Krystal Scan kolhapur

रक्तवाहिन्यांच्या आरोग्याची आणि रक्ताभिसरणाची अचूक स्थिती जाणून घेण्यासाठी 'डॉपलर सोनोग्राफी' अत्यंत महत्त्वाची आहे. रक्ताच्या गाठी (DVT), व्हेरिकोज वेन्स किंवा गर्भातील बाळाच्या रक्तपुरवठ्याबाबतच्या समस्यांचे वेळीच निदान करण्यासाठी क्रिस्टल स्कॅन, कोल्हापूर येथे तज्ज्ञ डॉक्टरांचे मार्गदर्शन घ्या.

प्रगत तंत्रज्ञान आणि अचूक रिपोर्टसाठी मागील १४ वर्षांपासून कोल्हापूरकरांचा विश्वासार्ह पर्याय—क्रिस्टल स्कॅन!

क्रिस्टल स्कॅन
नवीन पत्ता - रॉयल मिराज आर्केड,
क्रोमा स्टोअर बिल्डींग, शॉप क्र. १ व २,
रेल्वे स्टेशनसमोर,
कोल्हापूर.

मो. 9665466464

#डॉपलरसोनोग्राफी #कोल्हापूर #आरोग्यजागृती #अचूकनिदान

सुवर्णसंधी

बाजार मानकांनुसार उत्कृष्ट वेतनासह नोकरीची सुवर्णसंधी

क्रिस्टल स्कॅन (Krystal Scan), कोल्हापूर येथे खालील पदांसाठी भरती सुरू आहे:

1.रेडिओलॉजी टेक्निशियन (Radiology Technician)

2.टायपिस्ट (Typist)

3.रिसेप्शनिस्ट(Receptionist)

4. मॅनेजमेंट पर्सन. Management person.

इच्छुक उमेदवारांनी मुलाखती साठी
क्रिस्टल स्कॅन कोल्हापूर येथे रविवारी तारीख 24 मे 2026 रोजी , (sunday) सकाळी 10 ते संध्याकाळी 4 पर्यंत यावे.
पत्ता
रेल्वे स्टेशन समोर
चंदू काका सराफ शोरूम च्या खाली
ग्राउंड फ्लोअर.
फोन नंबर 8686 46 6464
बाजार मानकांनुसार चे वेतन"

आज (१० मे) जागतिक मातृदिन...

आई... या दोनच अक्षरात अथांग वात्सल्य आणि प्रेम एकवटले आहे. मनुष्य जन्माला आल्यावर पहिली दोन अक्षरे म्हणतो ती हीच.. आईची महती शब्दांत वर्णन करणे केवळ अशक्य. आईबद्दल कृतज्ञता आणि आदर व्यक्त करण्यासाठी आणि तिचे प्रत्येकाच्या आयुष्यातील अनन्यसाधारण महत्त्व समजून घ्यावे, या उद्देशांनी जगभरात दरवर्षी मे महिन्यातील दुसरा रविवार ‘मातृदिन’ म्हणून साजरा केला जातो.

आईबद्दल प्रेम व्यक्त करण्यासाठी एखाद्या खास दिवसाची गरज नसते. कारण मातापिता, गुरु हे आदरणीय आहेत, त्यांना पूज्य मानावे अशी आपल्या संस्कृतीची शिकवण आहे. पण आईसाठी असा खास दिवस असावा, अशी संकल्पना मांडली गेली. त्यातूनच जागतिक पातळीवर मातृदिन साजरा होऊ लागला.

सती अनसूया, रेणुका, कौसल्या, सीतामाता, देवकी, यशोदा, कुंती, जिजाऊ या थोर स्त्रिया विश्ववंद्य आहेत. त्याचबरोबरीने कोणाचीही माता असू दे, ती वंदनीयच असते, अशी आपल्या भारतीय संस्कृतीची शिकवण आहे. अनेकांनी आईचे वात्सल्य, त्याग, नि:स्वार्थी भावना याची महत्ता सांगणारी उत्तमोत्तम काव्ये, गीते रचली आहेत. ‘आई माझा गुरु, आई कल्पतरू’ हे साने गुरुजींचे शब्द अतिशय सार्थ वाटतात...

जागतिक मातृदिनानिमित्त जगातील सर्व मातांना स्नेहादरपूर्वक वंदन...

#आई #माता #जागतिक_मातृदिन #शुभेच्छा #प्रणाम

आज (६ मे) राजर्षी छत्रपती शाहू महाराजांचा पुण्यदिन...

ब्रिटिशकाळात अनेक संस्थानिक जनतेच्या प्रश्नांकडे दुर्लक्ष करून स्वार्थी कारभार करीत असताना कोल्हापूर संस्थानाचे राजे असलेल्या छत्रपती शाहू महाराजांनी लोककल्याणकारी कारभार केला. यास्तव ते खऱ्या अर्थाने ‘लोकराजे’ ठरले.

शाहू महाराजांचा जन्म २६ जून १८७४ रोजी झाला. त्यांचे बालपणीचे नाव 'यशवंतराव' होते. त्यांच्या वडिलांचे नाव श्रीमंत जयसिंगराव आबासाहेब घाटगे होते. कोल्हापूर संस्थानात दत्तक गेल्यानंतर काही वर्षांनी ते ‘राजे’ बनले. आपण प्रजेचे सेवक आहोत, असे ते मानत. त्यामुळे त्यांनी राज्याचा खजिना लोककल्याणार्थ खुला केला.

शाहू महाराजांनी कोल्हापूर राज्यात दलितांना ५० टक्के आरक्षण दिले. बालविवाह प्रथा बंद केली. विधवा विवाहाला कायदेशीर मान्यता दिली. शिक्षण प्रसार केला. दलित मुलांना मोफत शिक्षण देण्याचा निर्णय घेतला. गरीब विद्यार्थ्यांसाठी वसतिगृहे स्थापन केली. पुरोहितशाहीतील अनिष्ट गोष्टींना कडाडून विरोध केला. १९१८ साली राज्यातील जुनी परंपरा - वतनदारी संपुष्टात आणली. कलाकार, खेळाडूंना, उद्योगांना प्रोत्साहन दिले. शेतकऱ्यांच्या कल्याणासाठी विविध योजना सुरू केल्या. स्वयंचलित दरवाजे असलेल्या राधानगरी धरणाची उभारणी केली.

संस्थानकाळात शाहू महाराजांसारखा द्रष्टा, लोककल्याणकारी कारभार करणारा, उमद्या मनाचा राजा दुसरा झाला नाही. त्यामुळे कोल्हापूरचा नावलौकिक देशभरात झाला. त्यांचे विचार आणि कार्य सर्वांना प्रेरणा देणारे आहे. राजर्षी शाहू महाराजांना पुण्यदिनानिमित्त विनम्र अभिवादन...

#राजर्षी_शाहू_महाराज #लोकराजा #कोल्हापूर #पुण्यदिन #अभिवादन

आज (१ मे) महाराष्ट्र दिन व मराठी राजभाषा दिन...

स्वातंत्र्यानंतर देशात भाषावार पुनर्रचनेनुसार अनेक राज्ये अस्तित्वात आली. गुजरात आणि महाराष्ट्र हे मुंबई प्रांताचे भाग होते. या प्रांतात मराठी आणि गुजराथी भाषिकांची संख्या अधिक असल्याने दोन्ही भाषिकांकडून स्वतंत्र राज्याची मागणी केली जात होती.

महाराष्ट्राच्या निर्मितीसाठी मराठी जनांना केंद्र सरकारशी कडवा संघर्ष करावा लागला. आंदोलकांवर २१ नोव्हेंबर १९५६ रोजी सरकारने गोळीबार केला, त्यामध्ये १०६ जण हुतात्मा झाले. त्यानंतर आंदोलन आणखी चिघळले. अखेर १ मे १९६० रोजी मराठी भाषिकांसाठी महाराष्ट्र तर गुजराथी भाषिकांसाठी गुजरात राज्याची निर्मिती झाली. महाराष्ट्र दिन केवळ उत्सवाचा दिवस नाही, तर येथील जनतेची लवचिकता, एकता आणि सांस्कृतिक समृद्धतेचा पुरावा आहे.

सर्व महाराष्ट्रीय जनांना ‘महाराष्ट्र दिना’च्या मन:पूर्वक शुभेच्छा...
--------------------------------------

महाराष्ट्र राज्याच्या निर्मितीनंतरही राज्यकारभार मराठीऐवजी इंग्रजीतूनच चालत होता, जे व्यावहारिकदृष्ट्या अडचणीचे होते. त्यामुळे तत्कालीन मुख्यमंत्री वसंतराव नाईक यांनी मराठी राजभाषा अधिनियम पारित केला. ‘मराठी’ प्रशिक्षण वर्ग उघडण्यात आले. मराठीचा शासन व्यवहारात वापर करण्याच्या उद्देशाने भाषा संचालनालय स्थापन झाले. १ मे १९६५ पासून ‘मराठी राजभाषा दिन’ साजरा करण्यात येऊ लागला.

समस्त मराठी जनांना ‘मराठी राजभाषा दिना’च्या हार्दिक शुभेच्छा...

#महाराष्ट्र #महाराष्ट्र_राज्य_स्थापना_दिन #महाराष्ट्रीय #मराठी #मराठी_राजभाषा_दिन #शुभेच्छा