PS NAND VERMA

एक पीढ़ी भर के सवाल हे कका.........

लईका मन पठरू चरात हे कका,
स्कूल ल छोड़ ईटा डोत हे कका।
एक दाव सुघर रद्दा देखा देते ग,
एक पीढ़ी भर के सवाल हे कका।।

बेटा संगती म दारु पियत हे कका,
बेटी ससुरार म दुःख पात हे कका।
एक दाव आत्म चिंतन बढ़ा देते ग,
एक पीढ़ी भर के सवाल हे कका।।

दफ्तर के जानकारी नई हे कका,
चपरासी मन के अटियई हे कका।
एक दाव बने कस के पढ़ा देते ग,
एक पीढ़ी भर के सवाल हे कका।।

काम कमई तक तो ठीक हे काका
नानकन के बुध पता नई हे कका।
एक दाव स्कूल तक पंहुचा देते ग,
एक पीढ़ी भर के सवाल हे कका।।

'पी एस नंद वर्मा'

बिहाव

चारो कोती ले फटाका फुटत हे,
पगरइत कका के पागा छूटत हे।

बरतिया मन के बादर छाये,
खाए बऊराए आँखी मुंदाये।
डीजे नाचत डबरा म गिर गे,
गरुवा असन बरदी ढिलाये।।

साग-भात ह लिलात नई हे,
पानी टोटा ले जात नई हे।
कैमरा हमरो फोटु ले न जी,
अऊ मुंह तक धोवाय नई हे।।

आवागमन तको भारी हवय,
दुर्घटना के बला जारी हवय।
यमराज तीरे तीर म घुमत हे,
फेर हवा म उड़त गाड़ी हवय।।

खेत ल बेच के बिहाव करत हे,
बेटी के बिदा में आंसू झरत हे।
रूढ़िवादी समाज के दहेज प्रथा,
अऊ ददा छाती पिरा म रोत हे।।

'पी एस नंद वर्मा'

"चिंता"

पल भर में ख्वाबों वाली घर बना लिए,
तनहा में चिंता तन को आग लगा दिए।

वो सफर स्कूल कॉलेज और दोस्ती गिरी,
समाज कि सामाजिकता से दिमाक फिरी।
किसी ने क्यों कहा तो किसी ने वो कहा,
समझ से परे राह बड़े और दिल भी घिरी।।

सुख समृद्धि और प्रसिद्धि वाला नवाब,
गले में माला चैन सहंशाह वाला जवाब।
लात मारते रहे वास्तविकता की बात को,
और संगत की रंगत है इश्क वाला शराब।।

"पी एस नंद वर्मा"

मेरी वाली हँसी