My Life My Words

ਕੀ ਪੁੱਛਦਿਓ ਮੇਰੇ ਬਾਰੇ ਯਾਰੋ,
ਗਮ ਮੇਰੀ ਜ਼ਿੰਦਗੀ ਦੇ ਸਦਾ ਨਾਲ ਰਹਿੰਦੇ ਨੇ ।
ਕੋਈ ਕਹਿੰਦਾ ਹੈ ਸ਼ਾਇਰ, ਕੋਈ ਆਖੇ ਝੱਲਾ ਵਿਸ਼ੂ,
ਉੰਝ ਅਸਲ ਨਾਂ ਮਿੱਤਰਾਂ ਨੂੰ ਵਿਸ਼ਾਲ ਕਹਿੰਦੇ ਨੇ ।
ਨਿੱਚੇ ਸੰਦਲੀ ਮਿੱਟੀ, ਉਪਰ ਨੀਲਾ ਅੰਬਰ,
ਅਸਲ ਠਿਕਾਨਾ ਮੇਰਾ, ਸੱਜਣਾ ਦੇ ਖਿਆਲ ਰਹਿੰਦੇ ਨੇ ।
ਬਹੁੱਤੀਆਂ ਯਾਰੀਆਂ ਨੀ ਬਣਾਈਆਂ ਆਪਾਂ ਜੰਗ ਤੇ,
ਸੱਚ ਦੱਸਾਂ ਔਖੇ ਵੇਲੇ ਬੰਦੇ ਚਾਰ-ਕੁ ਹੀ ਨਾਲ ਬਹਿੰਦੇ ਨੇ ।
ਖੁਸ਼ੀਆਂ ਵਿੱਚ ਜੱਫੀਆਂ ਪਾ-ਪਾ ਕੇ ਮਿਲੇ ਵੈਰੀ ਮੈਨੂੰ,
ਦੁੱਖਾਂ ਵੇਲੇ ਸੱਜਣ ਵੀ ਮੁੱਖ ਫੇਰ ਲੈਂਦੇ ਨੇ ।
ਇਕੱਲਾ ਜੱਗ ਉੱਤੇ ਆਇਆ ਸੀ, ਇਕੱਲੇ ਬੜੇ ਜੀਅ ਲਏ,
ਇਕੱਲੇ ਹੀ ਚਲੇ ਜਾਣਾ ਉੱਥੇ, ਜਿਹਨੂੰ ਯਾਰੋ ਲੋਕੀ ਸ਼ਮਸ਼ਾਨ ਕਹਿੰਦੇ ਨੇ ।
ਸਿਮਰ ਲੈ ਸਵਾਸ "ਵਿਸ਼ੂ", ਲੈ ਕੇ ਰਾਮ ਨਾਮ ਤੂੰ,
ਬਿਨ੍ਹਾਂ ਗੁਰੂ ਧਿਆਏ, ਨਾ ਕਰਮ ਭਾਰੀ ਸਿਰੋਂ ਲਹਿੰਦੇ ਨੇ ॥
ਕੀ ਪੁੱਛਦਿਓ ਮੇਰੇ ਬਾਰੇ . . . . . ॥
✍ 'ਵਿਸ਼ੂ'