Taliparamba Post

ഡ്രൈവേഴ്സ് എഫ്സി ചിറവക്കിന്റെ നേത്രത്തിൽ തളിപ്പറമ്പ ബസ്സ്റ്റാൻഡിൽ നടന്ന ബോധവത്കരണനവും , മാസ്ക് വിതരണവും

തളിപ്പറമ്പ RTO വകുപ്പിന്റെ ഓട്ടോമാറ്റിക് ഡ്രൈവിംഗ് ടെസ്റ്റിംഗ് സെന്റർ ഫെബ്രുവരി 14-ന് ഉത്ഘാടനം ചെയ്‌യും.

അറിയിപ്പ്

എം.പി. കെ. സുധാകരൻ നയിക്കുന്ന രാഷ്ട്ര രക്ഷാ മാർച്ച് ഇന്ന് 17/01/2020 ന് ഉച്ചക്ക് 2.30 ന് മുണ്ടയാട് ഇൻഡോർ സ്റ്റേഡിയത്തിൽ നിന്ന് ആരംഭിച്ച വൈകുന്നേരം കണ്ണൂരിൽ സമാപിക്കുകയാണ് സമാപന സമ്മേളനത്തിൽ കോൺഗ്രസ്സിന്റെ ദേശീയ നേതാവ് ഡി.കെ ശിവകുമാർ പങ്കെടുക്കുന്നു പരിപാടിയിൽ മുഴുവൻ ജനാധിപത്യ മതേതര വിശ്വാസികളും പങ്കെടുക്കണമെന്ന് വിനീതമായി അഭ്യർത്ഥിക്കുന്നു.

വിശ്വസ്തതയോടെ
അഡ്വ. സക്കരിയ്യ കായക്കൂൽ
മണ്ഡലം പ്രസിഡണ്ട്

ഈ നന്മ മനസിനു നന്ദി

അടിയന്തര ഘട്ടത്തില്‍ ആറു പേരുടെ രക്തം വേണമെന്നു കേട്ടപ്പോള്‍ പരിഭ്രമിച്ചു പോയി. ഒരേ ഗ്രൂപ്പ്‌രക്തം ദാനം ചെയ്യാന്‍ സന്നദ്ധരാകുന്നവരെ ഒന്നിച്ചു കണ്ടെത്തുക പ്രയാസമാണല്ലോ. പരിയാരം മെഡിക്കല്‍ കോളജ് ആശുപത്രിയില്‍ ബൈപ്പാസ് സര്‍ജറിക്ക് അഡ്മിറ്റ് ചെയ്യപ്പെട്ട ജ്യേഷ്ഠന്‍ ഗിരീഷ്‌കുമാറിന് ആറു കുപ്പി രക്തം വേണമെന്ന് പറയുന്നത് 2020 ജനുവരി പതിനാലാം തിയതി ചൊവാഴ്ച രാത്രി. പിറ്റേന്നു രാവിലെ പത്ത് മണിക്ക് മുമ്പ് രക്തം ലഭ്യമാക്കണമെന്നാണ് പറഞ്ഞത്. അന്വേഷിച്ചപ്പോള്‍ രണ്ടു പേരെ കിട്ടി. ബാക്കി നാലു പേരെ ഉടന്‍ കണ്ടെത്താനുള്ള ശ്രമമായി പിന്നീട്. ഇതിനായി ബ്ലഡ് ഡൊണേഴ്‌സ് ഫോറം സജീവ പ്രവര്‍ത്തകന്‍ വടകരയിലെ മുനീര്‍ സേവനയുമായി ബന്ധപ്പെട്ടപ്പോള്‍ രോഗിയുടെ വിശദാംശങ്ങള്‍ നല്‍കാന്‍ പറഞ്ഞു. അതുപ്രകാരം ഏട്ടന്റെയും ഭാര്യയുടെയും മൊബൈല്‍ നമ്പര്‍ നല്‍കി. പരിയാരം മെഡിക്കല്‍ കോളജിനകത്ത് മൊബൈല്‍ റെയ്ഞ്ച് പലപ്പോഴും പ്രശ്‌നമായതിനാല്‍ പലര്‍ക്കും ബന്ധപ്പെടാനായില്ല. ഇതിനിടയിലാണ് മുനീര്‍ സേവന കോഴിക്കോട് നാസര്‍ മാസ്റ്റരുടെ നമ്പര്‍ തന്നത്. അദ്ദേഹത്തെ വിളിച്ച് സംസാരിച്ചപ്പോള്‍ കണ്ണൂരില്‍ ആളുണ്ടെന്ന് പറഞ്ഞ് തുഫൈല്‍ തങ്ങള്‍ എന്നയാളുടെ നമ്പര്‍ തന്നു. തുഫൈലിനെ വിളിച്ച് സംസാരിച്ചപ്പോള്‍ ആദ്യത്തെ ചോദ്യം. എത്ര പേര്‍ വേണമെന്നായിരുന്നു. അതു കേട്ടപ്പോള്‍ തന്നെ അതിയായ ആശ്വാസം തോന്നി. നാലു പേരെന്നു പറഞ്ഞു. വടകരയില്‍ നിന്നു രാവിലെ പുറപ്പെടുമ്പോള്‍ വിളിച്ചാല്‍ മതിയെന്നും അതിനനുസരിച്ച് അവര്‍ കണ്ണൂരില്‍ ഉണ്ടാവുമെന്നും പറഞ്ഞു. പിറ്റേന്നു രാവിലെ തുഫൈലിന്റെ വിളി എത്തി അവര്‍ കണ്ണൂര്‍ കാള്‍ടെക്‌സ് ജംഗ്ഷനില്‍ കാത്തുനില്‍പുണ്ടെന്ന് അറിയിച്ചു. വാഹനത്തില്‍ കാള്‍ടെക്‌സ് ജംഗ്ഷനില്‍ എത്തിയപ്പോള്‍ തുഫൈല്‍ തങ്ങള്‍ അടക്കം നാലു ചെറുപ്പക്കാരെ കണ്ടു. പരിചയപ്പെട്ടു. ചക്കരക്കല്ല് അഷുഹദ വാഫി കോളജിലെ വിദ്യാര്‍ഥികളാണ് ഇവര്‍. കടമേരിക്കാരനായ തുഫൈലിനു പുറമെ പാപ്പിനിശേരിയിലെ അമീന്‍, കമ്പില്‍ സ്വദേശി സെയ്ത്, നാദാപുരം ജാതിയേരിയിലെ അബ്ദുള്ള എന്നിവരാണ് സേവന സന്നദ്ധരായി ജീവകാരുണ്യ പ്രവര്‍ത്തനമെന്ന നിലയില്‍ രക്തംദാനം ചെയ്യാന്‍ എത്തിയത്. പിന്നീട് പരിയാരത്തേക്കു യാത്രയായി. ഇവര്‍ക്കു പിന്നാലെ പാപ്പിനിശേരി എഞ്ചിനീയറിംഗ് കോളജിലെ അനൂപും എത്തി. മറ്റൊരു സഹോദരന്റെ ഭാര്യയുടെ ബന്ധു പാതിരിയാട് സ്വദേശി അനീഷ്‌കുമാര്‍ അപ്പോഴേക്കും രക്തദാനം ചെയ്തിരുന്നു. എല്ലാവരുമായപ്പോള്‍ കാര്യങ്ങള്‍ റെഡിയായി.
രക്തം വേണമെന്ന് പറഞ്ഞപ്പോള്‍ ഒരു പരിചയവുമില്ലാത്ത ചെറുപ്പക്കാര്‍ സഹോദര സ്‌നേഹമെന്ന നിലയില്‍ ഓടിയെത്തിയത് ഏവര്‍ക്കും മാതൃകയാണ്. പത്തു മണിയാകുമ്പോഴേക്കും ആറു പേരുടെ രക്തവും പരിയാരം മെഡിക്കല്‍ കോളജിലെ ബ്ലഡ് ബാങ്കില്‍ ശേഖരിക്കപ്പെട്ടു. സ്‌നേഹവും സൗഹൃദവും പങ്കിട്ടാണ് എല്ലാവരും പിരിഞ്ഞത്. അവനവനു കഴിയാവുന്ന സഹായം മറ്റുള്ളവര്‍ക്കു ചെയ്യുക എന്നതാണ് വലിയ കാര്യമെന്ന് തുഫൈല്‍ തങ്ങളും സുഹൃത്തുക്കളും അനൂപും പറഞ്ഞു. ഇവരെ യാത്രയാക്കിയപ്പോള്‍ മനുഷ്യത്വത്തിന്റെയും സാഹോദര്യത്തിന്റെയും വറ്റാത്ത ഉറവകളാണ് നമുക്കു ചുറ്റുമെന്ന് ഒരിക്കല്‍കൂടി അടിവരയിടുന്നതായി ഈ അനുഭവം. ഇവിടെ മത വരമ്പുകള്‍ക്കപ്പുറം മാനവികത ഉയര്‍ന്നു നില്‍ക്കുന്നു. ഈ നന്മ മനസുകള്‍ക്കു നന്ദആര്‍.കെ.പ്രദീപ്

ചേർന്നിരിക്കാം പോരാടാം എന്ന് പ്രമേയം ഉയർത്തി യുവജന കോ-ഓർഡിനേഷൻ കമ്മിറ്റിയുടെ ആഭിമുഖ്യത്തിൽ ചപ്പാരപ്പടവ് ടൗണിൽ ഭരണഘടനാ സംരക്ഷണ റാലിയും യുവജന പ്രതിരോധവും

യൂത്ത് കോഡിനേഷൻ കമ്മിറ്റിയുടെ ആഭിമുഖ്യത്തിൽ നാളെ ചപ്പാരപ്പടവിൽ നടക്കുന്ന യുവജന പ്രതിരോധത്തിന് ഭാഗമായി സംഘടിപ്പിച്ച വാഹന പ്രചരണ സന്ദേശ യാത്രയുടെ ഫ്ലാഗ് ഓഫ് കർമ്മം ചപ്പാരപ്പടവ് ഗ്രാമപഞ്ചായത്ത് പ്രസിഡണ്ട് എം മൈമൂനത്തും പ്രശസ്ത സിനിമാ സംവിധായകൻ ശരീഫ് ഈസയും ചേർന്നു നിർവഹിക്കുന്നു.

തളിപ്പറമ്പ് ആസാദി സ്‌ക്വയറിൽ പ്രശസ്ത റാപ്പറും ആക്ടിവിസ്റ്റുമായ സുമിത് സമോസ്
ഹിപ്ഹോപ് അവതരിപ്പിക്കുന്നു.

ഒറീസയിലെ ഏറ്റവും പിന്നോക്കമായ പ്രദേശത്ത് ദളിത് കുടുംബത്തിൽ ജനിച്ച സുമീത് സമോസ് ഭുവനേശ്വറിലും ഡൽഹിയിലെ ജെ. എൻ. യു വിലുമായി പഠനം നടത്തുകയും സജീവമായി വിദ്യാർത്ഥി രാഷ്ട്രീയ പ്രവർത്തനങ്ങളിൽ ഇടപെടുകയും ചെയ്യുന്ന ഹിപ് ഹോപ് കലാകാരനാണ്.

ജാതി വിവേചനവും, സാമൂഹിക അപരത്വവും സ്വന്തം ജീവിതത്തിൽ തന്നെ നിരവധി തവണ നേരിട്ട തീവ്രമായ അനുഭവങ്ങൾ കൂടിയാണ് ജന ഹൃദയങ്ങളിൽ തന്റേതായ ശൈലിയിൽ അവതരണം നടത്താൻ സുമീതിനെ സാജ്ജ്‌മാക്കിയത്.

സമകാലിക രാഷ്ട്രീയ വിഷയങ്ങളിൽ നിരവധി സമര വേദികളിൽ പാടിയ സുമീത് ഇന്ന് ഇന്ത്യക്ക് അകത്തും പുറത്തും നിരവധി ആരാധകരുള്ള കലാകാരനാണ്

പൗരത്വ ബില്ലിനെതിരെ പഞ്ചായത്തുകളിലും മുനിസിപ്പാലിറ്റികളും പ്രമേയങ്ങളുമായി സിപിമ്മും എൽഡിഫും. ലീഗ് ഭരിക്കുന്ന തളിപ്പറമ്പ് നഗരസഭയുടെ നിലപാടിൽ പ്രവർത്തകർക്കിടയിൽ പ്രതിഷേധം