Collector Arvalli

#ગુજરાતસરકાર
#મહેસૂલવિભાગ

📍*અગત્યનું*📍

*અરવલ્લી જિલ્લામાં અતિભારે વરસાદની આગાહીને પગલે આવતીકાલે તા.૦૧-૦૮-૨૦૨૬ના તમામ શૈક્ષણિક સંસ્થાઓમાં રજા જાહેર કરવામાં આવે છે.

અરવલ્લી જિલ્લા વહીવટી તંત્ર દ્વારા જાહેર કરવામાં આવે છે કે હવામાન વિભાગ તરફથી જિલ્લામાં અતિભારે વરસાદની આગાહી કરવામાં આવી છે. આ આગાહીને ધ્યાનમાં રાખીને વિદ્યાર્થીઓ, શિક્ષકો તેમજ કર્મચારીઓની સુરક્ષા અને જીવન રક્ષણની દૃષ્ટિએ આવતીકાલે એટલે કે તા. ૦૧-૦૮-૨૦૨૬ના રોજ જિલ્લાની તમામ શાળાઓ, કોલેજો, આંગણવાડી કેન્દ્રો તેમજ અન્ય તમામ શૈક્ષણિક સંસ્થાઓમાં રજા જાહેર કરવામાં આવી છે.

વાલીઓને વિનંતી કરવામાં આવે છે કે તેઓ પોતાના બાળકોને ઘરે જ રાખે તેમજ જિલ્લા વાસીઓને વરસાદી પરિસ્થિતિને ધ્યાનમાં રાખીને નદી-નાળાંઓ,નીચાણવાળા વિસ્તારો અને પૂરગ્રસ્ત વિસ્તારોમાંથી દૂર રહેવાની સલાહ આપવામાં આવે છે.

CMO Gujarat Revenue Department, Government of Gujarat Harsh Sanghavi Info Aravalli GoG Gujarat Information

હવામાન વિભાગે તા. 31 જુલાઈ માટે રાજ્યમાં અમદાવાદ સહિત 8 જિલ્લાઓમાં રેડ એલર્ટ જાહેર કરીને અત્યંત ભારે વરસાદની આગાહી કરી...

સચેત (SACHET) એપ – આપત્તિ સમયે આપનો વિશ્વસનીય ડિજિટલ સાથી
રાષ્ટ્રીય આપત્તિ વ્યવસ્થાપન સત્તાધિકારી (NDMA) દ્વારા વિકસાવવામાં આવેલ સચેત (SACHET) મોબાઈલ એપ હવે નાગરિકો માટે ઉપલબ્ધ છે.
આ એપનો હેતુ નાગરિકોને કુદરતી અને માનવસર્જિત આપત્તિઓ અંગે સમયસર અને અધિકૃત ચેતવણી પહોંચાડવાનો છે.
મુખ્ય ફાયદા:
• રીયલ-ટાઈમ ચેતવણી (ભારે વરસાદ, પૂર, ચક્રવાત, વીજળી, ભૂસ્ખલન, જંગલની આગ વગેરે)
• લોકેશન આધારિત Geo-Targeted Alerts
• IMDની હવામાન આગાહી અને દૈનિક અપડેટ
• Do’s & Don’ts માર્ગદર્શન
• ગુજરાતી સહિત ૧૨ ભારતીય ભાષાઓમાં ઉપલબ્ધ
કેવી રીતે ડાઉનલોડ કરવું?
1. Google Play Store પરથી SACHET એપ ડાઉનલોડ કરો
2. Location અને Notificationsની પરવાનગી આપો
3. પોતાના વિસ્તાર સાથે અન્ય જિલ્લા/રાજ્યને પણ સબસ્ક્રાઈબ કરો
આપત્તિ સમયે અફવાઓ નહીં, માત્ર અધિકૃત માહિતી પર વિશ્વાસ રાખો.
સાવચેતી રાખો • સુરક્ષિત રહો • અન્યને પણ સચેત કરો

અરવલ્લી જિલ્લામાં આગામી તા. 1 થી 7 ઓગષ્ટ,2026 દરમિયાન વિશ્વ સ્તનપાન સપ્તાહની ઉજવણી કરવામાં આવશે.આ વર્ષની થીમ “જીવનની ટકાઉ અને સ્વસ્થ શરૂઆત માટે સ્તનપાન:અસરકારક પ્રયાસોને વધુ મજબૂત બનાવીએ”(Breastfeeding for a Sustainable Start in Life: Strengthen What Works) છે.
અરવલ્લી જિલ્લાની સબ ડિસ્ટ્રિક્ટ હોસ્પિટલ-ભિલોડા, સામુહિક આરોગ્ય કેન્દ્રો (CHC), પ્રાથમિક આરોગ્ય કેન્દ્રો (PHC),આયુષ્માન આરોગ્ય મંદિરો (AAM) તથા સબ સેન્ટરો ખાતે વિવિધ જનજાગૃતિ કાર્યક્રમોનું આયોજન કરવામાં આવશે.આરોગ્ય કર્મચારીઓ,આશા કાર્યકરો,ફીમેલ હેલ્થ વર્કર અને આંગણવાડી કાર્યકરો દ્વારા સગર્ભા તથા ધાત્રી માતાઓને સ્તનપાનના મહત્વ અંગે વિસ્તૃત માર્ગદર્શન આપવામાં આવશે.સાથે જ ફોકલ ગ્રુપ ચર્ચા,આરોગ્ય શિક્ષણ, શપથવિધિ અને જનજાગૃતિ કાર્યક્રમો યોજાશે.

“પ્રસૂતિ બાદ પ્રથમ છ મહિના સુધી માત્ર અને માત્ર માતાનું ધાવણ” આપવાના મહત્વ અંગે વિશેષ સમજ આપવામાં આવશે.જન્મ પછીના પ્રથમ છ મહિના સુધી બાળકને ઉપરનું દૂધ, પાણી, મધ, ગળથૂથી, ખોરાક કે અન્ય કોઈપણ પદાર્થ આપવો જોઈએ નહીં. આ સમયગાળા દરમિયાન માત્ર માતાનું દૂધ જ બાળક માટે સંપૂર્ણ, સુરક્ષિત અને સર્વોત્તમ પોષણ પૂરું પાડે છે.

માતાનું ધાવણ બાળકને ડાયેરિયા, ન્યુમોનિયા સહિતના અનેક ચેપી રોગોથી બચાવવામાં મહત્વની ભૂમિકા ભજવે છે અને આવા ગંભીર રોગોનું જોખમ નોંધપાત્ર રીતે ઘટાડે છે. બાળકના શારીરિક અને માનસિક વિકાસ માટે પણ માતાનું દૂધ શ્રેષ્ઠ આહાર છે. પ્રસૂતિ પછી માતાના સ્તનોમાંથી નીકળતું પ્રથમ પીળાશ પડતું ઘાટું દૂધ ‘કોલોસ્ટ્રમ’ શિશુ માટે અત્યંત લાભદાયી છે. તેને શિશુનું પ્રથમ રસીકરણ પણ કહેવામાં આવે છે, કારણ કે તેમાં રહેલા રોગપ્રતિકારક તત્ત્વો બાળકની રોગપ્રતિકારક શક્તિમાં વધારો કરે છે અને તેને વિવિધ ચેપ તથા બીમારીઓ સામે રક્ષણ આપે છે.

જિલ્લા આરોગ્ય વિભાગ દ્વારા તમામ સગર્ભા મહિલાઓ, ધાત્રી માતાઓ અને તેમના પરિવારજનોને આ જનજાગૃતિ કાર્યક્રમોમાં જોડાઈ માતા અને બાળકના ઉત્તમ સ્વાસ્થ્ય માટે સ્તનપાનને પ્રોત્સાહન આપવા અનુરોધ કરવામાં આવ્યો છે.

Health & Family Welfare Department, Government of Gujarat WCD Gujarat- Women & Child Development Department, Government of Gujarat CMO Gujarat