ASP Media Solutions

"मी 'महात्मा' म्हटला गेलो म्हणून माझे वचन प्रमाण आहे असे समजून कोणी चालू नये. महात्मा कोण हे आपल्याला माहीत नाही. म्हणून चांगला मार्ग हा की, महात्म्याचे वचन देखील बुध्दीच्या कसोटीवर घासून घ्यावे आणि ते कसास न उतरल्यास त्याचा त्याग करावा!"
- महात्मा गांधी

जीवन नव तेज राहो, अंतरंगी भावना
सुंदराचा वेध लाभो, मानवाच्या जिवना
शौर्य लाभो, धैर्य लाभो, सत्य त्या सशांकता
सत्य सुंदर मंगलाची, नित्य हो आराधना
- वसंत बापट

#भारतमाझादेश #भारतमेरादेश

भेद सारे मावळू द्या, वैर साऱ्या वासना
मानवाच्या एकतेची, पूर्ण होवो कल्पना
मुक्ता आम्ही फक्त मानू, बंधुतेच्या बंधना
सत्य सुंदर मंगलाची, नित्य हो आराधना
- वसंत बापट

#भारतमाझादेश #भारतमेरादेश

राज्य वस्तू व सेवा कर (GST)
पुणे विभागातील साहित्यप्रेमी अधिकारी

मनातील विचार शब्दरूपाने व्यक्त करता येणं ही नितांत सुंदर भावना असते. असं असलं तरी आपल्या मनाच्या कुंपणातून वाचकांच्या मनापर्यंत पोचेल, असं लिहिणं ही सहज सोपी गोष्ट नाही. त्यातही दिवसभर फाईलिंच्या गराड्यात प्रचंड ताणतणाव सहन करत काम करणाऱ्या अधिकऱ्यांसाठी तर ही गोष्ट अजिबातच सोपी नाही. तरीही मनाच्या एका हळव्या कोपऱ्यातून भावना व्यक्त करण्याची ऊर्जा या अधिकाऱ्यांमध्ये आहे. 'अक्षरखेंव' मासिकाच्या 'चांदणझरे' या दिवाळी अंकात या अधिकाऱ्यांचे साहित्य प्रसिद्ध झालं आहे. या अंकांची डिझाईन, लेआऊट, अक्षरजुळणी, मुद्रितशोषण, छपाई, बायडिंग ही सगळीच अंक निर्मितीची जबाबदारी ASP Media Solutions कडे असल्याने या निमित्ताने अधिकाऱ्यांमधील साहित्यिकांची ओळख झाली. अधिकाऱ्यांनी आपल्या बिझी शेड्युलमधून स्वतःसाठी वेळ काढत, सरकारी कामकाजाच्या रुक्ष भाषेपासून थोडी फारकत घेतली आणि प्रत्येकाने संग्रही ठेवावा अशा विविध साहित्याच्या अविष्काराने सजलेल्या 'चांदणझरे' या दिवाळी अंकाची निर्मिती झाली. कथा, कविता, प्रवासवर्णन, वैचारिक लेख, ललित लेख, मुलाखत, चित्र, छायाचित्र, रेखाटने अंकात आहेच, पण विशेष महत्वाचे म्हणजे छंदासंबंधीचे लेख या अंकात समाविष्ट केले आहेत. अशा विविधांगी लेखनप्रकारांनी हा अंक सजला आहे. या अंकाबद्दल राज्य विक्री व सेवा कर विभागातील सर्व साहित्य प्रेमींचे अभिनंदन आणि सर्वांना दिवाळीच्या सदिच्छा !

प्रवीण खुंटे
ASP Media Solutions

रविवार, 24 सप्टेंबर 2023, कास पठार