JSOYA Thumpamon Diocese

മോറാൻ മോർ ഇഗ്നാത്തിയോസ് അപ്രേം ദ്വിതീയൻ പാത്രിയർക്കീസ് ബാവായ്ക്ക് പ്രാർത്ഥനപൂർവ്വമായ
ജന്മദിനാശംസകൾ✨

തുമ്പമൺ ഭദ്രാസന യൂത്ത് അസോസിയേഷൻ പ്രവർത്തകരും ഭാരവാഹികളും തട്ടയിൽ സെന്റ് മേരീസ്‌ യാക്കോബായ സുറിയാനി പള്ളിയിൽ യൂത്ത് അസോസിയേഷൻ യൂണിറ്റ് സന്ദർശിക്കുകയും, യൂണിറ്റ് ഇലക്ഷന് നേതൃത്വം നല്‍കുകയും, തുടർന്ന് നടന്ന മീറ്റിംഗിൽ യൂണിറ്റ് അംഗങ്ങളോട് യൂത്ത് അസോസിയേഷൻ പ്രവർത്തനങ്ങളെ പറ്റി സംസാരിക്കുകയും ചെയ്തു.

ബെൽഫാസ്റ്റ് സെന്റ് ഇഗ്നാത്തിയാസ് ഏലിയാസ് യാക്കോബായ സുറിയാനി ഓർത്തഡോക്സ് പള്ളിയിലെ ദുഃഖവെള്ളി ഈസ്റ്റർ ശുശ്രൂഷകൾക്കായി കടന്നുവന്ന തുമ്പമൺ ഭദ്രാസന മെത്രാപ്പോലീത്ത അഭിവന്ദ്യ യൂഹാനോൻ മോർ മിലിത്തിയോസ് തിരുമേനിയെ ബെൽഫാസ്റ്റ് ഇന്റർനാഷണൽ എയർപോർട്ടിൽ ഇടവക വികാരി ഫാദർ അജു വർഗീസിന്റെ നേതൃത്വത്തിൽ ഇടവക അംഗങ്ങൾ സ്വീകരിച്ചു.

തുമ്പമൺ ഭദ്രാസന യൂത്ത് അസോസിയേഷന്റെ നേതൃത്വത്തിൽ വള്ളിക്കോട് -കോട്ടയം സെന്റ് മേരീസ് യാക്കോബായ സുറിയാനി കത്തീഡ്രലിൽ 'പരീക്ഷ ഒരുക്ക സെമിനാർ' നടത്തപ്പെട്ടു. വിദ്യാഭ്യാസ വകുപ്പ് മുൻ ഉദ്യോഗസ്ഥൻ തോമസ് കെ.പി പരീക്ഷ ഒരുക്ക സെമിനാർ ഉദ്ഘാടനം ചെയ്യുകയും, ഇടവക വികാരി ഫാ.സാജൻ ജോൺ സെമിനാറിന് അധ്യക്ഷത വഹിക്കുകയും ചെയ്തു. ഡോ.ജോസ് ഡി.കൈപ്പളളിൽ, റോയ്സ് മാത്യു, ശാന്തി റോയ്,സുജ മോൻസൺ,ടാജിമോൾ ടി.എസ്, സുജ മേഴ്സി വർഗീസ്, സുമ എം.എസ് എന്നിവർ ക്ലാസുകൾക്ക് നേതൃത്വം നല്‍കുകയും നൂറോളം കുട്ടികൾ പങ്കെടുക്കുകയും ചെയ്തു.

പ്രിയമുളളവരെ,
തുമ്പമൺ ഭദ്രാസന യൂത്ത് അസോസിയേഷന്റെ നേതൃത്വത്തിൽ 2026 മാർച്ച് 1-ന് 3:00 മുതൽ 5:00 വരെ
"പരീക്ഷ ഒരുക്ക സെമിനാർ"
വള്ളിക്കോട് -കോട്ടയം സെന്റ് മേരീസ് യാക്കോബായ സുറിയാനി കത്തീഡ്രലിൽ വെച്ച്
നടത്തപ്പെടുന്നു.
തുമ്പമൺ ഭദ്രാസനത്തിലെ പ്രഗത്ഭരായ അധ്യാപകരുടെ നേതൃത്വത്തിൽ 05 മുതൽ +2 വരെയുളള ക്ലാസുകളിലെ കുട്ടികൾക്കായി
മൂന്ന് സെക്ഷനായിട്ടാണ് ക്ലാസ്സ്‌ നടത്തപ്പെടുന്നത്. പരീക്ഷ ഒരുക്ക സെമിനാറിലേക്ക് തുമ്പമൺ ഭദ്രാസനത്തിലെ
എല്ലാ കുട്ടികളേയും സ്നേഹത്തോടെ ക്ഷണിക്കുന്നു. എല്ലാ യൂത്ത് അസോസിയേഷൻ അംഗങ്ങളുടേയും സാന്നിധ്യവും പ്രതീക്ഷിച്ച് കൊളളുന്നു.

തുമ്പമൺ ഭദ്രാസന യൂത്ത് അസോസിയേഷൻ പ്രതിനിധികൾ പരിശുദ്ധ ബാവായെ സന്ദര്‍ശിച്ചു.

മഞ്ഞിനിക്കര : തുമ്പമൺ ഭദ്രാസന യൂത്ത് അസോസിയേഷൻ പ്രതിനിധികൾ മഞ്ഞിനിക്കരയിൽ ധ്യാന പ്രാർത്ഥന നടത്താൻ എഴുന്നള്ളി വന്ന പരിശുദ്ധ അന്തോഖ്യ സിംഹാസനാധിപനും, ആകമാന സുറിയാനി ഓർത്തഡോക്സ് സഭയുടെ പരമാധ്യക്ഷനുമായ പരിശുദ്ധ മോറാൻ മോർ ഇഗ്നാത്തിയോസ് അഫ്രേം രണ്ടാമൻ പാത്രിയർക്കീസ് ബാവായെ സന്ദര്‍ശിച്ചു. യൂത്ത് അസോസിയേഷൻ പ്രവർത്തനങ്ങളെ പറ്റി പരിശുദ്ധ ബാവായോട് വിശദീകരിക്കുകയും, യൂത്ത് അസോസിയേഷന്റേതായ ക്രിസ്തുമസ് ആശംസകൾ അറിയിക്കുകയും ചെയ്തു.

യൂത്ത് അസോസിയേഷൻ സെക്രട്ടറി എബീന എസ്. പോൾ, അല്മായ വൈസ് പ്രസിഡന്റ് ജിജോ ഈശോ, ട്രസ്റ്റി ക്രിസ് ജോൺ ബിജു, ജോയിന്റ് സെക്രട്ടറി ഷാരോൺ എസ്. മാത്യൂ, അഖില മലങ്കര പ്രതിനിധി മിബിൻ രാജൻ, ഓഡിറ്റർ മെറീന രാജി, എക്സിക്യൂട്ടീവ് കമ്മിറ്റി അംഗം ഹാനോക് സി. ജോർജ് കൂടിക്കാഴ്ചയിൽ പങ്കെടുത്തു.

മഹാപൗരോഹിത്യത്തിന്റെ 23 അനുഗ്രഹിത വർഷങ്ങൾ പൂർത്തിയാക്കുന്ന ഞങ്ങളുടെ പിതാവ് അഭിവന്ദ്യ യൂഹാനോൻ മെത്രാപ്പോലീത്തയ്ക്ക് പ്രാർത്ഥനാശംസകൾ.....🙏

മഹാപൗരോഹിത്യത്തിന്റെ 23 അനുഗ്രഹീത വർഷങ്ങൾ പൂർത്തിയാക്കുന്ന ഞങ്ങളുടെ ആത്മീയ പിതാക്കന്മാരായ അഭിവന്ദ്യ യൂഹാനോൻ മെത്രാപ്പോലീത്തയ്ക്കും, അഭിവന്ദ്യ അത്താനാസിയോസ് ഗീവർഗീസ് മെത്രാപ്പോലീത്തയ്ക്കും തുമ്പമൺ ഭദ്രാസന യൂത്ത് അസോസിയേഷന്റെ പ്രാർത്ഥനാശംസകൾ.....🙏