Fr Prashant IMS

2026 സെപ്റ്റംബർ 24

2026 സെപ്റ്റംബർ 24
🙏🌹🍃എന്‍റെ നാമത്തില്‍ നിങ്ങള്‍ എന്നോട് എന്തെങ്കിലും ചോദിച്ചാല്‍ ഞാനതു ചെയ്തുതരും.🍃🌹🙏🏻
യോഹന്നാന്‍ 14 : 14

🙏സ്നേഹപിതാവായ ദൈവമേ ഈ ദിവസത്തിന്റെ ആദ്യ നിമിഷങ്ങളിൽ വിശ്വാസത്തോടെ അങ്ങയുടെ മുന്നിൽ ഞാനണയുന്നു. എന്റെ കഴിവിൽ കവിഞ്ഞ എല്ലാകാര്യങ്ങളെയും അങ്ങയുടെ സന്നിധിയിൽ സമർപ്പിക്കുന്നു. എനിക്കു തനിച്ചു പോരാടാനാവാത്ത യുദ്ധങ്ങളും ഉത്തരം നൽകാനാവാത്ത ചോദ്യങ്ങളും ഉണ്ടെന്ന് അങ്ങേയ്ക്കറിയാമല്ലോ. എന്നാൽ അങ്ങേക്ക് അസാദ്ധ്യമായി ഒന്നുമില്ലെന്ന് ഞാൻ വിശ്വസിക്കുന്നു. 🙏

🙏എന്റെ ജീവിതത്തിൽ ആശങ്കകളും അസ്വസ്ഥതകളും നൽകുന്ന എല്ലാ സങ്കീർണ സാഹചര്യങ്ങളിലും അങ്ങയുടെ ഇടപെടലിനായി ഞാൻ പ്രാർത്ഥിക്കുന്നു. എനിക്കു താങ്ങാനാവാത്ത ഭാരങ്ങളും എന്റെ മുന്നിലെ അടഞ്ഞ വാതിലുകളും അങ്ങു കാണുന്നുണ്ടല്ലോ. വഴിയില്ലാത്തിടത്തു വഴിയുണ്ടാക്കുവാനും അടഞ്ഞ വാതിലുകൾ തുറക്കുവാനും കഴിവുള്ളവനാണല്ലോ അങ്ങ്. ക്രമം വേണ്ടിടത്ത് ക്രമവും സമാധാനം വേണ്ടിടത്ത് സമാധാനവും നൽകി ഞങ്ങളുടെ ജീവിതങ്ങളെ അങ്ങ് പരിപാലിക്കണമേ. 🙏

🙏എന്റെ ജീവിതത്തിലെ സംഭവങ്ങളിലുള്ള അങ്ങയുടെ പദ്ധതി തിരിച്ചറിയുവാനും അങ്ങു ഒരുക്കുന്ന വഴിയിലൂടെ സഞ്ചരിക്കുവാനും എന്നെ സഹായിക്കണമേ. ഇതാ ഞാൻ എന്റെ ജീവിതത്തെ അതിന്റെ എല്ലാ ഉയർച്ച താഴ്ചകളോടും സമർപ്പിക്കുന്നു. നാഥാ സ്വീകരിക്കണമേ.🙏

IMS അമ്മേ ഞങ്ങളുടെ ആശ്രയമേ.🙏
സ്നേഹാദര പൂർവ്വം പ്രശാന്തച്ചൻ

https://youtu.be/QRXd33a8Uhs?si=F3OFlIR8AK-SlSSt

ദൈവ മഹത്വത്തിലേക്ക് / പ്രശാന്തച്ചൻ ഓർമ്മകളിലൂടെ # Snehadhara Channel. Enjoy the videos and music you love, upload original content, and share it all with friends, family, and the world on YouTube.

2026 സെപ്റ്റംബർ 23

2026 സെപ്റ്റംബർ 23
🙏🏻🌹🍀 ഇസ്രായേലിന്‍റെ രാജാവും രക്ഷകനും സൈന്യങ്ങളുടെ നാഥനുമായ കര്‍ത്താവ് അരുളിച്ചെയ്യുന്നു: ഞാന്‍ ആദിയും അന്തവുമാണ്. ഞാനല്ലാതെ മറ്റൊരു ദൈവമില്ല. 🍀🌹🙏🏻(ഏശയ്യാ 44 : 6)

🙏പിതാവും പുത്രനും പരിശുദ്ധാത്മാവുമായ ത്രിയേക ദൈവമേ അങ്ങയെ ഞാൻ ആരാധിക്കുന്നു, സ്തുതിക്കുന്നു. അങ്ങയുടെ ഛായയിലും സാദൃശ്യത്തിലും ഞങ്ങളെ സൃഷ്ടിച്ച പിതാവായ ദൈവമേ, പാപം ചെയ്തു പിതാവിന്റെ സ്നേഹത്തിൽനിന്നും അകന്നുപോയ ഞങ്ങളെ രക്ഷിക്കുവാൻ തിരുവുള്ളമായ പുത്രനായ ദൈവമേ, ഇന്നും പാപത്തെക്കുറിച്ചും നീതിയെകുറിച്ചും ന്യായാവിധിയെകുറിച്ചും ഞങ്ങളെ പഠിപ്പിച്ചുകൊണ്ട് തിരുസഭയെ നയിക്കുന്ന പരിശുദ്ധാത്മാവായ ദൈവമേ അങ്ങേയ്ക്കെന്നും ആരാധനയും സ്തുതിയും സമർപ്പിക്കുന്നു. 🙏

🙏ദൈവമേ മൂന്നുപേരും സ്നേഹത്തിൽ ഒന്നായിരിക്കുന്നതുപോലെ ഞങ്ങൾ അങ്ങയോടും ഞങ്ങൾ പരസ്പരവും സ്നേഹത്തിൽ ജീവിക്കുവാൻ ഞങ്ങളെ സഹായിക്കണമേ. സ്നേഹിക്കാൻ ഒരായിരം കാരണങ്ങൾ ഉണ്ടായിരുന്നിട്ടും നിസ്സാരമായ കാര്യങ്ങളുടെ പേരിൽ അകന്നു കഴിയുന്ന എല്ലാ സഹോദരങ്ങളെയും സമർപ്പിക്കുന്നു. 🙏

🙏 ദൈവമേ വ്യക്തികളെയും കുടുംബങ്ങളെയും സമൂഹങ്ങളെയും രാജ്യങ്ങളെയും സ്നേഹത്തിൽ ഒന്നിപ്പിക്കണമേ. ദൈവമേ, മുറിവേറ്റ മനസ്സുമായി ഒറ്റപ്പെട്ടുപോയ എല്ലാ മക്കൾക്കുംവേണ്ടി പ്രാർത്ഥിക്കുന്നു.🙏

🙏ത്രിയേക ദൈവത്തിലുള്ള ഐക്യത്തിൽ എല്ലാവരും സ്നേഹത്തിൽ ജീവിക്കുവാനും പരസ്പരം മനസിലാക്കുവാനും അംഗീകരിക്കുവാനും ഉള്ളു തുറന്നു സംസാരിക്കുവാനും അനുഗ്രഹം നൽകണമേ. അടുത്തിരിക്കുമ്പോഴും മനസ്സുകൊണ്ട് അകന്ന് ജീവിക്കുന്ന എല്ലാവരെയും സമർപ്പിച്ചു പ്രാർത്ഥിക്കുന്നു. പിതാവായ ദൈവത്തിന്റെ മകളും പുത്രനായ ദൈവത്തിന്റെ മാതാവും പരിശുദ്ധാത്മാവായ ദൈവത്തിന്റെ മണവാട്ടിയുമായ പരിശുദ്ധ അമ്മ തന്റെ മാദ്ധ്യസ്ഥത്താൽ ദൈവമേ, അങ്ങയുടെ സ്നേഹത്തിലേക്ക് ഞങ്ങളെ നയിക്കുമാറാകട്ടെ.🙏

🙏തൻ്റെ പുത്രനെ ഞങ്ങൾക്കു നൽകിയ പിതാവിനു സ്തുതിയും കുരിശുമരണത്താൽ ഞങ്ങളെ രക്ഷിച്ച പുത്രന് ആരാധനയും, രക്ഷണകൃത്യം പൂർത്തിയാക്കിയ പരിശുദ്ധാത്മാവിനു സ്തോത്രവുമുണ്ടായിരിക്കട്ടെ. ആമ്മേൻ🙏

IMS അമ്മേ ഞങ്ങളുടെ ആശ്രയമേ.🙏
സ്നേഹാദര പൂർവ്വം പ്രശാന്തച്ചൻ