ALFA

‘Eqqissiviitsoq’-mi aalliortup nassuiaataa:

Uani saqqummersitassatsinni nipilersuusiap taallartaa oqaluttuarilaarusuppara.💜

Ullutsini qujanaqisumik imminortarneq, imminoriartarneq, inoorusukkunnaartarneq, traumat, tarnikkut nappaatit eqqartorneqartalernikuupput.

Uani taallami eqqartorneqarpoq inuunermut (inunngortillugu) isumakkeerfigeqquneq, inuuneq qimakkusussimagaluarlugu maanna inoorusulluni isumakkeerfigeqquneq.

(Uannut saatillugu)
Inuuninni depression aamma angst initoorujussuupput. Inoorusukkunnaarnerlu takkuttarluni. Allaammi killissara tikikkaluarpara tunniutiinnarlunga. Taamaammat bandeqatikkalu oqaloqatigiittarnitsinni eqqaavarput “ajortorsuaq” tiguaasartoq (‘ajortup tiguarmanga’ taallaq tassuminnga oqaluttuarpoq) aqutsisimatillugu inuttut kukkussutit, kanngusunnerit, anniarnerit, kamannerit sakkortusangaarmarta eqqartornissai sapernartartut. Iliuutsit ajortuliarisat kukkussutillu allat qimarratiginiarsaralugit inuunerlunneq ajorsigaluttuinartillugu eqqissiviilliulerneq misigilerlugu. Tassa imminut qiviarnissaq “ersigisallu” ilutsinniittup “demon’ip takunissaa ersigalugu allamut qimaaniarsarineq (imigassaq, ulapipilunneq, sulipilunneq, atoqateqarneq allarpassuillu…) atornerlullugit inuuleqqaneq.
Taamaammat uani taallami qamaniittoq “demon”-neq akimut ilineqarpoq (face your fear) oqaluullugulu aqutsinera naammattoq!

Uagut timerput/qarasarput “demon”-ip sanngiifgitsinni atuinnartarpaa, taamaammat uagut “demon”imiik pissaaneqarneruvugut. Timerput atunngikkuniuk pissaaneqanngiivippoq. Taamaammat uagut inoorusulluta eqqissillutalu inoorusulluta pissaaneq tigusinnaavarput demon pissaaneerullugu.💜

Imatut paasillugu: inuuneq artornarsinnaaqaaq. Imminornerli aqqutissaanngilaq.❤️‍🩹 Ikiortissarsiorneq imminut ikiorneruvoq kanngunartuunngitsoq. Ajortuliorsimaguit imminut isumakkeerfigisinnaavutit inuunermullu pitsaanerusumut alloriarlutit. Kukkussutit fokusererfiginagit alloriarfitit fokusererfigigukkit qanoq nukittutiginerit malugilissavat. Tassanilu pingaarnerpaaq tassa imminut asallutit isumakkeerfigisinnaanngussaatit sanngiiffinni kukkussuteqarsimagavit.❤️‍🩹

Taamaammat demon’it qamaniittuutitit illit kisivit pissaaneerutsissinnaavatit.💜

Soorunami nammineq taallaq qanoq paasissanerlugu kiffaanngissuseqarputit aamma.😎

Uninngasaqattaareerluta kiisamiuna suliaqartugut.😎
Ullut makkua single’liliorluta immiussisaarpugut. Qaqugumita ALFA single saqqummissava.😉😎

Julimi aamma bassertorput inuuiani pilluaqquarput.💙
(Aallaqqanerup nalaani nalliuttoq allanngitsoornikuugama) Alfred Victor Hansen

Ullumikkut guitarertorput inuuissiorpoq. Pilluaqquarput.💙🎸 Josva Kristian Møller

Qangamita ikkussigama.😎
Ullumi sungiusarneq alianaallunilu nuan.! Single’liassaq sammineqarpoq.😎🤘🏼

Qangamita sungiusaratta.!!😎 Uninnganikuulluta piffissaq sivisooq. Taamaammat nuannisaratta.😍

Tamassi ukiumut nutaamut iserluarisi.❤️

Ukioq nutaami nutaanik suliaqarnissaq pilersaarutaavoq.😎

Uninngagallarneq iluaqutaareerluni, aallartisaqqinnissarli qilanaarnaqaaq.🫶🏻

Ullumikkut saqqummersitsinniik ukioq ataaseriikatappoq.🥳😎

Erinarsortup Ullap ilinniarfimmini ulapinnera peqqutaalluni sungiusartarnerit uninngagallarput.😁
Piffissarngasiit nallerumaarpoq pileraaaruteqaqqilernissatsinnut.🫶🏻