Chippy Angamaly

⚪ഉള്ളി വട ⚪
-------------------
ആവശ്യമായവ

1. കനം കുറഞ്ഞരിഞ്ഞ സവാള - 2
ഇഞ്ചി - ഒരു ചെറിയ കഷണം
വെളുത്തുള്ളി - 2
കറിവേപ്പില - 5-6
2. മുളകുപൊടി - 1/ 2 tsp
മഞ്ഞപ്പൊടി - 1/ 2 tsp
കടലമാവ് - 6 tbsp
അരിപ്പൊടി - 3 tbsp
പെരുംജീരകം - 1/ 2 tsp
3. മല്ലിയില - ഒരു പിടി
പച്ചമുളക് - 1
4. ഉപ്പ് - ആവശ്യത്തിന്
5. എണ്ണ - വറക്കാന് ആവശ്യം ഉള്ളത്

പാചകം ചെയ്യുന്ന വിധം

- ഒരു കുഴിയുള്ള ചട്ടിയില് എണ്ണ ചൂടക്കുക
- മറ്റൊരു പാത്രത്തില് ഒന്നാം ചേരുവകള് ചെര്ർത്തു ഞരടുക
- ഇതിലേക്ക് രണ്ടാം ചേരുവകള് ചേർത്ത് ഇളക്കുക
- ആവശ്യം എങ്കിൽ മാത്രം ഒന്നോ രണ്ടോ tsp വെള്ളം ചേര്ക്കുക
- മുന്നാം ചേരുവകളും ചേർത്ത് ആവശ്യം പോലെ ഉപ്പും ചേര്ക്കുക
- ഒരു സ്‌പൂണ്‍ കൊണ്ട് കോരി ഒന്നൊന്നായി ചൂടായ എണ്ണയിലിട്ടു ഇളം ബ്രൌണ്‍ നിറം ആകുമ്പോള് വറത്തു കോരുക
- മുകളില് ചെറുതായി നുറുക്കിയ മല്ലിയില ഇട്ടു അലങ്കരിച്ചു വിളമ്പുക

♨ഞണ്ട് ഉലര്‍ത്തിയത്‌♨
-------------------------
1. നല്ല ദശയുള്ള ഞണ്ട് 500 ഗ്രാം
2. ഗരംമസാല, കടുക് ഒരു ടീസ്പൂണ്‍ വീതം
3. മഞ്ഞള്‍പ്പൊടി ഒരു നുള്ള്
4. വെളുത്തുള്ളി ആറ് അല്ലി
5. പച്ചമുളക് നാലെണ്ണം
6. കുരുമുളക് അഞ്ചെണ്ണം
7. തേങ്ങ ചിരവിയത് ഒരു തേങ്ങയുടെ പകുതി
8. വെളിച്ചെണ്ണ 10 ടീസ്പൂണ്‍
10. കറിവേപ്പില രണ്ട് തണ്ട്
11. ഉണക്കമുളക് , ഉള്ളി (അരിഞ്ഞത്) രണ്ടെണ്ണം വീതം
രണ്ട് മുതല്‍ ഏഴുവരെയുള്ള ചേരുവകള്‍ അരകല്ലില്‍ ചതക്കുക. ചട്ടിയില്‍ എണ്ണയൊഴിച്ച് ചൂടാകുമ്പോള്‍ കടുക്, കറിവേപ്പില, മുളക്, ഉള്ളി എന്നിവയിട്ട് മൂപ്പിക്കുക. അതിലേക്ക് കഷണങ്ങളാക്കിയ ഞണ്ടും ചതച്ചുവെച്ച ചേരുവകളും ഉപ്പും ചേര്‍ത്ത് പാകത്തിന് വെള്ളമൊഴിച്ച് ചെറുതീയില്‍ വേവിക്കുക. വെള്ളം നന്നായി വറ്റിച്ച് തോര്‍ത്തിയെടുക്കുക. ഇറക്കിയ ശേഷം അഞ്ച് ടീസ്പൂണ്‍ വെളിച്ചെണ്ണയൊഴിച്ച് നന്നായി ഇളക്കി ചൂടോടെ ഉപയോഗിക്കാം

കൂവ കുറുക്കിയത്
----------------------------
തിരുവാതിരയുമായി ബന്ധപ്പെട്ട വിഭവമാണ് ഇത്.

വേണ്ട സാധനങ്ങൾ:
1. കൂവപ്പൊടി 1 കപ്പ്‌
(പറമ്പിൽ നിന്ന് പറിച്ച് കഴുകി, തൊലികളഞ്ഞ്,ഗ്രൈന്ററിൽ നല്ലവണ്ണം വെള്ളം ചേർത്ത് ചതച്ച്,നൂറെടുത്ത്പല ദിവസങ്ങളിലായി നിഴലത്ത് വച്ചു തയാറാക്കുന്നതാണ് ശുദ്ധമായ കൂവപ്പൊടി)
2. ശർക്കര(നന്നായി പൊടിച്ചത്) – 1 കപ്പ്‌
3. ചിരകിയ തേങ്ങാ(കഷണങ്ങൾ ഇല്ലാതെ) 1/2 കപ്പ്‌
4. ഏത്തപ്പഴം(നാലായി കീറി ചെറുതായി കനം കുറച്ചു നുറുക്കിയത്) – 1 എണ്ണം

പാചകം ചെയ്യുന്ന വിധം:
ഒരു കപ്പ്‌ കൂവപ്പൊടി നാലിരട്ടി വെള്ളത്തിൽ കലക്കി അടുപ്പത്ത് വച്ച് ഇളക്കുക. തീയ് തീരെ കുറച്ചിടുക.അത് വെന്ത് കുറുകിവരുന്ന സമയം പൊടിച്ചുവച്ച ശർക്കര അതിലേക്കിട്ടു നല്ലവണ്ണം ഇളക്കുക.ശർക്കര നല്ലവണ്ണം അലിഞ്ഞുചേർന്നാൽ പാത്രം താഴെയിറക്കി വയ്ക്കാം.പിന്നീട് ചിരകിയ തേങ്ങയും നുറുക്കിവച്ച പഴംനുറുക്കും അതിലേക്കിട്ട് നന്നായി ഇളക്കി യോജിപ്പിക്കുക. കൂവ കുറുക്കിയത് തയാർ..!!

🎈പ്രിയ സുഹൃത്തേ താങ്കള്‍ക്കും കുടുംബത്തിനും എന്‍റെ ഹൃദയം നിറഞ്ഞ പുതുവത്സരാശംസകള്‍ ..🎈

🌴കോക്കനട്ട്‌ ലഡു🌴
-----------------------

ചേരുവകള്‍:
നാളികേരം - 3 എണ്ണം
പഞ്ചസാര - 1/2 കിലോ
ഉണക്കമുന്തിരി - ആവശ്യത്തിന്‌

തയ്യാറാക്കുന്ന വിധം:
നാളികേരം ചുരണ്ടിയെടുത്ത്‌ ഉരുളിയിയോ ചീനിച്ചട്ടിയിലോ അടുപ്പത്തുവച്ച്‌ ചെറുതീയില്‍ പാകമാകുമ്പോള്‍ പഞ്ചസാരപ്പാനി ഒഴിച്ച്‌ നുല്‍ പരുവമാകുമ്പോള്‍ ഇറക്കി ഉണക്കമുന്തിരി ചേര്‍ത്ത്‌ ചെറു ചൂടില്‍ ലഡുവിന്റെ ആകൃതിയില്‍ ഉരുട്ടി ഉപയോഗിക്കാം. ഏലക്ക ചേര്‍ത്ത്‌ രുചിയും മണവും വ്യത്യാസപ്പെടുത്താം

👌ബീഫ് കട്ട്ലെറ്റ്👌
------------------------

ആദ്യം വലിയ ഉരുളക്കിഴങ്ങ് (കാല്‍ കിലോ) കുക്കറില്‍ നല്ല പോലെ വേവിച്ചു ചൂടാറാന്‍ വെക്കുക. അരക്കിലോ ബീഫ്, മസാലകള്‍ എല്ലാം ചേര്‍ത്ത് നല്ലപോലെ വെള്ളം വറ്റിച്ചു വേവിച്ചെടുക്കുക. വേവിച്ചെടുത്ത ബീഫ് ചീനച്ചട്ടിയില്‍ നല്ലപോലെ വറുത്തു കോരുക.
വറുത്തു കോരിയ ബീഫ് മിക്സിയില്‍ അരച്ചെടുക്കുക. (വളരെ അരയാതെ, തരി തരി പോലെ അരച്ചെടുക്കുക.)മൂന്നു - രണ്ടു സവാളയും പച്ചമുളക്, ഇഞ്ചി, വെള്ളുത്തുള്ളി കറിവേപ്പില എന്നിവയും കൂടെ, സവാള നന്നായി വേവുന്നവരെ വഴറ്റി എടുക്കുക. (ഇതില്‍ എണ്ണ കൂടാതെ നോക്കണം. എണ്ണ കൂടിയാല്‍ പിന്നെ കത്ലട്റ്റ് മാവിന് ലൂസ് വരും.)ഇതിനിടയില്‍ നേരത്തെ മാറ്റി വെച്ച ഉരുളക്കിഴങ്ങ് തൊലി കളഞ്ഞു ഒരു മരതവിയുടെ സഹായത്തോടെ ഉടച്ചു ഉടച്ചു എടുക്കുക.(മിക്സിയില്‍ ചേര്‍ത്ത് അരക്കരുത്) ഇനി സവാള വേവിച്ചത് എടുത്തു മിക്സിയില്‍ വെച്ച് അരക്കുക. ശേഷം, ഉരുളക്കിഴങ്ങ് പൊടിച്ചതും, ബീഫ് പൊടിച്ചതും മസാല പൊടിച്ചതും കൂടെ മാനുവല്‍ ആയി മിക്സ് ചെയ്യുക. ഇഷ്ട്ടമുള്ള രൂപത്തില്‍ പരതി എടുത്ത്, മുട്ടയുടെ വെള്ളയില്‍ മുക്കി, റസ്ക് പൊടിയില്‍ ഉരുട്ടി എടുത്ത്, ചൂടുള്ള എണ്ണയില്‍ ഇട്ടു വറുത്തു കോരുക.

⛲ലെമണ്‍റൈസ്⛲
------------------------

ചേരുവകള്‍:
ബിരിയാണി അരിയുടെ ചോറ് സാധാരണയായി ഉണ്ടാക്കിയത് രണ്ടു പ്ലേറ്റ്.
നാരങ്ങ നീര് അഞ്ചു സ്പൂണ്‍
കടുക് അര ടേബിള്‍സ്പൂണ്‍
മൂന്നു വലിയ സ്പൂണ്‍ നെയ്യ്
വറുത്ത ഉലുവയുടെ പൊടി-മൂന്നു വിരലുക്കൊണ്ട് എടുത്ത നുള്ള്
ഉഴുന്ന് പരിപ്പ് രണ്ടു വലിയ സ്പൂണ്‍.
മഞ്ഞള്‍ പൊടി ഒരു ടേബിള്‍ സ്പൂണ്‍.
കായപ്പൊടി മൂന്നു വിരലുകല്‍ക്കൊണ്ട് എടുത്ത പിടി.
വറ്റല്‍ മുളകിനെ 10 കഷ്ണങ്ങള്‍ ആക്കുക. (5)
ഒരു സ്പൂണ്‍ പഞ്ചസാര.
സവാള, അണ്ടിപ്പരിപ്പ്, മുന്തിരി എന്നിവ വറുത്ത് (നിങ്ങളുടെ ആവശ്യത്തിനു അനുസരിച്ച്)
കറിവേപ്പില - 2 തണ്ട്
എലക്കപൊടി ഒരു സ്പൂണ്‍.
ഗ്രാമ്പൂ. നാലെണ്ണം.
കറുക ഇല ഒന്നോ രണ്ടോ....
ഉപ്പു - ആവശ്യത്തിനു

തയ്യാറാക്കുന്ന വിധം:

ചോരുണ്ടാക്കാനുള്ള പാത്രം ചൂടാവുമ്പോള്‍ അതിലോട്ടു നെയ്യ് ഒഴിക്കുക. ശേഷം കടുകും ഉഴുന്ന് പരിപ്പും വറ്റല്‍ മുളകും ചേര്‍ത്ത് കാടു പൊട്ടിക്കുക. ശേഷം കറിവേപ്പില മഞ്ഞപൊടി ഉലുവപ്പൊടി കായപ്പൊടി എന്നിവ ഇട്ടുകൊടുക്കുക. ശേഷം, നാരങ്ങാ നീരും പഞ്ചസാരയും ഏലക്കാ പൊടിയും ഗ്രാമ്പൂവും കറുകഇലയും ചേര്‍ക്കുക.
ഇനി, ചോറ് ചേര്‍ത്ത് നന്നായി ഇളക്കുക. അടിയില്‍ പിടിക്കാതെ നോക്കുക. ചെറുതീയില്‍ അഞ്ചു മിനിറ്റ് ഇളക്കിയതിനു ശേഷം ചൂടോടെ പാത്രതിലോട്ടു മാറ്റുക.
വറുത്തു വെച്ച സവാളയും, മുന്തിരിയും, അണ്ടിപ്പരിപ്പും കൊണ്ട് മേല്‍ഭാഗം അലങ്കരിക്കുക. ആവശ്യമെങ്കില്‍ കുറച്ചു മല്ലിയിലയും, തക്കാളിയും അലങ്കരിക്കാന്‍ വേണ്ടി ചേര്‍ക്കാം.
ഇത്,പൊരിച്ചു വെച്ച കോഴിക്കറി ചേര്‍ത്ത് കഴിക്കാന്‍ നല്ല രസമാണ്.

🍴പിസാദോശ🍴
--------------------

ചേരുവകള്‍:
1. അരി മാവ് - 1 കപ്പ്
2. സവാള ചെറുതായി അരിഞ്ഞത് - 1 കപ്പ്
ഇഞ്ചി അരിഞ്ഞത് - ഒരു ചെറിയ കഷണം
തക്കാളി ചെറുതായി അരിഞ്ഞത് - 2 വലുത്
ഉപ്പ് - പാകത്തിന്
വെള്ളം - പാകത്തിന്
3. മുട്ട - 2
4. എണ്ണ - ആവശ്യത്തിനു
5. മല്ലിയില അരിഞ്ഞത് - പാകത്തിന്

പാകം ചെയ്യുന്ന വിധം:
ഇത്രയും സാധനങ്ങള്‍ ഒരുമിച്ച് കുഴച്ച് ദോശയ്ക്ക് മാവ് കലക്കുന്നതിനെക്കാള്‍ അല്പം കൂടി കട്ടിയായി കലക്കുക
ദോശക്കല്ലില്‍ എണ്ണ പുരുട്ടി മാവിന്‍റെ കൂട്ടൊഴിച്ചു തിരിച്ചും മറിച്ചുമിട്ട്‌ ചുട്ടെടുക്കുക .
അലംകരികാനായി പകുതി കുക്ക് ആകുമ്പോള്‍ മുകളില്‍ നീളത്തില്‍ അരിഞ്ഞ തകളിയും ,ഉള്ളിയും , ക്യപ്സികവും .. ഇടവുനതാണ് ..

♨ഇറച്ചിപ്പുട്ട്♨
--------------------

ചേരുവകള്‍:
അരിപൊടി - രണ്ടു കപ്പ്‌
തേങ്ങ- മുക്കാല്‍ കപ്പ്‌
ഉപ്പ്- പാകത്തിന്
ഇറച്ചി - അര കിലോ
മുളക് പൊടി - രണ്ടു ടേബിള്‍ സ്പൂണ്‍
മല്ലി പൊടി- ഒരു ടേബിള്‍ സ്പൂണ്‍
മഞ്ഞള്‍ പൊടി - അര ടീസ്പൂണ്‍
മസാല പൊടി - ഒരു ടീ സ്പൂണ്‍
വെളുത്തുള്ളി - അഞ്ചു എണ്ണം

പാചകം ചെയ്യുന്ന രീതി
ഇറച്ചി കൊത്തിയരിഞ്ഞ് മൂന്നാമത്തെ ചേരുവകളും പാകത്തിന് ഉപ്പും വെള്ളവും ചേര്‍ത്ത് വേവിച്ചെടുക്കുക. അരിപ്പൊടി ഉപ്പും വെള്ളവും ചേര്‍ത്ത് നനച്ചുവെയ്ക്കുക. പുട്ടുകുറ്റിയില്‍ ചില്ലിട്ട് തേങ്ങയും അരിപ്പൊടിയും
ഒപ്പം ഇടയ്ക്ക് ഇറച്ചി വേവിച്ചതും ചേര്‍ത്ത് ആവിയില്‍ പുഴുങ്ങി എടുക്കുക.

🍞ബ്രെഡ്‌ പക്കൊട🍞
---------------------------

വേണ്ടവ:
ബ്രെഡ്‌ കഷ്ണങ്ങള്‍ ആറെണ്ണം
കടലമാവ് 100 ഗ്രാം
ഉരുളക്കിഴങ്ങ് മൂന്നെണ്ണം
കടുക് അര സ്പൂണ്‍
മഞ്ഞപൊടി അര സ്പൂണ്‍
മുളക്പൊടി രണ്ട് ടീസ്പൂണ്‍
ഉപ്പു ആവശ്യത്തിനു
പാചകയെണ്ണ അരലിറ്റര്‍

പാച്ചകംരീതി:
ബ്രേക്ക്‌ കോണ്‍ ടു കോണ്‍ മുറിക്കുക.
കടലമാവ് ഉപയോഗിച്ച് വളരെ വെള്ളം കൂട്ടാതെ കരീം പോലെ ഉണ്ടാക്കുക. അതില്‍ ഉപ്പും മുളക് പൊടിയും ചേര്‍ക്കുക.
ഒരു ചട്ടി ചൂടാക്കുക.
കടുക് പൊട്ടിക്കുക.
മഞ്ഞപ്പൊടി, മുളക് പൊടി അരിഞ്ഞുവെച്ച ഉരുളക്കിഴങ്ങ് എന്നിവ കുറച്ചു വെള്ളം ചേര്‍ത്ത് പൊട്ടിച്ച കടുകില്‍ ഇടുക. വെള്ളം വറ്റുന്നതുവരെ കുഴമ്പ് രൂപത്തില്‍ വേവിക്കുക.
ബ്രെടിന്റെ ഒരു കഷ്ണം എടുത്തു ചട്ടിയിലെ മസാല ആ ബ്രെഡില്‍ പരത്തുക. അടുത്ത കഷ്ണം എടുത്തു അതിന്റെ മേല്‍ഭാഗം മൂടുക.
ഇനി ഇവ, കടലമാവ് പേസ്റ്റില്‍ മുക്കി ചൂടാക്കുക.
കുറച്ചു ടോമടോ സോസ് ഉപയോഗിച്ച് കഴിച്ചുനോക്കൂ......
ഇഷ്ട്ടപെട്ടെങ്കില്‍..... ഇഷ്ട്ടപ്പെട്ട്..... അത്രതന്നെ...........

🍝ഊത്തപ്പം🍝
-----------------

സേമിയ - ഒരു വലിയ ഗ്ലാസ്സിൽ നിറച്ചും എടുക്കുക. അല്ലെങ്കിൽ നൂറു ഗ്രാം എടുക്കുക. വറുത്ത സേമിയ ആണെടുത്തത്. അവിടെ വറുത്ത സേമിയ ഇല്ലെങ്കിൽ സേമിയ എടുത്ത് അല്പം നെയ്യൊഴിച്ച് വറുക്കുക.

അരിപ്പൊടി - സേമിയ എടുത്ത ഗ്ലാസ്സിൽ ഒന്നേ കാൽ ഗ്ലാസ്. അല്ലെങ്കിൽ നൂറ്റമ്പത് ഗ്രാം. ഇവിടെ പുട്ടുപൊടിയാണെടുത്തത്. പുട്ടിനുവേണ്ടി വറുത്ത അരിപ്പൊടി. സാദാ അരിപ്പൊടി ആയാലും മതി.

വലിയ ഉള്ളി/സവാള - ഒന്ന്. ചെറുതായി അരിയുക.
പച്ചമുളക് - മൂന്ന്. വട്ടത്തിൽ, ചെറുതായി അരിയുക.
മല്ലിയില - കുറച്ച്, ചെറുതായി അരിയുക.
കറിവേപ്പില - കുറച്ച്, ചെറുതായി അരിയുക.
ഇഞ്ചി - ഒരു കഷണം, ചെറുതായി മുറിച്ചെടുക്കുക.
ജീരകം - കാൽ ടീസ്പൂൺ.
കായം (പൊടി) - കുറച്ച്.
തൈര് - ഒരു ഗ്ലാസ്.
തേങ്ങ - തേങ്ങാക്കഷണങ്ങൾ ചെറുതായി അരിഞ്ഞത് കുറച്ച്.
കുരുമുളകുപൊടി - അല്പം.
തക്കാളി - ഒന്ന്.
ഉപ്പ്.
നെയ്യ്/വെളിച്ചെണ്ണ.

എല്ലാം കൂടെ ഒരുമിച്ച് ചേർക്കുക. യോജിപ്പിക്കുക. അല്പം വെള്ളം ചേർത്താലേ ശരിയാവൂ. വെള്ളം ചേർത്ത് ഒഴുകിനടക്കാത്ത പാകത്തിൽ, കുറച്ചു കട്ടിയിൽ കലക്കിവയ്ക്കുക. വെളുത്തുള്ളിയുടെ സ്വാദ് ഇഷ്ടമുള്ളവർക്ക് അതും കൂട്ടാം.
കുറച്ചുനേരം വച്ചാലും കുഴപ്പമില്ല. അപ്പോത്തന്നെ ഉണ്ടാക്കിയാലും കുഴപ്പമില്ല.
ദോശക്കല്ല് ചൂടാക്കി മാവൊഴിക്കുക.
വെളിച്ചെണ്ണയോ നെയ്യോ മുകളിൽ പുരട്ടുക.
വെന്തുവന്നാൽ മറിച്ചിടുക.
തീ അധികം കൂട്ടിവയ്ക്കേണ്ട. ഉള്‍ഭാഗം നല്ലപോലെ വേവണം.