AHMED SALAM

🚨 أزمة زيوت كبيرة جاية بالطريق.. دهن المحرك راح يقل وسعره يصعد! 🚗💥

إذا سيارتك حديثة أو هايبرد (Hybrid)، هذا المنشور كلش يهمك.
بداية من يوم واحد بشهر السادس هالسنة ، يعني بعد يومين !!!

اكو نقص عالمي حاد بزيوت المحركات التخليقية (Synthetic Oils)، وبشكل خاص القياسات الخفيفة مثل 0W-20، 0W-16، و 0W-8.
🛑 شنو السالفة وليش صايرة هاي الأزمة؟

الأزمة بدت بسبب التوترات الأخيرة بالمنطقة، واللي أدت إلى:
توقف الإمدادات عبر مضيق هرمز.

تضرر منشآت حيوية لإنتاج الزيوت الأساسية (Group III Base Oil)، اللي تغذي 40% من انتاج الزيوت التخليقية بالعالم مثل مصفى "اللؤلؤة" PEARL GTL في قطر.

صعوبة البدائل: حتى المصانع بكوريا الجنوبية وأوروبا كامت تواجه نقص بالمواد الأولية لان اساس عملهم على النفط القادم من منطقة الخليج

📉 شنو تأثير هذا الشي علينا وعليك؟

💰 ارتفاع الأسعار: التوقعات تكول أسعار تبديل الدهن (الدهن والفلتر) ممكن تصعد بنسبة تقريبية توصل لـ 40%!
⚠️ شحة بالأسواق: شركات عالمية چبيرة مثل تويوتا ونيسان بدت فعلياً تبلغ الوكلاء مالتها بوجود نقص بالحصص المقررة إلهم.
⏳ الأزمة مطولة: الخبراء والجمعيات العالمية تكول إنو هذا النقص راح يستمر ويا ديرتنا والعالم لحد منتصف سنة 2027!

💡 نصيحة سريعة:
المرة الجاية من تبدل دهن لسيارتك، تأكد من جودة المتوفر ولا تشتري مغشوش بسبب رخص السعر، وحاول تأمن علبة زايدة للضرورة إذا چان نوع دهن سيارتك من القياسات النادرة والخفيفة.

#بالسلامة #احمدسلام #زيوت #صيانة

اني كل بالي من شفتهم هاي ماركة صينية جديدة ممعروفة
طلعت وللأسف بي ام دبليو iX1 BMW الجديدة
يعني خربوها من صدك بهذا التصميم الجديد والبلاستك الواضح وعلى كل الفئات
ما ادري الشركة والمهندسين وفريق التصميم شلون مقتنعين بهيچ شكل
ويوم ورا يوم مبيعاتهم تقل اكيد ويا المنافسة الشرسة بهاي الفئة
#احمدسلام #كهرباى #هايبرد

بلد ممكن يبتكر طرق جديدة للموت والاصابة ، بين الاستهتار واللانظام ، وانت تسوق بشارع ما تعرف من وين يجيك القدر
وللعلم هالحالة بكل شوارع البلد ، تريلات ومقطورات بقيادة سائق ارعن ، واللي منع حصولها ويانا هو ضربة حظ فقط لا غير …