Lami Methodist Church

EDA VAKA TATABU SAKA JIKO NODRA SA MAI KACI NA KALOU KINA DUA NA BULA YAGA ENA NONA LOTU ,WARAI NI DAU YALI ENA VEI GAUNA E DAU KACI KINA NA KALOU, SE MANI VAKA CAVA NA DRAKI E BASIKA TOKA GA MAI ME TOKONA TIKO NONA KACI NA KALOU...SA KAINAKI ME SA KUA NI SOLI KA KUA NI VAKAI TAVI ENA TALIVUNAU...SA QAI MALA NI NODRA VOSA "ME QAI YAGA E VEI NA VO NI BULA QO"
MOCE MADA MARAMA MATAQALI.

Greatful till the end for God's unconditional faithfulness and love.

Lotu ni vakatawase ena Lami Methodist Church .

Vakanuinui vinaka vei kemuni kece na noqui tokani. Me noda vata na kalougata ni yabaki vou, vakacakacaka kei na vuli.

Emeni

"Sa kalougata na mataqu sau raica nai sereu ni Kalou." Joeli Pulu Talatala Jolame Lasawa - Vunivola Levu ni Lotu Wesele

KORONIVULI NI TOVO VINAKA: YAVUTAKI MAI NAI VAKAVUVULI VAKATINA NEI SUSANA WESELE ENA NODRATOU MATAVUVALE:

I KAU:
E sa toro cake na talaidredre kei na leqa ni Tabagone e Viti. Eda sa raica na levu ni vakavuvuli vakalotu ka sega ni laurai e na nodra i tovo vinaka na luveda ena noda Viti lomani. Na vakaloloma ni vanua era sega ni vakabibitaka nai tovo vinaka me vakavulici ena loma ni noda vei matavuvale. Nai tovo Vakavanua, Nai tovo vakalotu ka yavutaki enai Vola Tabu kei na noda maroroya na Lewa Vaka Matanitu. Sa dodonu me tauyavutaki edua na Koronivuli me vakatavuvulitaka nai Tovo Vinaka. - "SCHOOL OF GOOD MANNERS."

Eda sa vakadinadinataka talega na Leqa era sa sotava tiko nai Tabagone ena loma ni noda veimatavuvale, Loma ni Vei-Tokatoka, Vei-Mataqali, Vei-Yavusa kei na Vei-Yasana ena Vanua ko Viti.

Au sa vakauta tale yani qori nai vakavuvuli se na veika edau vakamareqeta me vakabibitaka ko Susana Wesele ena nona bula vakatina ena nodratou loma ni Vale na Wesele. Au vakauqeti keda na Lewe ni Lotu Wesele meda sa yadrava na nodra bula na Luveda ena vuvale kei na noda Veikoronivuli ni Lotu Wesele.

Au nuitaka nira na vakavulici kina na Luveda ena Time management and good responsible discipline living. Me qarauni sara nai vakavuvuli eda vakavulici ira kina na Luveda ena noda veimatavuvale.

Mera kalougata tiko na Luveda ena ivakavuvuli eda vakavulici ira kina kei na nodra MACAWA NI SIGA TABU NI GONE ENA 2023:

NAI VAKAVUVULI I SUSANA WESELE: NA TINAI TALATALA JONE WESELE:

1. NA VULI VAKALOTU E VALE:

a. Na nona vakavulici ira na luvena ena gauna era sa rawa ni vosa kina mera cavuta na masu ni Turaga.

Oqo ena gauna ni nodra yadra kei na nodra vakarau moce.

b. Nodra lotu kei na same.

Mera wilika se lagata e dua na same, wilika e 1 wase ni Vola Tabu makawa, ka ra cavuta e dua nodra masu bera na gunu ti. Ni oti na vuli ena yakavi mera sasa yarua ka wilika e dua na wase ni same kei na dua na wase ni Vola Tabu vou.

c. Na kena vakabibitaki na Siga Tabu.

Mera vakaduiduitaka na Siga Tabu mai na veisiga tale eso. Gauna ni nodra lotu vakavuvale mera tekiduru ka ra qai vakaitavi.

2. NA VULI:

a. Na vuli sai koya e dua talega na takete levu ena vuvale.

Mai na 9am-12 pm kei na 2-5pm e vakatikitikitaka o Susana Wesele me gauna ni nodra vakavulici na luvena. Na vuli e tara e rauta ni tolu na vula ena loma ni 1 yabaki.

b. E dau qarauna ko Susana na nodratou tiko vakarorogo tiko ena gauana ni vuli ka sega na lako vakaveitalia.

Rawa ga ni qai tucake kevaka e dua na i naki vinaka. Kevaka e basuki na tikina oqo ena rawa ni tau vei koya na gone e dua na kena i totogi.

c. E raica ko Susana Wesele mera vakavulici na luvena mera kila na wili vola tekivu ena yabaki lima (5).

3. ESO TALE NA LAWA NI BULA VAKA I VAKARAU E VALE:

a. Na noda vakavulici ena bula vakaituvatuva.

•E vagaunataki na ka mera vakayacora ena veisiga. Gauna mera vakacegu kina vakalailai, gauna ni vuli, gauna ni kana kei na gauna ni moce.

b. Qarauni na i vakarau ni nodra bula yadudua na gone.

•Na nodra muri lomadra na gone, raica ko Susana ni vurevure levu ni valavala ca. •Vakavulica na nodra rawa ni vakatulewa vinaka ena nodr bula vakatKi ira.

c. Nodra vakavinavinakataki na gone ni ra sa cakava tiko na ka e gadrevi ki vei ira.

Mera qai moica e dua na ka se nai moimoi matau kevaka era vakacalakataka e so na ka lavaki ka vakayalo qaqataki ira mera sasaga ki liu.

d. Bula vakaivakarau e tiki ni bula bibi ena veituberi.

Qo e dua na ka bibi vei Susana. Kevaka e so na cala sega ni nakiti, ena tiko talega nai tavi mera vakananumi kina na gone.

e. Na nodra vosoti na gone.

Vakabauta ko Susana na nodra rawa ni vosoti na luveda ena i karua ni gauna era cakava kina e na cala vata ga.

f. Na bibi ni bula vakanomodi e vale.

Nodra vakavulici na gone me ra rawata na bula vagagalu me vaka ga e sega ni dua na tamata e tiko voli e vale.

4. GAUNA NI MOCE:

a. E dua na gauna namaki na gauna ni nodra moce na luvena.

•E ra vakayakavi e na 6 kaloko.
•Na nodra vakautaki ki na nodra moce tekivu ena 7, vei ira na gone lalai, ia e na 8 sa dodonu mera sa moce taucoko sara se o vinakata se sega. Mera dau dabe vakamalua voli ga ena gauna era yadra voli kina vakavo ena gauna ni nodra moce.

b. E vagaunataki na nodra davo ka moce vakalekaleka na gone lalai.

5. NA LAWA KEI NAI TOVO NI KANA:

a. Qo e gauna vakavuvale ka sega kina na yakusurasura.

Gauna ni vakayakavi era dabe vata kei ira na ka lalai ka ratou dabe veivokati me rawa ni ra vakaraici ira voleka tiko. Rawa ka ni o qai dabe ena teveli kevaka o sa rawa ni tara nai saqa kei sevuni.

b. Sega na kana ena maliwa ni kana.

c. Sega ni ra digitaka na ka mera kania na gone, ka ra vakavulici mera kania na ka ga sa buta mai me laukana.

d. Ni dua e via tauvimate sa na soli e dua na mena wainimate ka sega ni dredre na kena tauri baleta ni ra vakavulici me ra kania se gunuva ka ka sa biu yani mera vakayagataka.

6. NAI TOVO VINAKA:

a. E ra vakavulici na luvei Susana Wesele mera dau vakayagataka na vosa kerekere ena ka era vinakata.

b. Mera kakua ni dau lasu. E uqeti ira na luvena ko Susana mera tukuna na ka dina kara n sega ni kuita e na qàrauna mera kakua ni lasu ni ra rerevaka na kuita.

c. Mera kua ni dau tara vakaveitalia e dua na ka ka sega ni nodra kevaka era sega ni nodra.
Oqo e dua na volau ka ta mai kina ko Nai talatala Jone Wesele, ena yaga meda dikeva na matavuvale Lotu Wesele nai vakavuvuli ena noda veimatavuvale.

E dau vakananuma lesu ko nai talatala Jone Wesele na siga ni nona veibulu kina marama tinana, Susana Wesele ena i 1 Okosita, 1742.

Meda dau nanumi ira na tinada kei nai vakavuvuli sa yavu dei ni bula eda sa taukena ena gauna oqo.

MO NI KALOUGATA NA GONE ENA NOMUNI TALAIRAWARAWA KIVEI IRA NA MARAMA DAULOLOMA KA TINAMUMI!

Rev. Inia Mavai
Vuna Circuit-Rewa Division
Sawani Village.