Rahman Foundation

14/06/26 ko Rahman Foundation Branch Baramati ke janib se Baramati Care Clinic mein mun’aqid kiya gaya Blood Donation Camp Allah Ta’ala ke fazl-o-karam se kamyabi ke saath mukammal hua. Is camp mein 43 afrad ne apna qeemti khoon donate karke insaniyat ki khidmat mein hissa liya.

Hum tamam blood donors, volunteers aur is camp ko kamyab banane wale har shakhs ke shukr guzar hain.

Allah Ta’ala se dua hai ki Rahman Foundation aur uske tamam donors, volunteers aur khadimeen ki khidmaton ko qabool farmaye, unke maal, jaan aur waqt mein barkat ata farmaye aur is nek amal ko unke liye sadqa-e-jariya banaye.

Aameen Ya Rabbal Aalameen.

Miraj Civil Hospital Mein Rahman Foundation Ki taraf se Roti Bank Project Ka Aghaz

Rahman Foundation Sangli ne gareeb aur zarooratmand logon ki madad ke liye Roti Bank project ka aghaz 11 June 2026 ko Miraj Civil Hospital mein kiya.

Sangli Civil Hospital mein ye project 2024 se successfully chal raha hai, jisme ab tak 40 hazar se zyada zarooratmand logon ko khana diya ja chuka hai. Sangli mein rozana taqreeban 60 mareezon ke rishtedaaron aur unke sath rehne walon ko khana diya jata hai.

Ab yehi khidmat Miraj Civil Hospital mein bhi shuru ki gayi hai, jahan rozana taqreeban 40 mareezon ke rishtedaaron aur ahal-e-khanah ko khana faraham kiya jayega.

Iftitah ke mauqe par Rahman Foundation Sangli team ke rizakaron ke sath Miraj ke rizakar bhi mojood the. Iske alawa Miraj Civil Hospital ke afsaran aur amlay ne bhi shirkat ki aur is samaji kaam ki sataish ki.

Hospital mein mareezon ke khane ka intezam mojood hota hai, lekin unke sath aane wale rishtedaaron ko aksar khane ki pareshani hoti hai. Roti Bank project ke zariye aise zarooratmand logon ko khana diya jata hai.

Assalamu alaikum

Baroz jumerat 11/06/2026 ko Rahman Foundation Branch Konnur, Gokak ki janib se 50 Garib aur Mustahik families ko Ration Kit Distribute kiya gaya Alhamdulillah...

Allah tala se dua hai ke Allah tala Rahman Foundation aur Rahman Foundation ke Doners ki khidmat ko qubool farmaye