Dl beauty storee

១- អ្វីដែលសន្យាជាមួយខ្លួនឯង គួរតែព្យាយាមធ្វើឱ្យបាន ធ្វើបានតិចឬច្រើនក៏ដោយ សំខាន់គឺបានធ្វើ។
២- គិតអ្វី គិតឱ្យមានសុទិដ្ឋិនិយម គិតថាអាចទៅរួច គិតថាខ្លួនធ្វើបាន។
៣- ទម្លាប់ល្អគួរកាន់ឱ្យជាប់លាប់ រីឯទម្លាប់មិនល្អគួររៀនកាត់បន្ថយ។
៤- រៀនដោះស្រាយបញ្ហា រៀនពុះពារឧបសគ្គ ព្រោះបើដាក់ចិត្តថាធ្វើអ្វីមួយហើយ គឺមិនអាចរលូនដូចការគិតទាំងស្រុងទេ។
៥- មានកម្លាំងចិត្តក៏ធ្វើ អត់កម្លាំងចិត្តក៏ធ្វើ ធ្វើដោយមិនរង់ចាំអ្នកណាមកលើកកម្លាំងចិត្ត។
៦- ជម្នះខ្លួនឯង ជម្នះភាពភ័យខ្លាច ជម្នះភាពខ្ជិល ជម្នះអារម្មណ៍អវិជ្ជមាន ធ្វើដោយឧស្សាហ៍ ធ្វើដោយក្លាហាន ធ្វើឱ្យអស់ពីចិត្ត ធ្វើទាល់តែចេញលទ្ធផលដែលខ្លួនចង់បាននៅប៉ុន្មានឆ្នាំខាងមុខទៀត។

អតីតកាលជារឿងមិនអាចកែបាន ប៉ុន្តែដោយការខិតខំរបស់អ្នកនៅពេលនេះ អ្នកនឹងអាចធ្វើឱ្យអនាគតខ្លួនកាន់តែល្អប្រសើរឡើង៕

អត្ថបទដោយ : អភិរូហ៍ - Aphirouh