AUGHAD

Ek baar phir khidki se subah ki komal dhoop mere kamre ko sajaane chali aayi.
Mere khwaab, jo raat bhar mujhe jagaaye rakhe, ab khud thak kar so gaye.
Par yeh kambakht neend pata nahi kahaa chupi baithi hai , raat ko yeh wada karte hue bhi ki subah ki roshni se pehle laut aayegi.
Ab yeh roshni meri aankhon me chubh rahi hai, par neend ka kahin koi thikaana nahi.

Aur kya
Tum ho
Tumhare khwaab hai
Aur tumhari manzil
Bas chalte jana hai
Chahe mathe pe pasine ho
ya pao pe chale
Bas rukna nahi
Har mod ek nayi daasta leke ayegi
Jo tumhe khudse milayegi
Aur jab tum khud se miloge
Khud ko janoge
Tumhari parchai badhegi
Aur duniya , yeh saari duniya tumhare chao tale panha legi
Jab bhi thakne lago
Bas khudko yaad dilao
Ki is raaste pe aaye kyu the
To milte hai aage kisi mod par .