Inuunerup Titarneri

Ajornerpaamik eqqarsarsinnaaguit, soormi ajunnginnerpaamik eqqarsarsinnaassanngilatit?

Eqqarsaatissiissut:
Uumasut suulluunniit piaqqatik nakkutigeqqissaartarpaat 🐶🐱🐣🐠

Soormitaavaana inuit ilaasa meeqqatik nakkutigeqqissaarneq ajoraat? 👶🏻

Unnukkut ullaakkullu imillattaaligara 🥰

Juulleriartornerani juullimut qilanaartuutigalugu, nuannersumik juulleriartornissaanut pikinissamut qilanaarnaq 😍

Akui:
Havremælk (tiitorfimmut) (aamma immuk alla atorsinnaavoq)
Ca. Alussaateeraq ingefær aserortigaq
Ca. Alussaateeraq ulikkaarnagu gurkemeje (friskmik peqaruit taanna innersuunnarpoq)
Ca. Alussaateeqqap affaa kanelit
Ca. Qasilitsut ilivitsut (ammalortut) ca. 6
Alussaateeraq 1 honning

Tamaasa kissallugit akuliuteriarlugit imeriaannanngussaaq (uanga si-mut “akui” peertarpakka)

Imerusaarlugu eqqissinaq 🥰 mamaq 👍 peqqinnaq 🌟 Innersuunnaq 🥛

Juullerpalaarusukkuit peqqinnartumik imigaqarlutit - takanna 😉

Ilaatigut iluaqutai:
Nervesystem eqqissisartarpaa, immunforsvari nukittorsartarpaa, unnukkut eqqissisimanerulersitsisarpoq sinilluarnartumik, naat “pullattarnerat” annikillisittarpaa, timimi aseruunnerit akiortarpai, timip sukkoqarnera stabiliserertarpaa, amermut iluaqutaavoq, ilaana iluaquterpassuarpoq 🥰

Qujanaq 🌟❤️

Inuusuttuuguit (ingammik suli 18-nik ukioqalinngitsoq) suli ilinniakkamik naammassinninngitsoq, imatut siunnersorlakkit:

“Ilinniakkamik naammasseqqaarlutit, atorfittaareeruillu meerartaarnissat siunniuguk. Ilinniartuulluni meerartaarluni akiligassarpassuit malinnaalersarput. Taamaammat aningaasatigut isertitassatit qulakkeeqqaarukkit, meerassappit atugarissaarnissaa aamma qulakkeerinneqataaffigissavat” 🌟🌱🇬🇱

Akisussaaffeqarluarluta perorsaasa 🌟
Del 🫶

⭕️⭕️⭕️⭕️⭕️⭕️⭕️

Qujanaq oqallittorpassuarnut meeqqioqqusisunullu 😅✌🏻Uanga aamma nammineerlunga ilinniaatigalunga meeqqiorpunga, aamma ajunngilaq 😅❤️.

Imaanngilaq siunnersuut ataasiinnaq ajunngitsuusoq. Aamma inunnut ataasiakkaanut una tutsinneqassanngilaq, tamanna siunertaanngilluinnarpoq.

Tupassutigaarali akeqqersuutitut allaat ilaatigut oqaasertalersorneqarmat 💔

Akisussaaffeqarluta angajoqqaajulluarisa ❤️🫶✌🏻
⭕️⭕️⭕️⭕️⭕️⭕️⭕️

Sesamimik immuliaq🌱🌟

Nersussuup immuanut taarsiullugu sesamfrønik immuliaq nammineq sanasinnaavat.

Imaaliussaatit:

Sesamfrøt alussaateeqqat marluk immiartorfimmut ulloq ataaserluunniit imermut kinillugit aqilisassavatit, aalatillattaarlugit.

Aqaguani kinitatit - imertaa ilanngullugu (ca.3 dl) blendtissavatit, aamma aserorterissutitut smothieliuut atorsinnaavat.

Mamassusissaa eqqarsaatigalugu honning imaluunniit vaniljeskukker akorisinnaavatit.

Blendtereerpat annoraamininnguamut imaluunniit si atorlugu imertaa immikkoortissavat.

Taamaalillutit uku mineralit pissavatit: calcium, magnesium, jern, zink, fosfor aammalu omega-6, antioxidantillu.

Immuk una laktosefriuvoq aammalu veganiulluni.
Takanna🫶

Siunnersuutitsialak - uanitsup aappalaartut “qalipai” iginnagit tiiliarikkit 👍

Uanitsup aappalaartup “qalipai” (1–2, økologiskiusut atussallugit ajunnginnerupput (økologiskiunngippata imermut salilluarneqassapput)
• ca. 500 ml imeq atussavat
• Eqqissisimaarnissannut pitsaanerusumik, immaqaluunniit mamarsaatiginerunissaanut citroni, imaluunniit ingefærimik akusinnaavat, aamma honningilersinnaavat.

🥣 ima iliussaatit:
1. Uanitsup aappalaartup “qalipai” imermut salikkit.
2. Imeq ca. 10-15 min uanitsup qalipai ilanngullugit qalaartiguk. Imeq taarsitillugu qalatinneqassaaq.
3. Qalatinneqareerpat unitsillugu qalipai peerneqassapput (si atirsinnaavat)
4. tiitugassat piareerpoq

💡 siunnersuutit:
• Ullukkut unnukkullu kissartumik imertaruk, eqqissisimanissannut iluaqutaassaaq
• Anginerusumik sanasinnaavutit, taanna toqqorsinnaavat sap.ak. 2–3 missiliorlugit
• Uanitsup qalipaata sinneri panerteriarlugit aserorterlugit krydderitut atorneqarsinnaapput aamma suppe-mut imaluunniit nerisassanik pinnersaataatutut atorsinnaavatit.

Iluaqutitai:

🌿 1. Antioxidantin annertuut

Uanitsup qalipai quercetinimik annertuumik imaqartarput – tassa taanna timip cellianik illersuutissanik peqarluartoq. Tamanna iluaqutaasarpoq:

• Timip aseruunnissaraluanut akiuussutissaqartittarpaa (anti-inflammatorisk)
• Timip akiuussutissaanut iluaqutaalluni
• Cellit navianartunik sunnertinneqarnissaannik pinngitsoortitsisarluni

🍵 2. Tiiutillugu imaluunniit suppinut atorneqarsinnaavoq

Uanitsup qalipaa qalatillugu tiitut imaluunniit miseqqap akussaatut bouillon-tut atorneqarsinnaavoq. Tamanna iluaqutaasinnaavoq:
• Quersornermi
• Sinissamut pitsaasumik sunniuteqartarluni
• Unnukkut eqqissinerunissamut iluaqutaalluni

🧬 3. Taamaammat tarnikkut timikkullu peqqinnermut iluaqutaavoq🥰

♻️ 4. Atoqqinneq – atuilluartuunermut atatillugu

Uanitsup qalipai igittariaqanngillat – atorneqarsinnaapput:
• Suppenut imaluunniit miseqqamut akugalugit
• Tiitugaralugit

Unnussiorluarisi, sinilluarisilu🥰👍

Unnummut 10 minut ilinnuinnaq atoruk:

Eqqissillutit issiaffigisinnaasannik nassaarit.
Isitit matukkit, itisuumillu anersaartorlutit.
Imminut aperigit:

💓Sugaangama inuullunga, piumassuseqarlunga misigisarpunga?
💓Suna inuuninni ornigivara amigaatigalugu?
💓Ornigisannut qanoq iliuuseqarnissara aallartissinnaavara? Annikitsunnguarluunniit allannguut aallaqqaasiutaasinnaavoq.

Imminut malugilluarina 💞

Naggussatit qerattariartorpata, imaluunniit anniarisalerukkit, taava misiliguk imaaliorlutit:

Qajuusat sukkullu nerissaakkit.
Ullaakkut imeq citronilerlugu, piumaguillu ingefærilerlugu imertaruk.
Ulluunerani 8 tiimip iluani nerigit, piffissallu sinnerani timippit eqqissulluni sulinissaanik periarfissillugu.
Innaleruit qasilitsut angisuut ammalortut 6-8 amerlassusillit imermik illulerlugit iikkit.
Vitaminitortarit.
Ullormut minnerpaamik 10.000 allornerit imaluunniit 5 km pisuguk / arpaguk👍

Ullormut imertorluarlutillu tiitorsinnaavutit, aamma kaffi 🥰 qujamasunnermik akullugit😍🥰👍

Unnussiorluarisi / aqagu ulloq atorluarisiuk🩷💙

💭 Unilaarneq 💭

Suna tamarmi ingerlarsuinnaavippat qanoq ilillunga angumerissagakkit?

Unilaarnerit - kingumut qivialaarluni, oqaloqatigiilaarluni inuunerup ingerlarsorsimaneranik qivialaarluni - aah oqaloqateqarluni eqqissiallannaq.

Angusaqarsimaneq, allanngorsimaneq, paasineqarneq, siunnerfeqalerneq sorpassuillu unilaarluni oqaloqatigiinnermi angumerineqarsinnaapput💭🩷

Pisariaqartitsineq tamatigut ersittanngilaq. Nalunngisatta piffissaqarfiginerunissaat aammalu qanoq innerannik aperilaartuarnissarput eqqaamajuartigu🩷

Meerarisat pisunik tamanik apeqqusiisinnaanngorlugu perortiguk👍

Sooq tamanna pingaaruteqarpa?

Tamanna pingaaruteqarpoq, ilisimasat aaliangiinissamut tunngavissat amerlanerusinnaaqqullugit💖

Soorlu aperisinnaasariaqarli: “Sooruna qinngasaareqqusaanngitsugut?”

Taava qinngasaarinerup kingunerisinnaasai suunersut qallorsinnaanngussavasi oqaloqatigiissutigalugillu, ilisimalikkanilu tunngavigalugit iliuuseqarsinnaalissaaq.

Joorut apeqqarissoq ilaaqattaassallugu pitsassuuvoq 🥳

Ullut tamaasa pitsaanerusussaq pillugu immitsinnut sanilitsinnullu aperisarta 👍 tamatta meeraanikuuvugut🥳🥰

Inuuvutit nuannersoq 😊

Inuuvutit saaffikkuminartoq 🙂

Inuuvutit isumassarsinartoq 😉

Inuuvutit qiimasoq 😍

Inuuvutit oqaluukkuminartoq 🤩

Inuuvutit silatooq 🤓

Inuuvutit ajunngitsuliorumatooq 🥰

Inuuvutit asanartoq 🥰

Qujamasunnaqaaq taamaattuugavit💖

Inuit allat pillugit illit ullut sequmeqinagu💙

Namminneq oqaatsitik pigaat 💖