PEN GROUP
Share
06/07/2018
སྐུའི་འཁྲུངས་སྐར་དང་། སྨྱུག་སྡེ་སྙན་དེབ།
རྩོམ་སྒྲིག་པའི་གཏམ།
དོན་བྱ་དུ་མའི་ཐག་སྐུད་ཀྱིས་ང་ཚོའི་ཡན་ལག་དང་ཉིང་ལག་གང་པོ་བཀྱིགས་སོང་བས། དོན་དམ་དུ་དབྱངས་གསལ་གྱི་ཀློང་སྤྲུགས་ནས་མི་སེམས་སྒུལ་བའི་རོལ་དབྱངས་ཀྱི་སྐྱ་ཐིག་འབེབས་མཁན་དཀོན་སོང་།
དབྱངས་གསལ། རོལ་མོ་ལྟར་དུ་འཁྲོལ་མཁན་དང་། འགྱིག་བྱེ་རིལ་ལྟར་དུ་ལྡད་མཁན་ནི་མང་མང་གི་མཐོང་སྣེ་ན་མི་མཇལ་བའི་སྦས་མཐའི་འཁྱམས་པོ་དག་རེད། ད་ལན་ཡང་དབྱངས་གསལ་གྱི་འཇའ་གུར་ཀློང་དུ་ཆུ་བུར་མིག་གི་སྤྱོད་ཡུལ་ལས་འདས་པའི་འཇིག་རྟེན་གཞན་ཞིག་ཡོད་པར་ཐེ་མི་ཚོམ་པའི་འཁྱམས་པོ་སྐོར་ཞིག་དང་འགྲོགས་ནས། སྨྱུག་སྡེས་མུ་མཐུད་ནས་གོམ་པ་མདུན་དུ་སྤོས་ཡོད། སྨྱུག་སྡེས་འཁྱམས་པོ་ཚོ་ཡི་ལས་དབང་ལ་རྔོ་ཐོགས་ནུས་པ་གང་ཡང་མེད་ནའང་། ཁོང་ཚོའི་སྨྱུ་གུའི་གཟི་འོད་དང་། རྣམ་ཤེས་ཀྱི་རྒྱུད་སྐུད་དཀྲོལ་བའི་རོལ་མོ་ཁུར་ནས། ༸གངས་ཅན་མགོན་པོའི་སྐུའི་འཁྲུངས་སྐར་དུས་ཆེན་གྱི་མཆོད་སྤྲིན་དུ་དམིགས་ཏེ་སྤྱི་ཚོགས་མདུན་ཐོན་ཡོད།
འདི་ནས་དམིགས་ཀྱིས་བཀར་ནས་ཞུ་བྱ་ལ། བོད་ཀྱི་དེང་རབས་རྩོམ་པ་པོ་གྲགས་ཅན་སྐུ་ཞབས་སྐྱབས་ཆེན་བདེ་གྲོལ་ལགས་ནས་ང་ཚོའི་བཅར་འདྲི་དང་ལེན་གྱི་བཀའ་དྲིན་བསྐྱངས་པ་དང་། ཧྥ་རན་སིར་གནས་སྡོད་པ་མཁྱེན་ཡངས་ཅན་སྐུ་ཞབས་སྙན་བཟང་གཡུང་དྲུང་ཚེ་རིང་ལགས་ནས་གསེར་ལས་དཀོན་པའི་དུས་ཚོད་སྤྱད་དེ་ཧྥ་རན་སིའི་གྲགས་ཅན་སྙན་ངག་པ་ཞག་ལི་བྷོ་དྷི་ལེར་གྱི་མི་ཚེའི་ལོ་རྒྱུས་དང་། ཁོང་གི་སྙན་ངག་བརྩམས་ཆོས་རེ་གཉིས་ཧྥ་ཡིག་ཐོག་ཡོད་པ་གཙོ་བོར་གཞིར་བཞག་ནས་བྲིས་གནང་བའི་འོ་བརྒྱལ་བསྐྱོན་གནང་བ་བཅས་ལ། ངེད་སྨྱུག་སྡེ་རྩོམ་སྒྲིག་པས་བོད་ཀྱི་དབྱངས་གསལ་ལ་དགའ་ཞེན་ཆེ་བའི་ཀློག་པ་པོ་ཡོངས་ཀྱི་ཚབ་ཞུས་ཏེ་ཞེ་གཏིང་ནས་བཀའ་དྲིན་ཤིན་ཏུ་ཆེ་ཞེས་ཞུ་རྒྱུ་ཡིན།
སྨྱུག་སྡེ་རྩོམ་སྒྲིག་པས་ ༦/༡༥/༢༠༡༨ ཉིན།
06/04/2018
རྩོམ་བསྡུ་གསལ་བརྡ།
04/07/2017
Published
20/03/2017
རྩོམ་བསྡུ་གསལ་བརྡ།
06/07/2016
སྨྱུག་སྡེས་མི་རིགས་དང་སྐད་ཡིག་གི་བླ་སྲོག་མཐོ་རུ་འདེགས་བཞིན། ཤེས་ཡོན་པའི་རུ་དཔུང་ཞིག་གི་གྲོགས་དང་བསྡོངས་ཏེ་གངས་ཅན་མགོན་པའི་སྐུ་ཡི་འཁྲུངས་སྐར་བསུ་རུ་ཐོན་ཡོད་པས། སྙིང་ཉེ་རྣམས་ཀྱི་དགའ་བས་ལོངས་སུ་སྤྱོད་རོགས།
23/03/2016
རྩོམ་བསྡུའི་གསལ་བརྡ།
07/07/2015
འདས་པའི་ལོ་ངོ་གཉིས་ནས་བཟུང་། རྒྱལ་བའི་འཁྲུངས་སྐར་དང་སྟབས་བསྟུན་གངས་རིའི་མགོན་པོ་གང་ཉིད་ཐུགས་དགྱེས་པའི་མཆོད་སྤྲིན་དུ་དམིགས་ཏེ་འདོན་སྤེལ་ཞུས་པའི་སྨྱུག་སྡེའི་ཚགས་ཤོག་ཀྱང་། ད་ལམ་༸འཛམ་གླིང་ཞི་བདེའི་དེད་དཔོན་སྤྱི་ནོར་གོང་ས་ལྷ་མིའི་རྣམ་འདྲེན་རྒྱལ་བའི་དབང་པོ་མཆོག་དགུང་གྲངས་བརྒྱད་ཅུར་ཕེབས་པའི་སྐུའི་འཁྲུངས་སྐར་གྱི་དུས་ཚིགས་ཁྱད་པར་ཅན་འདིར། སྙན་ངག་དུས་དེབ་ཏུ་གོ་འཕོས་ནས་མགོན་པོ་གང་གི་འཁྲུངས་སྐར་ལ་ལེགས་སྐྱེས་ཀྱི་ཚུལ་དུ། གངས་རིའི་མགོན་པོའི་སྐུ་ཚེ་ཡུན་དུ་བརྟན་ཅིང་ཐུགས་ཀྱི་བཞེད་དོན་ཡོངས་འགྲུབ་ཀྱི་སྨོན་འདུན་དང་བཅས། སྙིང་ཉེ་བའི་རྩོམ་པ་པོ་རྣམ་པ་དང་རྒྱ་ཆེའི་ཀློག་པ་པོ་རྣམས་ཀྱི་སྤྱན་སྔར་ཐོན་ཡོད་པས། དགྱེས་གཟིགས་གནང་བར་ཞུ།
06/07/2013
སྨྱུག་སྡེ་ལ་དགའ་ཞེན་ཟབ་པའི་ཀློག་པ་པོ་རྣམ་པ།
06/07/2013
06/07/2013
07/06/2013
Click here to claim your Sponsored Listing.
Category
Contact the business
Website
Address
Ngagyur Nyingma Institute, P. O. Bylakuppe
Mysore
541104