Yuvraj Beldare

📍 गटराची झाकण होणार स्मार्ट ! काय तर म्हणे स्मार्ट चेंबर
ऐकायला कसं वाटतं आहे आणि प्रत्यक्षात तर सांगूच शकत नाही. असो...

"स्मार्ट सिटीच्या स्वप्नानंतर आता स्मार्ट मॅनहोल... पुण्यात बहुतेक झाकणं शहरापेक्षा आधी स्मार्ट होणार आहेत!" 😄
GPS, सेन्सर, मोबाईल अलर्ट, रिअल-टाईम मॉनिटरिंग...
झाकण इतकं स्मार्ट होणार आहे की कदाचित ते स्वतःच महानगरपालिकेला विचारेल, 'माझ्या आजूबाजूचा रस्ता कधी दुरुस्त करणार?' 🤔

तंत्रज्ञानाला विरोध नाही, पण पुणेकरांना आता घोषणांपेक्षा परिणाम हवे आहेत.
शहर अजून स्मार्ट व्हायचं आहे, आणि आपण थेट झाकण स्मार्ट करण्यापर्यंत पोहोचलो आहोत!"

🚌🎓 विद्यार्थ्यांसाठी आनंदाची बातमी! 🎓🚌
पुणे महानगर परिवहन महामंडळ (PMPML) तर्फे विद्यार्थ्यांसाठी विशेष सवलतीच्या दरात बस पास उपलब्ध करून देण्यात आले आहेत. शाळा व महाविद्यालयीन विद्यार्थ्यांनी या योजनेचा लाभ घेऊन सुरक्षित, सोयीस्कर आणि किफायतशीर प्रवासाचा लाभ घ्यावा.
✅ मासिक पास – ₹750
✅ त्रैमासिक पास – ₹2000
✅ सहामाही पास – ₹3000
✅ वार्षिक पास – ₹5000
✅ पिंक पास – 40% सवलत
📄 आवश्यक कागदपत्रे: ▪️ शाळा/महाविद्यालय प्रमुखांची सही व शिक्का
▪️ चालू शैक्षणिक वर्षाची फी पावती/बोनाफाईड
▪️ आधार कार्ड झेरॉक्स
▪️ पासपोर्ट साईज फोटो
▪️ रहिवासी पुरावा
📍 जवळच्या PMPML बस आगाराच्या नियंत्रण कक्षात संपर्क साधा.
विद्यार्थ्यांच्या शिक्षणाचा प्रवास अधिक सुलभ आणि परवडणारा करण्यासाठी हा उपक्रम निश्चितच उपयुक्त ठरणार आहे.
#विद्यार्थी_बस_पास #पुणे_महानगरपालिका

📍 दशक्रिया घाट, गायमुख, आंबेगाव बुद्रुक – नागरिकांसाठी सन्मानजनक सुविधा उभारण्याचा प्रयत्न

२०१७ साली उर्वरित आंबेगाव ग्रामपंचायत बरखास्त होऊन या भागाचा अधिकृत समावेश पुणे महानगरपालिका हद्दीत झाला. त्यानंतर २०१९ मध्ये झालेल्या अतिवृष्टीमुळे ओढ्याला आलेल्या महापुरात गायमुख येथील दशक्रिया घाटाचे मोठे नुकसान झाले. सुरक्षा भिंत कोसळली, पत्रा शेड मोडकळीस आले, तसेच नागरिकांना अंत्यविधी व धार्मिक विधी पार पाडताना अनेक अडचणींचा सामना करावा लागला.

नगरसेवक म्हणून माझ्या २०२० च्या निधीतून तसेच संबंधित खात्यांच्या निधीतून आवश्यक तरतूद करून ओढ्यालगत भक्कम सुरक्षा भिंत उभारण्यात आली. याशिवाय बैठक व्यवस्था, स्वच्छतागृह, पत्रा शेड, विद्युत पोल आणि इतर मूलभूत सुविधा उपलब्ध करून देण्यात आल्या. त्यामुळे नागरिकांना अधिक सुरक्षित व सुसज्ज वातावरणात विधी कार्यक्रम पार पाडणे शक्य झाले.
मध्यंतरी निवडणुका लांबल्यामुळे या परिसराच्या देखभालीकडे अपेक्षित लक्ष दिले गेले नाही. त्यामुळे आज भवन विभागाच्या अधिकाऱ्यांसमवेत प्रत्यक्ष पाहणी करून विविध प्रलंबित कामांबाबत सूचना देण्यात आल्या. आवश्यक दुरुस्ती व नूतनीकरणाची कामे तातडीने पूर्ण करण्याचे निर्देशही देण्यात आले. यावेळी माझी पत्नी नगरसेविका सौ सीमा युवराज बेलदरे यादेखील उपस्थित होत्या.

माझा प्रयत्न आहे की या ठिकाणी कायमस्वरूपी २४ तास सुरक्षा रक्षकाची नेमणूक व्हावी. सध्या परिसरात CCTV कॅमेरे बसविण्यात आले असून भविष्यातही नागरिकांच्या सोयीसाठी आवश्यक त्या सर्व सुविधा उपलब्ध करून देण्यासाठी मी कटिबद्ध आहे.

"दुःखाच्या प्रसंगी नागरिकांना सन्मानाने आणि कोणत्याही अडचणीशिवाय अंतिम विधी करता यावेत, यासाठी दशक्रिया घाटाचा सर्वांगीण विकास करण्याचा माझा प्रयत्न कायम राहील." 🙏🏻

🏟️ कै. अभिजीत पतंगराव कदम बहुद्देशीय क्रीडासंकुल, भारती विद्यापीठ परिसर

२०१७ साली नगरसेवक म्हणून निवडून आल्यानंतर या अर्धवट अवस्थेतील क्रीडासंकुलाचे काम पूर्णत्वास नेण्याचा संकल्प केला. त्यानुसार अवघ्या दोन वर्षांत इमारतीच्या दुसऱ्या मजल्यावरील बॅडमिंटन कोर्ट, रायफल शूटिंग रेंज, वॉटरप्रूफिंग, फर्निचर व इलेक्ट्रिकल कामे पूर्ण करून नागरिकांसाठी विविध उपक्रम, क्रीडा प्रशिक्षण वर्ग, लायब्ररी तसेच जलतरण तलाव सुरू करण्यात आले.

सुमारे १० वर्षे जुनी झालेल्या या इमारतीमध्ये आता आवश्यक दुरुस्ती व आधुनिकीकरणाची कामे हाती घेण्यात आली आहेत. यामध्ये धोकादायक झालेल्या सुरक्षा भिंतीची पुनर्बांधणी, नवीन सुरक्षा गेट, ओपन स्टेजवर डोम उभारणे, CCTV यंत्रणा अद्ययावत करणे, रंगरंगोटी व इतर आवश्यक कामांचा समावेश आहे.

या कामांसाठी पहिल्या टप्प्यात माझी पत्नी नगरसेविका सौ. सीमा युवराज बेलदरे यांच्या विकासनिधीतून ₹२५ लाखांचा निधी मंजूर करण्यात आला असून, लवकरच प्रत्यक्ष कामांना सुरुवात होणार आहे.
आज संबंधित भवन खात्याचे वरिष्ठ व कनिष्ठ अधिकारी यांच्यासमवेत क्रीडासंकुलाची पाहणी करून आवश्यक सूचना देण्यात आल्या. नागरिकांना अधिक सुरक्षित, सुसज्ज आणि आधुनिक सुविधा उपलब्ध करून देण्यासाठी आम्ही कटिबद्ध आहोत.

#जनसेवा_हिच_ईश्वरसेवा

📍 बहुद्देशीय संकुल, फालेनगर – नागरिकांसाठी आधुनिक सुविधांचे केंद्र

फालेनगर, भारती विद्यापीठ परिसरातील नागरिकांच्या विविध गरजा लक्षात घेऊन माझ्या नगरसेवक पदाच्या कार्यकाळात बहुद्देशीय संकुल उभारण्याचा संकल्प करण्यात आला होता. कोविड महामारी तसेच स्थानिक स्वराज्य संस्थांच्या निवडणुका रखडल्यामुळे या प्रकल्पाच्या कामात काहीसा विलंब झाला.

मात्र आता माझी पत्नी नगरसेविका सौ. सीमा युवराज बेलदरे यांच्या नगरसेवक निधीतून ₹१ कोटींची तरतूद उपलब्ध झाल्याने या महत्त्वाकांक्षी प्रकल्पाला नवसंजीवनी मिळाली आहे.

या संकुलामध्ये —
✅ महिला बचत गटांसाठी विक्री केंद्र
✅ समाज विकास विभागाचे कार्यालय व प्रशिक्षण केंद्र
✅ ४०० नागरिकांसाठी प्रशस्त योग हॉल
✅ पुण्यातील पहिले बाल कुस्ती प्रशिक्षण केंद्र
✅ विविध सामाजिक, शैक्षणिक व सांस्कृतिक उपक्रम

अशा अनेक सुविधा नागरिकांसाठी उपलब्ध होणार आहेत. यापैकी काही उपक्रमांची सुरुवात देखील करण्यात आली आहे.

आज भवन विभागाचे वरिष्ठ व कनिष्ठ अभियंता यांच्यासमवेत प्रत्यक्ष पाहणी करून कामांना अधिक गती देण्याच्या सूचना दिल्या. लवकरच हे संकुल परिसरातील नागरिकांसाठी एक आदर्श सुविधा केंद्र म्हणून उभे राहील, असा विश्वास आहे.

📚 नवीन शैक्षणिक वर्षाच्या सर्व विद्यार्थ्यांना हार्दिक शुभेच्छा! 🌸

आज पुणे महानगरपालिकेच्या विविध शाळांमध्ये आयोजित प्रवेशोत्सव कार्यक्रमास उपस्थित राहून विद्यार्थ्यांचे स्वागत केले. नवीन शैक्षणिक वर्षाच्या पहिल्याच दिवशी विद्यार्थी आणि पालकांमध्ये दिसलेला उत्साह निश्चितच प्रेरणादायी होता.
यावेळी माझ्यासोबत माझी पत्नी नगरसेविका सौ. सीमा युवराज बेलदरे उपस्थित होत्या. विद्यार्थ्यांना शिक्षणाच्या प्रवासासाठी शुभेच्छा देत त्यांच्या उज्ज्वल भविष्यासाठी सदिच्छा व्यक्त केल्या.

काही शाळांमध्ये अजूनही मूलभूत सुविधांची आवश्यकता असल्याचे निदर्शनास आले. विद्यार्थ्यांना अधिक चांगल्या सुविधा मिळाव्यात यासाठी संबंधित स्तरावर पाठपुरावा करून आवश्यक कामे करण्यासाठी मी कटिबद्ध आहे. नगरसेवक म्हणून कार्यरत असताना अनेक शाळांच्या इमारतींची दुरुस्ती व विकासकामे करून आदर्श शाळा उभारण्याचा प्रयत्न केला होता. पुढेही शिक्षण क्षेत्रासाठी माझे योगदान कायम राहील.
विद्यार्थ्यांचे उज्ज्वल भविष्य हेच आपल्या समाजाच्या प्रगतीचे खरे बळ आहे.

#प्रवेशोत्सव #नवीनशैक्षणिकवर्ष #विद्यार्थीहित #दक्षिणपुणे #युवराजबेलदरे

📢 दक्षिण पुणेकरांसाठी महत्त्वाची सूचना! 💧
पाण्याची वाढती टंचाई लक्षात घेता, १५ जूनपासून दक्षिण पुण्यात काही भागांमध्ये एक दिवसाआड पाणीपुरवठा करण्यात येणार आहे.
🔹 सम तारखांना (२, ४, ६...) – भारती विद्यापीठ, धनकवडी, वंडर सिटी, सावंत विहार परिसर
🔹 विषम तारखांना (१, ३, ५...) – आंबेगाव बुद्रुक, आंबेगाव खुर्द, जांभुळवाडी रोड, कात्रज गाव, संतोषनगर परिसर
🙏 सर्व नागरिकांनी पाण्याचा जपून व जबाबदारीने वापर करावा.
🚰 प्रत्येक थेंब महत्त्वाचा आहे.
🤝 प्रशासनाला सहकार्य करून पाणी बचतीच्या मोहिमेत सहभागी व्हा.


"पाणी आहे तरच उद्या आहे... चला, पाणी वाचवूया!" 💙

दक्षिण पुण्यात मुद्द्याच बोलायचं!

लवकरच.....!

📍राजमाता भुयारी मार्ग, आयुक्त पुणे महानगरपालिका

दोन प्रशासना मधील भिजत घातलेले घोंगड नागरिकांच्या पथ्यावर पडू लागलं आहे. २०१७ पासून मी राजमाता भुयारी मार्गाच्या विस्तारीकरणाच्या कामासाठी पाठपुरावा करत आलो आहे. राज्याचे नेते स्वर्गीय अजितदादा पवार यांनी देखील याची दखल घेऊन प्रशासनाला सूचना केल्या होत्या. मात्र उपलब्ध निधी असून देखील PWD व पुणे मनपा प्रशासन गांभीर्याने घेताना दिसत नाही.

दोन दिवसांपूर्वी पुणे मनपा आयुक्त यांनी प्रत्यक्ष जागेवर पाहणी केली. मात्र त्यांच्या तोंडून आश्वासक उत्तर मिळाले नाही. दक्षिण पुण्यातील वाहतुकीच्या दृष्टीने सर्वात महत्वाचा प्रश्न आयुक्त गांभीर्याने घेताना दिसत नसतील तर, मात्र कठोर भूमिका घ्यावी लागणार. यावेळी एक आमदार, ५ नगरसेवक देखील उपस्थित होते. त्यांनी देखील पोटतिडकीने समस्या दाखवून दिली. जर यावरती पुढील महिनाभरात तोडगा निघाला नाही.

तर रास्ता रोको आंदोलन हाती घ्यावे लागणार आहे. लोकप्रतिनिधी वर्षानुवर्षे मागणी करतात, ते केवळ आणि केवळ नागरिकांच्या हितासाठी... मात्र प्रशासन तोडगा काढण्यासाठी टाळत असेल, तर आंदोलन हा एकमेव पर्याय असेल.

आपलाच युवराज बेलदरे
(मा. सभासद, पुणे मनपा)

धर्मवीर गणपती मंदिर परिसरातील मुख्य रस्त्यावरील खड्ड्यांची दुरुस्ती करण्यात आली. पावसाळ्याच्या तोंडावर प्रभागात आवश्यक ठिकाणी कामे सुरू केलेली असून, नागरिकांच्या फायद्याचे ठरेल