RVA Zo Service

Laisiengthou Taangteel
Romante 15:2

John 20:19-23

Nuazuite kunga Jesu kilaana

Tualeh nipikaal khat sunga ni masapen ni, nitah lam in, nuazuite Jiute zau a, kot kikhahkhum a, aumna uah, Jesu ahingpei a, alah uah ahing ding hi, tuachin akung uah, “Hamuonna nakung uah umta hen,” achi hi. Tam thu agenzou in, amaute akhutte leh anaah aveel sahta hi.Tuachin nuazuiten T**a amutah un akipah mama uhi. Khumin Jesun akunguah, “Hamuon na nakung uah umta hen. Pa in kei ahing sawl mabangin, ken zong noute kahing sawl hi,” achi hi. Tuachin khum thute agenzou in, atung uah ahuu ahakhum a, akung uah, “Hagau Siengthou ngata un. Koipou mawna namaisah uleh, maisah ahita a, tualeh koipou maw na namaisah loute upen maisahlou ahi.

TUNI LAISIENGTHOU TAANGTEL

Pasian thupina leh patawina dinga Jesu Khrist a dihtatna ga toh hing dim un.

Philipite 1:11

John 21:20-25

Khumin Peter avaihah a Jesu’n nuazui a itpa, zan-ann nehna a, a aanga awnphei a, “T**a koi ahiei nang hing le-heeh dingpa?” chipa’n ahing zui amu hi. Peter in amapa amutah in, Jesu kungah, “T**a tampa bang achi diei?”achi hi. Jesu’n akungah, “Kahing peikia masangsie um dingin deileng, tuapen nang bang ding nachi ahiei? Hing kizui in!” achi hi. Tua chin tam nuazuipa khu shilou ding hi chin a unaute lah ah akithangta hi, hinanleh Jesu’n lah shilou ding ahi chin akungah agenkha sih a, “Kahingpei kia masangsie um ding in deita leng tua khu nang ding in bang ahiei?” achi ahizaw hi.

Thutawpna

Tam thute theisahpa leh tam silte gielpa tam nuazuipa ahia, athu theichiensah khu adih ahi chi ithei uhi. Tuathamlou in Jesu’n sillamdang tampikhat zong abawl aum a, tuate a unpia gel ding hitaleh, laibu kigiel dingte khu leitung pumpi’n zong adawlzou sih ding hi.

Laisiengthou Taangteel
GALATITE 5:13

Pope Kammal

Pasian in abul leh ajieh umlou in leitunga mihing a itna ki bang in anei hi.

Pope Leo XIV