Radio Rangh

കാപ്പിൽ ബീച്ച് സംരക്ഷണത്തിന് : ബഹുജന ശുചിത്വ ക്യാമ്പയിൻ ശ്രദ്ധേയമായി

ഇടവയിലെ കാപ്പിൽ ബീച്ച് സംരക്ഷണത്തിനായി ഒരുക്കിയ ബഹുജന ശുചിത്വ ക്യാമ്പയിൻ - സ്വച്ഛതാ ഹി സേവ 2026 - ശ്രദ്ധേയമായി.

അന്താരാഷ്ട്ര തീരദേശ ശുചീകരണ ദിനത്തോടനുബന്ധിച്ച് പരിസ്ഥിതി,വനം, കാലാവസ്ഥാവ്യതിയാന മന്ത്രാലയം, നാഷണൽ കോസ്റ്റൽ മിഷൻ സ്കീമിന്റെ ഭാഗമായി, കേരള സർക്കാരുമായി സഹകരിച്ച് ബീച്ച് ശുചീകരണ പ്രവർത്തനങ്ങൾ സംഘടിപ്പിക്കുവാൻ നിർദ്ദേശിച്ചതിന്റെ അടിസ്ഥാനത്തിൽ കാപ്പിൽ ബീച്ചിൽ സംഘടിപ്പിച്ച ക്യാമ്പയിനായിരുന്നു ഏറെ ശ്രദ്ധേയമായത്.

ഇതിനായി മന്ത്രാലയം അനുവദിച്ചിരുന്ന സാമ്പത്തിക സഹായത്തിന്റെ അടിസ്ഥാനത്തിലാണ് തിരുവനന്തപുരം ജില്ലയിൽ ക്യാമ്പയിനു വേണ്ടി കാപ്പിൽ ബീച്ചിനെ തിരഞ്ഞെടുത്തത്.

നാഷണൽ കോസ്റ്റൽ മിഷൻ സ്കീമിന്റെ ഭാഗമായി കേരള സർക്കാരിന്റെയും തിരുവനന്തപുരം ജില്ലാ ശുചിത്വമിഷന്റെയും ഇടവ ഗ്രാമപഞ്ചായത്തിന്റെയും സംയുക്ത ആഭിമുഖ്യത്തിലാണ് ക്യാമ്പയിൻ സംഘടിപ്പിച്ചത്.

കഴിഞ്ഞദിവസം കാപ്പിൽ ബീച്ചിൽ നടന്ന പരിപാടിയുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് വി. പ്രിയദർശിനി നിർവഹിച്ചു.

ഇടവ ഗ്രാമപഞ്ചായത്ത് പ്രസിഡന്റ് റീതു മോഹനൻ അധ്യക്ഷയായിരുന്നു. വർക്കല ബ്ലോക്ക് പഞ്ചായത്ത് പ്രസിഡന്റ് സന്തോഷ് കുമാർ മുഖ്യപ്രഭാഷണം നടത്തി.

ശുചിത്വമിഷൻ കോഡിനേറ്റർ അരുൺ രാജ് വിഷയാവതരണം നടത്തി.

ഇടവ പഞ്ചായത്ത് ഹെൽത്ത് ഇൻസ്പെക്ടർ സൗമ്യ. ആർ. എസ് ചൊല്ലിയ പ്രതിജ്ഞ ക്യാമ്പയിനിൽ പങ്കെടുത്തവർ ഏറ്റുചൊല്ലി.

ഗ്രാമപഞ്ചായത്ത് വൈസ് പ്രസിഡന്റ് പി.സി. ബാബു, ബ്ലോക്ക് പഞ്ചായത്ത് അംഗം ടി.കൃഷ്ണകുമാർ, ഇടവ പഞ്ചായത്ത് സ്റ്റാൻഡിങ് കമ്മിറ്റി ചെയർമാൻമാരായ ഷാബിന.ടി, ഷൈലജ. എസ് , ബിനു. ജി, ഗ്രാമപഞ്ചായത്ത് മെമ്പർമാർ തുടങ്ങിയവർ സംസാരിച്ചു.

ഇടവ പഞ്ചായത്ത് സെക്രട്ടറി ഗിരീഷ് ലാൽ. എൻ.സി, അസിസ്റ്റന്റ് സെക്രട്ടറി ജയശ്രീ. എം.എം എന്നിവരും പഞ്ചായത്ത് ജീവനക്കാരും കാപ്പിൽ ഗവൺമെന്റ് ഹയർ സെക്കൻഡറി സ്കൂളിലെ വിദ്യാർഥികളും ഇടവ എം ആർ എം കെ എം എച്ച്എസ്എസിലെ വിദ്യാർത്ഥികളും ഇടവയിലെ ഹരിത കർമ്മ സേന അംഗങ്ങളും രാവിലെ ഏഴിന് ആരംഭിച്ച ക്യാമ്പയിന്റെ ഭാഗമായി.

മുൻ ഗ്രാമപഞ്ചായത്ത് അംഗങ്ങളും നിരവധി ജനപ്രതിനിധികളും തൊഴിലുറപ്പ് തൊഴിലാളികളും പൊതുജനങ്ങളും ശുചീകരണത്തിന്റെ ഭാഗമായി രംഗത്തുണ്ടായിരുന്നു.

ക്യാമ്പയിന്റെ ഭാഗമായി സ്കൂൾ വിദ്യാർത്ഥികൾക്ക് വേണ്ടി മറൈൻ പൊലൂഷൻ എന്ന വിഷയത്തെ അധികരിച്ച് സ്കൂളുകളിൽ നടത്തിയ പെയിന്റിംഗ് മത്സരത്തിൽ വിജയികളായവരുടെ പെയിന്റിങ്ങുകൾ ബീച്ചിൽ പ്രദർശിപ്പിക്കുകയുണ്ടായി.

ജില്ലാ ശുചിത്വ മിഷൻ പ്രതിനിധികളും ജില്ലാ ടൂറിസം പ്രമോഷൻ കൗൺസിൽ പ്രതിനിധികളും ക്യാമ്പയിനിൽ പങ്കെടുക്കാൻ എത്തിയിരുന്നു.

തീരദേശത്ത് അടിഞ്ഞുകൂടിയതും വിനോദസഞ്ചാരികൾ ഉപേക്ഷിച്ചതുമായ മാലിന്യങ്ങൾ നീക്കുന്നതിനോടൊപ്പം തീരദേശത്തെ സംരക്ഷിക്കുന്നതിന്റെയും ശുചീകരിക്കുന്നതിന്റെയും മാലിന്യ സംസ്കരണത്തിന്റെയും സന്ദേശം പൊതുജനങ്ങളിൽ എത്തിക്കുക എന്ന ലക്ഷ്യത്തോടുകൂടിയായിരുന്നു ക്യാമ്പയിന്റെ സംഘാടനം.

ഇടവയിൽ കൊയ്ത്ത് മേളം. ദശാബ്ദങ്ങൾക്ക് ശേഷം ഇടവാക്കുളം ഏലയിൽ കൊയ്ത്തുമേളം

ഒരു ദശാബ്ദ കാലത്തെ ഇടവേളയ്ക്കുശേഷം, ഇടവാക്കുളം ഏലയിൽ വിളഞ്ഞ, നെൽക്കതിർ കൊയ്ത്തിന്റെ നവോന്മേഷത്തിലാ യിരുന്നു, വിളവെടുപ്പ് ഉത്സവത്തിന് എത്തിയവർ.

ദീർഘകാലമായി തരിശായി കിടന്ന നെൽപ്പാടത്തിന്റെ വീണ്ടെടുപ്പ് കൂടിയായിരുന്നു കതിർ കൊയ്ത്തുത്സവം.

തരിശു വയലുകൾ തിരിച്ചുപിടിക്കുക എന്ന ഇടവ ഗ്രാമപഞ്ചായത്തിന്റെ ലക്ഷ്യപ്രാപ്തിക്കാണ് കൊയ്ത്തുത്സവം പച്ചക്കൊടി കാട്ടിയത്.

ഇടവ ഗ്രാമപഞ്ചായത്തിലെ ഇടവാക്കുളം പാടശേഖരത്തിലെ നെൽകൃഷിയുടെ കൊയ്ത്ത് ഉത്സവത്തിന്റെ ഉദ്ഘാടനം വി.ജോയ്. എംഎൽഎ നിർവഹിച്ചു.

ഗ്രാമപഞ്ചായത്ത് പ്രസിഡന്റ് റീതുമോഹൻ അധ്യക്ഷയായിരുന്നു.

വൈസ് പ്രസിഡന്റ് പി.സി.ബാബു , സ്റ്റാൻഡിങ് കമ്മിറ്റി ചെയർമാൻമാരായ ഷൈലജ.എസ് , ബിനു. ജി , ഷാബിന. ടി, മെമ്പർമാരായ എസ്.മോഹനൻ നായർ, രവീന്ദ്രൻ നായർ, റിസ്വാന അഷ്റഫ് , സൽമാൻ. ടി. എ, ഓടയം പാടശേഖരസമിതി സെക്രട്ടറി ശശിധരൻ . കെ, കൃഷി ഓഫീസർ അനശ്വര. ആർ.എസ്, കൃഷി അസിസ്റ്റന്റ് മാരായ അനീഷ്. എം.യേശുദാസൻ, നൂർനിസ എന്നിവരെ കൂടാതെ കാർഷിക വികസന സമിതി അംഗങ്ങൾ, കാർഷിക കർമ്മ സേന അംഗങ്ങൾ, പാടശേഖരസമിതി പ്രതിനിധികൾ, വിദ്യാർത്ഥികൾ തുടങ്ങിയവരൊക്കെ കൊയ്ത്തുത്സവത്തിൽ പങ്കെടുക്കുവാൻ എത്തിച്ചേർന്നിരുന്നു.

കഴിഞ്ഞ 10 വർഷത്തിലേറെക്കാ ലമായി തരിശായി കിടന്നിരുന്ന 20 ഏക്കർ വരുന്ന ഇടവക്കുളം പാടശേഖരമാണ് ഇപ്പോൾ നൂറുമേനി വിളവെടുപ്പിനായി ഒരുങ്ങിയത്.

ഇടവ കാർഷിക കർമ്മ സേനയുടെയും, ഓടയം പാടശേഖരസമിതിയുടെയും, ഇടവാക്കുളം ഏലയിലെ കർഷകരുടെയും കൂട്ടായ പരിശ്രമത്തിന്റെ ഫലമാണ് ഇപ്പോഴത്തെ വിളവെടുപ്പ്.

പൂർണ്ണമായും ജൈവകൃഷി രീതിയിലാണ് നടപ്പിലാക്കിയിട്ടുള്ളത്.

നൂറുമേനി വിളവെടുപ്പിന് പാടശേഖരത്തെ പ്രാപ്തമാക്കിയ, കർഷക പ്രതിനിധികളെ എംഎൽഎ ആദരിച്ചു.

നെൽ കൃഷിയും, കതിർ കൊയ്ത്തും കണ്ടിട്ടില്ലാത്ത വിദ്യാർത്ഥികൾക്ക് കൊയ്ത്ത് ഉത്സവം നവ്യാനുഭവമായി.

വിളവെടുപ്പ് ഉത്സവം കാണുവാനായി ഇടവ എം ആർ എം കെ എം എം ഹയർസെക്കൻഡറി സ്കൂളിലെ വിദ്യാർത്ഥികളാണ് എത്തിച്ചേർന്നിരുന്നത്.

ഇടവാക്കുളം ഏലയുടെ ഒരു ഭാഗം പാർപ്പിട ആവശ്യങ്ങൾക്ക് ഉപയോഗപ്പെടുത്തി തുടങ്ങിയിട്ടുണ്ടെങ്കിലും ശേഷിക്കുന്ന ഭൂരിഭാഗം പ്രദേശവും കൃഷിക്ക് ഉപയുക്തമാക്കുക എന്ന ഇടവ ഗ്രാമപഞ്ചായത്തിന്റെ ആഗ്രഹ നിവർത്തിക്കുവേണ്ടിയുള്ള ഭഗീരത പ്രയത്നത്തിന്റെ ഫലമായിരുന്നു വിളവെടുപ്പ് ഉത്സവം.

ഏലയുടെ പരിസരവാസികൾക്കും വിളവെടുപ്പ് ഹൃദ്യാനുഭവമായി.

കാമുകന്റെ അപ്രതീക്ഷിത വിയോഗം തീർത്ത ശൂന്യതയും, ആരും കാണാതെ ആ മിന്നായം പോലെ വന്നുപോകുന്ന പഴയകാല പ്രണയനിമിഷങ്ങളും.
lyrics. Stebin joseph
Music&singer: Rajesh Thanay
Orcestretion: Srudheesh Cherthala
@ followers

ഇടവ മാന്തറ കടലോരത്ത് പട്ടാപ്പകൽ മാലിന്യം നിക്ഷേപിച്ചു. കെട്ടിട നിർമ്മാണത്തിന്റെ അവശിഷ്ട മാലിന്യങ്ങൾ ആണ് വാഹനത്തിൽ കൊണ്ട് തള്ളിയത്.

മാലിന്യം നിക്ഷേപിക്കുന്നതിന്റെ വീഡിയോ സോഷ്യൽ മീഡിയകളിൽ വ്യാപകമായി പ്രചരിച്ചു. തുടർന്ന് പഞ്ചായത്ത് അധികൃതർ സ്ഥല സന്ദർശനം നടത്തി.
മാലിന്യം കൊണ്ട് നിക്ഷേപിച്ച വാഹനത്തെയും ഡ്രൈവറെയും വഴിയിൽ നിന്ന് പിടികൂടി.

ഇടവ കല്ലുവിള വീട്ടിൽ അനീഷിനെയാണ് വാഹനത്തോട് കൂടി പിടികൂടി പോലീസിൽ ഏൽപ്പിച്ചത്.

വാഹനം പോലീസ് കസ്റ്റഡിയിലെടുത്തു. ഇടവ ഗ്രാമപഞ്ചായത്ത് സെക്രട്ടറി അനീഷിന് 50000 രൂപ പിഴ ചുമത്തി. പിഴ ഒടുക്കാൻ സമ്മതിച്ചതിനെത്തുടർന്ന് വാഹനം വിട്ടുകൊടുക്കുന്നതിന് ഗ്രാമപഞ്ചായത്ത് സെക്രട്ടറി അനുമതി നൽകി.

തുടർനടപടികൾ വരും ദിവസങ്ങളിൽ സ്വീകരിക്കും. ഇടവ ഗ്രാമപഞ്ചായത്ത് സെക്രട്ടറി ഗിരീഷ് ലാൽ. എൻ.സി യുടെ നേതൃത്വത്തിൽ ഹെൽത്ത് ഇൻസ്പെക്ടർ സൗമ്യ, ജീവനക്കാരായ ഷിംന, ഷിജി കുമാർ എന്നിവർ ചേർന്നാണ് വാഹനം പിടികൂടിയത്.

ഇടവ ഗ്രാമപഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ബിനു.ജി വാഹനം പിടി കൂടുന്നതിന് ഉദ്യോഗസ്ഥർക്ക് മാർഗ്ഗനിർദ്ദേശം നൽകി ഒപ്പം ഉണ്ടായിരുന്നു.

സ്വന്തം മണ്ണിൽ സ്വർണ്ണം വിളയിച്ച്, നാടൻ രുചി ഒരുക്കി - സുരേന്ദ്രൻ

സ്വന്തം മണ്ണിൽ സ്വർണ്ണം വിളയിക്കുന്ന സുരേന്ദ്രൻ.

നാട്ടുകാരുടെ നാടൻ രുചിക്ക് അനുഗുണമായ നാടൻ വിഷരഹിത ഉൽപ്പന്നങ്ങൾ ഉൽപ്പാദിപ്പിക്കുന്നതിൽ സദാസമയവും വ്യാപൃതനായിരിക്കുന്നു.

നാടൻ ഫലവർഗ്ഗങ്ങളും പച്ചക്കറികളും ഉത്പാദിപ്പിക്കുന്നതിനോടൊപ്പം തന്നെ പൂ കൃഷിയിലും മികവു തെളിയിച്ചുകൊണ്ട് വേറിട്ട വ്യക്തിത്വമാവുകയാണ് ഇടവയുടെ കർഷകനായ വെൺകുളം മേക്കുളം ചൂളയിൽ ഗൗരീന്ദ്രത്തിലെ സുരേന്ദ്രൻ.

രണ്ട് ഏക്കറോളം വരുന്ന സ്വന്തം കൃഷിപ്പാടത്തിന്റെ ഏതാനും ഭാഗത്ത് കഴിഞ്ഞ കുറച്ചു വർഷങ്ങളായി സുരേന്ദ്രൻ പൂകൃഷി നടത്തിവരികയാണ്.

1500 ചെണ്ടുമല്ലി തൈകളാണ് ഇത്തവണ നട്ടത്. അവയിൽ ഭൂരിഭാഗവും പുഷ്പിച്ച് വിളവെടുപ്പിന് തയ്യാറായി നിൽക്കുകയാണ്.

വിളവെടുപ്പിന്റെ ഉദ്ഘാടനം കഴിഞ്ഞദിവസം ഇടവ ഗ്രാമപഞ്ചായത്ത് പ്രസിഡണ്ട് റീതു മോഹൻ നിർവഹിച്ചു.

കൂടാതെ പച്ചക്കറികളുടെ വിളവെടുപ്പ് ഇടവ കൃഷി ഓഫീസർ അനശ്വര. ആർ.എസ്, നിർവഹിച്ചു.

പഞ്ചായത്ത് സ്റ്റാൻഡിങ് കമ്മിറ്റി ചെയർമാൻമാരായ ബിനു.ജി, ഷൈലജ എസ്, മെമ്പർമാരായ എസ്.മോഹനൻ നായർ, എസ്. അസീല , കൃഷി അസിസ്റ്റന്റ് അനീഷ്. എസ്.യേശുദാസൻ എന്നിവരും ചടങ്ങിൽ സംബന്ധിച്ചു.

കൃഷിഭവൻ മുഖേന നൽകിയ 1500 ചെണ്ടുമല്ലി തൈകളാണ് സുരേന്ദ്രൻ നട്ടുപിടിപ്പിച്ചത്.

പൂക്കൾ സ്വന്തം പച്ചക്കറി സ്റ്റാളായ, വെൺകുളം പബ്ലിക് മാർക്കറ്റിന് സമീപത്തുള്ള - നാടൻ വിപണി - യിലൂടെയും, പഞ്ചായത്തിലെ ഓണ സമൃദ്ധി മാർക്കറ്റിലൂടെയും ചിലവഴിക്കാനാണ് ലക്ഷ്യമിട്ടിരിക്കുന്നത്.

പറമ്പിലെ ഓരോ കൃഷിയിനങ്ങളും വളരെ സൂക്ഷ്മതയോടെ ശാസ്ത്രീയമായ കൃഷിരീതി അവലംബിച്ചാണ് ചെയ്തിട്ടുള്ളത്.

പയർ, പടവലം, കുക്കുംബർ, ചേന, പാവൽ, കോവൽ, കുമ്പളം, വഴുതണ, വെണ്ട, ചീര, പപ്പായ, പഴം തുടങ്ങിയവയാണ് സുരേന്ദ്രന്റെ കൃഷിയിനങ്ങൾ. ഹൈബ്രിഡ് വിത്തുകൾ ആണ് ഉപയോഗിക്കാറുള്ളത്.

റോക്കറ്റ് പയർ, ഇല്ലികൊമ്പൽ വഴുതണ, വേണ്ടേരി വഴുതണ, മഞ്ചേരിയുള്ളൻ ഏത്തൻ, സ്വർണ്ണ മുഖി ഏത്തൻ, കിന്റൽ ഏത്തൻ, സാധാരണ ഏത്തൻ, പാളൻകോടൻ, ഞാലിപ്പൂവൻ, റോബസ്റ്റ, മോറിസ്, സാധാ പച്ച ചിങ്ങൻ, സാധാരണ കറി മൊന്തൻ, മഞ്ഞ റോബസ്റ്റ, ആനക്കൊമ്പൻ വെണ്ട, സാമ്രാട്ട് വെണ്ട, വെള്ള വെണ്ട, റമ്പൂട്ടാൻ, എൻ എ റ്റി റമ്പൂട്ടാൻ, റെഡ് ലേഡി പപ്പായ, റെഡ് ലേഡി 46 പപ്പായ, മാലി മുളക് ( ഉണ്ട മുളക്) എന്നിവയൊക്കെ സുരേന്ദ്രൻ കൃഷി ചെയ്യുന്ന വിവിധയിനം പഴം, പച്ചക്കറി ഇനങ്ങളാണ്.

വർഷത്തിൽ ആറുമാസം മുഴുവൻ ചീര കൃഷിയാണ് ചെയ്യാറുള്ളത്.
കുടുംബസമേതമാണ് സുരേന്ദ്രൻ ഇവയൊക്കെ പരിപാലിക്കുന്നത്.

നാടൻ വിപണി എന്ന തന്റെ സ്വന്തം സ്റ്റാളിലൂടെ സ്ഥിരമായി എത്തുന്ന വ്യക്തികൾക്ക് സുരേന്ദ്രൻ, തന്റെ ഉൽപ്പന്നങ്ങൾ നൽകാറുണ്ട്.

തന്റെ സ്റ്റാളിലൂടെ ചിലവഴിക്കാൻ കഴിയാത്തവ അയിരൂരിലെയും ചെറുന്നിയൂരിലെയും ഇക്കോ ഷോപ്പുകൾ വഴിയും വെൺകുളം മാർക്കറ്റ്, മായൻചന്ത എന്നിവിടങ്ങളിലും എത്തിച്ചാണ് വിൽപ്പന നടത്തുന്നത്.

ഇടവയിലെ മികച്ച കർഷകനായി സുരേന്ദ്രനെ കൃഷിഭവൻ തിരഞ്ഞെടുത്തു ആദരിച്ചിട്ടുണ്ട്.

ഇടവയിൽ കുടുംബശ്രീ വിപണന മേള ആരംഭിച്ചു.

ഓഗസ്റ്റ് 19,20,21 തീയതികളിലാണ് മേള നടക്കുന്നത്.

മേളയുടെ ഉദ്ഘാടനം ഇടവ ഗ്രാമപഞ്ചായത്ത് പ്രസിഡന്റ് റീതു മോഹൻ നിർവഹിച്ചു.

വൈസ് പ്രസിഡണ്ട് പിസി ബാബു അധ്യക്ഷനായിരുന്നു.

സ്റ്റാൻഡിങ് കമ്മിറ്റി ചെയർമാൻമാരായ ശൈലജ. എസ്, ബിനു. ജി, ഷാബിന. ടി , മറ്റ് പഞ്ചായത്ത് അംഗങ്ങൾ, ഗ്രാമപഞ്ചായത്ത് സെക്രട്ടറി ഗിരീഷ് ലാൽ.എൻ. സി, കുടുംബശ്രീ ചാർജ് ഓഫീസർ കൂടിയായ അസിസ്റ്റന്റ് സെക്രട്ടറി ജയശ്രീ. എം.എം, കുടുംബശ്രീ സിഡിഎസ് ചെയർപേഴ്സൺ സന്ധ്യ. സി.എസ്, വൈസ് ചെയർപേഴ്സൺ കദളി തുടങ്ങിയവർ സംസാരിച്ചു.

പഞ്ചായത്ത് ഓഫീസ് കോമ്പൗണ്ടിൽ നടക്കുന്ന വിപണന മേളയിൽ കുടുംബശ്രീ യൂണിറ്റുകളുടെ ഉൽപ്പന്നങ്ങൾ കൂടാതെ വസ്ത്രങ്ങൾ, ആഭരണങ്ങൾ, പലഹാരങ്ങൾ, അച്ചാറുകൾ, വിവിധ ഭക്ഷണ വസ്തുക്കൾ, ചായ, കോഫി, ബിരിയാണി, പായസം എന്നിവ സഹിതം ലഭ്യമാണ്.

ആഘോഷപൂർവ്വം നടക്കുന്ന വിപണന മേളയിൽ നിരവധി പേരാണ് ഉൽപ്പന്നങ്ങൾ വാങ്ങാനായി എത്തിക്കൊണ്ടിരിക്കുന്നത്.

കുടുംബശ്രീ പ്രവർത്തകരുടെ വിവിധ കലാപരിപാടികൾ ഇതിനോടൊപ്പം അരങ്ങേറുന്നുണ്ട്.

മനോഹരമായ, ഹൃദ്യമായ ആലാപനം. രാമായണത്തിന് ഇത്രയും ഭംഗിയൊ?

അർത്ഥമറിഞ്ഞ് ഇത്രയും മനോഹരമായി രാമായണം കേട്ട് മനം സമ്പൂർണ്ണമായി. നന്ദി.

പിന്നോക്ക അധസ്ഥിത വിഭാഗത്തിൻ്റെ സംവരണം നടപ്പിലാക്കുന്നതിൽ വീഴ്‌ച പാടില്ല.

ശ്രീ. ഡോ. സ്വാമി സച്ചിദാനന്ദ.

ജനസംഖ്യയിലെ ഭൂരിപക്ഷവിഭാഗമായ പിന്നോക്ക അഗസ്തിത ജനവിഭാഗത്തിന്റെ്റെ ഭരണഘടനാപരമായ സംവരണം നടപ്പിലാക്കുന്നതിൽ ഒരു വീഴ്ച്‌ചയും പാടില്ലെന്ന് ശിവഗിരി ശ്രീനാരായണധർമ്മസംഘം ട്രസ്റ്റ് പ്രസിഡന്റും മഠാധിപതിയുമായ ഡോ. സ്വാമിസച്ചിദാനന്ദ . കേന്ദ്രസർക്കാരുകളെ അറിയിച്ചു. തിരുവനന്തപുരം തായ്ന‌ാട് സൊസൈറ്റി ഹാളിൽ നടന്ന ആൾ ഇന്ത്യ OBC- SC/ST മഹാജന ഫെഡറേഷന്റെ നേതൃത്വത്തിൽ നടന്ന മതസൗഹാർദ സമ്മേളനവും സംഘടനയുടെ ഉദ്ഘാടനവും നിർവ്വഹിച്ച് സംസാരിക്കുകയായിരുന്നു സ്വാമിജി.

സാമൂഹ്യ രംഗത്തും രാഷ്ട്രീയ രംഗത്തും, ഉദ്യോഗരംഗത്തും ഭൂരി പക്ഷ അടിസ്ഥാന ജനത ഈ വർത്തമാനകാലത്ത് ഏറെ പിന്തള്ളപ്പെട്ടു കൊണ്ടിരിക്കുന്ന കാര്യം സ്വാമിജി തൻ്റെ ഉദ്ബോധനപ്രസംഗത്തിൽ കാര്യ കാരണം സഹിതം വിവരിച്ചു.

സമ്മേളനത്തിൽ വിവിധ ശ്രീനാരായണ പ്രസ്ഥാനങ്ങളുടെ ഭാരവാഹികളും പങ്കെടുത്തു.

ഈഴവ മഹാജന ട്രസ്റ്റിന്റെ ദേശീയ ചെയർമാനും എൻ. യു. ബി. സി പ്രസിഡൻ്റുമായ എസ്. സുവർണ്ണകുമാർ അദ്ധ്യക്ഷതവഹിച്ചു.

ശ്രീ. ഡോ. വി. പി. സുഹൈൽ മൗലവി ( പാളയം ഇമാം) മതസൗഹാർദ്ദ സമ്മേള നത്തിൽ സാമൂഹിക വിഷയത്തെക്കുറിച്ച് സംസാരിക്കുകയും ഡയമണ്ട് ജനസേവന ചാരി റ്റബിൾ ട്രസ്റ്റിന്റെ ആറാം വാർഷികാഘോഷം ഉദ്ഘാടനം ചെയ്യുകയും ചെയ്‌തു.

നിരവധി പിന്നോക്ക പട്ടികജാതി/ പട്ടിക വർഗ്ഗ ജാതി സംഘടനാ നേതാക്കൾ സമ്മേ ളനത്തിൽ പങ്കെടുത്തു.

സമ്മേളനത്തിൻ്റെ സ്വാഗതപ്രസംഗം നടത്തിയത് ശ്രീ വി. വി രാജേന്ദ്രൻ അവർകൾ ആണ്.

ശ്രീ ഡോ. എം. ആർ. യശോധരൻ ഡയറക്‌ടർ ( ഗുരു ഗ്രാമം) പിന്നോ ക്കാവസ്ഥ എന്തുകൊണ്ട് എന്ന വിഷയത്തെ വളരെ വിശദമായി അവലോകന പ്രസംഗം നടത്തി.

AIOSSMF മുഖ്യ രക്ഷാധികാരിയും BIM ദേശീയ ചെയർമാനും ശ്രീകുടുംബശ്രീ സംസ്ഥാന പ്രസിഡൻ്റുമായ ശ്രീ. പൂന്തുറ തോമസ് ജോസഫ് വിജ്ഞപത്തി പ്രസംഗം നട ത്തി.

AIOSSMF ൻ്റെ ദേശീയ ചെയർമാൻ കെ. ബി. ചന്ദ്രദേവ് ഫെഡറേഷന്റെ പ്രവർത്ത നങ്ങളെക്കുറിച്ച് വിശദീകരിച്ചു.

മികച്ച പത്ര പ്രവർത്തകനും സാംസ്‌കാരിക ചാരിറ്റി പ്രവർത്തകനുമായ ശ്രീ. കലാപ്രേമി ബഷീർ ബാബു അവർകൾ ഈ കാലഘട്ടത്തിൽ സംഘടനയുടെ ആവശ്യകതയെക്കുറിച്ച് സംസാരിച്ചു.

ശ്രീ. രാമഭദ്രൻ SMS Institute ചെയർമാൻ പിന്നോക്കാവസ്ഥയെക്കു റിച്ച് സംസാരിച്ചു.

ശ്രീമതി അജിത കൊല്ലം ശ്രീ നാരായണ വേൾഡ് കൗൺസിൽ സംസ്ഥാന പ്രസിഡന്റ്, പിന്നോക്ക പട്ടികജാതി / പട്ടിക വർഗ്ഗ സ്ത്രീകളുടെ പിന്നോക്കാവസ്ഥയെ ക്കുറിച്ച് സംസാരിച്ചു.

ശ്രീമതി സിന്ധു ഹരിദാസ് ഡയമണ്ട് ജനസേവന ചാരിറ്റബിൾ ട്രസ്റ്റിന്റെ ചെയർപേഴ്‌സണും AIOSSMF ൻ്റെ സംസ്ഥാന പ്രസിഡൻ്റ് ചാരിറ്റി വിഷയങ്ങ ളെക്കുറിച്ച് സംസാരിച്ചു.

ശ്രീമതി റഹ്മാ ബീവി AIOSSMF ൻ്റെ സംസ്ഥാന ട്രഷറർ സ്ത്രീകളുടെ സാംസ്‌കാരിക ഉന്നമനത്തിനുവേണ്ടി സംസാരിച്ചു.

ഹോമിയോ പതിപകർച്ച വ്യാധി പ്രതിരോധ വിധക്തൻ ശ്രീ. ഡോ. ശിവപ്രസാദ് കരുണാകരൻ സംസാരിച്ചു.

ശ്രീമതി ജയ ഗംഗാധരൻ വൈറ്റ് നൗ ചെയർപേഴ്സൺ ആൾ കേരള പ്രൈവറ്റ് ബസ് അസോസിയേഷൻ രക്ഷാധികാരി.സാമൂഹ്യപ്രവർത്തക തൃശ്ശൂർ,

ശ്രീമാൻ ശിവശർമ്മ ( സംഘടനാ സെക്രട്ടറി),
സജിലാൽ കഴക്കൂട്ടം (സ്റ്റേറ്റ് സെക്രട്ടറി), തങ്കമണി നരുവാമൂട് ( സ്റ്റേറ്റ് സെക്രട്ടറി) റൂബി കല്ലറ ( സംസ്ഥാന വൈസ് പ്രസിഡന്റ് ), കാര യ്ക്കാമണ്ഡപം അനിത, ( സംസ്ഥാന എക്സിക്യൂട്ടീവ് അംഗം) ശ്രുതി കൗൺസിലർ പൂന്തുറ എന്നിവർ സംഘടനയ്ക്കു വേണ്ടി സമ്മേളനത്തിൽ സംസാരിച്ചു.