Global Computers

USB ഉപകരണങ്ങളിലൂടെ സൈബർ ആക്രമണം: ജാഗ്രത പാലിക്കുക

വിദൂര നിയന്ത്രണത്തിലൂടെ കമ്പ്യൂട്ടറുകളെ നശിപ്പിക്കാനും ഡാറ്റാ മോഷണത്തിനുമായി സൈബർ കുറ്റവാളികൾ തന്ത്രപരമായി വിതരണം ചെയ്യപ്പെടുന്ന യുഎസ്ബി ഉപകരണങ്ങൾ കമ്പ്യൂട്ടറിൽ പ്ലഗ് ചെയ്യുമ്പോഴാണ് യുഎസ്ബി വഴിയുള്ള സൈബർ ആക്രമണം ഉണ്ടാകുന്നത്.

യുഎസ്ബി വഴിയുള്ള ആക്രമണത്തിലൂടെ കുറ്റവാളികൾക്ക് സിസ്റ്റങ്ങളുടെ റിമോട്ട് ആക്‌സസ് ലഭിക്കുന്നു. മാൽവെയറുകൾ, റാൻസംവെയറുകൾ എന്നിവ അടങ്ങിയ യുഎസ്ബി ഡ്രൈവുകൾ തട്ടിപ്പ് സംഘം Amazon, E bay തുടങ്ങിയ പ്രശസ്തമായ കമ്പനികളുടെ പേരിൽ വ്യാജ ഗിഫ്റ്റ് കാർഡിനോടൊപ്പം അയച്ചുകൊടുക്കപ്പെടുന്നു.

വൈറസുകൾ അടങ്ങിയ യുഎസ്ബി ഉപകരണങ്ങൾ ഉപയോക്താവ് അവ ടാർഗെറ്റ് നെറ്റ്‌വർക്കിലോ സിസ്റ്റത്തിലോ പ്ലഗുചെയ്യപ്പെടുമ്പോൾ, സൈബർ ആക്രമണങ്ങൾ നടത്താൻ കുറ്റവാളികൾ വ്യത്യസ്ത രീതികളാണ് ഉപയോഗിക്കുന്നത്. സംശയങ്ങൾ തോന്നാത്ത വിധം ഇവ ഒരു സാധാരണ യുഎസ്ബി ഉപകരണം പോലെ കാണപ്പെടുന്നു, എന്നാൽ യുഎസ്ബി ഉപകരണത്തിന്റെ മൈക്രോകൺട്രോളർ സൈബർ ക്രിമിനൽസിന് നിയന്ത്രിക്കാൻ പ്രോഗ്രാമിംഗ് ചെയ്തിട്ടുണ്ടായിരിക്കും. യുഎസ്ബി ഉപകരണത്തിന്റെ ഫേംവെയർ റീപ്രോഗ്രാം ചെയ്യുന്നതിലൂടെ malware downloading, data exfiltration എന്നിവ കുറ്റവാളികൾ ലക്‌ഷ്യം വയ്ക്കുന്നു.

മാത്രമല്ല ഇതിലൂടെ ഇലക്ട്രിക് ആക്രമണങ്ങൾക്കും സാധ്യതയുണ്ട്. കണക്റ്റുചെയ്‌ത യുഎസ്ബി ഉപകരണം ഒരു കമ്പ്യൂട്ടറിന്റെ യുഎസ്ബി പവർ ലൈനുകളിൽ നിന്ന് ഒരു നിശ്ചിത അളവ് വരെ വൈദ്യുതി സംഭരിക്കുകയും പിന്നീട് അത് ഡിസ്ചാർജ് ചെയ്യുകയും കണക്റ്റുചെയ്‌ത കമ്പ്യൂട്ടറിനെ നശിപ്പിക്കുകയും ചെയ്യുന്നു.

മുൻകരുതലുകൾ.

അപചരിതരിൽ നിന്നും അജ്ഞാത ഇടങ്ങളിൽ നിന്നും ലഭിക്കുന്ന USB ഡ്രൈവുകൾ ഉപയോഗിക്കാതിരിക്കുക. ആന്റിവൈറസുകൾ, ആന്റി മാൽവെയർ പ്രോഗ്രാമുകൾ ഉപയോഗിക്കുക.

സിസ്റ്റത്തിലെ ഓട്ടോ റൺ ഫീച്ചറുകൾ ഓഫാക്കുക. ദുരുപയോഗം ചെയ്യുന്നതിനായുള്ള പ്രോഗ്രാമിംഗ് കോഡുകൾ ഓട്ടോമാറ്റിക് ആയി എക്സിക്യൂട്ട് ചെയ്യപ്പെടുന്നത് തടയുന്നതിന് ഇത് സഹായകരകമാകും.

ഇത്തരം അപകടകരമായ USB ഉപകരണങ്ങളെക്കുറിച്ച് ജീവനക്കാരെ ബോധവാന്മാരാക്കുക.

ഇത്തരം സൈബർ ആക്രമണങ്ങൾ ഉണ്ടായാൽ cybercrime.gov.in പോർട്ടൽ വഴി റിപ്പോർട്ട് ചെയ്യാം. കൂടുതൽ സുരക്ഷാ മാർഗ്ഗങ്ങൾക്കായി on Twitter, Cyber Dost on Facebook, on instagram എന്നിവ പിന്തുടരുക.

മലയാളിയും സൈബർ സുരക്ഷയും.

വളരെ കുറവ് സൈബർ ഹൈജീൻ (സുരക്ഷ ) എടുക്കുന്നവരാണ് നമ്മൾ .

എല്ലാ കാര്യങ്ങളും ഓണ്ലൈനിയിലേക്ക് മാറുന്ന സാഹചര്യത്തിൽ ,സൈബർ ക്രൈം വളരെയധികം വർദ്ധിച്ചു വരുന്ന ഈ സമയം ,എങ്ങനെ ലളിതമായി ഓൺലൈൻ സുരക്ഷ ഉറപ്പാക്കാം:

1. പൈറേറ്റഡ് (ലൈസൻസ് ) ഇല്ലാത്ത ഓപ്പറേറ്റിംഗ് സിസ്റ്റം , സോഫ്റ്റ്‌വെയർ ഉപയോഗിക്കാതിരിക്കുക. ഉബുണ്ടു ലിനക്സ് , ഓപ്പൺ ഓഫീസ് പൈറസിക്കെതിരെ നല്ല ഒരു ഓപ്ഷൻ ആണ് - പൈറേറ്റഡ് ഓപ്പറേറ്റിംഗ് സിസ്റ്റം അപ്ഡേറ്റസിൽ വളരെ പിന്നിലായിരിക്കും , പൈറസിക്ക് ഉപയോഗിക്കുന്ന ടൂൾസിൽ പലതിലും മാൽവെയർ ഉണ്ടായിരിക്കും.

2. പെയ്ഡ് ആൻറിവൈറസ് ഉപയോഗിക്കാൻ ശ്രമിക്കുക. ഫ്രീ ആന്റിവൈറസുമായി താരതമ്യം ചെയ്യുമ്പോൾ ഫീച്ചർ ,അപ്ഡേറ്സ് എന്നിവയിൽ വളരെ വ്യത്യാസം കാണാറുണ്ട് .

3. ഫ്രീ/ഓഫർ തുടങ്ങിയ ലിങ്ക് ചാടിക്കയറി ക്ലിക്ക് ചെയ്യരുത്. ഈമെയിലിൽ ആയാലും ബ്രൗസറിൽ ആയാലും. അറിയാവുന്ന സൈറ്റുകളിൽ നിന്നുള്ള ലിങ്കുകൾ മാത്രം വിശ്വസിക്കുക

4. അത്യാവശ്യം വേണ്ട ഡാറ്റ ,ഫോട്ടോസ് , സ്കാൻ ചെയ്ത ഐഡി കാർഡുകൾ എന്നിവ ഒരു പെൻഡ്രൈവിൽ (USB) കോപ്പി ചെയ്തു സുരക്ഷിത സ്ഥാനത്തു സൂക്ഷിക്കുക

5. വെളിയിൽ നിന്ന് പെൻഡ്രൈവുകൾ, SD കാർഡുകൾ നിങ്ങളുടെ കമ്പ്യൂട്ടറിൽ ഉപയോഗിക്കാതിരിക്കുക. മാൽവേറുകളുടെ സാന്നിധ്യം ഒട്ടുമിക്ക ഡ്രൈവുകളിലിലും കാണാം .അത്യാവശ്യമെങ്കിൽ പെയ്ഡ് ആൻറിവൈറസ് ഉപയോഗിച്ച് സ്കാൻ ചെയ്തശേഷം ഇൻഫെക്ഷൻ ഇല്ലായെന്ന് ഉറപ്പുവരുത്തി ഉപയോഗിക്കുക

6. ഒരു പാസ്സ്‌വേർഡ് ,യൂസർ ഐഡി എല്ലാ സ്ഥലങ്ങളിലും ഉപയോഗിക്കുന്ന പരിപാടി നിറുത്തുക. എളുപ്പം ഊഹിച്ചെടുക്കാൻ പറ്റുന്ന പാസ്സ്‌വേർഡ് ഒഴിവാക്കുക. (വീട്ടുപേര് , ബർത്ഡേയ് , ജീവിത പങ്കാളിയുടെ പേര്, കുട്ടികളുടെ പേര് എന്നിവ). പാസ്സ്‌വേർഡ് ഇടയ്ക്കു മാറുക, മറന്ന് പോകുമെങ്കിൽ സുരക്ഷിത സ്ഥാനത്തു എഴുതി വെയ്ക്കുക (അത്യാവശ്യമെങ്കിൽ മാത്രം). പാസ്സ്‌വേർഡ് മാനേജർ നല്ല ഒരു ഓപ്ഷൻ ആണ്

7. ജോലി സംബന്ധമായ കാര്യങ്ങൾക്കു പേർസണൽ കമ്പ്യൂട്ടറും , പേർസണൽ ആവശ്യങ്ങൾക്കായി വർക്ക് കമ്പ്യൂട്ടറും ഉപയോഗിക്കാതിരിക്കുക. ഡിവൈസ് പാസ്സ്‌വേർഡ് ഉപയോഗിക്കുക.

8. പബ്ലിക് വൈഫൈ (Public Wifi) കഴിവതും ഉപയോഗിക്കാതിരിക്കുക. ഉപയോഗ ശേഷം ആ നെറ്റ്‌വർക്ക് പേര് ഡിവൈസിൽ നിന്നും ക്ലിയർ ചെയ്യുക

9. ഇടക്കിക്കിടെ ബ്രൗസർ , കുക്കി എന്നിവ ക്ലിയർ ചെയ്യുക. സുരക്ഷ മാത്രമല്ല, സിസ്റ്റം പെർഫോമൻസും ചെറിയ രീതിയിൽ വർദ്ധിക്കും. ബ്രൗസർ ഇൻകോഗ്നിറ്റോ വിൻഡോ കുക്കി, സ്റ്റോറെഡ്‌ പാസ്സ്‌വേഡ്സ് എന്നിവയിൽ നിന്ന് നല്ല സംരക്ഷണം നൽകുന്നു

10. കുട്ടികളുടെ കമ്പ്യൂട്ടർ, ഫോൺ, ടാബ്ലറ്റ് എന്നിവ ഇടയ്ക്കു പരിശോധിക്കുക. അസമയത്തുള്ള ഉപയോഗം എന്തിനാണെന്ന് മനസിലാക്കുക. എന്തെകിലും അസൗഭാവികത /അസാധാരണ കാര്യങ്ങൾ കണ്ടാൽ മാതാപിതാക്കളോട് പറയുവാൻ ഉള്ള സ്വാതത്ര്യം വീട്ടിൽ കുട്ടികൾക്ക് കൊടുക്കുക. ഇങ്ങനെ ഒക്കെ സംഭവിച്ചാൽ തെളിവ് അല്ലെങ്കിൽ എവിഡൻസ് മൊബൈൽ ഫോണിൽ ഫോട്ടോയുടെ രൂപത്തിൽ , സമയം , ഫോൺ നമ്പർ എന്നിവ എഴുതി വെച്ച ശേഷം പോലീസ് സ്റ്റേഷനിലോ സൈബർ സെല്ലിലോ രേഖാമൂലം പരാതി കൊടുക്കുക.കുട്ടികളെ ഓൺലൈൻ സുരക്ഷ ബോധവല്കരിക്കുക.

പോസ്റ് ഷെയർ ചെയ്യുക .ബോധവത്കരണം കൂടുതൽ ആളുകളിൽ എത്തിക്കുക. നമ്മുടെ ജനങ്ങൾ, കുട്ടികൾ സുരക്ഷിതരാവട്ടെ !

©സൈബർ സെക്യൂരിറ്റി മലയാളം.