Nabil Dmb

إن لله و إنّ إليه راجعون زوجة خالي في ذمة الله دعواتكم لها برحمة جزاكم الله 🤲

عيد سعيد من حدود ألمانيا
كل واحد يقلنا وين معيد

في مثل هذا اليوم ثالث من شهر رمضان توفي أبي رحمه الله برحمته الواسعة 😢 دعواتكم له جزاكم الله خيرا 🤲

ثلاث أيام فراش دعواتكم جزاكم الله خيرا راني مريض بزاف 🥹🤲🏻

دعواتكم لإبني مريض جزاكم الله خيرا 🤲🥺

بما أن الأنستغرام راح من غدوة و روح نبدا نحط فيديوهات على صفحة الفايسبوك إن شاء الله و نخلطوها غي هنا و صايي كما من قبل ههه
تحياتي من أستردام هولاندا 🇳🇱

ساعة ساعة نتفكركم ونقول نجي نسقي عليكم و إن شاء الله راكم بخير و على خير ؟ كاش برد عندكم ولا والو ؟؟

راح نصارحكم من قلبي و بنيتي و نقلكم علاش توقفت على اليوتيوب في 2021 و سوشيال ميديا و نتمنى تكملو تقرو واش راح نكتب حتى للأخير و بارك الله فيكم

في أفريل 2020 توفى أبي رحمه الله و من بعد دخلت في ديبريسيون كبيرة و من بعدها إبتليت بمرض و بعض المشاكل وين خلاوني بعدت تقريبا سنتين على اليوتيوب الأنستغرام إلخ.. كنت متمني نرجع و مين قررت للأسف حطيت بعض الفيديوهات و لكن مستوى سوشيال ميديا الجزائري مع التيكتوك و للأسف طاح حتى و إن مانيش باغي نقول أشياء أخرى و مانطيحوش من مستوانا و مستوى متابعين تاوعنا و لهما أنتم إخوان و أنتم تعرفون كميت إحترامي لكم مايخلينيش نروح نعمل محتوى تافه وين أولًا ناس نساوني شوية ماعادا بعض مزال أوفياء وين إلى يومنا هدا مزال يعقلو عليا في الشارع و بلخير الحمد لله وًهذا يشرفني وين قلت نخلي بلاصتي نقية و ندير سطوريات فقط مرة مرة أحسن من ندير محتوى باش ندير فقط و مانبانش في وسط غابة معمرة بالتيكتوك و بعض الفيديوهات التي لا تشرفنا
إذا هاذا هو السبب ! و الله متمني نرجع بقوة لوكان لقيت إلتفاتة من المتابعين باش تعاود تطلع القناة تاعنا على اليوتيوب فقط و نكملو في فيديوهاتنا القديمة كما سمعنا القرأن و عرفنا على تقافتنا و نشيدنا و و .. حول العالم
لكم الخط و كتبولي رأيكم في الكومونتار و الله يعطيكم الخير
و في الأخير نقلكم سمحولي نعم عذرا لأنني تخليت عليكم 🙏🏼 دعولي بالخير ❤️ تحياتي لكم من سويسرا أخوكم نبيل 😊

أيقونة وهران و أحد رموز المدينة عمي موسى ينتقل إلى رحمة الله 😔
دعواتكم له بالرحمة ولجميع أموات المسلمين 🤲🏻

الكثير منكم سألني على الأخ بدرو و علاش مراهش يبان ؟؟
بعد لقائنا الأخير حكالي الأخ بدرو حكايته و أتفهم وضعيته وقالي نبيل خويا لن أرجع بثاثا على سوشيل ميديا و لن أكون على اليوتيوب و و .. خونا بدرو عتزل نهائيا و لن يكون فيها يوميات لايف بدروغرافيك من سلوفينيا للأسف !! راح نلتقي معه في سلوفينيا قريبا إن شاء الله و نديرلكم لايف أخير معه من قلب طبيعة سلوفينيا وراح يكون ربما أخر مرة يكون فيها معانا 🥹 هذا هو جديد بدرو خونا و تحياتي لكم ❤️ نبيل 😊