күнін көңілді күймен атап өтіп, мектепішілік "Балдәурен" жазғы сауықтыру орталығының ашылуы болды. Балалар ән айтып, би билеп, сурет салды.

«Бала күлкісі – әлемнің сәні»

1 маусым – Халықаралық балаларды қорғау күніне орай "№ 46 жалпы орта білім беретін мектебі" КММ ұжымы Степной кентінің кішкентай бүлдіршіндеріне арналған мерекелік іс-шара ұйымдастырды.

Мерекелік бағдарлама аясында балаларға көтеріңкі көңіл-күй сыйлайтын концерттік нөмірлер ұсынылып, спорттық жарыстар, асфальтқа сурет салу байқауы және қолөнер бұйымдарының көрмесі өткізілді.

Іс-шара барысында бүлдіршіндер өз өнерлері мен белсенділіктерін көрсетіп, қызықты ойындар мен сайыстарға қатысты. Әсіресе спорттық жарыстарда ерекше белсенділік танытқан балалар жүлделі орындарға ие болып, грамоталармен және сыйлықтармен марапатталды.

Балалардың шат күлкісі мен қуанышты жүздері мерекенің басты сәніне айналды. Осындай жарқын күн бүлдіршіндердің есінде ұзақ сақталатыны сөзсіз.

Балаларға бақытты балалық шақ, мықты денсаулық және жарқын болашақ тілейміз!