Ilagiit

“Ersigissanngilatit
uanga najorakkit annaatissallutillu”
oqarpoq Naalagaq. (Jer.1,8)

Taamaattumik nakimaatsuunersi igitassatut iperarniaqinasiuk, angingaartumik akissarsiassartaqarmat.

Nikallujuissusermi atorfissaqartipparsi Guutip piumasaa iliuuserisinnaajumallugu neriorsuutigisaalu pissarsiaralugu (Hebr.10,35-36)

Illilli qinunialeruit ininnguannut iserit matulu matullugu, Ataatannullu isertortumiittumut qinugit. Ataatavillu isertortumut isigisup akilissavaatit. (Matt.6,6)

»Naalagaq« tassa Anersaaq, Naalakkallu Anersaavata najuuffigisaaniippoq kiffaanngissuseq.
(2 Kor.3,17)

Siullermik Atassut sinnerlugu Inatsisartuni ilaasortaq Aqqalu C. Jerimiassen qutsavigissavarput, Ilagiit sinniiseqarneq qanoq pitsanngorsaavigisinnaanerlugu apeqquteqaat aallaavigalugu oqallisissiaqarmat.

Tamanna tikilluaqungaarparput, ilisimasagullu tamannguisa atorlugit nalimmassaanissamut suleqataanissamut kajumikkatta naqissuseqqikkusullugu.

Inatsisartuni partiit oqaaseqartui tusarnaarpagut, qujavugullu susassaqarfitta Ilagiiunitta pingaaruteqarneranik inuiaqatigiinnilu toqqissinartumik katersuuffiunerput naqissuserneqarmat.

Biskoppeqarfimmi, Provsteqarfinni, Palaseqarfinnilu minnerunngitsumillu Ilagiit sinniiseqarfinni (inoqarfinni) ilaasortat tamatta immersueqataarusuppugut.

naalakkanut marlunnut kiffartorsinnaasoqanngilaq.

Aappaami uumigiguniuk aappaa asassavaa, aappaa tulaavigiguniuk aappaa asiginnassavaa.

Guuti mammonilu tamaasa kiffartorfigisinnaanngilasi. (Luk.16,13)

Naalagaq tassa seqineq eqqortinnaveeqqullu,
Naalagaq saammaannermik naalannaammillu tunisisaraaq.
Assuarnaallutik inuusut
sumik ajunngitsumik erliguutissanngilai. (Tuss.84,12)

Nanertuutigisat Naalakkamut tunniuguk,
taava isumagiumaarpaatit.
Iluartoq patajatinngisaannassavaa. (Tuss.55,23)

Siornatigut taarmiugaluarassi maanna Naalakkami qaamasormiuvusi. Taava inuugitsi qaamasup qitornaasut,
qaamasup inerititai tamatigut tassaammata ajunngitsuuneq, iluarneq ilumoornerlu. (Ef.5,8-9)

Guutilli naalagaaffia iluarneralu ujaqqaarsigit, taava tamakku tamarmik ilanngullutik ilissinnut tunniunneqarumaarput. (Matt.6,33)