TwiLight R

🐦 ষ্টিফেন্স দ্বীপ ৰেন (Traversia lyalli)🐦‍⬛: – নিউজিলেণ্ডৰ ষ্টিফেন্স দ্বীপত পোৱা এবিধ উৰণবিহীন বিলুপ্তিপ্ৰাপ্ত চৰাই হ’ল -ষ্টিফেন্স দ্বীপ ৰেন। ই এবিধ অতি সৰু প্ৰজাতিৰ চৰাই আৰু ই মাটিত বাস কৰে। আকাৰত ই থিক নিগনি এটাৰ সমান। জাক পাতি বাস কৰা এই চৰাইবিধ ১৮৯৫ চন মানত ষ্টিফেন্স দ্বীপৰ পৰা সম্পূৰ্ণ ৰূপে বিলুপ্ত হয়।

☠️বিলুপ্তিৰ কাৰণ☠️:- ১৮৯৪ চনত ষ্টিফেন্স দ্বীপত এটা লাইটহাউচ নিৰ্মাণ কৰা হৈছিল। লাইটহাউচৰ নিৰ্মাণ কাৰ্যত থকা কৰ্মচাৰীসকলে নিজৰ লগৰ কিছুমান পোহনীয়া মেকুৰী লৈ গৈছিল। ৰেনৰ জীৱনত সেয়াই আছিল মেকুৰী নামৰ প্ৰাণী বিধৰ লগত প্ৰথম সংযোগ। কণমানি ৰেনবোৰৰ মেকুৰীৰ ভয়াবহতাৰ বিষয়ে কোনো প্ৰকৃতি প্ৰদত্ত ধাৰণা নাছিল। ফলস্বৰূপে, ৰেনৰ মেকুৰীৰ প্ৰতি কোনো ভয় ভাৱ নাছিল। ইয়াৰ পৰিণতিত প্ৰায় এটা বছৰৰ ভিতৰতে মেকুৰীবোৰে সমগ্ৰ ৰেন প্ৰজাতিটোকে চিকাৰ কৰি শেষ কৰি পেলাইছিল..!

ষ্টিফেন্স দ্বীপ এতিয়া নিতাল নিস্তব্ধ…! এতিয়া তাত আৰু ৰেন নাই। ৰেনৰ মাত শুনা নাযায়..! মানুহৰ এটা সৰু অসাৱধানতাৰ বাবে প্ৰকৃতিয়ে প্ৰকৃতিৰ এটা মৰম লগা প্ৰজাতি চিৰদিনলৈ হেৰুৱাব লগা হ’ল…!🦤☠️🐹

🏝️এলেক্সি ছিবিৰ্স্কি (Alexey Sibirsky)🏝️:-

এলেক্সি ছিবিৰ্স্কি এজন ৰাছিয়াৰ যুৱ পৰিৱেশ কৰ্মী আৰু এজন চছিয়েল মেডিয়াৰ কন্টেন্ট ক্ৰিয়েটৰ। তেওঁ সহজ জনপ্ৰিয়তা বুটলা সাধাৰণ কণ্টেন্ত ক্ৰিয়েটৰৰ লেখীয়া নহয়। তেওঁৰ কণ্টেন্ত সমূহত আছে এক মহান লক্ষ্য আৰু উদ্দেশ্য। তেওঁ নিজৰ চছিয়েল মেডিয়া ব্লগ সমূহৰ জৰিয়তে- প্ৰদূষণৰ বিষয়ে বিশ্বত সজাগতাৰ সৃষ্টি কৰা, পৰিৱেশৰ কাৰ্য্যকলাপসমূহ সংগঠিত কৰা আৰু প্ৰকৃতি সুৰক্ষাৰ ক্ষেত্ৰত সকলোৰে দায়বদ্ধতাক উনুকিয়াই দিয়া তথা এনে কাৰ্যত সকলোৱে জড়িত হোৱাৰ বাবে উৎসাহিত কৰা আদিত গুৰুত্ব প্ৰদান কৰি আহিছে।

তেওঁ অকলেই বিশ্বৰ বিভিন্ন প্ৰান্তত থকা প্ৰদূষণ প্ৰধান নদ-নদী সমূহ পৰিষ্কাৰ কৰা কাৰ্যত হাতে কামে লাগি আহিছে। তদুপৰি তেওঁ বিশ্বৰ বিভিন্ন প্ৰান্তত একক প্ৰচেষ্টাৰে বৃক্ষ ৰোপন কাৰ্য সম্পন্ন কৰিছে আৰু কৰি আছে। তেওঁৰ প্ৰধান উদ্দেশ্যই হ’ল- পৃথিৱী নামৰ এই সুন্দৰ গ্ৰহটোত আধুনিকতাৰ জাকজমকে সৃষ্টি কৰা মলিবোৰ আঁতৰাই সুন্দৰ কৰি গঢ়ি তোলা। অৱশ্যে এই ক্ষেত্ৰত এতিয়া তেওঁ অকলশৰীয়া নহয়। তেওঁৰ লগত এতিয়া বিশ্বৰ বিভিন্ন প্ৰান্তৰ লাখ লাখ মানুহ তেওঁৰ কাৰ্যৰ সহায়ক হিচাপে জড়িত হৈ আছে।

তেওঁৰ কাৰ্যই বিশ্বৰ সচেতন মহলৰ দৃষ্টি আকৰ্ষণ কৰাৰ ফলশ্ৰুতিত ২০২৫ চনত তেওঁৰ পৰিৱেশ আৰু সামাজিক অৱদান তথা ত্যাগৰ বাবে বিখ্যাত ফৰ্বছ আলোচনীয়ে তেওঁৰ নাম Forbes “30 Under 30” তালিকাত অন্তৰ্ভূক্ত কৰে।

এইজন মহান পৰিৱেশ কৰ্মীৰ কৰ্মসমূহ চাই আমি সকলোৱে অলপ হ’লেও পৰিবেশৰ প্ৰতি সজাগ হোৱা উচিত…।🌲🏝️

Gaama, Rest in peace...

It's the Fact...!

জাপানৰ ‘ওছাকা বিশ্ববিদ্যালয় হাস্পতাল’ৰ এক অধ্যয়নকে ধৰি ভিন্ন গৱেষণাৰ পৰা দেখা গৈছে যে মুখৰ পৰিষ্কাৰ-পৰিচ্ছন্নতাই হৃদযন্ত্ৰৰ স্বাস্থ্যত গুৰুত্বপূৰ্ণ ভূমিকা পালন কৰে।

যেতিয়া আমি বিশেষকৈ ৰাতি নিয়মিতভাৱে দাঁত ব্ৰাছ নকৰো, তেতিয়া ক্ষতিকাৰক বেক্টেৰিয়াসমূহ আমাৰ মুখত বহু বেছি গুণে বৃদ্ধি পায় আৰু দাঁতৰ আলুৰ ক্ষতিসাধন পাৰে। এই বেক্টেৰিয়াবোৰ আমাৰ দাঁতৰ ক্ষত আলু বা ৰক্তক্ষৰণ হোৱা দাঁতৰ মাজেৰে গৈ তেজৰ সোঁতত প্ৰৱেশ কৰি হৃদযন্ত্ৰ আৰু ৰক্তবাহী নলীৰ ক্ষতি কৰিব পাৰে। দীৰ্ঘদিন চলি থকা এনে প্ৰক্ৰিয়াৰ ফলত আমাৰ হৃদযন্ত্ৰৰ ৰোগ হোৱাৰ সম্ভাৱনা বৃদ্ধি পায়।

ওছাকা বিশ্ববিদ্যালয়ৰ এই তথ্যই প্ৰমাণ কৰিছে যে দৈনন্দিন দাঁত ব্ৰাছ কৰাৰ দৰে সাধাৰণ অভ্যাসে আমাক কিদৰে হৃদযন্ত্ৰৰ স্বাস্থ্য ৰক্ষাৰ সহায় কৰিব পাৰে।



#

The Lungs of North India is now in Danger...

Nature is the ultimate Creator of Peace...

Save me soon... otherwise I will finish you all.... 🔥🔥🔥

Something is always better than nothing.... 🎉