Lexoris

Ég er lögfræðingur frá Háskólanum í Reykjavík. Ég útskrifaðist með BA gráðu vorið 2006 þar sem ég skrifaði BA ritgerð um ábyrgðir byggingarstjóra og iðnmeistara. Ég kláraði svo ML gráðu um áramótin 2010 - 2011 með meistararitgerð sem fjallaði um opinbert byggingareftirlit. Vegna reynslu minnar sem húsasmíðameistari og byggingarstjóri í tvo og hálfan áratug hef ég sérhæft mig sérstaklega í lögfræðilegum álitaefnum er varða húsbyggingar og hverskyns mannvirkjagerð. Ég tek þó einnig að mér mál á öðrum sviðum lögfræðinnar s.s. skuldamál en ég hef umtalsverða reynslu á því sviði líka. Þá hef ég oft verið dómkvaddur sem matsmaður í málum er varða mannvirki.