One Little Room

超邪惡意粉登場

饞嘴人士必食推介。
至於減肥嘅話……我哋menu都仲有其他選擇嘅😂

今個星期五、六、日限定供應


#圖片係自己影
#指令講明唔可以執張相
🤣
Illustrator 設計

🤣

今日年青同事講開先知，原來係各社交媒體嘅諾定咸港人group，大家討論緊呀Gao 同 Kit Mak嚟咗One Little Room拍嘢食嘢，唔怪之得早兩日有啲啲忙😂
抱歉我哋呢啲死老嘢😆嚟到英國之後一個港人group都冇入過，
不過又好彩好多客人都會同我哋分享唔同嘅資訊，大家真人見面傾，總好過網上匿名講咗當真吓嘛😎
我哋冇乜將件事特別攞嚟宣傳，真係冇乜大不了，得閒我都匿喺廚房望吓一日四季嘅天氣，幾時有陽光走出嚟，即刻去後花園影吓相打吓龍仲開心🥰

#遠離是非明哲保身
#其實我哋以前仲多訪問
#除咗平面媒體網媒


#遺憾係冇永恆嘅亞視😅
#其實今次接受訪問
#最大目的唔係做宣傳
#係俾喺香港嘅親友可以喺電視睇到我哋生活安好
#其實影相打龍係可以減壓
#同年青同事講啲相冇乜特別
#係霎眼嬌
#佢唔明咩係霎眼嬌
#咪就係得個靚唔襟擺😂
#用呢三個字咪證明我係死老嘢囉🥳

真正嘅藝廊

迎接第四個夏天，我哋終於叫做執企理咗個走廊同埋花園😮‍💨

成個過程好有藝術氛圍

我哋開始執好個架擺唔同代表舖頭嘅物件做少少裝置，花園後面Mosaic art 嘅Anna又擺少少嘢出嚟，我哋繼續油吓油，掛幅裕民坊清拆前影像嘅puzzle，佢又掛咗一幅好勁嘅馬賽克作品，大家不停用自己嘅作品做互動，好似返返去以前跟唔同藝術家聯展係gallery交流咁😊

#物以類聚人以群分


#其實我都係藝術家脾氣
#即係寸嘴硬頸黑面
#所以我明白同理解其他藝術家成日俾人誤解
#只不過率直真我

每次做訪問都可以比自己Review下有冇咩做得唔夠好，同時提醒一下自己嘅幸運，要學懂感恩

#傾咗一日偈
#完晒後仲要慢慢清場
#又真係幾攰
#唔知點解無啦啦用英文介紹業主出場😅
#個人嚟講唔係貪舖頭可以曝光
#係希望俾喺香港嘅親友見到我哋生活尚好
#大家都要好好生活

慢慢執，逐啲執。
大家行去花園享受陽光及咖啡嘅時候，經過走廊可以欣賞吓😊

十餘年塵封，木紋之間早已滲入時間的氣味，那雕龍雕鳳的線條，未曾褪色，只是靜候一個合適的年代。當年收起，不是遺忘，而是知道風未起，浪未成。如今再展，刀痕如舊，氣勢反更沉穩——潛龍有悔，方知天時；一朝出匣，才算真正重出江湖。

#文筆唔好冇本事寫到咁勁
#高人贈字
#好天攞出嚟洗乾淨
#10年前返北拱街舖頭嘅時候喺路邊執返嚟
#一直喺唔同舖頭嘅後欄及雜物房封塵
#香港舖頭唔做一次過船運過嚟
#終於重見天日啦

最近睇得太多AI圖同AI設計
有時反而想影返啲簡單啲乾淨啲嘅畫面，認真睇返啲真實嘅透視距離🙂
希望過多幾年，仲有人記得攝影嘅存在

#歡迎大家嚟舖頭尋貓

當年今日，原來15年前係北京影樓幫客人影過呢張婚紗相😄

影婚紗相唔一定唯美，加少少生活感，少少幽默，小小反差，15年後睇返依然唔老土🤨

當年北京嘅影樓裝修緊，咁啱又要影新娘相，誠邀幾個裝修師傅一齊上鏡，出嚟嘅配搭又幾得意

2011/2012 係我事業嘅分水嶺
由攝影慢慢轉型咖啡，冥冥中總有安排，最緊要平安和樂🙂

住諾定咸嘅朋友可能都已經去咗好多次鹿仔公園+蝙蝠俠大宅，
原來中部最大嘅森林公園Sherwood Pines Forest Park都唔係好遠，
幾適合小朋友去放電😆

Easter Opening Notice
復活節營業通知

We’re OPEN as usual this Easter holiday!
Closed on our regular days:
Monday & Tuesday

復活節假期照常營業
逢星期一、二例休

三月最後一個營業日，迎來一位外國客人，點了一碟不算熱門的 Spaghetti Aglio e Olio（欖油蒜香意粉）。

隔咗冇耐，年輕女同事走落嚟廚房，話客人好喜歡碟意粉。佢係意大利西西里人，欖油蒜香意粉係佢哋好地道嘅食物。佢讚我哋做得好好，好 traditional，意粉嘅硬度、個碟、個 proportion 都做得好好，煮得好好食。仲話，竟然喺 Mapperley 可以食到咁傳統嘅家鄉食物，好感謝我哋，仲話下次一定會帶埋媽媽同女朋友過嚟食。

之後我上樓上，嗰位西西里客人再同我講多一次同一番說話，好感受到佢係認真讚賞，唔係本地人嗰啲 “Fantastic”、“Lovely”。佢連個碟都可以俾到意見，就知道係認真。

最早出呢碟意粉時已經講過：越簡單平凡，越見真功夫。

其實我冇懷疑過自己啲嘢食，經常都有唔少客人讚賞，但由一個意大利人去讚賞自己煮嘅意粉，感覺真係幾開心。

#其實喺茶記以外幾時食過一大碟意粉
#點解覺得英國意粉平就要俾多啲
#我哋用緊嘅意粉一啲都唔平
#其實係講緊個 proportion 適唔適合
dente