Kannur Rural Police

കണ്ണൂര്‍ റൂറല്‍ ജില്ലയില്‍ കഴിഞ്ഞ വര്‍ഷം പോലീസ് പിടിച്ചെടുത്തത് 28 കിലോഗ്രാം കഞ്ചാവ്, 71 ഗ്രാം എം.ഡി.എം.എ, 324 ഗ്രാം ഹാഷിഷ് ഓയില്‍, 467 ഗ്രാം മെത്താഫിറ്റമിന്‍ 681 കഞ്ചാവ് ബീഡി, 4 കഞ്ചാവ് ചെടികള്‍ എന്നിവയാണ്. 812 കേസുകളിലായി 853 പേരെ ആറെസ്റ്റ് ചെയ്തു. മയക്കുമരുന്ന് കടത്തും വില്‍പ്പനയും തടയാന്‍ പിറ്റ് എന്‍.ഡി.പി.എസ് ആക്ട് പ്രകാരം 2 പേരെ കരുതല്‍ തടങ്കളില്‍ അടച്ചു. കണ്ണൂര്‍ റൂറല്‍ ജില്ലയിലെ ഇരിട്ടി പോലീസ് സ്റ്റേഷനില്‍ മാത്രം കഴിഞ്ഞ വര്‍ഷം 5 കമേഴ്ഷ്യല്‍ ക്വാന്‍റിറ്റി കേസുകള്‍ റജിസ്റ്റര്‍ ചെയ്തു. കര്‍ണാടകയില്‍ നിന്നും കാറില്‍ കടത്തുകയായിരുന്ന 100 ഗ്രാം മേത്തഫിറ്റമിന്‍ ഇരിട്ടില്‍ വച്ചും 41 ഗ്രാം എം.ഡി എം എ യുമായി പരിയാരത്ത് വച്ചും, 166 ഗ്രാം എംഡിഎംഎ യുമായി പയ്യന്നൂര്‍ പെരുമ്പയിലുള്ള ലോഡ്ജില്‍ വച്ചും പിടികൂടി. മയക്കുമരുന്നിനെതിരെ കണ്ണൂര്‍ റൂറല്‍ ജില്ലാ പോലീസ് മേധാവി ശ്രീ. അനൂജ് പാലിവാള്‍ ഐ.പി.എസ് ന്‍റെ നേതൃത്വത്തില്‍ ആന്‍റി നര്‍കോടിക് സ്പെഷ്യല്‍ ആക്ഷന്‍ ഫോഴ്സ് (DANSAF) നടത്തിവരുന്ന ശക്തവും പഴുത്തടച്ചതുമായ പ്രവര്‍ത്തനങ്ങള്‍ ജില്ലയിലെ മയക്കുമരുന്ന് ശൃംഖലായെ ഏറെക്കുറെ ശിഥിലമാക്കുന്നതില്‍ സഹായിച്ചിട്ടുണ്ട്. ജില്ലയിലെ പോലീസ് സ്റ്റേഷനുകളില്‍ പ്രവര്‍ത്തിച്ചു വരുന്ന മയക്കുമരുന്ന് വിരുദ്ധ സ്ക്വാഡുകളുടെ പ്രവര്‍ത്തനവും ഏറെ ഫലം ചെയ്തു.

കണ്ണൂര്‍ റൂറല്‍ പോലീസ്...

ബ്രൌൺ ഷുഗറുമായി ഇതര സംസ്ഥാന തൊഴിലാളി പിടിയിൽ...
രാജസ്ഥാൻ സ്വദേശി അഖീൽ ഖാനെ (32) യാണ് കണ്ണൂർ റൂറൽ ജില്ലാ പോലീസ് മേധാവി അനൂജ് പാലിവാളിൻറെ നേതൃത്വത്തിലുള്ള ഡാൻസഫ് സ്ക്വാഡും തളിപ്പറമ്പ എസ്.ഐ നിതിനും സംഘവും ചേര്‍ന്ന് പിടികൂടിയത്. ധർമ്മശാല പറശ്ശിനി റോഡ് ജംക്ഷനിൽ വെച്ചാണ് 2.0424 ഗ്രാം ബ്രൌണ്‍ൺഷുഗറുമായി പ്രതി പോലീസ് പിടിയിലായത്.
കണ്ണൂര്‍ റൂറല്‍ പോലീസ്..

27 വർഷം കൊടും കാട്ടിൽ ഒളിവിൽ കഴിഞ്ഞ കളവ് കേസ് പ്രതിയെ ഉളിക്കൽ പോലീസ് വയനാട് കാട്ടിൽ വച്ച് പിടികൂടി...

വയനാട് ജില്ലയിലെ കണിച്ചേരി ഭാഗത്തെ കാട്ടിൽ കയറി തിരച്ചിൽ നടത്തിയ ഉളിക്കൽ പോലീസ് സ്റ്റേഷനിലെ പ്രത്യേക അന്വേഷണ സംഘം രാത്രി നീണ്ടുനിന്ന അന്വേഷണത്തിനോടുവിലാണ് പ്രതിയായ ഹരിലാലിനെ (51) കണ്ടെത്തിയത്. ഉളിക്കൽ പോലീസ് സ്റ്റേഷനിൽ രെജിസ്റ്റർ ചെയ്ത കളവ് കേസിലെ പ്രതിയായ ഇയാൾ 1999 മുതൽ കൊടുംകാട്ടിൽ ഒളിവിൽ കഴിയുകയായിരുന്നു. 24 വയസ്സിൽ തലശ്ശേരി സബ് ജയിലിൽ നിന്ന് ഇടക്കാല ജാമ്യത്തിൽ ഇറങ്ങിയ പ്രതി പിന്നീട് മുങ്ങുകയായിരുന്നു. കൊടും കാട്ടിൽ ഒരു തൽക്കാലിക ഷെഡ് ഉണ്ടാക്കിയാണ് ഇയാൾ താമസിച്ചിരുന്നത്. ഒരു ദിവസം ആവശ്യ സാധനങ്ങളും മറ്റും വാങ്ങുന്നതിന് കാട്ടിൽ നിന്ന് പുറത്തിറങ്ങിയ സമയത്താണ് ഇയാളെ ഒരാൾ തിരിച്ചറിഞ്ഞത്. വന്യമൃഗങ്ങളെ പേടിയില്ലായ്മയും കാടിനെക്കുറിച്ചുള്ള നല്ല അറിവും ഇയാൾക്ക് മുതൽക്കൂട്ടായി. എസ്.എച്ച്.ഒ ഡോളിയുടെ നേതൃത്വത്തിൽ എ.എസ്.ഐ രാജേഷ്, സി.പി.ഒ ഷാജി പി.പി, ബിജു പായം എന്നിവരും ഇയാളെ പിടികൂടിയ സംഘത്തിലുണ്ടായിരുന്നു.

കണ്ണൂർ റൂറൽ പോലീസ്...

സംസ്ഥാനത്തിൻറെ അഭിമാനമായി ഇരിട്ടി പോലീസ് സ്റ്റേഷൻ...
കേന്ദ്ര ആഭ്യന്തര വകുപ്പ് നടത്തിയ സർവ്വേയിൽ അന്വേഷണ മികവ്, പരാതികൾ തീർപ്പാക്കല്‍, ക്രമസമാധാനപാലനം, അടിസ്ഥാന സൗകര്യങ്ങള്‍, പോലീസ് ഉദ്യോഗസ്ഥരുടെ പെരുമാറ്റം, ലോക്കപ്പും റെക്കോര്‍ഡ് റൂമും ഉള്‍പ്പെടെയുള്ള സൗകര്യങ്ങള്‍ എന്നിങ്ങനെ നിരവധി മാനദണ്ഡങ്ങള്‍ അടിസ്ഥാനമാക്കിയാണ് കേന്ദ്ര ആഭ്യന്തരമന്ത്രാലയം മികച്ച പോലീസ് സ്റ്റേഷനായി ഇരിട്ടി പോലീസ് സ്റ്റേഷനെ തെരഞ്ഞെടുത്തത്. 2025 ലെ പ്രവർത്തനങ്ങളാണ് പുരസ്കാരത്തിനായി പരിഗണിച്ചത്. സംസ്ഥാന പോലീസ് മേധാവി ശ്രീ. റവാഡ എ. ചന്ദ്രശേഖർ ഐ.പി.എസ് ഇരിട്ടി എസ്.എച്ച്.ഒ യ്ക്കു പുരസ്കാരം കൈമാറും.
കണ്ണൂര്‍ റൂറല്‍ പോലീസ്...

ആലപ്പുഴയിൽ ഹൌസ് ബോട്ടിൽ വ്യാജ പേരിൽ ജോലി ചെയ്തു വരികയായിരുന്ന ജിനീഷ് , Age:39/26, S/o രാജു, മണലേൽ ഹൗസ്, അരംഗം, ആലക്കോട് എന്നയാളാണ് പിടിയിലായത്.
രാജ്യത്തിന്‍റെ വിവിധ ഭാഗങ്ങളിൽ പേര് മാറ്റി ഒളിവിൽ കഴിഞ്ഞു വരികയായിരുന്ന പ്രതിയെ മാസങ്ങളോളം നീണ്ട അന്വേഷണത്തിനൊടുവിലാണ് ആലപ്പുഴയിൽ ഉണ്ടെന്നു കണ്ടെത്തിയത്. പിടികൂടാൻ ശ്രമിക്കുന്നതിനിടെ രക്ഷപ്പെടാൻ ശ്രമിച്ച പ്രതിയെ സഹസികമായി കീഴടക്കിയത്. 2013 ൽ രജിസ്റ്റർ ചെയ്‌ത പ്രമാദമായ നെല്ലിപ്പാറ പീഡന കേസിൽ പ്രതിയായതിനെ തുടർന്ന് നാടുവിട്ടതായിരുന്നു. ഈ കേസിൽ ഇയാളെ അറസ്റ്റ് ചെയ്യാൻ സാധിച്ചിരുന്നില്ല. ഈ കേസ് കൂടാതെ 2012 ൽ രജിസ്റ്റർ ചെയ്ത വധശ്രമ കേസിലും കോടതി ഇയാളെ പിടികിട്ടാപ്പുള്ളിയായി പ്രഖ്യാപിച്ചിരുന്നു. ആലക്കോട് പോലീസ് സ്റ്റേഷൻ ആക്രമിച്ച മറ്റൊരു കേസ് കൂടി ഇയാളുടെ പേരിലുണ്ട്.
ഡി.വൈ.എസ്.പി കെ.ഇ. പ്രേമചന്ദ്രന്‍റെ നിർദ്ദേശ പ്രകാരം ആലക്കോട് എസ്.എച്ച്.ഒ മഹേഷ്‌.കെ നായറിന്‍റെ നേതൃത്വത്തിൽ ASI മുനീർ, SCPO ജാബിർ എന്നിവരടങ്ങിയ സംഘമാണ് പ്രതിയെ പുടികൂടിയത്.
കണ്ണൂര്‍ റൂറല്‍ പോലീസ്...