CH Rasheed

സ്ത്രീകളുടെ സാമൂഹ്യ മുന്നേറ്റത്തിന് കരുത്തുപകരുന്ന ഒരു ക്ഷേമ പദ്ധതിയുടെ ഉദ്ഘാടന ചടങ്ങിൽ നിന്ന് മാറിനിന്ന ജനപ്രതിനിധികൾ, തങ്ങൾ ഏത് സ്ത്രീപക്ഷ നിലപാടാണ് ഉയർത്തിപ്പിടിക്കുന്നതെന്ന് പൊതുസമൂഹത്തോട് വ്യക്തമാക്കണം.

കക്ഷിരാഷ്ട്രീയത്തിന്റെ തിമരം ബാധിച്ച ചില നേതാക്കളുടെ ജല്പനങ്ങൾക്ക് വഴങ്ങി, ഇത്തരം വികസന-ക്ഷേമ ചടങ്ങുകൾ ബഹിഷ്കരിക്കുന്നത് സ്ത്രീകൾ ഉൾപ്പെടെയുള്ള വോട്ടർമാർ തിരഞ്ഞെടുത്ത ജനപ്രതിനിധികൾക്ക് ചേർന്നതാണോ എന്ന് അവർ സ്വയം ചിന്തിക്കുന്നത് നന്നാകും.

​എഴ് വിഭാഗം ഓർഡിനറി ബസ്സുകളിൽ സ്ത്രീകൾക്ക് സൗജന്യ യാത്ര ഉറപ്പാക്കുന്ന ‘പ്രിയദർശിനി’ പദ്ധതിക്ക് തുടക്കം കുറിച്ച യു.ഡി.എഫ് സർക്കാരിന് ഹൃദയം നിറഞ്ഞ അഭിനന്ദനങ്ങൾ!

മുസ്ലിം യൂത്ത് ലീഗിന്റെ പ്രഥമ സംസ്ഥാന പ്രസിഡന്റും മുസ്ലിം ലീഗിന്റെ മുതിർന്ന നേതാവും പ്രമുഖ പത്രപ്രവർത്തകനും വിദ്യാഭ്യാസ പ്രവർത്തകനുമായ കെ.കെ. മുഹമ്മദ് സാഹിബിന്റെ വിയോഗം മുസ്ലിം ലീഗ് പ്രസ്ഥാനത്തിനും കേരളത്തിന്റെ സാമൂഹിക-വിദ്യാഭ്യാസ മേഖലയ്ക്കും തീരാനഷ്ടമാണ്.

സംഘടനാ രംഗത്തും വിദ്യാഭ്യാസ മേഖലയിലും അദ്ദേഹം നൽകിയ സമർപ്പിതമായ നേതൃത്വം എന്നും സ്മരിക്കപ്പെടും. യുവജന രാഷ്ട്രീയത്തിന് ദിശാബോധം നൽകിയ അദ്ദേഹത്തിന്റെ സേവനങ്ങൾ പുതിയ തലമുറകൾക്ക് പ്രചോദനമാണ്.

പരേതന്റെ കുടുംബാംഗങ്ങളുടെയും സുഹൃത്തുക്കളുടെയും ദുഃഖത്തിൽ പങ്കുചേരുന്നു. സർവശക്തനായ അല്ലാഹു അദ്ദേഹത്തിന് മഗ്ഫിറത്തും വിശാലമായ സ്വർഗവും നൽകി അനുഗ്രഹിക്കട്ടെ.

പ്രിയപ്പെട്ട യൂസഫക്കയുടെ മരണം വല്ലാത്ത ഞെട്ടൽ ഉണ്ടാക്കി.

വിദ്യാർത്ഥിയായിരുന്ന കാലം മുതൽ അടുത്ത ഇടപഴകാൻ അവസരം ഉണ്ടായതാണ്.
കാലിക്കറ്റ് യൂണിവേഴ്സിറ്റി യൂണിയൻ ചെയർമാൻ സ്ഥാനത്തേക്ക് മത്സരിക്കുന്ന കാലം മുതൽ അദ്ദേഹത്തോട് ചേർന്ന് നിന്നതാണ്.

വിദ്യാർത്ഥി രാഷ്ട്രീയത്തിന്റെ കാലം മുതൽ ഉപദേശിയായും വഴികാട്ടിയായും എന്നും യൂസഫ്ക്ക ഉണ്ടായിരുന്നു. സംഘടനാ പ്രവർത്തനത്തിന്റെ എല്ലാ ഘട്ടത്തിലും അദ്ദേഹം ഒരുമിച്ച് ഉണ്ടായിരുന്നു. നേതാവായി സഹപ്രവർത്തകനായി സുഹൃത്തായി അങ്ങനെ

ഇഴമുറിയാത്ത ബന്ധത്തിന്റെ സൗഹൃദം എന്നും നിലനിർത്തിപ്പോന്നു. ആകസ്മികമായ ഈ വേർപാട് ഉൾക്കൊള്ളാൻ മനസ്സിന് ആവുന്നില്ല.

അകാലത്തിലെ ഈ മരണം ബന്ധുക്കൾക്കും നാട്ടുകാർക്കും എന്നതുപോലെ സഹപ്രവർത്തകരായ നമ്മുടെ ഉള്ളിലും വല്ലാത്ത നീറ്റലായി അനുഭവപ്പെടുകയാണ്.

സർവ്വശക്തനായ നാഥന്റെ അലംഘനീയമായ വിധിക്കുമുന്നിൽ പ്രാർത്ഥനകൾ മാത്രം.
അല്ലാഹു മഗ്ഫിറത്തും മർഹമത്തും നൽകി അനുഗ്രഹിക്കട്ടെ.ആമീൻ

ഗുരുവായൂർ നഗരസഭയിലെ LDF ഭരണത്തിന്റെ കെടുകാര്യസ്ഥതയ്ക്കും അഴിമതിക്കുമെതിരെ UDF സംഘടിപ്പിച്ച പ്രതിഷേധ ധർണ ഇന്ന് തൃശൂർ ജില്ലാ കോൺഗ്രസ് കമ്മിറ്റി പ്രസിഡന്റ് Adv. Joseph Tajet ഉദ്ഘാടനം നിർവഹിച്ച ചടങ്ങിൽ

ജനങ്ങളുടെ അടിസ്ഥാന ആവശ്യങ്ങൾ പോലും നിറവേറ്റുന്നതിൽ പരാജയപ്പെട്ട നഗരസഭാ ഭരണസമിതിക്കെതിരെ ശക്തമായ പ്രതിഷേധമാണ് ധർണയിലൂടെ ഉയർന്നത്. നഗരത്തിന്റെ വികസനവും പൊതുജനങ്ങളുടെ ക്ഷേമവും അവഗണിച്ച് മുന്നോട്ട് പോകുന്ന LDF ഭരണത്തിനെതിരെ UDF ന്റെ പോരാട്ടം തുടരും.

ജനങ്ങളുടെ അവകാശങ്ങൾ സംരക്ഷിക്കാനും അഴിമതിക്കും കെടുകാര്യസ്ഥതയ്ക്കുമെതിരെ ശക്തമായി ശബ്ദിക്കാനും UDF പ്രതിജ്ഞാബദ്ധമാണ്.

ശരീരം മണ്ണിലലിയാം, പക്ഷേ പ്രതിഭയും സ്മരണകളും ഒരിക്കലും മായില്ല.
മായ്ച്ചാലും മായാത്ത പ്രതിഭയ്ക്ക് ഹൃദയപൂർവ്വം ...

പ്രിയപ്പെട്ട സലിം കുമാറിന് വിട

മുസ്ലീം ലീഗ് തൃശൂർ ജില്ലാ പ്രവർത്തക സമിതി അംഗവും മുസ്ലിം ലീഗ് കടപ്പുറം പഞ്ചായത്ത് മുൻ ജനറൽ സെക്രട്ടറിയുമായിരുന്ന ബ്ലാങ്ങാട് കാട്ടിൽ വലിയകത്ത് കുഞ്ഞാലുഹാജിയുടെ നിര്യാണവാർത്ത അതിയായ ദുഃഖത്തോടെയാണ് അറിഞ്ഞത്.

പ്രസ്ഥാനത്തിനും സമൂഹത്തിനും വിലമതിക്കാനാകാത്ത സേവനങ്ങൾ നൽകിയ അദ്ദേഹത്തിന്റെ വേർപാട് പ്രസ്ഥാനത്തിനും നാടിനും തീരാനഷ്ടമാണ്.
അദ്ദേഹത്തിന്റെ കുടുംബാംഗങ്ങളുടെ ദുഃഖത്തിൽ പങ്കുചേരുന്നു.

അള്ളാഹു അദ്ദേഹത്തിന്റെ എല്ലാ പാപങ്ങളും പൊറുത്ത് കൊടുത്ത് ജന്നാത്തുൽ ഫിർദൗസ് നൽകി അനുഗ്രഹിക്കട്ടെ. ആമീൻ

പി.ആറിന്റെ പുകമറ നീങ്ങിയപ്പോൾ കേരളത്തിന്റെ സാമ്പത്തിക യാഥാർത്ഥ്യം പുറത്ത്

കേരളത്തിന്റെ സമ്പദ്‌വ്യവസ്ഥയുടെ എക്‌സ്-റേ റിപ്പോർട്ട് ഇന്ന് ജനങ്ങൾക്കുമുന്നിലുണ്ട്. വർഷങ്ങളായി വികസനത്തിന്റെ പേരിൽ അവതരിപ്പിച്ച അവകാശവാദങ്ങൾക്കും പ്രചാരണങ്ങൾക്കും അപ്പുറം, അക്കങ്ങളും കണക്കുകളും പറയുന്ന മറ്റൊരു യാഥാർത്ഥ്യമാണ് ഇപ്പോൾ ചർച്ചയാകുന്നത്.
അഞ്ച് ലക്ഷം കോടിയിലധികം പൊതുകടം, കിഫ്ബി വഴിയുള്ള വൻ ബാധ്യതകൾ, പൊതുമേഖലാ സ്ഥാപനങ്ങളുടെ വർധിച്ച നഷ്ടം, സർക്കാർ ജീവനക്കാർക്കുള്ള കുടിശ്ശികകൾ—ഇതെല്ലാം ചേർന്നാണ് കഴിഞ്ഞ ഭരണകാലത്തിന്റെ സാമ്പത്തിക പാരമ്പര്യം വിലയിരുത്തപ്പെടുന്നത്.
ധവളപത്രം മുന്നോട്ടുവയ്ക്കുന്നത് രാഷ്ട്രീയ മുദ്രാവാക്യങ്ങളല്ല, മറിച്ച് കണക്കുകളാണ്. അതുകൊണ്ടുതന്നെ ഈ കണക്കുകളെ അടിസ്ഥാനമാക്കി ഗൗരവമായ പൊതുചർച്ചകൾ നടക്കേണ്ടതുണ്ട്. കേരളത്തെ എവിടെയാണ് എത്തിച്ചിരിക്കുന്നത്? ഇനി എങ്ങോട്ടാണ് പോകേണ്ടത്? എന്ന ചോദ്യങ്ങൾക്ക് ഉത്തരങ്ങൾ കണ്ടെത്തേണ്ട സമയമാണിത്.
പ്രചാരണങ്ങളുടെ പെരുമ്പറകൾ നിലച്ച ഈ നിശബ്ദതയിൽ ഇനി സംസാരിക്കേണ്ടത് അക്കങ്ങളും യാഥാർത്ഥ്യങ്ങളുമാണ്. ഒരു സമൂഹത്തിന് മുന്നോട്ട് പോകണമെങ്കിൽ ആദ്യം താൻ എവിടെയാണ് നിൽക്കുന്നതെന്ന് തിരിച്ചറിയണം.
കേരളത്തെ സാമ്പത്തികമായി അപകടകരമായ ഒരു മുനമ്പിൽ എത്തിച്ച തീരുമാനങ്ങളെ വിലയിരുത്തുകയും, ഉത്തരവാദിത്തമുള്ള പുതിയ വികസന പാതയിലേക്ക് സംസ്ഥാനത്തെ നയിക്കുകയും ചെയ്യുക എന്നതാണ് ഇന്നത്തെ വെല്ലുവിളി.
കണ്ണ് കെട്ടിയ യാത്ര അവസാനിച്ചു. ഇനി യാഥാർത്ഥ്യങ്ങളെ നേരിട്ട് കണ്ട് മുന്നോട്ട് നടക്കേണ്ട സമയമാണ്.

സി. എച്ച്. റഷീദ്

ലോകകപ്പ് ഫുട്ബോൾ മൈതാനത്തിലേക്ക് ഇനി ഒരു മലയാളി പെരുമയും! ⚽🌍

ലോകകപ്പിന്റെ പച്ചപ്പുൽ മൈതാനത്ത് ഖത്തറിന്റെ ജേഴ്സിയിൽ പന്തുതട്ടാൻ ഒരു കണ്ണൂരുകാരൻ ഒരുങ്ങുകയാണ്.

ചരിത്രത്തിലാദ്യമായി ഫിഫ ലോകകപ്പ് ടീമിൽ ഇടം നേടുന്ന ആദ്യ മലയാളി എന്ന സുവർണ നേട്ടം തഹ്‌സീൻ മുഹമ്മദ് ജംഷീദിന് സ്വന്തം. കണ്ണൂരിന്റെ മണ്ണിൽ വേരുകളുള്ള ഈ യുവതാരം ഖത്തറിന്റെ ദേശീയ ടീമിനൊപ്പമാണ് ലോക ഫുട്ബോളിന്റെ ഏറ്റവും വലിയ വേദിയിലേക്ക് ചുവടുവെക്കുന്നത്.

ലോകത്തിന്റെ ഏറ്റവും വലിയ കായികമാമാങ്കത്തിൽ മലയാളികളുടെ അഭിമാനം ഉയർത്തിപ്പിടിക്കുന്ന തഹ്‌സീന് ഹൃദയം നിറഞ്ഞ ആശംസകൾ!

ഖത്തറിന്റെ ജേഴ്സിയിലാണെങ്കിലും, ഓരോ ടച്ചിനൊപ്പവും ഒരു മലയാളി ഹൃദയമിടിപ്പ് കൂടിയുണ്ടാകും. അവന്റെ നേട്ടത്തിൽ കേരളം അഭിമാനിക്കുന്നു.

തഹ്‌സീന്റെ ലോകകപ്പ് അരങ്ങേറ്റം കാണാൻ നാമെല്ലാവരും ആകാംക്ഷയോടെ കാത്തിരിക്കുന്നു.

സ്വപ്നങ്ങളെ ലക്ഷ്യമാക്കി കുതിക്കുന്ന എല്ലാ യുവ കായികതാരങ്ങൾക്കും തഹ്‌സീൻ ഒരു വലിയ പ്രചോദനമാണ്. പരിശ്രമവും സമർപ്പണവും ഉണ്ടെങ്കിൽ ലോകവേദിയും കീഴടക്കാമെന്ന് ഈ നേട്ടം തെളിയിക്കുന്നു.

അഭിനന്ദനങ്ങൾ തഹ്‌സീൻ! കേരളം നിന്റെ നേട്ടത്തിൽ അഭിമാനിക്കുന്നു. 💚⚽

സ്നേഹത്തോടെ
സി എച്ച് റഷീദ്

ഏവർക്കും എന്റെയും കുടുംബത്തിന്റെയും ഹൃദയം നിറഞ്ഞ ബലിപെരുന്നാൾ ആശംസകൾ...

ലോകത്തിന്റെ വിവിധ കോണുകളിൽ കുടുംബത്തിന്റെയും നാടിന്റെയും ഓർമ്മകളുമായി ജീവിത പോരാട്ടം തുടരുന്ന എന്റെ പ്രിയപ്പെട്ട പ്രവാസി സഹോദരങ്ങൾക്കും സഹോദരിമാർക്കും ഹൃദയം നിറഞ്ഞ ബലി പെരുന്നാൾ ആശംസകൾ. 🌙✨