Delicious fruit plants Distributor

Teaching vaccancies

Teaching vacancies for 2024-2025 Accademic Year

Try something new .It may help...

Identity the flower

Male nurses,X-ray Technician and Staff nurses

*ലിച്ചി പഴം*

*പ്രമേഹ രോഗികൾക്ക് ലിച്ചിപ്പഴം കഴിക്കാമോ? ലിച്ചിപ്പഴത്തിൻറ മേന്മകളറിയാം*

ഒരു തവണ കഴിച്ചാൽ വീണ്ടും വീണ്ടും കഴിപ്പിക്കുന്നതാണ് ലിച്ചിപ്പഴത്തിന്റെ സ്വാദ്. കൂടാതെ ഐസ്ക്രീം, ജാം, ജ്യൂസുകൾ ജെല്ലി രൂപങ്ങളിലും ലിച്ചി പഴം ഇന്ന് വിപണിയിൽ ലഭ്യമാണ്.

ഇന്ത്യയുടെ വടക്ക്, വടകുകിഴക്കൻ സംസ്ഥാനങ്ങളിൽ ധാരാളമായി കൃഷി ചെയ്യുന്നുണ്ട് ലിച്ചിപ്പഴം. പക്ഷേ ലിച്ചിയുടെ ജന്മദേശം ചൈന ആണ് എന്നത് വാസ്തവം. ഉഷ്ണമേഖലാ പ്രദേശങ്ങളിലാണ് ലിച്ചി കൂടുതലായി വളരുന്നത്. പഴവർഗങ്ങൾക്കിടയിൽ ലിച്ചിപ്പഴം പോപ്പുലറായിട്ട് അധിക നാളൊന്നും ആയിട്ടില്ല. മുമ്പ് മാങ്ങയും കൈതച്ചക്കയും പേരക്കയും നിരന്നിടത്തേക്ക് ലിച്ചിപ്പഴവും റമ്പൂട്ടാനുമെല്ലാം സ്ഥിരം കാഴ്ചകളായിട്ടുണ്ട്. മറ്റ് പഴങ്ങളെ അപേക്ഷിച്ച് എന്താണ് ലിച്ചിപ്പഴത്തിന്റെ ഗുണങ്ങൾ? ഇത് പ്രമേഹ രോഗികൾ കഴിക്കുന്നത് നല്ലതാണോ? അതോ ലിച്ചി പ്രമേഹ രോഗികളിൽ പ്രയാസങ്ങൾ ഉണ്ടാക്കുമോ?
ലിച്ചി പോഷക സമ്പുഷ്ടം

വിറ്റാമിൻ സി യുടെ ഒരു കലവറ തന്നെയാണ് ലിച്ചി പഴം. എന്നും ലിച്ചിപ്പഴം കഴിക്കുന്നതു വഴി ശരീരത്തിലെ ശ്വേത രക്താണുക്കളെ ഉത്തേജിപ്പിച്ച് രോഗ പ്രതിരോധ ശേഷി വർധിപ്പിക്കാൻ കഴിയും. ഫൈബർ ഘടകങ്ങൾ ധാരാളമടങ്ങിയ ലിച്ചി പഴം നമ്മുടെ ദഹന പ്രക്രിയയെ വളരെയധികം സഹായിക്കും. ഉദര പ്രശ്നങ്ങളെ ഒരു പരിധിവരെ തടയാൻ ലിച്ചിപ്പഴത്തിനാവും.

വിറ്റാമിൻ ബി-കോംപ്ലക്സ്, ഫൈറ്റോ ന്യൂട്രിയന്റ് ഫ്ലേവനോയ്ഡുകൾ എന്നിവയും നല്ല അളവിൽ അടങ്ങിയിട്ടുണ്ട്. രക്തത്തിന്റെ ഉദ്പാദനത്തിന് ആവശ്യമായ പോഷകങ്ങളുടെ സമൃദ്ധമായ ഉറവിടമാണ് ലിച്ചി. ആർ‌ബി‌സിയുടെ രൂപീകരണത്തിന് ആവശ്യമായ മാംഗനീസ്, മഗ്നീഷ്യം, ചെമ്പ്, ഇരുമ്പ്, ഫോളേറ്റ് എന്നിവ ഇത് നൽകുന്നു.

ലിച്ചിയിൽ നല്ല അളവിൽ ഫൈബറും വിറ്റാമിൻ ബി കോംപ്ലക്സും അടങ്ങിയിട്ടുണ്ട്, ഇത് മെറ്റബോളിസം കൊഴുപ്പ്, പ്രോട്ടീൻ, കാർബോ ഹൈഡ്രേറ്റ് എന്നിവ വർദ്ധിപ്പിക്കുന്നു. നാരുകൾ അടങ്ങിയ ഭക്ഷണങ്ങൾ വിശപ്പ് അടിച്ചമർത്താനും ഉപാപചയ പ്രവർത്തനങ്ങൾ വർദ്ധിപ്പിക്കാനും സഹായിക്കുന്നതിനാൽ ലിച്ചി കഴിക്കുന്നത് ഏറെ ഗുണം ചെയ്യും.

കോപ്പറും പൊട്ടാസ്യവുമടക്കം നിരവധി മിനറലുകൾ ലിച്ചി പഴത്തിൽ അടങ്ങിയിട്ടുണ്ട്. കോപ്പർ ചുവന്ന രക്ത കോശങ്ങളുടെ വളർച്ച ത്വരിതപ്പെടുത്തി രക്തയോട്ടം വർധിപ്പിക്കുകയും അവയവങ്ങളിലുള്ള ഓക്സിജിനേഷൻ വർധിപ്പിക്കുകയും ചെയ്യും.

​പ്രമേഹവും ലിച്ചിപ്പഴവും

രക്തത്തിലെ പഞ്ചസാരയുടെ അളവ് കൂടുന്ന അവസ്ഥയാണ് പ്രമേഹം. പാൻക്രിയാസ് ആവശ്യത്തിന് ഇൻസുലിൻ ഉൽപാദിപ്പിക്കുന്നില്ലെങ്കിലോ ശരീര കോശങ്ങൾ ഉൽ‌പാദിപ്പിക്കുന്ന ഇൻസുലിൻ പ്രതികരിക്കുന്നില്ലെങ്കിലോ ആണ് ഈ അവസ്ഥ ഉണ്ടാവുക. ഇൗ രണ്ട് അവസ്ഥകളിലും രക്തത്തിലെ പഞ്ചസാരയുടെ അളവ് കൂടും. കൃത്യമായ വ്യായാമവും സമീകൃത ഭക്ഷണക്രമവും മൂലമാണ് ഇത് നിയന്ത്രിച്ച് കൊണ്ടുവരേണ്ടത്.

സാധാരണയായി, പ്രമേഹമുള്ള ആളുകൾ രക്തത്തിലെ പഞ്ചസാര നിയന്ത്രണ വിധേയമാക്കാൻ ഉയർന്ന ഗ്ലൈസെമിക് സൂചികയുള്ള പഞ്ചസാര ഉൽ‌പന്നങ്ങളിൽ നിന്നും ഭക്ഷണങ്ങളിൽ നിന്നും മാറി നിൽക്കണം എന്നാണ് ഡോക്ടർമാർ സാധാരണ നിർദേശിക്കാറ്. ഗ്ലൈസമിക് ഇൻഡക്സ് 55 ൽ കുറവാണെങ്കിൽ അവ പ്രമേഹരോഗികൾക്ക് കഴിക്കാം എന്നാണ് സാധാരണ പറയാറുള്ളത്. ലിച്ചി പഴത്തിന്റെ ഗ്ലൈസെമിക് സൂചിക 50 ആണ്. അതായത് ഏകദേശം ബോർഡർ ലൈൻ. അതുകൊണ്ടു തന്നെ പ്രമേഹ രോഗികൾ അധികം ലിച്ചിപ്പഴം കഴിക്കാതിരിക്കുന്നത് തന്നെയാണ് ഉത്തമം.

​പഞ്ചസാരയുടെ അളവ്

മറ്റേതൊരു പഴത്തെയും പോലെ ലിച്ചിയിലും നല്ല പഞ്ചസാര അടങ്ങിയിട്ടുണ്ട്. ലിച്ചിയിലെ സ്വാഭാവിക പഞ്ചസാര ഫ്രക്ടോസ് ആണ്. മെറ്റബോളിസത്തിന് ഇൻസുലിൻ ആവശ്യമില്ലാത്തതിനാൽ ഇത് സുരക്ഷിതമാണെന്ന് കണക്കാക്കാം. ഇനി അഥവാ ലിച്ചിപ്പഴം കഴിച്ചേ മതിയാകൂ എന്നാണെങ്കിൽ രാവിലെയോ അല്ലെങ്കിൽ ഉച്ചഭക്ഷണ സമയത്തോ അൽപം കഴിക്കാം.

എന്നാൽ ഈ പഴം ഭക്ഷണത്തിന് ശേഷമോ രാത്രി ഉറങ്ങുന്നതിനു മുൻപോ കഴിക്കരുത്. കാരണം ഇത് നിങ്ങളുടെ രക്തത്തിലെ പഞ്ചസാരയുടെ അളവ് വർധിപ്പിക്കും. അതിനാൽ, മിതമായ അളവിൽ കഴിച്ചാൽ പ്രമേഹമുള്ള ഒരാൾക്ക് ലിച്ചി സുരക്ഷിതമാണെന്ന് കണക്കാക്കാം. അതേ സമയം ചെറിപ്പഴം പ്രമേഹ രോഗികൾക്ക് കഴിക്കാം എന്ന് പറയാറുണ്ട്. കാരണം ചെറിപ്പഴത്തിന്റെ ഗ്ലൈസമിക് ഇൻഡക്സ് 22 ആണ്. ചെറിപ്പഴം പ്രമേഹം നിയന്ത്രിക്കാൻ സഹായിക്കുമെന്ന പഠനങ്ങളും പുറത്തുവന്നിട്ടുണ്ട്.

ധാരാളം ഫൈബര്‍ അടങ്ങിയ ലിച്ചിപ്പഴത്തിന് ദഹന പ്രക്രിയയെ സുഗമമാക്കാന്‍ സാധിക്കും. ലിച്ചിയില്‍ വിറ്റാമിന്‍ സി ധാരാളം അടങ്ങിയിട്ടുണ്ടെന്ന് സൂചിപ്പിച്ചല്ലോ. വിറ്റാമിന്‍ സി അടങ്ങിയ ഭക്ഷണങ്ങള്‍ കഴിക്കുന്നത് പക്ഷാഘാതം ഉണ്ടാകാനുള്ള സാധ്യത കുറക്കുമെന്നാണ് പഠനങ്ങൾ പറയുന്നത്.

​ലിച്ചിപ്പഴത്തിന്റെ മറ്റു ഗുണങ്ങൾ

പൊണ്ണത്തടി നിയന്ത്രിക്കാം: ജീവിത ശൈലിയുടെ ഭാഗമായി ഉണ്ടാവുന്ന ഭാരക്കൂടുതലും പൊണ്ണത്തടിയും നിയന്ത്രിക്കാൻ ലിച്ചി പഴത്തിന് കഴിയും എന്നതാണ് മറ്റൊരു പഠനം. ഫൈബര്‍ ധാരാളമുള്ള ലിച്ചി ദഹനത്തെ സുഗമമാക്കി ശരീരഭാരം കുറക്കും. ലിച്ചിയിലെ ജലാംശവും ശരീരഭാരം കുറക്കാൻ സഹായിക്കും.ലിച്ചിപ്പഴത്തിൽ അടങ്ങിയിട്ടുള്ള ഫൈബറും ജലാംശവും എല്ലാം വയറെരിച്ചിലും നെഞ്ചെരിച്ചിലും പോലെയുള്ള അസുഖങ്ങളിൽ നിന്നും കരകയറാൻ നിങ്ങളെ സഹായിക്കും.

എല്ലുകൾക്ക് ബലം നൽകും: ലിച്ചി പഴത്തിലെ മഗ്നീഷ്യം, ഫോസ്ഫറസ്, ഇരുമ്പ് തുടങ്ങിയ ഘടകങ്ങൾ എല്ലിനുണ്ടാകുന്ന ബല ക്ഷയം തടയും. കാത്സ്യം ധാരാളമായി എല്ലുകളിൽ എത്തിക്കാനും ഇത് സഹായകമാവും. ചർമ സംരക്ഷണത്തിനും ലിച്ചി പഴം നല്ലൊരു മരുന്നാണ്. എന്നിരുന്നാലും പ്രമേഹ രോഗികൾ ഇത് അധികം കഴിക്കാതിരിക്കുന്നത് തന്നെയാണ് ഉത്തമം. കഴിക്കുകയാണെങ്കിൽ അതിനുമുമ്പ് ഡോക്ടറോട് അഭിപ്രായം ചോദിക്കാൻ മറക്കരുത്.

അകാല വാർദ്ധക്യം തടയാം: ലിച്ചിയിൽ ഉയർന്ന അളവിൽ ആന്റിഓക്‌സിഡന്റ് വിറ്റാമിൻ സി എന്നിവ അടങ്ങിയിട്ടുണ്ട്. അതിനാൽ ചർമത്തിന്റെ സ്വാഭാവിക ഇലാസ്തികത നിലനിർത്തി അകാല വാർദ്ധക്യം തടയാൻ ഇത് സഹായിക്കും.

​ഹൃദയാഘാത സാധ്യത, ആസ്ത്മ എന്നിവയ്ക്കെതിരെ
ഹൃദയാഘാത സാധ്യത കുറയ്ക്കുന്നു: ലിച്ചിയിൽ നല്ല അളവിൽ പൊട്ടാസ്യം അടങ്ങിയിട്ടുണ്ട്. സോഡിയത്തിന്റെ അളവ് നില നിർത്താൻ പൊട്ടാസ്യം ആവശ്യമാണ്. ദ്രാവക നില നിലനിർത്തുന്നതിന് ഉയർന്ന പൊട്ടാസ്യം ആവശ്യമാണ്. ഇത് ഉയർന്ന രക്തസമ്മർദ്ദം നിലനിർത്താൻ സഹായിക്കുകയും ഹൃദയാഘാതത്തിനുള്ള സാധ്യത കുറയ്ക്കുകയും ചെയ്യുന്നു. രക്ത സമ്മർദ്ദം നില നിർത്തുന്ന മാംഗനീസ്, മഗ്നീഷ്യം, ഇരുമ്പ്, ചെമ്പ് തുടങ്ങിയ ധാതുക്കളും ഇതിൽ അടങ്ങിയിട്ടുണ്ട്.

ആസ്ത്മയിൽ നിന്ന് ആശ്വാസം: രക്തചംക്രമണ വ്യൂഹത്തിനെ പ്രോത്സാഹിപ്പിക്കുന്ന മികച്ച പോഷകങ്ങളും നാരുകളും ലിച്ചിയിൽ അടങ്ങിയിട്ടുണ്ട്. അതിനാൽ തന്നെ ആസ്തമ സംബന്ധമായ അസുഖങ്ങൾക്ക് ഒരു പരിധി വരെ ആശ്വാസം നൽകാൻ ലിച്ചിയ്ക്ക് കഴിയും.....
കടപ്പാട്

സ്ട്രോബെറി

നല്ല മൂത്ത് പഴുത്ത സ്ട്രോബെറി എടുത്ത് വിരൽ കൊണ്ട് വിത്തുകൾ പുറത്തേക്കെടുക്കുക.സ്ട്രോബെറിയുടെ പുറത്ത് മൃദുവായി ഉരസുമ്പോൾ വിത്തുകൾ താഴെ വീഴും.
ഒരു ഗ്രോബാഗിൽ 60 ശതമാനം ചകിരിച്ചോറും ജൈവ രീതിയിൽ നിർമിച്ച 40 ശതമാനം കമ്പോസ്റ്റും യോജിപ്പിക്കുക. ഇതിലേക്ക് വിത്തുകൾ പാകുക. വിത്തുകൾ പോട്ടിങ്ങ് മിശ്രിതം കൊണ്ട് ചെറുതായി മൂടുക. സൂര്യപ്രകാശം വിത്തുകളിൽ പതിക്കുന്ന രീതിയിൽ മാത്രമേ മൂടാൻ പാടുള്ളു.

ചെറുതായി നനയ്ക്കുക. സൂര്യപ്രകാശം കിട്ടുന്ന രീതിയിൽ ഗ്രോബാഗ് വെക്കുക. 15 -16 ദിവസങ്ങൾക്കുള്ളിൽ വിത്ത് മുളയ്ക്കാൻ തുടങ്ങും.
35 ദിവസങ്ങളാകുമ്പോൾ 3 മുതൽ 5 വരെ ഇലകൾ വരും. ഈ സമയത്ത് ചട്ടയിലേക്ക് മാറ്റി നടാം.

നല്ല നീർവാർച്ചയുള്ള മണ്ണാണ് നല്ലത്. 50 ശതമാനം മണ്ണും 40 ശതമാനം ജൈവകമ്പോസ്റ്റും 10 ശതമാനം മണലും നന്നായി യോജിപ്പിക്കുക. ചട്ടിയിൽ പോട്ടിങ്ങ് മിശ്രിതം നിറയ്ക്കുക. ഇലകൾ വന്ന സ്ട്രോബെറിച്ചെടികൾ ഇതിലേക്ക് നടുക. നന്നായി നനച്ചു കൊടുക്കുക. ഈർപ്പം നിലനിർത്താൻ ശ്രമിക്കണം. ചെടികളുടെ ചുവട്ടിൽ ഉണങ്ങിയ കരിയിലകൾ പുതയിട്ടുകൊടുത്താൻ ഈർപ്പം നിലനിർത്താം.
ചെടികൾ വളരാൻ 6 മണിക്കൂർ സൂര്യപ്രകാശം ആവശ്യമാണ്.
ചട്ടിയിലേക്ക് മാറ്റി നട്ടുകഴിഞ്ഞാൽ 18 മുതൽ 22 വരെ ദിവസങ്ങൾക്കുള്ളിൽ ജൈവവളം ചേർത്തുകൊടുക്കണം. 32 ദിവസങ്ങൾ കൊണ്ട് ചെടികൾ പൂവിട്ട് കായ്കൾ ഉണ്ടാകാൻ തുടങ്ങും. 42 ദിവസങ്ങൾ കൊണ്ട് പഴുത്ത് വിളവെടുക്കാം.

Indoor and outdoor plants