Mind Refresh

💝អ្នកគួរដឹងថា មនុស្សដែលសក្ដិសមនឹងអ្នក គឺជាមនុស្សដែលចង់នៅក្បែរអ្នក ឈប់តោងទាមមនុស្សដែលមិនបានចាប់កាន់ដៃអ្នកឱ្យជាប់។ឈប់ប្រយុទ្ធដើម្បីទំនាក់ទំនងមួយដែលអ្នកជាអ្នកព្យាយាមតែម្នាក់ឯងព្រោះ នោះមិនមែនជាសេចក្ដីស្រឡាញ់ទេ តែវាគឺជាភាពទាល់ច្រក

#sagesse #motivation #conseils #video

ជ្រើសយកផ្លូវដែលខ្លួនចង់ទៅ រៀងឯកាបន្តិច ហត់បន្តិច យឺតបន្តិច ហើយក៏មិនសូវជាមាននរណាមកគាំទ្រនោះទេ តែក៏អាចប្ដូរបានមកវិញនូវការស្គាល់ខ្លួនឯងបានច្រើនជាងមុន រីករាយជាមួយនឹងការប្រឹងប្រែងរបស់ខ្លួន ហើយនិងអាចធ្វើអ្វីដែលជាខ្លួនឯង។ ទោះជាពេលនេះមិនទាន់ទៅដល់គោលដៅធំនៅឡើយ តែក៏នៅតែចង់អរគុណខ្លួនឯង ដែលក្លាហានហ៊ានជម្នះរឿងគ្រប់យ៉ាងដើម្បីអាចឱ្យខ្លួនមកដល់ចំណុចនេះ 🌟 អត្ថបទដោយ៖ Business Aphirouh __ Follow Instagram: instagram.com/businessaphirouh/ Facebook: facebook.com/businessaphirouh/ __ Disclaimer: We do not own the video and music.

មកពីយើងល្អមិនគ្រប់ដប់ ទើបគេមិនជ្រើសយកយើង? អ៊ីចឹង យើងត្រូវតែខំប្រឹងផ្លាស់ប្ដូរខ្លួនឯងឱ្យកាន់តែល្អឡើងៗ ដើម្បីឱ្យគេត្រឡប់មករកយើងវិញ? តើត្រូវធ្វើអ៊ីចឹងមែនទេ? ឬក៏ត្រូវតែព្យាយាមទាក់ទងទៅរកគេក្នុងពេលឥឡូវនេះ ហើយនិយាយអារម្មណ៍សព្វគ្រប់របស់យើងប្រាប់គេ ព្រមទាំងអង្វរករឱ្យគេប្ដូរចិត្តមកអាណិតស្រលាញ់យើង?

ទេ! ទុកឱ្យពួកគេនឹកនាដល់អ្នកដោយខ្លួនឯងទៅ! ទុកគម្លាតឱ្យគេស្វែងយល់ពីចិត្តរបស់គេ ហើយក៏ទុកគម្លាតឱ្យខ្លួនឯងស្វែងរកខ្លួនឯងឱ្យឃើញជាមុនសិន។ ចំណងផ្លូវចិត្តនឹងកាន់តែតានតឹង បញ្ហានឹងកាន់តែស្មុគស្មាញ បើអ្នកមិនបានសង្គ្រោះវាដោយថាមពលវិជ្ជមាន។

តើដឹងទេ អារម្មណ៍សោកសៅ ស្ដាយស្រណោះ និងដាក់កំហុសលើខ្លួនឯងរបស់អ្នក មិនបានជួយអ្វីដល់អ្នកសោះឡើយ ហើយក៏មិនបានជួយឱ្យពួកគេគិតល្អដល់អ្នកនោះដែរ ផ្ទុយទៅវិញ ថាមពលអវិជ្ជមានដែលអ្នកបានផ្សាយចេញ នឹងក្លាយជាសម្ពាធទៅកាន់គេ រួចក៏កាន់តែរុញច្រានគេឱ្យចេញពីអ្នកឆ្ងាយៗទៅ ព្រោះគេកាន់តែត្រូវការពេលវេលាផ្ទាល់ខ្លួន។ ច្បាប់ក្នុងចក្រវាលនេះ គឺថា បើកាលណាអ្នកចេះតែពិបាកចិត្តនៅពេលគិតពីគេ គេក៏ពិបាកចិត្តផងដែរនៅពេលគិតពីអ្នក ព្រោះគេនឹងឆ្លងអារម្មណ៍នេះពីអ្នក ពោល គេគិតដូចដែលអ្នកគិត។

លែងចោលទៅ! លែងឱ្យសាច់រឿងប្រព្រឹត្តទៅតាមដំណើររបស់វា ហើយឈប់ស្ដីបន្ទោសឱ្យខ្លួនឯងបន្តទៀត ព្រោះតាំងពីដើមមក អ្នកមិនខុសអ្វីទេ គឺអ្នកគ្រាន់តែចង់បានមនុស្សដែលគេម្នាក់នោះមិនចង់បានអ្នកទេតើ! លែងគេចុះ ហើយត្រូវបកមកទទួលយកខ្លួនឯងវិញ គឺខ្លួនឯងដែលគេមិនជ្រើសយក ឬសូម្បីតែអ្នកក៏មិនព្រមជ្រើសយកខ្លួនឯងដែរ?

តាមពិតទៅ មនុស្សម្នាក់ៗគ្រាន់តែរស់នៅតាមដួងចិត្តតែប៉ុណ្ណោះ ទាំងអ្នកទាំងគេ ហេតុនេះយើងមិនអាចកំណត់ផ្លូវចិត្តរបស់អ្នកណាម្នាក់បានទេ ហើយចាំបាច់ត្រូវតែមករៀនស្វែងយល់ពីចិត្តខ្លួនឯងឱ្យច្បាស់លាស់សិន។ បើមិនអ៊ីចឹងទេ អ្នកនឹងត្រូវតែស្រែកយំ ដើរសុំទានការយល់ចិត្តពីគេឯងពេញមួយជីវិតនេះហើយ គឺគួរឱ្យអាសូរណាស់។ ម្យ៉ាងទៀត មនុស្សម្នាក់ៗក៏មានលក្ខណៈពិសេសរៀងៗខ្លួន សោតឯគុណសម្បត្តិរបស់អ្នកយ៉ាងណាក៏រមែងកត់ត្រាក្នុងដួងចិត្តរបស់ពួកគេរួចអស់ទៅហើយ។ អ៊ីចឹងហើយ ចូរអនុញ្ញាតឱ្យគេកោតសរសើរអ្នកតាមតែចិត្តរបស់គេចុះ កុំព្យាយាមអួតបង្ហាញគេបន្ថែមទៀតធ្វើអ្វី គឺធ្វើឱ្យបាត់តម្លៃពិតរបស់ខ្លួនទៅវិញទេ។

មនុស្សគ្រប់គ្នាសុទ្ធតែស្រស់ស្អាត ឱ្យតែអាចរស់ជាខ្លួនឯង រស់តាមបែបផែនជីវិតផ្ទាល់ខ្លួន ដោយមិនទៅរំខានដល់ជីវិតអ្នកណា។ ចូរចាំថា បើទោះជាយើងពូកែអស្ចារ្យយ៉ាងណាក៏ដោយ កុំពូកែអស្ចារ្យដោយសារតែចង់អួតបង្ហាញគេ រីឯទំនាក់ទំនងរវាងអ្នកនិងពួកគេ ចូរទុកពេលវេលាឱ្យពួកគេនឹកនាដល់អ្នកផងចុះ!

— Sok Chanphal 📖

៙. កាលបើចិត្តជ្រះថ្លាដោយល្អហើយ អ្វីៗ រមែងល្អជាប់តាមក្រោយ ដូចស្រមោល អន្ទោលតាមប្រាណ ។
• ធ្វើល្អ និយាយល្អ.
• មនុស្សល្អ អារម្មណ៍ល្អ.
• បុណ្យល្អ ទាំងលោកិយលោកុត្តរ.
• សេចក្ដីសុខស្ងប់ ជាប់តាម… ព្រោះចិត្តជាធំ ៕៚

I know it hurts.
It’s a very strange feeling how someone can be in your life for months or even years and then one day ... all of a sudden not be there anymore.
Maybe the relationship ended on good terms.... or maybe it was completely catastrophic.
Either way .... it’s so bizarre how relationships can change so vast and rapidly.
And you know what .... you may not be at peace with what happened between the two of you ... and thats perfectly fine.
Sometimes the end of a relationship can literally be one of the hardest things we go through in life.
I want you to know it’s okay that your heart still hurts because of what happened.
You have made alot of memories with this person.
And these memories that you have made is something you can’t erase no matter how hard you try.
Whether you like it or not, they are a part of your story.
I know looking on these memories can be hard, and you may wish you could forget them.
But instead of forgetting, maybe we should try to focus on what came from the relationship.
You two joined paths for a particular reason.
Maybe you walked through some of the hardest times together.
Maybe you understood each other in a way no one else ever did.
Maybe you encouraged one another to be strong or to embrace who you genuinely were as a person.
Or maybe your relationship with them opened your eyes to what you truly needed in your life.
Regardless of what the reasoning was, it’s okay to acknowledge that .... that person meant a lot to you.
And it's okay if they still do.
It’s also okay that they aren’t in your life anymore.
What alot of people dont understand is, not every relationship we encounter will last a lifetime.
You shouldn't be lingering in the past questioning why everything happened the way it did.
What you need to do .... is to take what you've learned from that relationship and move forward in your life.
Knowing there are other relationships that will give you exactly what you've always dreamed of and more.
I need you to know that you're not going to feel this way forever.
You will continue to move forward and you will continue to grow with everyday that passes.
Take my advice and remember ....
Sometimes the people you wanted as part of your story, are only meant to be a chapter.
: Manyi Kevin

ចង់ទៅសមុទ្រមើលទេសភាពបែបនេះ❤️🌿📸🌅

#ព្រោះស្រឡាញ់ទើបខ្ញុំត្រូវលែងដៃគេ

ក្រោយខ្ញុំលែងដៃគេ​ និងព្រមអនុញ្ញាតឱ្យគេចាកចេញទៅ ពិតណាស់​ខ្ញុំមានអារម្មណ៍​ឈឺចាប់ តែខ្ញុំក៏មានអារម្មណ៍ស្ងប់ចិត្តច្រើន ។

ពីមុនខ្ញុំធ្លាប់សួរ​ ធ្លាប់ទាមទារ និងបង្ខំចង់ដឹងចម្លើយ។​ តែពេលនេះ មិនថាចម្លើយអីដែលចេញពីមាត់គេ ក៏គ្មានអានុភាពទាញអារម្មណ៍ខ្ញុំឱ្យរំភើប ឬសោកសៅបានទៀតដែរ ព្រោះខ្ញុំបានតាំងចិត្តឱ្យគេទៅហើយ។

អ្វីៗហាក់នៅនឹងថ្កល់។ មិនមែនខ្ញុំអស់ចិត្តស្រឡាញ់ តែមកពីស្រឡាញ់ ទើបខ្ញុំត្រូវនៅឱ្យឆ្ងាយពីគេ។ មិនអស់ចិត្តយ៉ាងណា ក៏គេបានអស់ចិត្តទៅហើយ។ បើនៅតែមិនសុខចិត្ត ខ្ញុំក៏នឹងរស់នៅតែជាមួយនឹងភាពឈឺចាប់រហូត។

រាល់ពេលដែលខ្ញុំទប់ចិត្តនឹកមិនបាន​ ចង់ទូរស័ព្ទ​ ផ្ញើសារ​ ឬឆាតទៅគេ ខ្ញុំតែងទន្ទេញពាក្យបីឃ្លានេះ៖

១. គេមិនបានស្រឡាញ់ខ្ញុំទៀតទេ

២. គេកំពុងមានក្តីសុខជាមួយនឹងអវត្តមានរបស់ខ្ញុំ

៣.​ ខ្ញុំលែងសំខាន់​ គេលែងត្រូវការខ្ញុំហេីយ

៤.​ រវាងយេីងគ្មានសង្ឃឹម​ និងគ្មានអនាគតឡេីយ

៥. គេនឹងរៀបការ​/គេរៀបការហេីយ/ គេកំពុងតែរស់ជាមួយមនុស្សដែលគេស្រឡាញ់ / គេកំពុងតែមានគ្រួសារដ៏មានសុភមង្គលមួយ

ពាក្យទាំងនេះអាចនឹងធ្វើឱ្យខ្ញុំឈឺចាប់ តែវាជាយ័ន្តដែលទប់ចិត្ត និងដៃខ្ញុំមិនឱ្យផ្ញើសារទៅរំខានគេ។

ជាពិសេស ឈឺនឹងការគិតបែបនេះ ប្រសើរជាងរង់ចាំដោយក្តីឈឺចាប់ជាមួយនឹងអារម្មណ៍ដ៏ស្រពិចស្រពិលថាគេនឹងផ្តល់ឱ្យខ្ញុំនូវភាពច្បាស់លាស់មួយក្នុងជីវិតគេនៅថ្ងៃណាមួយ​ ហេីយគេនៅស្រឡាញ់ នៅនឹក និងកើតទុក្ខ ដូចខ្ញុំនៅពេលនេះ។

វាអាចឈឺ តែដើម្បីកាត់ដំបៅស្នេហានេះបាន មានតែយកកាំបិតចិត្តដាច់ មកកាត់វាចេញ។ កាំបិត និងសាច់ ប៉ះគ្នា លែងអីនឹងមិនឈឺ តែក្រោយពីឈឺហើយ ដំបៅក៏របូតចេញពីបេះដូង ហើយយើងក៏ថែរក្សាវាដោយក្តីស្រឡាញ់ យកចិត្តទុកដាក់ទៅ នោះវានឹងអាចជាសះស្បើយបាន។

👉មនុស្សគ្រប់គ្នាមានក្តីស្រឡាញ់ តែមិនប្រាកដថាគ្រប់គ្នាសុទ្ធតែចេះស្រឡាញ់ និងរក្សាក្តីស្រឡាញ់បាននោះទេ។

👉ស៊ូទ្រាំជាមួយនឹងរឿងគ្មានសង្ឃឹម​ មានតែការធ្វេីបាបខ្លួនឯងប៉ុណ្ណោះ


ដកស្រង់ពីសៀវភៅ “មនុស្សបាក់ទឹកចិត្ត” ដែលគ្រោងនឹងបោះពុម្ពលើកទី ៣

សម្រួលបន្ថែម៖​ #ចែធំ​ កវីលាក់ស្នេហ៍-ប្រលោមលោក

ត្រូវដឹងមនុស្ស០៣ប្រភេទក្នុងជីវិតអ្នក៖
១. មនុស្សស្លឹកឈើ
២. មនុស្សមែកឈើ
៣. មនុស្សឫសឈើ

មនុស្សស្លឹកឈើ គឺជាប្រភេទមនុស្សដែលចូលមកកាន់ជីវិតអ្នកតាមពេលតាមវេលា មកហើយក៏ទៅវិញ មានរដូវមានកាល។ អ្នកមិនអាចពឹងពាក់អាស្រ័យគេបានទេ ពួកគេទន់ខ្សោយណាស់ អាស្រ័យមិនបានទេ ត្រូវខ្យល់បន្តិច ត្រូវក្ដៅបន្តិច ដល់ពេលក៏ហួសទៅ ដល់ពេលក៏ចាកចោលអ្នកទៅ។ ពួកគេនៅ ពួកគេមកតែពេលគេត្រូវការអ្នកប៉ុណ្ណោះ ប៉ុន្តែពេលមានឧបសគ្គ មានខ្យល់ផ្លុំខ្យល់បោកបក់ គេក៏ចេញទៅ។ ត្រូវត្រៀមចិត្តនិងប្រុងប្រយ័ត្នមនុស្សប្រភេទនេះ ពួកគេស្រលាញ់អ្នកតែពេលល្អប៉ុណ្ណោះ ពេលអាក្រក់ពពកខ្មៅមកដល់ គេមិននៅជាមួយអ្នកទេ។

មនុស្សមែកឈើ ពួកគេរឹងមាំគួរសម ប៉ុន្តែក៏ត្រូវប្រុងប្រយ័ត្នជាមួយគេដូចគ្នា។ ពួកគេនឹងបាក់ ពួកគេនឹងចាកចេញពីអ្នកដូចគ្នា កាលណាជីវិតអ្នកជួបទុក្ខធ្ងន់ខ្លាំងមិនអាចទ្រាំទ្របាន។ ពួកគេជាប្រភេទមនុស្សមិនអាចដោះស្រាយនឹងបញ្ហាធ្ងន់ៗបានទេ។ ពួកគេនៅជាមួយអ្នកក៏មានពេលមានវេលាដែរ គ្រាន់តែយូរនិងល្អជាងមនុស្សស្លឹកឈើច្រើនបន្តិច ប៉ុន្តែពេលពិបាកខ្លាំង ពួកគេនឹងបោះបង់អ្នក។

មនុស្សឫសឈើ មនុស្សប្រភេទនេះសំខាន់ណាស់ក្នុងដំណើរជីវិតរបស់អ្នក ពួកគេមិនសូវចេញមុខទេ ពេលខ្លះអ្នកដូចជាមើលរំលង មើលសូវឃើញ ប៉ុន្តែពួកគេគឺជាអ្នកគាំទ្រអ្នក ជួយអ្នក​ ទំនុកបម្រុងអ្នក ពេលដែលអ្នកមានឧបសគ្គ ពេលដែលអ្នកជួបទុក្ខលំបាកក្នុងជីវិត។ ពួកគេចាំជួយស្រូបទឹក ផ្ដល់ជីវជាតិឱ្យអ្នក ផ្ដល់កម្លាំងឱ្យអ្នក មិនរត់ចោលអ្នក ពួកគេនៅតែមានជំហររឹងមាំល្អ ស្រលាញ់អ្នក មិនវៀចវៀរពីអ្នក ទោះអ្នកស្ថិតក្នុងកាលៈទេសៈបែបណាក៏ដោយ។

មនុស្សដែលបានចូលមកកាន់ជីវិតអ្នកទាំងអស់ មិនមែនសុទ្ធតែជាមនុស្សឫសឈើនោះទេ ប៉ុន្តែបើអ្នកបានជួបគេហើយសូមរក្សាគេឱ្យបានល្អ ថ្លែងអំណរអរគុណ ផ្ដល់តម្លៃ ស្រលាញ់ និងយកចិត្តទុកដាក់ជាមួយគេឱ្យច្រើន មិនថាគេនោះជាគ្រួសារ ជាមិត្តភក្ដិ ឬជាមនុស្សដែលអ្នកស្គាល់នោះទេ ព្រោះអ្វីៗអាចនឹងយឺតពេល។

អត្ថបទដោយ៖​ វិបស្សា-VIPASSA
ប្រភព៖​ ឯកសារបរទេស