Joseph Vazhackan

രാവിലെ കാതിലേക്ക് എത്തിയത് ആരുടേയും നെഞ്ച് പിടയുന്ന വാർത്തയാണ്. കൊട്ടാരക്കരയിൽ ടിപ്പർ ലോറി ഇടിച്ചു മൂന്ന് പേർ മരണപ്പെട്ടു അതിൽ പിഞ്ച് മക്കളും ഉൾപ്പെടുന്നു എന്ന വാർത്ത ഞെട്ടലോടെയാണ് കേട്ടത്. ട്യൂഷനു പോയ കുട്ടികളും ജോലിക്കായി വീട്ടിൽ നിന്നിറങ്ങിയ മനുഷ്യരുമടക്കം എത്ര പേരുടെ ജീവിതമാണ് തകർക്കപ്പെട്ടത്. വാർത്തകളിൽ നിന്നും അറിയുന്നത് ടിപ്പർ അമിത വേഗതയിലായിരുന്നുവെന്നാണ്. നിയമങ്ങൾ എത്ര ശക്തമാണ് എന്ന് പറഞ്ഞാലും അത് അട്ടിമറിക്കുന്ന കാഴ്ചയാണ് കാണുന്നത്. ടിപ്പറുകളിൽ ഭൂരിഭാഗവും സ്പീഡ് ഗവർണർ ഒഴിവാക്കിയാണ് ഓടുന്നത്. നിയമത്തെ വെല്ലുവിളിക്കുന്ന ഇത്തരം ദാർഷ്ട്യത്തിന്റെ ഫലമാണ് വർധിച്ചു വരുന്ന അപകടങ്ങൾ. ഉത്തരവാദിത്ത രഹിതമായി വാഹനം ഓടിക്കുന്ന ഇത്തരം ഡ്രൈവർമാർക്കെതിരെ കർശന നടപടി സർക്കാർ സ്വീകരിക്കണം. ഗതാഗത വകുപ്പ് അടിയന്തരമായി ഈ വിഷയത്തിൽ ഇടപെടണം. പോലീസ് ടിപ്പർ ഡ്രൈവർമാരുടെ പശ്ചാത്തലവും ഏതെങ്കിലും തരത്തിൽ ലഹരിയോ മദ്യമോ ഉപയോഗിക്കുന്നുണ്ടോ എന്നതും അന്വേഷിക്കേണ്ടതാണ്. സ്കൂൾ സമയത്തടക്കം ടിപ്പറുകൾ പലതും നിരത്തിലുണ്ട്. കർശന പരിശോധന ഈ വിഷയത്തിൽ നടത്തണം. വീട്ടിൽ നിന്നും യാത്ര പറഞ്ഞിറങ്ങുന്ന മക്കൾ ചേതനയറ്റ ശരീരമായി തിരികെ വരുന്ന കാഴ്ച ഒരു മനുഷ്യനും സഹിക്കാൻ കഴിയുന്നതല്ല. അടിയന്തിര പ്രാധാന്യത്തോടെയുള്ള ഇടപെടൽ അനിവാര്യമാണ്.

ചരിത്രം കുറിച്ചിരിക്കുകയാണ്. സ്ത്രീ ശാക്തീകരണത്തിന്റെ മാതൃകയാണ് നടപ്പിലാക്കിയിരിക്കുന്നത്. കേരളത്തിന്റെ ചരിത്രത്തിൽ അടയാളപ്പെടുത്താൻ പോകുന്ന വലിയ മുന്നേറ്റത്തിനൊപ്പം കേരള ജനതയുണ്ട്. ബഹിഷ്കരണ നിലപാടുകൾക്കൊന്നും സ്ഥാനമില്ലാത്ത വിധം പ്രിയദർശിനി പദ്ധതിയെ വനിതകൾ ഏറ്റെടുത്ത കാഴ്ചയാണ് കാണുന്നത്.

യൂ ഡി എഫ് സർക്കാരിന് അഭിനന്ദനങ്ങൾ.

ഏറെ പ്രിയപ്പെട്ട മത്തച്ചൻ പുതിയിടത്തു ചാലിലിന്റെ നിര്യാണം അതിയായ ദുഃഖത്തോടെയാണ് അറിഞ്ഞത്. ഐക്യ ജനാധിപത്യ മുന്നണിയുടെ രാമപുരം മണ്ഡലം കൺവീനർ എന്ന നിലയിലും പഞ്ചായത്തിന്റെ മുൻ ഭരണസമിതി അംഗം എന്ന നിലയിലും കേരളാ കോൺഗ്രസ്‌ നേതാവ് എന്നനിലയിലും പൊതുരംഗത്ത് സ്തുത്യർഹമായ സേവനങ്ങൾ കാഴ്ചവെച്ച അദ്ദേഹം എല്ലാവർക്കും പ്രിയങ്കരനും ജനകീയനുമായ നേതാവായിരുന്നു.

നിഷ്‌കളങ്കമായ പൊതുപ്രവർത്തനവും സൗഹൃദപരമായ പെരുമാറ്റവും കൊണ്ട് അനേകരുടെ ഹൃദയങ്ങളിൽ സ്ഥാനം നേടിയ അദ്ദേഹത്തിന്റെ വേർപാട് രാമപുരത്തിന്റെ പൊതുജീവിതത്തിന് തീരാനഷ്ടമാണ്.

ഈ ദുഃഖവേളയിൽ അദ്ദേഹത്തിന്റെ കുടുംബാംഗങ്ങളുടെയും സുഹൃത്തുക്കളുടെയും സഹപ്രവർത്തകരുടെയും ദുഃഖത്തിൽ പങ്കുചേരുന്നു. പരേതന്റെ ആത്മാവിന് നിത്യശാന്തി ലഭിക്കട്ടെയെന്ന് പ്രാർത്ഥിക്കുന്നു.

ആദരാഞ്ജലികൾ… പ്രാർത്ഥനയോടെ...

മലയാളത്തിന്റെ സ്വന്തം സലീം കുമാറിന് വിട.

സിനിമ പ്രേമികളെ ഏറ്റവും കൂടുതൽ ചിരിപ്പിച്ച ചിരി വിസ്മയമാണ് സലീം കുമാർ. ഒപ്പം കണ്ണ് നിറയ്ക്കുന്ന അഭിനയ പ്രകടനം കൊണ്ട് ഇന്ത്യൻ സിനിമയിൽ അടയാളപ്പെടുത്തിയ മഹാ നടനുമാണ് സലീം.

ഓർത്തെടുക്കാൻ എത്രയോ കഥാപാത്രങ്ങൾ... മലയാളികളുടെ ദൈനം ദിന ജീവിതത്തിൽ പറഞ്ഞു പോകുന്ന എത്രയോ സിനിമ ഡയലോഗുകൾ... ആരായിരുന്നു സലീം കുമാർ എന്ന് ചോദിച്ചാൽ മലയാളികളുടെ മനസ്സിനെ തൊട്ടറിഞ്ഞ ഹാസ്യ വിസ്മയം എന്ന് വിശേഷിപ്പിക്കാനാണ് ഇഷ്ടം.

ഉറച്ച രാഷ്ട്രീയ നിലപാടുള്ള കലാകാരൻ കൂടിയായിരുന്നു സലീം. സിനിമ മേഖലയിൽ നിന്നും കോൺഗ്രസ്‌ പ്രസ്ഥാനത്തെ നെഞ്ചേറ്റിയ നട്ടെല്ലുള്ള കലാകാരൻ. പ്രതിസന്ധികൾ നിറഞ്ഞ പ്രതിപക്ഷ കാലത്തും കോൺഗ്രസ്‌ പാർട്ടിക്കായി നിലകൊണ്ട വ്യക്തിത്വം.

പ്രിയപ്പെട്ട നടന്,
ആർജ്ജവമുള്ള കലാകാരന്,
കോൺഗ്രസിന് വേണ്ടി നിലകൊണ്ട പ്രിയങ്കരനായ കോൺഗ്രസുകാരന് ആദരാഞ്ജലികൾ.

കോഴിക്കോട്ടേക്ക് ഇങ്ങനെയൊരു യാത്രയും ഇത് പോലൊരു അനുസ്മരണ യോഗവും ഒട്ടും ആഗ്രഹിച്ചതല്ല. രാഷ്ട്രീയത്തിൽ നിന്നും ലഭിച്ചതിൽ ഏറ്റവും വില പിടിപ്പുള്ളതായി കണക്കാക്കുന്നത് ആത്മബന്ധങ്ങളാണ്. അത്തരത്തിൽ ആത്മബന്ധങ്ങളുടെ പട്ടികയിൽ ഇടം പിടിച്ച പ്രിയപ്പെട്ട ബാലനാരായണന്റെ, ഞങ്ങളുടെ ബാലാജിയുടെ കുടുംബത്തെ കാണാനും അനുസ്മരണ യോഗത്തിൽ പങ്കെടുക്കാനുമാണ് കോഴിക്കോട് എത്തിയത്. വിദ്യാർത്ഥി യുവജന കാലം മുതൽ കൂടെയുണ്ടായിരുന്ന സഹപ്രവർത്തകനായിരുന്നു ബാലാജി. കോഴിക്കോട് ജില്ലയിലെ കെ എസ് യൂ യൂത്ത് കോൺഗ്രസ്‌ പോരാട്ടങ്ങൾക്ക് നേതൃത്വം നൽകിയ ജില്ലാ അധ്യക്ഷൻ എന്ന നിലയിലും കോൺഗ്രസ്‌ നേതാവ് എന്ന നിലയിലും പ്രസ്ഥാനത്തിനായി ഒരു ജീവിത കാലം മുഴുവൻ മാറ്റി വച്ച പ്രിയപ്പെട്ടവൻ... എന്നും കോഴിക്കോട്ടേക്ക് വരുമ്പോൾ ഒരു വിളിപ്പുറത്ത്‌ ഉണ്ടാകുന്നവൻ... പ്രിയപ്പെട്ട ബാലാജിയുമായിട്ടുള്ള ഓർമ്മകൾ അനവധിയാണ്. പതിറ്റാണ്ടിന്റെ ആഴവും കരുത്തുമുള്ള സഹോദര ബന്ധമാണ് എനിക്കു നഷ്ടമായത്. പേരാമ്പ്ര ചങ്ങരോത്ത്‌ മണ്ഡലം കോൺഗ്രസ്‌ കമ്മിറ്റി സംഘടിപ്പിച്ച ബാലനാരായണൻ അനുസ്മരണ യോഗത്തിൽ പങ്കെടുത്തു. അദ്ദേഹത്തിന്റെ കുടുംബത്തെ നേരിൽ കണ്ട് അനുശോചനം രേഖപ്പെടുത്തി.

കർണാടകയുടെ മുഖ്യമന്ത്രിയായി ചുമതലയേറ്റ പ്രിയപ്പെട്ട ഡി കെ ശിവകുമാറിന് അഭിനന്ദനങ്ങൾ.

വ്യക്തിപരമായി ഏറ്റവും സന്തോഷം നിറഞ്ഞ ദിവസമാണ്. കെ എസ് യൂവിലൂടെ രാഷ്ട്രീയ രംഗത്തേക്ക് കടന്ന് വന്ന് കേരളത്തിന്റെ പൊതു മണ്ഡലത്തിൽ അടയാളപ്പെടുത്തിയ പേരാണ് ഷാനിമോൾ ഉസ്മാൻ. സ്ത്രീ വിഷയങ്ങളിൽ അടക്കം ശക്തമായ നിലപാടുകൾ ഉയർത്തി പിടിച്ച രാഷ്ട്രീയ അസ്തിത്വമാണ് ഷാനിമോളുടേത്. വിവിധ ഭാഷകൾ കൈകാര്യം ചെയ്യുന്നതിലടക്കം മികവ് പുലർത്തി കോൺഗ്രസ്‌ പാർട്ടിക്കായി രാജ്യത്തുടനീളം പ്രവർത്തിച്ച പ്രവർത്തന പാരമ്പര്യമാണ് ഷാനിമോളെ നയിക്കുന്നത്. ഏതാണ്ട് നാല് പതിറ്റാണ്ടിന്റെ ആത്മബന്ധമാണ് എനിക്കുള്ളത്. മൂന്നര പതിറ്റാണ്ടിന് ശേഷം ഒരു വനിത കേരള നിയമസഭയുടെ ഡെപ്യൂട്ടി സ്പീക്കർ സ്ഥാനത്തേക്ക് വരുമ്പോൾ അത് ഷാനിമോൾ ആകുമ്പോൾ വലിയ സന്തോഷമുണ്ട്. ഉത്തരവാദിത്ത ബോധത്തോടെ, മികവോടെ ആ ദൗത്യം നിർവഹിക്കാൻ ഷാനിമോൾക്ക് കഴിയട്ടെ.പ്രിയപ്പെട്ട സഹപ്രവർത്തകക്ക് ഡെപ്യൂട്ടി സ്പീക്കറുടെ ഓഫീസിൽ എത്തി അഭിനന്ദനങ്ങൾ നേർന്നു.

നമ്മെ വിട്ട് പിരിഞ്ഞ പ്രിയപ്പെട്ട കോൺഗ്രസ്‌ നേതാവ് ധനപാലന്റെ വീട്ടിലെത്തി അനുശോചനം അറിയിച്ചു. ഒപ്പം പ്രിയങ്കരനായ എ ഐ സി സി ജനറൽ സെക്രട്ടറി കെ സി വേണുഗോപാലും...

പ്രിയപ്പെട്ട കുരുവിളാൻ ചേട്ടന് ആദരാഞ്ജലികൾ അർപ്പിച്ചു.

പ്രിയപ്പെട്ട സഹപ്രവർത്തകനും സുഹൃത്തുമായിരുന്ന കെ ബാലനാരായണന് ആദരാഞ്ജലികൾ നേരുന്നു. കെ എസ് യൂ കോഴിക്കോട് ജില്ല പ്രസിഡന്റ്‌, യൂത്ത് കോൺഗ്രസ്‌ ജില്ല പ്രസിഡന്റ്‌, യൂ ഡി എഫ് ജില്ല ചെയർമാൻ തുടങ്ങി ഒട്ടേറെ പദവികൾ അലങ്കരിച്ചിട്ടുണ്ട്. കോൺഗ്രസ്‌ പ്രസ്ഥാനത്തിന് വേണ്ടി കഠിനധ്വാനം ചെയ്ത വ്യക്തിയായിരുന്നു അദ്ദേഹം. ആകസ്മികമായ വേർപാടാണ് ബാലനാരായണന്റേത്. വ്യക്തിപരമായി അടുത്ത സുഹൃത്തിനെ കൂടിയാണ് എനിക്കു നഷ്ടമാകുന്നത്. പ്രിയപ്പെട്ടവന്റെ ആത്മാവിനു നിത്യശാന്തി നേരുന്നു.