Hitwa Goth

छत्तीसगढ़ माध्यमिक शिक्षा मण्डल द्वारा प्रतिभा सम्मान समारोह आयोजित करे गे रहिस। कार्यक्रम मं राज्यपाल श्री रमेन डेका मुख्य अतिथि अउ मुख्यमंत्री श्री विष्णुदेव साय अध्यक्षता करे रहिन। स्कूल शिक्षा मंत्री श्री गजेंद्र यादव विशेष अतिथि के रूप मं मौजूद रहिन।

ये समारोह मं सत्र 2024 अउ 2025 के 10वीं अउ 12वीं के टॉप–10 मेधावी विद्यार्थी अउ विशेष पिछड़ी जनजाति के टॉप–1 विद्यार्थी मन ला सम्मानित करे गे। पंडित दीनदयाल उपाध्याय मेधावी छात्र प्रोत्साहन योजना के तहत कुल 239 छात्र-छात्रा मन ला मेडल, प्रशस्ति पत्र अउ डेढ़-डेढ़ लाख रूपये के प्रोत्साहन राशि दे गे।

राज्यपाल श्री डेका विद्यार्थियों ला बधाई देके कहिन कि बोर्ड परीक्षा जीवन के लक्ष्य तक पहुंचे के पहिली सीढ़ी आय। मेहनत, धैर्य अउ आत्मविश्वास ले आगे बढ़े के जरूरत हे। छत्तीसगढ़ अब शिक्षा के क्षेत्र मं घलो अपन अलग पहचान बनावत हे। मुख्यमंत्री श्री विष्णुदेव साय विद्यार्थियों ला देश अउ प्रदेश के भविष्य बतावत गुरुजन अउ माता-पिता के योगदान ला सराहे अउ बसंत पंचमी के शुभकामना देिन।

कार्यक्रम मं वर्ष 2024 के 110 अउ 2025 के 129 टॉपर विद्यार्थियों ला सम्मानित करे गे। मण्डल अध्यक्ष श्रीमती रेणु जी. पिल्ले स्वागत उद्बोधन दीन अउ सचिव श्रीमती पुष्पा साहू आभार व्यक्त कीन। कार्यक्रम मं जनप्रतिनिधि, अधिकारी, शिक्षक अउ बड़ी संख्या मं विद्यार्थी मौजूद रहिन।

धमतरी जिले की ग्रामीण महिलाओं को सशक्त बनाने हेतु एनआईटी रायपुर को STREE परियोजना की स्वीकृत
ग्रामीण भारत मं महिला सशक्तिकरण अउ विकास ला बढ़ावा दे के दिशा मं एक ठन बड़े कदम उठात, वैज्ञानिक अउ औद्योगिक अनुसंधान विभाग (DSIR) ह राष्ट्रीय प्रौद्योगिकी संस्थान (एनआईटी) रायपुर ला STREE परियोजना के मंजूरी दे हे।
(STREE – तकनीकी संसाधन के माध्यम ले महिलामन के आर्थिक बढ़ोतरी बर कौशल विकास)

ये परियोजना के मंजूरी के हस्ताक्षर समारोह 4 जनवरी 2026 ला नई दिल्ली मं आयोजित करे गे रहिस, जिहां केंद्रीय विज्ञान अउ प्रौद्योगिकी मंत्री श्री जितेंद्र सिंह के गरिमामय उपस्थिति रहिस।

ये पहल ला एनआईटी रायपुर के संस्था एनआईटी रायपुर फाउंडेशन फॉर इनोवेशन एंड एंटरप्रेन्योरशिप (NITRRFIE) के माध्यम ले लागू करे जाही। भारत सरकार के विज्ञान अउ प्रौद्योगिकी मंत्रालय के A2K+ योजना अंतर्गत महिलामन बर चलत TDUPW कार्यक्रम के तहत ये परियोजना ला 36 महीना बर 90 लाख रुपिया के वित्तीय सहायता मंजूर करे गे हे।

ये परियोजना के मुख्य उद्देश्य छत्तीसगढ़ के धमतरी जिला मं महिला कौशल उपग्रह केंद्र स्थापित करना हे, जिहां तीन बछर के भीतर 300 ग्रामीण महतारी मन ला प्रशिक्षण देय जाही।

परियोजना मं धमतरी जिला प्रशासन के ओर ले
श्री अबिनाश मिश्रा (कलेक्टर एवं जिला दंडाधिकारी),
श्री गजेंद्र सिंह ठाकुर (मुख्य कार्यकारी अधिकारी, जिला पंचायत),
डॉ. शैलेंद्र सिंह (सहायक निदेशक, CSSDA एवं जिला अधिकारी),
अउ श्री जय वर्मा (DPM, CGSRLM) शामिल हें, जेनमन स्थानीय समन्वय अउ व्यापक जनपहुंच सुनिश्चित करहीं।

एनआईटी रायपुर के ओर ले ये परियोजना के मार्गदर्शन निदेशक डॉ. एन. वी. रमना राव करत हें।
परियोजना के नेतृत्व डॉ. अनुज कुमार शुक्ला, सहायक प्राध्यापक अउ प्रधान अन्वेषक करत हें।
उनकर संग श्री पवन कटारिया, सहायक कुलसचिव अउ सह-प्रधान अन्वेषक एवं प्रभारी अधिकारी, NITRRFIE के रूप मं जुड़े हें।

विज्ञान अउ प्रौद्योगिकी मंत्रालय के वैज्ञानिक अउ औद्योगिक अनुसंधान विभाग के ओर ले
डॉ. विपिन शुक्ला, वैज्ञानिक-जी एवं सलाहकार अउ A2K+ के प्रमुख,
तथा डॉ. वंदना कालिया, वैज्ञानिक ‘एफ’
ये परियोजना ला साकार करे मं अहम भूमिका निभा रहिन।

समारोह मं डॉ. अनुज कुमार शुक्ला, सहायक प्राध्यापक, एनआईटी रायपुर अउ STREE परियोजना के प्रधान अन्वेषक उपस्थित रहिन, जऊन शिक्षा जगत, सरकार अउ जिला प्रशासन के मजबूत सहयोग के प्रतीक आय।

STREE परियोजना ग्रामीण महिलामन के समग्र कौशल विकास ऊपर केंद्रित रही।
एखर तहत कोसा (कोकून) रेशम ले फाइबर निकाले अउ प्रसंस्करण,
आधुनिक बुनाई तकनीक,
उत्पाद डिजाइन अउ विकास,
उद्यमिता विकास कार्यक्रम
अउ बाजार संपर्क सहायता जइसने क्षेत्र मं प्रशिक्षण देय जाही।

ये पहल खास करके हाशिये मं बसे अउ कृषि-आधारित समुदाय मन ला ध्यान मं रखके बनाय गे हे, जेनकर उद्देश्य महिला-नेतृत्व वाले सूक्ष्म उद्यम खड़ा करना अउ सतत आजीविका के नए अवसर सृजित करना हे।

एनआईटी रायपुर के निदेशक डॉ. एन. वी. रमना राव कहिन –
“केंद्रीय मंत्री श्री जितेंद्र सिंह के विशिष्ट उपस्थिति मं STREE परियोजना के मंजूरी समारोह, समावेशी नवाचार अउ महिला सशक्तिकरण प्रति एनआईटी रायपुर के प्रतिबद्धता के एक परिवर्तनकारी पड़ाव आय। ये परियोजना अत्याधुनिक तकनीक ला जमीनी विकास संग जोड़के ग्रामीण महिलामन बर सतत अउ विस्तारयोग्य समाधान गढ़े के हमर दृष्टि ला साकार करथे।”

मुख्यमंत्री श्री विष्णु देव साय ये परियोजना ला बहुत महत्वपूर्ण पहल बतात कहिन –
“एनआईटी रायपुर ला STREE परियोजना के स्वीकृति मिलना छत्तीसगढ़, खास करके धमतरी जिला के ग्रामीण महिलामन ला सशक्त बनाय के दिशा मं एक ठन बड़ा कदम आय। महिला कौशल उपग्रह केंद्र के स्थापना अउ अगला तीन बछर मं 300 ग्रामीण महिलामन ला कोसा रेशम फाइबर निष्कर्षण, आधुनिक बुनाई, उत्पाद डिजाइन, उद्यमिता अउ बाजार संपर्क जइसने क्षेत्र मं प्रशिक्षण देके ये पहल महिला-नेतृत्व वाले सूक्ष्म उद्यम अउ सतत आजीविका के अवसर ला बढ़ावा देही। ये परियोजना छत्तीसगढ़ मं महिलामन के नेतृत्व मं विकास अउ समावेशी प्रगति के हमर दृष्टि के अनुरूप आय।”